好到底麵家

營業中

休息中

好到底呢間老字號, 成日都好多人幫襯,嚟親都係食雲吞麵,不過就細碗左啲囉!味道就冇變過,雲吞鮮甜爽口,鮮魚湯底鮮甜,蝦子麵夠彈牙!

好到底是小妹由細吃到大的其中一家店子，也是元朗區很有名的麵店。這次都是點了我至愛的燕皮水餃伊麵。伊麵十分之香同彈牙，沒有街外的伊麵好難咬開的感覺，而且這兒的水餃很好味，類似用魚皮餃的皮包的，當然這兒的皮更加好食。不過19蚊細細碗都頗價，男生去我諗要加底或者叫多碗先至飽肚，但來到元朗也是可值得一試的麵店喔！

以前住係元朗, 可以每個星期日都去食, 自從搬左出九龍, 吃過麥文記或旺角粥麵專家等, 始終水準仍不及好到底。佢d麵一d"皂"水味都無, 好爽好彈牙, 湯底係每日用新鮮魚煲成無味精, 飲完唔會覺口喝. 價錢比出面平, 只係十五元一碗, 對於大食的人, 要加底都係加三皮, 雲吞細細粒, 每碗5-6粒, 出面果d雖然大大粒, 但佢用料又鮮甜又爽口, 細細粒容易食, 對於我來說啱啱好.另外我唔多鐘意食蝦子,所以無謂比意見了.至於水餃亦係不錯的選擇(好似$17.00碗),都係用料新鮮,d荀好爽甜, 蝦鮮甜, size比雲吞大. 本地生菜($10.00碟), 爽甜, 連我個女平時小吃菜,也要一個人吃一碟.佢地好特別係無魚旦賣(好似怪怪地,有雲吞麵,但無魚旦粉,唔知點解呢??). 現在每個星期日有空都會搭成四,五十皮巴士入去, 只係為左食佢嘅麵,並唔係想見多佢幾麵。其他地方食嘅麵都未試過食完好想返轉頭再食, 唯有好到底的雲吞麵會令我掛住佢, 直情係愛上佢咁. (本月銷費兩次3/2,10/2)每年正月十五日左右佢地都放十日八日年假, 睇黎又要掛住佢地lu.

我細細個家人就開始帶我係去食（大約３歲），食左十幾年了，以前差唔多每日都去食一碗。ｄ雲吞大大粒好好味，ｄ麵無簡水味，價格適當，正~ 雖然我( 女仔)胃口不大，但每次都可以食兩碗，其他店我是食唔到咁多的，因為真係好好味。但係近年個老闆俾左個仔接手做左之後，ｄ麵同ｄ雲吞都細了很多，但麵依然好好味，現在我食了兩碗，但仍覺得不夠。而且價格加了不少，感到有點不抵，因此，我開始小了去食了。

雖然鍾意大大粒的雲吞多D不過真係要讚下呢度D "bite size"雲吞同麵!1. 雲吞麵- 廿幾蚊勁細碗,幾啖食晒- 不過鮮魚湯底真係幾正!- 9分2. 雲吞蝦子撈麵- 蝦子很很很香- 麵沒有揀水味,好- 9分佢d麵真係幾出色親戚知我鍾意食每逄過年必買幾盒比我吃的時候灑d好到底蝦子滿足!

試這間係因為好多人話好食﹐雲吞麵的雲吞唔錯﹐麵有點硬﹐估計是沒有落太多的鹼水﹐湯底很清﹐相信沒有落太多的味精﹐只是份量少了點。油菜只有生菜﹐費事煩﹐賣相有點黃﹐過了火。整體來說不過不失。

尋日(27-10-2007 Sat)中午入o黎幫女性朋友R整o野同逛街,由於大家都有啲餓,於是決定先o黎個麵食作為午飯.記起呢間元朗唔做晚市o既老字號,於是大約12:55pm o黎到,嘩!地下密密麻麻o既枱都full晒o架,好彩有二樓,剛o岩有個卡位,其餘都係full o既,我要o左$25.00 o既水餃牛腩麵,R要o左$17.00 o既水餃麵,我o地邊等邊望吓啲古老裝修,牆同地面都係舖紙皮石,圓枱o既椅都係木枱,令我回憶起元朗舊式茶樓,只係冇o左痰’罐’. 等o左好耐食物至到o黎.R早講過呢o度o既麵唔大碗,但賣$17.00係貴,我見到o既真係.我先食牛腩,夠味,OK.麵爽口,冇鹼水味,水餃呈三角形,唔大粒,但內裡一隻蝦同唔太肥o既豬肉,味道OK.而水餃皮唔係外面好薄半透明o個啲,皮o既厚度亦o岩o岩好,原來加有燕麥添,咁都健康啲喎.湯就好清淡,即使我有牛腩汁,但仍然唔濃.食完,越o黎越多人等,於是同R快快地走,到地下,比到o黎時更多,且不乏老人家.服務:R落單時話要鮮蝦水餃麵,侍應答水餃一定係鮮蝦.R指餐牌寫有分水餃麵同鮮蝦水餃麵兩種.不過我o地冇同佢講.

