部長一見到我地就好nice咁問我地幾位。可能嗰日係平日啦，人流不是話太多，都坐得幾舒服~
黎到大邊爐，佢地有好多新鮮既海鮮配類俾客人選擇，我地今晚當然唔會錯過啦！我地叫左桶蠔，隻隻蠔都好大隻同好新鮮呀，放落湯窩到滾呀滾呀，熟左都仲係好大隻!! 食落去啖啖肉，又鮮甜，真係味道一流。
另外我地仲叫左聖子，每隻都唔洗30隻，但同蠔一樣，隻隻都係好足料好大隻呀，食海鮮當然係配以清淡味道的湯底先帶出海鮮的本身鮮味啦，肉質好爽，味道又係極鮮甜，好快就被我地一掃而空啦！
聽講肥牛都係必試既打邊爐配料, 我地特別地叫左佢個皇牌手切肉眼肥牛, 其實一D都唔會太肥, 啖啖牛肉, 又香又彈牙, 真係冇得頂, 我第一次覺得打邊爐既牛係可以咁好食, 好似食扒咁, 絕對值得推介同一試既!
因為肉眼肥牛實在太好食, 我地忍唔住再叫牛, 試左另一隻安格斯肥牛, 呢隻比較薄身同有多少少肥肉, 口感好香漏, 鍾意肥牛既人一定要試呀!!!
而終於到我好鐘意食既響玲出場, 好大件好脆, 我又忍唔住叫左兩轉~哈哈
餃亦係另一個飽肚之選, 呢個西洋菜帶子餃, 餡料一流, 食到啖啖菜, 仲有成塊帶子係入面, 哇~正
今晚有幸試到新出既黑松露餃。
我地睇餐牌見到蝦滑都係有「手指指」做推介架!! 所以我地都叫左黎試一試，其實市面好多地方同打邊爐館都有得食蝦滑，不過就唔係到到都整得咁好食啦，呢到既蝦滑絕對夠爽口同彈牙，同埋上面仲好多粒粒蟹子，食落真係聽到「bo bo」聲。
然後我地又叫左個竹笙。一上檯已經覺得不得了，D竹笙勁大塊又多!! 食落口係「索索」聲的!吸埋本身冬蔭公海鮮的個湯底,入哂味!真係好正!!呢個我都會俾個「手指指」佢!
本身只係睇個名，我地幾個都唔太明白係咩，不過又係見到佢有大力推介，所以開口問問招呼我地既服務員，原來係呢款係佢地既招牌菜之一！用蛋包住有蝦有帶子同其他配料再煎香上碟，真係好好味道!同埋吃落先知道呢款手工菜係唔易整架~要好味又唔會散，隻蛋可以剛剛好包到咁多配料真係好考廚房師傅既手工呢！
最後本來我地仲想叫個烏冬食，當做一個完美的句號。但係睇到餐牌有個魚麵都係有「手指指」做推介!所以大家立即叫左黎試!一見佢上檯個下真係覺得好有趣，因為佢係唧唧袋咁俾我地自己唧!!
入秋後滾下滾下第一擊選擇了九龍城的大邊爐火鍋店. 在城南道街頭位置, 門面並不算顯眼, 推門內進後先得上一條樓梯到一樓, 到逹時才6時半左右, 沒料店內竟然還未有其他食客, 我就被安排坐在靠牆一面的4人位. 早到也有早到的好處, 可隨意看看店內的環境和拍照呢~
店內分了兩邊, 靠樓梯的一面枱子有7-8張, 都以4人位為主, 只後排有10-12人位, 另一邊就沒特意去看. 分了兩面的好處是人多時也不會太過嘈吵.
等朋友期間沒什麼好做, 就先行混醬, 跟其他火鍋店一樣, 這裡也有醬料盤, 有辣椒, 蒜茸, 蔥花, 炸蒜, 沙嗲醬等任你混個夠. 有些酒樓沙嗲醬要額外收費, 這裡就不需要, 我知老公沒沙嗲醬不歡, 這倒可省卻10元8塊買醬!
跟侍應尷尬地你眼望我眼了半小時, 約好的幾位大少大小姐才施施然到來>_< ... 第一件事先選湯底, 這裡的湯底有10多款選擇, 有普通的也有特別的, 而今次就一致選了海底椰青雞$88, 感覺較滋潤, 可降燥. 湯底一上枱, 已傳來一陣椰香, 淡黃色的湯底裡有雞件, 海底椰肉, 紅棗, 花膠, 還有一些中葯材, 用料絕不欺塲, 很滋補和夠味.
