影片
港鐵宋皇臺站B2出口, 步行約3分鐘
繼續閱讀
電話號碼
27186000
開飯介紹
2004年開業的精品火煱店，設有一間可容納12至14人的卡拉OK貴賓房；招牌手切肉眼邊肥牛肥美嫰滑，另外活海鮮均極之生猛，而刀刴手打丸類彈牙爽口，餃子則即叫即包，鮮味足料。
繼續閱讀
特色
適合大夥人
營業時間
今日營業
18:00 - 23:00
星期一至日
18:00 - 23:00
以上資料只供參考, 請與餐廳確認詳情
有關獎賞計劃
【九龍城隱世火鍋老字號】大邊爐｜20年地道風味！封門柳+黑毛豬+鴛鴦湯底超驚喜（附大推必食清單） 📍 老店風味，街坊至愛九龍城向來係火鍋激戰區，而 大邊爐 呢間低調經營20年嘅老字號，憑住高質食材同地道港式風味，一直深得街坊同識食之人追捧。今次試咗佢哋嘅**鴛鴦湯底（沙嗲＋醉雞），配搭**封門柳、黑毛豬、三寶丸、3秒腐皮、魚蓉麵，每樣都令人回味！ 🔥 湯底：沙嗲濃香 vs 醉雞鮮甜沙嗲湯底**：花生香濃郁，唔會太鹹，質地夠稠，同牛肉同腐皮係絕配！ 醉雞湯底**：酒香溫和，雞肉嫩滑，湯頭清甜帶少少藥材香，特別夾黑毛豬同海鮮。 --- 🥩 肉類推介：封門柳（大推！）＆ 黑毛豬（大推！）封門柳：肉質軟嫩得嚟帶咬口，牛味超濃，配沙嗲湯底簡直無敵，必食！ *西班牙黑毛豬：油花均勻，入口即溶，醉雞湯底更能帶出豬肉嘅鮮甜，超正！ --- **🍢 火鍋配料：手打丸類＋招牌炸物三寶丸（牛丸、墨魚丸、蝦丸）：手打口感彈牙，牛丸仲會爆汁，真材實料！ 3秒腐皮：炸到金黃酥脆，吸滿沙嗲湯後超級邪惡，名不虛傳～ 魚蓉麵：爽滑彈牙，掛湯能力強，配醉雞湯底鮮味加倍！ --- *✅ 總結：高質老店，回頭率爆燈**「大邊爐」雖然唔係打卡店，但勝在**食材新鮮、湯底出色、價錢合理（人均$200-$400），尤其係**封門柳同黑毛豬（大推！）**，絕對係肉食控必試！難怪可以喺九龍城屹立20年，值得encore！
繼續閱讀
九龍城呢間開咗20年嘅火鍋老店，街坊口碑唔錯。試咗佢哋嘅鴛鴦湯底，沙嗲味濃郁得嚟唔會太鹹，醉雞湯底酒香溫和，雞肉都幾嫩滑。有幾樣都覺得幾吸引同推介：🥩 封門柳肉質軟嫩，牛味濃郁，配沙嗲湯底確實唔錯🐖 西班牙黑毛豬油花幾靚，滾完都保持到嫩滑🍡 手打三寶丸彈牙有咬口，牛丸仲會爆汁🍜 魚蓉麵質地爽滑，掛湯能力幾好，呢個真係好surprise!特別推介佢哋嘅3秒腐皮，炸得金黃酥脆，吸滿湯汁好入味。環境就一般街坊小店格局，但抽風系統做得幾好，食完唔會成身味。食材新鮮、湯底出色、價錢合理!📍 大邊爐火鍋店九龍城城南道12號
繼續閱讀
九龍城簡直係美食天堂，除咗泰國菜之外，打邊爐都有好多選擇，今次揀左呢間位於城南道既大邊爐，係已開業20年既老店，餐廳而家做緊20周年大優惠，每晚9點後入座有半價優惠，咁著數一於約埋朋友一齊食啦😌🌟冬瓜瑤柱鍋 ($88)打風前夕天氣特別熱，湯底方面我地就揀左消暑既冬瓜瑤柱鍋，又係落配料前飲返碗頭啖湯先，清甜又消暑👍🌟西班牙黑毛豬 ($188)平時打邊爐多數都係食牛肉為主，店員推介西班牙黑毛豬，肥瘦適中，肉味香濃🌟白鱔片 ($118)朋友最愛食魚，一於叫碟白鱔片，口感爽口彈牙，魚肉鮮甜，推介🌟莧菜帶子餃 ($70)第一次見到火鍋店有莧菜帶子餃，咁特別當然要叫黎試下，皮薄餡靚既帶子餃好好食，下次要再encore!
繼續閱讀
香港人最多牛魔王，手切肥牛一定係人氣之選，呢度有兩款手切牛：肉眼邊同安格斯，前者貴少少，應該更滑更鮮甜，所以揀咗，厚切肥牛鋪滿成個大碟份量十足西班牙黑毛豬質地爽彈，仲好甜好多汁，好少食到咁靚又唔羶嘅豬肉三秒腐皮新鮮即炸，真係淥兩三秒已經將湯汁吸盡，爆湯汁之餘又脆卜卜三寶丸當中覺得梅菜豬肉丸好特別，鹹鹹地又有豬肉鮮蝦，另外仲有墨魚丸同陳皮牛肉丸特式魚蓉麵好盞鬼，用鯪魚肉同麵粉溝出嚟，直接唧落湯鍋就變咗一條條彈牙嘅麵條餐廳位置唔大，樓上鋪主要做熟客生意，侍應招呼都好周到
繼續閱讀
同屋企人又去咗宋皇臺嘅「大邊爐火鍋店」食私房菜打邊爐，雖然今餐Order嘅食物大多數圍繞住魚製品，但口味上食落絕不重複，各有特色。*此餐廳收取加一服務費。蝦滑釀魚肚（單點$182），手打蝦滑口感爽彈，味道鮮甜，魚肚食落類似魚肚棉花雞，魚肚口感軟綿，容易入味，食落充滿椰青雞湯湯汁。海底椰青雞湯鍋（單點$148），好足料，內有鮮雞、豬骨、海底椰、椰青、紅棗，味道清甜。潮州魚蛋（單點$58），口感彈牙，食落有鮮味。特式魚蓉麵（單點$48），採用鯪魚肉製作，食落好新鮮，口感煙韌，以麵條形式食出啖啖肉的感覺。娃娃菜（單點$40），口感爽嫩，食落好Juicy。芥醬（兩人$40），包括有蒜蓉、炸蒜、香蔥、指天椒、沙茶醬、豉油、自家製XO醬。酸菜（單點$18），醃酸蕎頭，口感爽脆，味道酸甜。絲苗白飯（單點$15），飯粒口感軟硬適中，米味濃香。竹蔗茅根水（單點$74），飲落好清爽。
繼續閱讀
您可能會有興趣的...