佢d水餃好好食d湯唔係濃味但我覺得好好飲不過我係女仔都覺得份量太細係元朗10蚊都有碗但lee到10幾蚊仲要噤細碗不過都值既唔好食既係炸醬面好油同埋無咩料

每次去元朗, 例必食碗雲吞面, 若嫌碗面細可以加底, +3 = $18.00. 湯底每天用鮮魚煲成, 下午或黃昏去食,味道會較濃, 早上去湯底會比較清.但沒有腥味. 我食完碗面重會喝埋碗魚湯. 好味過自己煲的魚湯. 至於其他地方的面我不吃, 皆因本人不喜歡鹼水味.但此家是我暫時在香港找到的唯一一家全沒有鹼水但又彈牙的面,加上鮮魚湯底, 絶無味精全天然, 無得頂. 雲吞細細粒, 一口一粒. 正. 這個天衣無縫的配搭,正. 有時想吃會專登揸車入去, 就只係為左食碗面. 唔係見多佢幾面.

老字號,食物ok. 不過,伙計服務態度極差,唔當人係客.想搵氣受就幫襯啦!

細個每年農曆年都會黎食，貪個名好聽，好到底麻！呢度格調十年如一日，就係好舊，最出名係全蛋麵同蝦子麵，但因為蝦子麵太貴了，成三十幾蚊，所以都係叫返啲正常架喇！我地叫左水餃伊麵同牛腩伊麵，碗麵好細，似屋企食飯既碗。啲水餃同出面食果啲唔同，皮係厚同硬的，食唔慣可能覺得麻麻，但我覺得可以。牛腩就冇乜特別，不過麵底都算唔錯既。以呢個價食咁細碗麵的確係有啲唔抵，或者有興趣既人唔嫌貴既話可以買麵餅返屋企煮，可能仲好食啲！

好到底的大名早有所聞，而且也買過它麵吃，四十多個大洋一斤！今次是第一次到舖頭光顧，晚上七時，也算多人。裡面很有老店的味道，不論裝修，格局，連侍應是那個格的，一副懶洋洋的樣子。我們見沒位子，又看見有樓梯，想到樓上，侍應沒反應，到留意到我們想上，欲阻止，接著像閒聊般，「開不開樓上．．．．．．你想開咪開囉」，真的有一股唔休做的傲氣。到了樓上，因只有我們四個，座那裡都行，看看餐\牌，款式不多，我叫了一個水餃蝦子撈麵，另外朋友叫了雲吞蝦子撈麵，雲吞牛腩撈麵及一個炸醬麵，另叫了四支汽水。只說自己的撈麵好了，麵本身不算多，男孩子作晚膳應該有點勉強。麵質的確不錯，有蛋香，加上沒鹼水味，麵本身確較其他一般的麵店為佳，唯水餃的質素相當一般，而且細粒，侍應會問要蠔油或豉油，建議蠔油不要太多，否則全蓋\了麵香。蝦子亦算多，鋪滿了麵，鹹味夠但嫌香味不足。朋友意見認為質素一般，加之索價三十多個大洋略貴，本人認為價錢的確貴了點，唯質素尚算可以，建議可考慮試淨麵或淨撈麵，更可嚐出麵的質素。老店的名氣也值得各位花多一點去嚐嚐！

一家很古老的黑店麵沒鹼水味說好味也不是太好味不過就是雲吞麵一碗但份量就超mini可是價錢卻不便宜吃過一次就夠了~

在元朗住了近10年多~但也從來沒有走進這間好到底麵家~今天~終於和Mammy 去那裡吃了~的而且確是名不虛傳的~~一進入店內~發覺原來是舊式餐廳的格局~很特別~我點了個雲吞蝦子撈麵~蝦子味很香~~麵亦很彈牙~~至於那碗湯~味道也很清~Mammy點了牛腩撈麵~牛腩很軟"熟"~一點也不"痴"牙~~真的不錯~不過我覺得有點昂貴~雲吞蝦子撈麵要$34~(並沒有飲品的~)但也值得去試試~~

難得入到來大西北,自然地去好到底一親香澤.早餐時間已經水洩不通,大多食客也是長者,主婦等等.一個人來要搭檯,係必然.每個人來也吃雲吞麵,我就偏要個蝦子撈伊.亦即係年前吃過的一味.此店的伊麵逯得偏淋,同之前的一樣.但沒有異味如隔夜油味.蝦子咸香.多年如是.只是已經比車品品寵壞了.