吃火鍋要大量肥牛是常識吧? 相比起任飲任食的金鍋店, 逐碟配料點的就能吃得更精, 單是肥牛已有3,4款. 我們選了手切安格斯肥牛($268大), 份量絕對足夠4人吃. 一片片紋理分明, 鮮紅的肥牛, 切得厚薄適中, 每一片的油脂分佈如網絡般細密而均勻, 而且每片的大小也相若. 絕對不是堆砌頭頭尾尾的貨色.
輕輕放入滾湯灼十數秒, 剛剛好熟再點少許醬汁放入口中, 飄着白煙的咀嚼着肉香濃郁, 滲着甘腴油香, 嚼勁十足卻不會韌的肉片, 實在是味覺得最大享受. 平時吃安格斯多是西餐牛扒, 原來切成火鍋配料, 同樣稔滑味美, 這一碟, 大家都讚不絕口.
另一碟點的是雪花牛立方($228, 小) 份量同樣不少, 切成一粒粒骰仔般的牛肉粒, 跟肥牛片有點分別, 要灼的時間要久一點, 否則內裡仍生的就不太好, 所以有時難免會有過熟的情況. 肉味一樣濃郁, 但容易韌, 需要多一點牙力去咬. 所以銷情比肥牛稍遜一點, 大家明顯都是懶人, 要等又怕過熟, 最後都選擇取易不取難, 吃別的食物去.
丸類同樣是打邊爐不能缺少的吧? 十五十六又想要牛丸, 墨魚丸, 貢丸....不用想了, 點四寶丸($118) 最實際了. 分別有手打牛丸, 貢丸, 蝦丸和黑魚丸. 試了至愛的黑魚丸和牛丸, 皆爽滑彈牙, 粉少肉多, 足料美味.
自問是魚蛋迷, 尤其鐘情魚片頭黃金角, 這亦不是每一間火鍋店都會提供, 難得這裡有, 不能錯過, 我還encore了兩次呢. 鮮炸魚角($56)鮮魚味突出, 不油膩, 口感脆彈, 又不會有太飽滯感覺, 加上size頗大件, 吃得滿足.
三秒腐皮($56), 即響鈴, 頗長身的腐皮, 看名字已知食法如何, 放入滾湯數三聲即夾起, 送入咀裡時仍有少許腐皮脆, 又浸滿湯汁, 加上本來的荳香, 已教人回味, 難怪那麼多人喜愛.
一味食肉始終不是健康之選, 所以火鍋一定也會點一些蔬菜類, 老公喜歡食芋頭, 而我就鐘情蕃薯, 剛巧有芋條拼金薯($32) 一次過滿足我們不同口味. 侍應還叮囑了多次要立即把金蕃倒進湯內, 以免氧化變黑, 實在貼心. 金薯粉稔, 甘甜軟滑, 在一眾鹹食和肉類中起了中和作用, 隔一隔飽膩, 是很好的間塲食物. 而炸香了的芋條只要稍煮即可, 否則會碎開, 惹味而有芋香, 很不錯.
除此之外, 還點了超甜粟($28), 山水豆腐($20), 金菰菜($28)及其他一些時菜. 超甜粟真的很清甜,不是淡而無味的貨色, 而金菰就新鮮上乘, 入口仍爽脆, 豆腐嫩滑. 雖是平凡食材, 但都能看出所用的不是平價貨色, 值得一讚.
炸魚皮(38) , 大大碟, 一塊塊魚皮厚實完整, 不是碎散散的, 即使單吃也很鬆化, 不會硬. 我比較喜歡脆口的魚皮, 所以只放湯灼2,3秒就夠, 惹味卻不味精, 又是過口癮的好選擇.
四式餃( $66) , 分別有鮮蝦水餃, 瑤柱菜肉餃, 素菜餃和莧菜帶子餃. 餃類不算是我的必食之物,但無可否認是飽肚的良品, 4款餃中我印象最深刻是素菜餃, 內有雪耳, 粉絲, 甘筍, 西芹等等, 充滿菜香, 又比較健康, 最後忍不住encore了一整客.
特式魚蓉麵($38), 平時買一包都不平, 這裡才賣三十多元也算很合理. 魚麵好玩在自己唧, 待一會熟了就浮上面, 十分有趣. 味道嘛? 就是魚肉囉...當然不會差得去那裡, 不過通常吃到最後才記得放, 飽肚的情況下最後未能吃光, 有點浪費了.
椒鹽豆腐($38), 還一心想這個怎樣用來做火鍋配料, 原來真是小菜的椒鹽豆腐, 是即食的. 外皮鬆化, 肉裡嫩滑無比, 又不會有味精感, 水準很不錯.
