大邊爐火鍋店

營業中

休息中

沿樓梯以上，覺得環境不錯。枱與枱有足夠空間，食客多細聲傾談，不太嘈吵。點了2客牛肉，1客桶蠔，1客羊肉，1客4寶丸，1客3秒腐皮，1客勝瓜，1客日本番薯及3杯飲品，共$760.00。 食物不感覺有驚喜，但環境及招待令人感覺舒暢。

晚上一班人去打邊爐，這裡是用電磁爐湯底要了冬瓜瑤柱湯同沙嗲，冬瓜瑤柱好足料，瑤柱好多； 沙嗲是for朋友的，有D普通！這裡出名3秒腐皮，放在湯內3秒，外軟內脆，外皮充滿熱湯，好吃，不太油！手切肥牛，牛味濃，肉質很滑很鮮嫩！手打墨丸，牛丸，是即製的，ok新鮮！水餃幾足料，皮有D厚，但味道好鮮！日本金薯很甜好粉，可以推薦！象拔蚌好好食，可以當刺身，又可放在湯内！謝謝大家的請客！

我到過不少出名和名不經傳的火鍋店打邊爐，每家都有自己留住客人的皇牌食材，久聞"大邊爐"火鍋店, 中秋節前抽空試試, 不過我認為此店是言過其實已。我和友人怕熱，致電訂位時已說明一定要很冰冷的冷氣房，但入座時居然安排我們坐比大排檔還要熱的房，我真的不滿，叫他們換位，30分鐘之後終於轉了臺。服務員態度還可，也為我們介紹了鎮店皇牌：棷子雞湯底、3秒腐皮、花膠仔，我們都叫了，另外點了手切肥牛、菇類、菜等....棷子雞湯底香味有餘，但用來做湯底總是格格不入，味道不錯，但帶不出食材的火鍋真味，所以是有新意而沒有"煮意"。至於皇牌3秒腐皮我認為是gimmick，，恕我直言，和普通腐皮無分別。花膠仔也沒特別，別家火鍋店也可吃得到。手切肥牛普通，自己炮製醬料，也不是獨有。個人而言，"大邊爐"言過其實。

忙亂了一整天，忽然想吃火鍋，而且要寧靜地吃（在辦公室給別人煩了一天嘛），便搖電話過來詢問，幸好尚有空桌。此店雖在九龍城，但卻走高級路線，小小的閣樓只放幾張桌，另外好像還有一間廂房，老大的一個魚缸反而佔據了不少空間。食客都比較斯文，不像其他火鍋店般嘈雜。少不了「混醬」一番，小臣最愛蔥和生蒜，另加一些沙爹醬吊味。湯頭選了番茄南瓜牛柳粒，取其簡單，不會奪去食材的味道。先吃邊肥牛，雪花少入口自然略韌，但牛味足，帶筋的肉吃來另有一種滋味。我和小卡覺得不錯。鱔片雖然其貌不揚，但卻是新鮮彈牙，師傅刀功不俗，入口完全沒有碎骨。三秒腐皮是第一次吃，剛炸好的腐味放在湯內稍灼即食，外軟內脆，吸了湯汁非常好吃。追加手打墨丸，等了好一會才上桌，原來是即製的，入口那新鮮的墨魚香絕對騙不了人，師傅搓得結實彈牙，很久沒吃過這麼高水平的墨丸。全晚最失準是這個小白菜，吃來微澀，灼得不夠久尤甚。最後點一個一丁麵作結，心中在嘀咕怎麼收 $18 那麼貴，豈料原來是兩個麵，當然沒可能吃得完，結果吃剩了一個。買單四百多，雖不算便宜，但和金海閣比其實差不多，最近在後者吃了一次很不滿意，看來大邊爐可作它的代替品。

環境唔錯，廳面麻雀雖少，但勝在夠靜，傾計唔洗大大聲，而且服務員都足夠照顧到所有檯，ｄ野食都黎得好快，唔洗"霎"下停下咁無忍，有個可能係老闆的人會同你吹下水，問下ｄ食物的意見湯底：揀左椰雞湯底，係好重椰味中仍能食到雞味，好香花膠：無乜特別，或者可叫做抵食蝦滑：聞落都有蝦味，唔錯羊肉：我覺得唔太"酥"，但女友就話"酥"過小肥羊帶子：都夠鮮，唔錯莧菜帶子餃：食唔出有帶子三秒腐皮：其實三秒實在耐得濟，食過唔少地方有呢隻腐皮，個人覺得浸落去即拎上黎係最好食，呢到的腐皮唔係話十分之好食總括黎講，我鍾意個環境多過ｄ食物，食火鍋的食物最重要係夠新鮮，呢度都可以

大邊爐都可說是小弟覆桌最多次的火鍋店環璄幾好, full booking都唔覺佢好焗, 好熱. o岩晒一班朋友聚埋一圍食飯吹水飲野打邊爐最緊要當然係個湯底啦... 大邊爐除了醉雞湯底吸引我, 其他都不外如是...食物方面...雞 - 正! 滑! 有雞味!!牛 - 普通貨色, 沒什特別羊丸 - 正! 有孜然香味! 加上少少羊肉蘇味, o岩晒我!其他丸 - 普通貨色, 沒什特別... 不過好在都係手打, 感覺好d三秒腐皮 - 必食!!! 超正!!! 記住三秒夠, 唔好多!!! 外熱內脆!!! 正呀! 諗起都想再食!魚類 - 普通貨色, 沒什特別黎到記住叫三秒腐皮呀!!!

