好到底麵家

營業中

休息中

難得一連幾天假期, 放假當然出去搵食啦..哈哈今日特意去到元朗, 當然要食出名既好到底啦...已經有好幾年沒有食好到底既面食, 今日去到如常多人, 幸好一去到就已經有位二人叫了:牛腩伊水餃伊本人十分喜愛好到底既伊面, 因為真係好好味, 湯底更是值得一讀, 沒有濃濃既味精, 而牛腩食落好鬆, 水餃都吾錯, 食材明顯用料新鮮, 但唯一美中不足係太細碗, 可能這就是小食多滋味, 真令我十分回味

2009年4月5日是日早餐想係屋企煮,記起上個月係旺角始創中心買了一盒’好到底’蝦子寬條麵,一盒一斤裝(有14個), 42元,不如煮黎做早餐, 水滾後兩分鐘有得食,平時買開佢嘅幼身蝦子麵, 今次想試寬條麵,煮出來一樣無鹼水味, 重蝦子味,不過為了影相遲咗五分鐘食, 腍身咗,下次唔洗影相一定會好食d,有機會一定要去元朗老店食番餐.

吃過不濟的大排檔後，大家決定來一嚐元朗老字號麵家，咁出名，斷估都唔會太差。印象中幾年前是來過幫襯，大概也是水準不俗，但詳細就記不清楚。店鋪面積有限，七個人不能安排一齊坐，唯有男既一檯，女既一檯。瞄一瞄餐牌，我要個炸醬麵，同檯食友分別點了雲吞粗及幼麵，另加一碗蘿蔔牛腩share食。炸醬麵個麵底幾爽口彈牙，肉絲稔身亦入味，酸酸甜甜咁，很快食晒一碗。再講個湯，味道鮮甜，挺不錯。也試了一點食友的粗麵，十分爽口，要具彈性，果然有水準。聽講雲吞也做得不錯，只不過我對蝦敏感，即使食友豪一粒雲吞俾我，也無福消受。齊齊吃的蘿蔔牛腩，牛腩幾入味，只嫌稍韌了一點；蘿蔔則稔身，亦無渣，但不算清甜。說起蘿蔔，始終是車品品的最值得欣賞。每人廿蚊有找，抵到爛。兩餐咸點後，又係時候去慰藉大家的甜胃了。而我們選擇的吃甜品地方就是......SUZUKI!

住係元朗七年了,常在好到底買乾麵回家自己煮,佢Ｄ麵全皂水味,無論放湯或炒面都好好食,我每天都經過這裏,但昨天都是第二次到店內堂食,上次食過雲吞面,感覺雲吞普通, 今次叫咗蝦子撈麵,店內工作人員混亂, 在那裏坐低五分鐘,巳有送錯位兩次, 當時是下午兩点幾,又不是太多人,我既蝦子撈面也等了十五分鐘才送上, 麵質當然好食,蝦子帶点咸香(這是我第一次食蝦子),跟麵配合得好好味,但面份量不多,男士食一份可能不夠,食完後想買樽蝦子回家自己造,點知無貨. 有點真係要講,這裏服務員由落單,送餐,到收錢態度都勁差.....

我帶著8成飽來食元朗馳名的雲吞麵，男士一枱、女士們一枱各據一方，男士們當然一人一碗，我們細食的女士只叫兩碗大家同享。我試了一粗一幼的雲吞麵，先食粗的，很具彈性，可能麵身較闊，口感較為實在；再試幼的，麵條極富彈性及爽身程度更勝粗麵，而兩款麵沒有一種重重的梘水味。雲吞頓時變了配角，但亦不失皮薄饀爽。深橙的炸醬麵，酸酸甜甜味道幾得意。另外，男士們追加一個蘿蔔牛腩，我已無法容下了。