大邊爐還有很多海鮮配料, 不過大家至在恰下恰下, 也不額外花費點貴價海鮮了. 三女一男吃這麼多已經抱着肚走了, 論價錢並不算便宜, 但勝在份量不少, 而且每款配料都用料新鮮和上乘, 難怪到後來7,8時差不多全店滿座, 以質素取勝, 吃得精總比吃得多有價值.
食店位於九龍城，雖然未有地鐵，但勝在位於香港中心點，區區去都算近，
芥醬 (每位$12) 開火前先調好自己的醬料。
大概有15款湯底可以選擇，我們嚐嚐蕃茄金瓜牛柳粒湯底 ($88)。
打邊爐最重要的主角 ﹣ 手切肉眼邊肥牛 (例牌 HK$238)
非常推薦這道菜 - 滋補花膠仔 ($62)
三秒腐皮 ($56份)
最驚喜的卻是這道魚蓉麵 ($38)，平時多在粉麵店看到，
da BINO 還有很多海鮮可以點，
平時打邊爐會叫的食物大都有提供，好似四寶丸、手打墨魚滑和蔬菜籃，
湯底未到時, 先來了調味醬料, 雖然只有五款, 但平時食開的都有齊''*
我地點選了【蕃茄野菌金湯蟹鍋】湯底''*
先來的就係丸類同埋餃類, 仲有鮮冬菇, 隻隻都好大隻呢~~
打邊爐又點少得肥牛呢??
另外這個必食推介 ~ 三秒腐皮 (HK$56)
仲有這個海鮮蛋角 (HK$72)
海鮮方面都好多選擇, 我地就揀左桶蠔同埋蟶子''*
最後仲點左女人至愛既滋補花膠仔 (HK$62)
今餐 4個人食都食到非常飽, 而且清哂所有野食呢!!!!
雖然呢排好熱但都無阻我想打邊爐既意慾, 黎左九龍城既大邊爐…. 上左樓之後地方唔算太大但一D 都唔會覺得迫, 坐低左之後侍應好快就拎左MENU同調味盤黎包括䓤花, 蒜蓉, 辣椒等等……
湯底好足料我地叫左冬陰功拼冬瓜瑤柱
首先講下打邊爐唔少得既材料，當然係肥牛啦。我地叫左手切安格斯肥牛，總共叫左兩碟, 真係好好味, 肥廋均衡而且好有口感又夠味, 食落口一D 都唔韌
濃味既湯底就梗係要配響鈴啦，佢地呢隻同出面既有D唔同，少一份油膩但係一樣咁好食，叫三秒腐皮。
同朋友都怕熱氣，叫左酸梅湯同竹蔗茅根水，佢地話係自己煲既，酸梅湯清涼開胃，竹蔗茅根水感覺夠清潤，好好飲。
豬肉片厚薄適中，食落無雪藏味又鬆化，油份唔算多剛剛好，值得推介
後面有四色水餃同埋花膠，全部人手包，好新鮮好好食
最後要講下既係呢隻東洋金薯。以前從來未食過，佢地店員極力推薦我地食，咁就叫左一碟。開始打既時候放落去，煲足兩個鐘頭吸收晒湯汁，但係都仲有保留到金薯本身既甜味。
♥ 火煱 ♥ 鮮味無窮之大邊爐火煱店
上樓的大邊爐，唔怕開門關門攻一道熱氣同塵入泥，環境好舒適，冷氣充足。枱同枱之間間隔充裕，坐得舒服，
好啦。最後我叫左麻辣湯底+ 皮蛋清湯(一濃一淡，balance 點)
牛係打邊爐唔少得的美食，叫左安格斯牛同本地手切牛肩肉。安格斯牛勁嫩滑，充滿牛鮮味，厚薄適中。一食唔停口，滾五秒就剛剛好，口感同質感到一流！
再泥本地牛肩肉，牛肩肉係牛味最重，最有質感彈性同均勻的部分。所以係我必吃的部份，呢個肩肉就算滾耐左都唔會硬，正到不得，絕對係愛牛人士必吃。
海鮮蛋角，呢個直情要比5個like , 首先呢個菜式之前未見過，原來蛋角要即叫即整。上枱熱辣辣，可以即食可以滾係湯度吸下味。廚師包得好功夫，不會散不會爆。蛋角內海鮮足料，有鮮蝦，同大大嚄帶子，好甜好正，絕對係一定要叫再泥多round ！
另外一個必點三秒腐皮。這裡的炸腐皮係自家製，即叫即整，炸腐皮炸得夠鬆化，層數多而且夠薄，又大嚄，師父預先吸好油，上台不會油膩膩的。滾三秒。有説不出的好味道。新鮮程度爆燈。
嘆過大邊爐的食評，發現大家都鐘愛佢地的餃子，可惜當日無食到。但叫左另外一樣我覺得好出色的。就係魚皮餃。呢個魚皮餃，大隻又多汁，而且唔易散。睇得出用料靚。
當然仲有必吃炸魚皮啦。乾身卜卜脆。而且大片唔易碎。我仲叫左竹苼，生根，手打蝦丸，墨魚丸。要讚大邊爐用料真係靚，你睇竹苼好白好靚，份量夠大不欺場。手打丸起彈牙。一口氣連食四粒。
到尾聲，當然叫個麵食下啦。我最中意魚麵，有得玩有得食。大邊爐的魚麵同平時食到的不同，佢地用左鯪魚肉，一樣咁正，配上陳皮香味。不搶更帶出鯪魚肉味。比起平時食開的白魚魚面更清新而且有彈性。perfect .
