好到底麵家

營業中

休息中

元朗好到底老字號懷舊麵店，今日食咗炸醬撈麵🍜淡淡的蕃茄醬味道🍅酸甜清香，每一口都能感受到肉絲的嫩滑，麵質彈牙爽口，煮得剛好，搭配一碗香濃湯底，更是絕配😜😋湯底香氣濃郁，增添了豐富度和層次。😆這道炸醬撈麵具有濃厚的懷舊風味，彷彿回到了童年時代的味蕾記憶。無論是味道還是口感，都令人滿意。麵店的裝修簡單，是60年代的木桌木椅子，有地面和一樓兩層，一樓的送餐服務非常特別，是在地面用一部小型升降機送到一樓，忘記拍照😆😆

今日竹竹去學野，所以又係獨食時間！好耐冇食好到底，但其實佢唔太抵今日介紹佢2款野食，魚丸湯同水餃佢個水餃係魚皮水餃尼餐牌由細食到佢大都係呢個裝修，冇變過有得上去食最中意坐呢d細枱仔！食物升降機淨水餃（黑色係木耳/雲耳）切咗分唔到，好特別好爽口！魚丸湯（驚喜！）係幾好味！🥇裏面啲肉汁好好食！（不過我有點豉油，加胡椒粉）最近無啦啦中意食野加胡椒粉魚丸湯，今日叫$25，因為想食2款野單：埋單$63（一個人食）今日獎牌：🥇

由細食到大，由事頭婆掌舵到依家一直keep 住有幫襯，好多人話變左，尤其攞左米芝蓮越來越差。最近，我有去幫襯，我碗面未食好，抹下鼻，突然問都未問過我就收走我碗面啦，我咪講我未食完架！！之後只講唔好意思😒，完全食到冇晒心情！！後尾先知，換左老闆，唔怪得知啦🙄

係元朗行街見到呢間歷史悠久嘅麵檔而且發現係米芝蓮推介所以好好奇咁入咗去食唔知係咪太期望有點失望點知試左，冇特別想幫襯第二次我覺得稱唔上米芝蓮推介出邊好多好食過佢大把推介叫咗個雲吞豬手麵麵生菜，淨水餃個面好重鹼水味雲吞唔夠出邊鋪嘅彈牙水餃都好一般，仲要比雲吞貴豬手話可以都夠腍不過不失，不過真係稱唔上米芝蓮。服務方面，食得呢啲麵都唔會特別有啲咩期望。

啲味變晒質，成個製作方式唔同咗，啲湯同面變晒味。以前啲湯好清而有味道同滾，而家係湯無味....重點係以前嘅無䶨水味..啲面有鹼水味，總之隻味係完全唔同晒，只係保持到爽嘅口感。但啲面已經同其他鋪頭食無分別，有啲難食...之前內地客勁多，為咗做多啲生意，佢哋啲面似係分兩次煮，上到嚟枱已經糊糊地，但起碼保持了面的味道。前排無晒內地客，終於回覆番晒水準，即叫即煮，好味！點知事隔一季，可能係要控制成本，湯變咗，靈魂嘅面條已經變晒。可惜可惜，而家係成碗面唔同晒味。無鹼水味嘅鹼水面本來係好到底嘅賣點，亦係我唯一一間可以食倒無鹼水味面嘅地方，係歷史嘅味道。而家，已經變到同其他大量生產嘅面店無分別，所有嘢粗製，為達至最佳嘅成本效益。而大部份熟客都已經係8，90歲嘅公公婆婆，佢哋自然食唔出有咩唔同。只係喺我問起店家啲面唔同咗嗰陣，佢哋自然自言話係有啲唔同。成碗面喺我面前，但我無半點食慾.啲面完全唔得，啲餃其實還好，係啲皮有啲硬咗。由一碗面16蚊食到變34蚊，結果係咁嘅結局。可能係全香港嘅問題，畢竟食店要達到最大收益，好嘢都只能向錢看，人情味的話，你就想到別想。或許對熟客公公婆婆嚟講，味道不重要，只要有個地