阿媽提議0係天氣變得太熱之前打一次邊爐, 今日一行3 人訂了6:30pm 0黎試試未0黎過0既呢度. As usual 叫到一檯都係, 整體食物質素唔算超好(一定好過食「新」字或「德」字頭連鎖酒樓, 但同福佬村道「名城」比, 就當然輸人幾條街啦), 不過夠新鮮, 加埋環境比好多地方乾淨又好坐得多, 都幾滿意:- 海蝦(6 隻): 睇住伙計0係水缸捉上0黎的, 0黎到時d 腳仲識郁, 夠晒新鮮... size 幾大, 肉質結實爽口, 可惜一般鮮味.- 3 秒腐皮: 叫得做「3 秒」腐皮, 就試試只淥3 秒, 果然爽脆, 幾好食! 不過都幾油, 食多兩件已經好膩.- 帶子: 呢個好好食, 極鮮甜爽口!- 手切安格斯肥牛(例牌): 勁多均勻分佈0既油脂! 雖然未至於入口即溶又唔算好嫩口, 但牛味極濃郁又無渣, 好食!- 見唔夠喉, 追加一碟例牌牛肉, 今次試試「特級手切肥牛」... 呢碟比安格斯牛平一截, 味道則差一大截, 食落都無渣, 但幾乎無味的, 唔掂! 唉, 早知之前碟安格斯牛要「大」啦!- 牛(月展): 第一次用牛(月展)打邊爐, 食落好爽, 不過比起安格斯牛, 肉味當然淡

連續幾個星期五也打邊爐, 今次闖進九龍城.湯底是芫荽皮蛋, 喝落偏假甜.牛邊肉–灼一灼肉質有咬口, 筋肉嫩爽, 肉味也濃, 不錯.鱔片–超爽脆鮮甜, 無草泥味.靈芝菇–還是鍾情雞脾菇.什菜–有西洋菜, 白菜仔和西生菜.座位不算狹窄, 但樓底較矮.

住在九龍城，經常行過望見這間餐廳，覺得好像很高級似的，就沒敢進去終於昨晚有朋友提議試下，先來試第一次叫了個椰青雞，一打開個蓋，好香椰汁味試飲了一口，偏淡，用來打邊剛剛好火鍋料品質普遍都不錯，選擇也不少其中有一大碟邊肥牛，我自己是不吃牛的，聽朋友講都ok 好吃，但就話不及街市那一檔；咁我估吃牛肉呢家野，係有小小要靠運氣，試過同朋友去出名吃牛的地方，都可以次次不同，有時好好食，有時完全唔得日本金薯很甜，炸芋條是新鮮炸好上檯的，非常香淥完一輪，再試個湯，今次非常好味！加上因為淥過花膠，個湯變得特別濃，好滋補咁最重要是我飲了2 碗，回到家都沒有覺得口渴果然好野服務合理地好，沒有過份熱情，也沒有被硬銷貴價海鮮地方很乾淨，洗手間有花香味，差d 想在裡面撲蝶啤酒偏貴了點，$14 小樽裝藍妹，同去happy hour 一樣；睇其他食評說原來他們不收開瓶費，咁下次可以帶紅酒去飲了！會再帶朋友去試

是日平安夜, 本來到友人家一聚, 可惜放工稍遲, 趕不上他們的節目. 唯有另作他選. 於是揀了打邊爐, 剛好天氣轉涼了點嘛!點了冬瓜元貝湯底和:1邊牛: 幾好味, 新鮮, 有點似牛展, 但沒那麼有咬口, 沒有渣, 但牛肉不算很濃.2白鱔片: 平日必點的, 這裡的也新鮮.3蝦丸拼墨魚丸: 自家手打, 沒有搓入太多的粉. 算不錯啦.4三秒腐皮:呢個係強烈推介. 好好味, 燙三秒便要撈起, 又脆又軟, 正呀!5花膠仔: 有少少咬口, 索咗d 湯後, 都幾入味.6霹靂泡飯: 呢個都好好味, 有得玩, 有得食. 米通再加上配料, 如元貝, 葱, 柴魚, 魚皮…再加上打完邊爐的湯, yummy! 食完呢個, 真係飽晒.這裡裝修較一般火鍋點西式點, 環境也較一般寧靜, 不會有大叫大嚷的情況, 可作為傳統打邊爐的另一選擇. 唯價錢較貴, 配料也較”精緻”了點.