這天跟男友, 家姐姐夫四人一起來打邊爐!
我們先決定點個海底椰青雞的湯底, 比較少見又夠滋潤嘛!
一撈底, 除左好多雞件之外, 還有花膠!!!!
落單不久, 店員很快就捧來了一碟碟的食物!!
聽聞這裡的特級手切肥牛屬必點食物, 所以我們也點了個大的 ($248)。
美國大桶蠔 ($138)是我們的心水推介!!!
超級滿足呀, 好味到我們最後忍不住encore多一碟!
滋補花膠仔($62)是店員姨姨的推介, 她說很多人都會點!
同樣被我們encore多一次的白鱔片肉質鮮甜爽脆, 非常新鮮, 本身味道較淡, 但醮上微辣醬油就變得很好吃! 
炸芋條($28)是男友至愛, 每次打邊爐必食!
三寶丸($86) 是牛肉丸、豬肉丸和墨魚丸, 份量不多, 所以偏貴。
餃子或者雲吞是餃子控的我例必要點的菜式!
最後除了encore了桶蠔和白鱔片之外, 意猶未盡的我們再點了這裡另一招牌食物, 手切安格斯肥牛(大, $268)。
打邊爐當然少不得我最喜歡的豆卜和油麥菜啦!!
我地叫左個鮮雞湯底, 來到之後發現用料十足, 仲有大大隻花膠!
我地4個人都叫左幾多野食, 當中最驚喜是海鮮同肥牛。
海鮮新鮮彈牙, 而且非常大件! 一口一隻大聖子, 感覺非常滿足!
生蠔同珊瑚螃亦同樣出色, 爽口又不縮水!
最後服務員的Services亦值得一讚, 主動介紹有咩好食, 而且會留意我們飲品及湯底的份量, 適當時候來加湯及添飲, 不用我們叫破喉嚨找人加湯 (有太多邊爐店確實如此!), 場內冷氣亦夠, 不會悶熱, 打邊爐始終用餐時間長, 除了用料緊要, , 環境服務亦會影響心情, 這樣處處稱心, 我們數人吃到一半時已相約下月再來呢!
8:30半都仲未齊人但已經想開餐，因為去到已經又餓又熱，一坐低就叫個大椰青飲，強烈推介個椰青，夠凍又大個，飲落椰青水好清甜好解渴，連埋椰子肉都一齊食，即刻胃口大開！我地仲嗌左個椒x墨魚丸，幾彈牙d炸粉又唔厚，38蚊有成10粒！
我地一嚟就揀左個蟹湯底，一滾飲兩啖原味湯先，好鮮甜有成隻蟹係入面~正！
除左平時必點嘅手切牛呀、蝦滑呀果d，海鮮係my favorite，見到38蚊隻聖子蝗，二話不說人頭上丫，灼一灼就食，無砂好爽口好味道😋 encore是常識吧！
我地一向都無牛不歡嘅，佢有手切又有頸脊果d，個待應話手切牛好食d，叫左個大嘅，有牛味有口感，不過不失啦！另外仲有個幾特別嘅魚肚釀蝦滑，巧味道個待應無介紹錯，塊魚肚索哂d汁，咬落好juicy！
個手打牛丸都好彈牙，一般機打牛丸無得比！至於個白菜帶子餃（？）就用料十足，隻隻餃子都好鬼大粒，漲卜卜。菜又鮮，帶子又鮮，再加埋個咁鮮嘅湯底，可以話係絕配。個出名既3秒腐皮都好好味，唔會話好碎又易散，吸咗湯之後，真係食極唔停口。其實菜呀菇呀果d都係咁上下，值得一讚嘅係佢份量都足，唔似果d貴夾唔飽嘅一碟得幾舊。埋單每位300幾，以嘢食嚟講，比起好多有名d嘅邊爐，呢個價錢好合理👍
影片