這間麵店已經吃了很多遍，每一次都覺得好好吃。麵都是自製的，粗麵跟幼麵咬起來有質感，不會過淋或有鹼水味，豬手和牛筋都燘得夠淋，味道不會過鹹。雲吞和水餃都是每天新鮮包的，特別的是水餃是用上燕皮，內裡放上免治肉、蔥和蝦，饀的材料比例剛剛好，比較像魚皮餃，每次都是必點的🔥

好多朋友推介，話個雲吞麵超級好食，所以就去試吓。叫咗牛腩麵同雲吞麵，見枱面冇辣油，叫姐姐可唔可以比辣油，佢話得辣椒醬冇辣油， OK👌🏻，事出必有因，可能佢啲麵配辣椒醬會好食啲，所以我嘗試下。個牛腩非常非常非常一般，個面好好食👍🏻👍🏻👍🏻，冇鹼水味又爽，可惜個湯底好似我喺屋企煲嗰啲老火素湯咁，一啲都唔鮮，我唔排除好多人喜歡呢個湯底，但係我都係喜歡大地魚湯底，配雲吞麵再配雲吞。因為個牛腩非常一般，所以我心情已經唔係太愉快，這叫期望太高。雲吞當然有蝦有豬肉，但係真係冇咩特別⋯⋯我再試佢個辣醬，毫無驚喜。完。佢個面係好好嘅，再講一次，非常之爽又冇鹼水味，可以試下。

牛腩麵嘅幼麵好好食 夠曬彈牙 湯底係普通嘅腩汁 都唔錯 最值得講嘅係牛腩 佢嘅牛腩好好食 夠曬味又夠淋 有少少藥材味 好能好食 一碗有4大舊算多 但佢整體份量對一個成年男性嚟講就唔太夠 可能要加一加底😹魚丸米 唔同出面嗰啲 佢個魚丸係有料喺入面 大大粒咁 類似有啲肉燥包咗喺入面咁 一碗有4大粒 份量都夠 湯底係紫菜湯 夠味好食 但可以嘅話想要多少少紫菜 因為佢紫菜幾好食 值得一提嘅係呢到有舊式嘅玻璃樽裝可樂 仲要有zero 呢個位係有啲加分 有舊式香港粉麵檔嘅感覺👍🏿

上個月去咗睇《命案》，當中lokman飾演好到底麵家太子爺，令我醒起仲未出食評🤣最後天氣時凍時熱又焗又濕，都無乜胃口食飯，食麵就啱曬啦😚上網睇Michelin介紹先知原來1946 年老闆嘅爺爺已經喺博愛醫院附近用一枝擔挑經營流動麵檔，到後來喺1961 年買下現址嘅全棟物業😨 好到底麵家有超過七十年歷史，我個陣都係比麵家情懷吸引咗入去食😆水餃麵 $45雲吞麵 $34⭐️⭐️極度推薦⭐️⭐️好到底麵家有廠房係元朗，麵都係一條龍自家製，有品質保證👍🏻食落口感超爽，帶有蛋香，完全無鹼水味🤤湯底飲落無味精，帶有少少大地魚魚，好清甜🐟水餃用特製燕皮配合木耳、冬菇、蝦同豬肉🐖皮薄餡靚😍雲吞雖然唔係好大粒，但除咗豬肉，入面仲有成隻蝦同蝦籽🦐福州魚丸⭐️推薦⭐️福州魚九是福建省福州市的一道傳統地方名菜，屬於閩菜系😋實物與圖片相符，魚肉外皮好彈牙，咬開入面充滿豐富嘅肉汁，超級好食🥹大家睇完《命案》之後可以去好到底麵家食返碗麵打卡📷

元朗「好到底麵家」真係估佢唔到，原來係米芝蓮街頭小食推介。佢既成名作就係佢嘅「麵」，聽說一食佢碗麵，你就會停唔到口，有冇咁誇吖～叫碗試一試佢先，仲有佢既雲吞同蝦子在此店都非常有名氣的！食物方面，我點選了以下：簡簡單單嘅(雲吞麵），雲吞皮夠哂薄，啱啱好！餡夠飽滿，無馬虎，而且蝦質都彈牙喎。湯頭都ok wo,夠晒味！麵質真係唔錯唔錯，冇得彈，簡直係零鹼水味，食落又有彈性，口感真係一流。（真心推薦👍🏼）