dec 19, 07晚,11人來,是我今年第1次的打邊爐,叫咗 :1) 醬料-有以下6種,唔算10分多2) 2個湯底i) 海底椰青雞湯ii)鴛鴦: 沙嗲+清湯-友人全晚多數用沙嗲,話好重味精因回家不停飲水都仲口渴,但我就用海底椰嗰個,同另1個友人都無呢個問題3) 由友人全力發板,大約有以下i) 豆卜ii) 墨丸拼蝦丸iii) 手切肥牛x 2-個人覺得小x牛好味div) 貴花蚌: goodv) 鱔片vi) 3秒腐皮x 2 : goodvii) 雜菜藍viii) 西洋菜餃ix) 心薯+芋頭-黃心番薯好甜,好粉,正x) 魚麵-有質感,真喺有魚絲在內,足料,不錯xi) 蒙古清真丸-即羊肉丸+牛肉丸-羊肉丸有羊"so"味,但唔算好濃嗰隻,易接受,又滑xii) 羊肉片xiii) 4寶丸4) 自備紅酒-其1友人特意帶來1枝,今次比上次在友人的婚宴的酸(但絶對唔喺唔入得口嗰隻)同無咁fruity............此乃作為1個門外漢的comment.............友人話波爾多出品都有微酸呢個特質-火鍋店唔收開瓶費- 今次好難得有此飯局combination,多謝各人比面,所以呢餐唔食都w

上個月中經朋友介紹去大邊爐火鍋店打邊爐, 我見到Menu上有唔同種類的肥牛, Waiter介紹最貴的最好,又多雪花, 我們都比較喜歡食肥牛, 所以都是選擇Waiter 介紹的............天呀!!!!!! 我一見到碟肥牛.....又唔新鮮.....又無雪花...一o的牛肉味都無......$36/磅的肥牛比它好,...是但在街市買$10牛肉都好過它.., 誰人話最貴是最好的, 很失望....算吧! 快些食完就走了, 在進食其間, 我見到其他人的肥牛很新鮮, 又多雪花, 真係當我們水魚, 如果唔係我朋友叫我唔好發火,最多下次唔去. 我一定出聲問.當我上Openrice 睇到其他人的食評後, 更加知道當日我真係俾人當是水魚.., 介紹我去的朋友問我上次去是不是很好食呢!!我當時才對她講, 她話一時唔記得同您講, 您話是我介紹, 當時更加覺得是黑店, 有人介紹就俾好的, 見到生面口就當水魚, 各位小心, 如果想唔想俾人當水魚, 記得話有人介紹才好去.

It's true that nothing special, just went there few days ago and it's first time and last time. Very common hot pot, very common...nothing special and the layout is too small for hot pot. "Hop Hing" or "Fong Wing Kee" are much much better...no doubt. You may try if you don't believe it. good luckcheers

久仰大名某公子曾說一吃上癮一星期要吃足七天店子小小吃的是打邊爐裝修卻像西式私房想打邊爐卻不想嘈嘈閉的首選無怪乎鄰檯都來開支靚紅酒送海鮮冬瓜瑤柱湯底真有大量瑤柱仔索了湯也還不俗三秒腐皮最厲害的地方實情就是引誘你邊食邊玩逐次嘗試滾三秒是否真的最好食結果發現三秒後腐皮卷內已充滿熱湯到夾起放進口中時腐皮經已太軟所以吃過十件的結論是其實頂多半秒已是半脆半淋最好吃當然各人口味不同歡迎挑戰聲稱是虎蝦卻八十元有四隻的大蝦勝在全都新鮮爽口店員建議海鮮可以加錢加椒鹽才滾蟹之類還可以要是新鮮的好吃還是不要如此花臣好了蛋角本應不是邊爐菜但是用在這裡也還可以起碼清湯可以隔絕油膩感回家也可以試試肥牛選擇多多但款款都相距十零廿蚊不知如何選擇最終選了中價款式也算不俗墨魚丸也是好吃的魚麵兩個人吃一大包是over了加菜加汽水每人約二百五算很抵了多幾個人應該更合理

已經好耐無寫食評啦！我話過以後要"的"起心肝, 努力, 努力...閉關多月後, 上星期終於有幸重見天日。今次再到da BINO感覺依然良好, 可以再次食到呢度嘅牛肉感覺真係好滿足。今次重遊此地發覺原來都有好多嘢變咗, 例如多咗好多裝飾, 但係最吸引我嘅係上咗樓梯之後喺玻璃牆上嘅"新聞版", 上面有唯靈、倪震、查小欣等等對此店的文章。原來此店都好有原則, 每日都到街市選購新鮮牛肉。今次拜訪我極力推薦蝦滑魚肚, 魚麵、鮮蝦同象拔蚌。仲有食海鮮時, 記得同佢哋攞泰汁, 鮮味好多架!