正月初七‧晴 來了元朗區找吃的，是日想在開始「消炭」前多吃一點澱粉質，第一站就來了這裡。未到十時，人客甚多，還好找到卡位坐下，例牌細蓉，再加個蝦籽蘿蔔。 這裡的細蓉是雲吞在底，麵在湯面的，加一只匙羹墊底，是正宗的格式。先吃麵，有油香又爽身，吃起來彈牙又沒有鹼水味，高質數；湯沒有什麼蝦籽香味，卻是很有大地魚乾的香味，沒有什麼味精的，也對辦；雲吞不是散尾的，但個子小小，肉跟蝦的比例是三比二，至少吃起來沒有吃蝦餃的感覺，也有肉香，很好。這裡的雲吞麵，仍然是掛頭牌； 很多人來這裡會吃蝦子撈，我當初來也是，但自從吃過蝦籽蘿蔔後就沒有吃撈麵了。大大件的蘿蔔上灑滿蝦籽，吃起來蘿蔔夠稔身，沒渣又鮮甜，加上鹹香有致的蝦籽，簡單而又非常美味，值得一試的。 埋單32蚊，不要看香港地雲吞麵舖很多，但如說吃正宗雲吞麵，數來數去也一隻手數完，這裡絕對是其中一間。 吃完雲吞麵，再吃下一站。

食物十分,態度零分！只是合格而矣！一席飯的時間,天堂與地嶽之間徘徊！傳統竹昇麵,超彈牙,沒有梘水味伙記慢吞吞,兼無咩禮貌招牌蝦子,頰齒留香,回味無窮收銀哥哥,黑口黑面,找錢時將硬幣大力拍在玻璃台上,令客人有受辱感覺湯底用蝦殼煲成,清香鮮甜老闆婆婆態度惡劣,客人購物時如要求和訊問多,定必惡言相向雲吞的蝦與豬肉的份量適中,細細粒容易食今時今日這樣的服務態度還可以嗎？食肆始終應以客為本,時代變遷,老一輩的食客過去,如不改善,長持下去只會走向衰敗的道路！如此美味的懷舊老鋪,可悲也！

路過打算取車,卻見到這店,很老式,感覺應該很好吃,縱管吃過勝利牛丸,也騰點位子給它.新春期間食物總是加價,這裏每款麵食也加$2.雲吞麵($18) - 麵是蛋麵,他們標榜沒有梘水,真的沒有. 但味道很淡,不論加多少醋也如是. 雲吞有五粒之多,很捨得.皮薄,餡料有蝦和豬肉,很傳統.味道亦不錯,比麵還好.水餃麵($22) - 一向不特別好水餃,但這裏的水餃亦不差,一碗也有五隻.沒有如想像中的好吃,可能之前已吃飽了一點點.另外,再一次證明地區不一定價錢平,單看這裏一碗水餃麵要$22,已是例子.推介說這裏的蝦子麵好吃,起初還覺得貴,一斤$40有大約有15-16個.還未試過不宜評論,但媽大讚包裝不錯.

住左元朗一排都唔知有間咁既麵家所以今日行過就去試下同老公一人要左碗雲吞麵 跟住再要多碗蘿蔔牛腩細細碗,一碗有5粒雲吞 好味蘿蔔牛腩就麻麻地 牛腩都夠淋既 但下次再去既話唔會再食囉好味 下次再試埋個蝦子麵同埋水餃麵

去元朗當然必買吳匡壁記既麵, 不過途中, 見到元朗阜財街既"好到底"原來唔止提供外賣, 仲有堂食, 好過癮呀, 橫掂o係大榮華唔好食得好飽, 所以入左去食左碗炸醬麵。我極少會食炸醬麵, 但都發覺呢碗炸醬麵同平時麵店o個d好唔同:1) 見到一條條豬肉條細細條2) 有洋蔥, 有番茄味, 似西式整法出面麵店o個d其實見到都唔係好開胃, 因為一pat pat, 用埋唔知咩肉。好到底呢碗就擺明比你睇到佢用既係咩料。好細碗, 熱熱既蛋麵o係底, 上面加左炸醬, 另上一碗細"上湯", $20。唔係平, 不過蛋麵完全無鹼水味, 爽口彈牙, 上湯飲完冇口渴喎。同行老公叫左雲吞麵, 不過落錯左單, 加上我已經食哂成碗麵都未到, 所以cancel 了。呢個麵店好鬼有feel, 成間花樣年華, 亞飛正傳咁既feel!奇: 點解呢度無辣椒油, 得辣椒醬既? 本身只係諗住買幾隻搖柱麵番屋企, 但發覺得佢既蛋麵都得wow, 買左一盒, $25。