新一年米芝蓮指南又出爐了，去開元朗就來試一試這間連續多年的推介食店。🌟店舖位於元朗大馬路附近佔兩層高，鄰近千色店，舖頭招牌醒目很容易找。內部裝潢很有舊香港的味道，店面雖然不大，但設有樓上座位。服務方面，食店人員動作利落，迅速。落單豬手麵後，更會貼心地擺放盛骨的碟。👍🏻👍🏻👍🏻這裡落單已改為電子方式，不再人手落單。看得出老店也會跟隨時代進步。🫢餐牌簡單，行貴精不貴多路線。(請參見附圖)味道方面，因各人口味有所不同，不作詳述。(請參見附圖)

係合益街市買餸，買到有d餓，好到底就係不二算，因為佢細細碗而且又快上。餐廳係舊唐樓下，除左門口個層，佢仲有2樓雅座🏘️懷舊既裝修，貫徹舊式，餐廳落單「快」「狠」「準」🔸雲吞麵，又稱細蓉（$32）Size比較適合女仔食，如果男仔可能要食2碗。雲吞有4粒，粒粒都皮薄餡靚，爽口彈牙👍🏻麵底係E到既必食之選，冇鹼水味，麵質彈牙，配上大地魚既湯底，係令我有衝動想飲晒佢🤭加上少少紅醋既食法，我係最鐘意架🍜

位於元朗老字號粉麵店，每一個角落都是歲月的見証，舊式年代的餐廳大門，磁磚牆身，更有樓上雅座，除了能吃到傳統味道外，更能置身於年代時空之中。____蝦子撈麵 HKD$ 60麵上佈滿了蝦子粉，蝦子味極香，配上爽口的麵底的確不錯，有點像吃小食一樣。而撈麵配上一配湯水，剛好減去口乾的感覺，開心。淨水餃 HKD$ 48一碗共有6隻水餃，水餃皮感覺像水皮餃，比較厚身。水餃餡料包括有蝦，木耳及豬肉，味道不俗。相信當中加入了豬油增加香味，所以吃上口感覺比較油膩，不太愛肥肥的朋友們要留意。____評價：⏱ 懷舊麵店❤️ 回憶的味道🏠 保留舊有裝修推介指數：❤️❤️❤️（五個心心為滿分）___地址： 元朗阜財街67號地舖

我地去左元朗嘅好到底麵家，呢度係一間老字號麵檔，由我細細個食到而家，一直都好鐘意佢地嘅雲吞麵！食麵前一定要飲啖湯，個湯底好清甜，雲吞又大粒，好好食！個面又好有口感，唔會一夾就斷！好正！豬手面都好好食，豬手好入味，feel到啖啖嘅骨膠原！炸醬麵亦都唔錯，但比較濃，唔係每個人都鍾意。食完一碗麵再飲返枝枝裝可樂，好滿足！最正係可以就咁買一盒雲吞返屋企！總括而言，好到底麵家真係一間好正嘅麵檔，係元朗嘅必食之地！😋🍜🥢

好到底麵家🍜元朗老字號麵家，1940年開業，至今已近八十年。阜財街店，開係一幢舊唐樓到，地下、二樓作廳面🫡利用大地魚做出魚湯湯底，味道清鮮，有種鄉土淳樸味，與別不 同，成為特色🥹所以同屋企人踩完單車，都專登走嚟試下🤫🍜🍜🍜🍜雲呑麵我同屋企人都最愛雲吞麵😎食雲吞麵一定要食麵底🤫一定要一定要🤤雲呑足料，一啖滿足，湯底如上講述，利用大地魚嘅鮮甜做咗個湯底，零味精，岩哂我呢種要飲湯底嘅人🥹麵底韌性十足，過水唔會太耐導致冧身👌🏻雖則份量唔係大大碗嗰種 重質不重量🥹 女仔黎講 普通一碗雲吞麵就岩岩好