好到底, 係元朗開業已有幾十年, 但我自己住左元朗超過20年, 都只係幫襯過幾次星期六, 要了一個淨雲吞 + 蝦子撈麵 共 $48淨雲吞, 湯底只係一般, 而且有味精雲吞好差, 蝦唔新鮮, 無味, 豬肉和蝦的比較大約係一半一半好在加了大地魚粉 (估計), 所以才不至於完全唔好食而且湯內加的係蔥, 唔係"九王" 唔魚正宗蝦子撈麵, 麵夠爽口, 蝦子份量唔算多, 但好有蝦子味而且好似落左少少豬油, 所以個撈麵好香但份量唔多夠一個蝦子撈麵+一碗淨雲吞 $48, 食左仲只係六分飽 我都已經唔係大食的人所以, 甘既價錢, 甘既水準和份量, 唔得值得推介俾大家一定要來試要食, 都只係食蝦子撈麵好了

同Daddy & Mummy 飲完茶後, 過嚟好到底買生雲吞和燕皮餃, 諗住返屋企自己煮嚟試吓燕皮餃應該係香港好少有得食, 燕皮係家鄉特產之一, 係用豬肉打成, 本身無咩味, 但質感特別, ,多數係只包豬肉放醋湯同吃好到底做法比較特別, 另類mix & match, 而且價錢唔平, 比生雲吞貴出一倍有多, 用料比雲吞多, 好明顯食到有荀, 但係我覺得皮同餡的味道唔係咁夾, 還是喜歡傳統的廣東水餃或家鄉肉燕多些雲吞細細粒, 一啖一個, 味道比燕皮餃討好, 這個不錯好同意門口阿婆收銀態度惡劣, 好無禮貌, 我問佢水餃係咪用燕皮包, 佢好大聲同無禮貌咁答我佢唔知, 心諗咁老字號的食店, 老員工竟然咁多年都唔熟舖頭賣咩, 難免令人失望同印象好差 再幫襯??? 應該唔會喇!!!

昨日一早入元朗做野，諗起未吃野，就去好到底拉，點了我形為最好吃的蝦子麵一碟…嘩，舖滿哂蝦子，望落去已流哂口水。炸醬麵一碗…雖然係細碗，但加埋個炸醬就會唔同，吃完已飽滯。價錢係值，值得再去。

好到底的蝦子麵，$17六個不算貴。食落雖然無鹼水味，亦算爽口彈牙，不過蝦子香味並不強烈，不算出色，只屬一般，有點失望。

　　很久沒往天水圍，因家住港島南面的關係，畢竟往新界西北，實在太遙遠，今天因假期關係，決定往濕地公園一遊，由金鐘乘坐967往濕地公園也挺方便，不用轉車，車程也不算太長，風景也不錯，巴士從西隧過九龍，途經葵涌貨櫃碼頭，遠眺青馬大橋及汀九橋，很快便達濕地公園，在這兒玩到黃昏才離開，準備餐肚。人生路不熟，也不知往哪裏餐肚，唯一認識的地方便是元朗大馬路，於是便乘輕鐵到大馬路搵食。　　大馬路比銅鑼灣、尖沙咀還要人多，可能是舊區關係，路窄加上人多，十分擠擁，於是往小路一鑽，見到一家麵店「好到底」，以前在一些食品推廣的地方，也見過這麵店展銷自家製的麵，種類十分多，原來這店還設有麵食，於是便往店內一試，找到了一個單邊卡座，剛好兩位，這店的的麵食種類也不小，今次叫了兩個雲吞麵。　　這裏的雲吞麵的湯底，與正式的湯底有所出入，似乎沒有用上大地魚，只是一般的清湯，而麵方面，可能是過了頭，有點稔身，沒有爽口的感覺，而雲吞方面，蝦與豬肉的份量也相當平均，味道不過不失。　　這店除了提供麵食之外，還有各種不同的麵售賣，如蝦子麵、全蛋麵、粗麵、菠菜麵……，本想買些回家，但在店內吃過的麵，也不甚特別，打消了。