大邊爐火鍋店

營業中

休息中

又是時候大熱天跟朋友打一下火鍋，聊聊天，真是一個挑戰。餐牌上火鍋配料也很多，自己選自己喜歡的。海底椰青雞湯底湯底不會太濃郁，裡面有很多椰子肉和雞肉等配料，蠻鮮甜。手切特級肥牛吃火鍋，牛肉是必須的，份量也算多，吃起來肉質鮮嫰，不會過韌。三秒腐皮跟名稱一樣，放進湯底3秒就好喇….口感很酥脆四寶丸有蝦丸、豬肉丸、墨魚丸、牛丸，口感爽彈，個人比較喜歡牛丸，肉味比較濃。莧菜帶子水餃，鮮蝦水餃水餃的皮薄餡料飽滿，材料新鮮，個人覺得裡面多一點肉更佳。

書展忙碌過後，一班作家好友聚餐，順道慶祝生日，一行六人加一位小朋友熱熱鬧鬧的，最好當然是打邊爐啦﹗九龍城出名多美食，所以我們相約到九龍城相聚，今天選了大邊爐火鍋店，一於放鬆心情享愛這次聚餐的時間﹗由於我們以女士為主，所以點了個四人餐，然後再散叫一些食物⋯每位醬油收費$15，小朋友都同價，另酸菜$20碟湯底我們選了香茜皮蛋，材料算幾多，湯味清香撲鼻⋯首先送來的是海鮮刺身拼盤，以象蚌、貝為主，另有帶子和魚刺身，很新鮮及有光澤，蚌貝爽口、帶子也鮮味十足﹗套餐還包括：即叫即製手打四寶丸—丸以手打所以幾彈牙，另外肉汁豐富美國Prime Grade安格斯肥牛(大)—牛味重，肉質鮮嫩有質素﹗雙拼雜菰—雞脾菇和秀珍菇大邊爐四式餃—黑松露翠玉餃、沙葛爽爽餃、水餃及魚皮餃時令雜菜—有唐芹和唐生菜三秒腐皮—腐皮鮮炸無得輸啊﹗稻庭烏冬—烏冬彈牙，小朋友最愛﹗我們另外單點了：魚唇—吃著還以為是花膠炸魚皮—很香脆自製墨魚滑—爽口，另有墨魚粒增加口感和哥滋味牛丸—牛味香濃，爽口彈牙，讚﹗鮮蝦水鮫—蝦肉爽口大隻﹗自製蝦滑—蝦味勁濃，相比墨魚滑，我更喜歡蝦滑﹗整體環境舒適，服務週到，店舖面積雖然不算大，但很寧靜，一大班

今日有朋友約食飯，選址九龍城， 起初仲以為佢帶我食泰國野， 原來佢一早訂咗枱打邊爐， 仲話之前試過，好想再去多次， 咁我聽到佢咁講當然冇問題啦，因為呢個朋友出名識得搵食，一於跟佢去食好野。泊好車，行了幾個街口，到了城南道，見到大大個招牌寫住大邊爐，呢間舖頭係樓上舖，入口不算起眼，但招牌易見，經過一條長長既樓梯上到一樓，已經見到舖頭內燈光充足，環境乾淨。侍應很有禮貌地確認好訂位資料就給我們入座，同時很快手地給了我們醬料及餐牌。醬料有六種給我們選擇打邊爐無野重要得過個湯底，我地都第一時間睇下有咩好野， 經過一輪商議，因為怕熱氣，我地決定揀冬瓜瑤柱湯底 ($64)，湯底上枱後我地慣性地先飲一少碗試味，真的很清甜，冬瓜及瑤柱都算多，仲有舊骨吊下味添。之後我地點既食物很快一碟一碟陸陸續續上枱，開餐 ！手切安格斯肥牛(大) ($288) - 雪花分佈平均，牛肉唔係薄切，所以食落十分有口感，入口時牛肉充斥口腔，牛味醇厚。海鮮蛋角 ($88) - 蛋角夠嫩滑，餡料好豐富，有蝦同帶子，做得好出色。唔錯特式魚蓉麵 ($42) - 出面較小食得到，魚蓉麵有淡淡魚嘅鮮味。桂花蚌 ($138) - 桂花蚌份量都

生日飯局浪接浪，朋友帶我黎到九龍城打邊爐~ 九龍城出晒名係小泰國之稱。我黎親都係食泰國菜多，一係就xx牛肉館。朋友話呢間唔錯，想同我分享下~入口唔太起眼 ~ 行一層樓梯上去。上到去環境舒適，燈光鮮明。侍應好快送上餐牌同醬料俾我地自行"混醬"。冬瓜瑤柱湯 $64夏天熱辣辣，要咗個消暑袪濕嘅冬瓜瑤柱湯做湯底。湯底係用冬瓜丶瑤柱同唐排熬出黎，清甜唔油膩。湯底入面仲好多小瑤柱。竹蔗茅根水 $64打邊爐咁熱氣，梗係叫 jar 竹蔗茅根水。唔太甜，清熱又下火。手切安格斯肥牛(大) $288牛有4款選擇，我地要咗個中等價錢。牛肉新鮮呈鮮紅色，脂肪分佈平均，淥兩吓就有得食。放入口，牛味好濃郁又嫰滑，好正~ 係好好食~    (下次要試埋個手切肉眼邊肥牛先)加拿大桂花蚌 $138桂花蚌食落鮮甜，口感爽脆彈牙。海鮮蛋角 $88蛋角好食~ 嘩! 有蛋汁之餘，餡料仲好豐富，有杞子，鮮蝦仲有帶子花膠仔 $66朋友點咗個花膠仔，話俾我養下顏喎~ 好多膠原BB ~嘩…好大方，一碟有好多花膠仔。抵抵抵~ 咁大個女，都未試過打邊爐有花膠食，所以唔知都淥幾耐。於是問下侍應，佢都好好咁話我地知大約10-15分鐘就食得。四式

一年365日無論氣候如何只要你是個打工仔，每隔一段時間你總會想去打邊爐吹吹水， 減減壓。 今晚放工經過九龍城， 雖然三十幾度熱但仍然想打邊爐吹吹水， 朋友介紹过有間樓上高質素打邊爐，決定食好西獎勵自己。 七點鐘進來已經有人開始晚餐了， 地方不太大但檯和檯之間也不算太逼。 冷氣充足抽氣系統做得不錯。先來一個混醬時間 。比起其他火鍋放題，这裏不同醬料均擺設得整整齊齊乾乾淨淨預備在每張枱上。湯底有很多選擇， 我們選了"海底椰青雞鍋" ， 滋補得嚟唔熱氣。 鍋底有很多雞件，仲有淡淡椰青味絕對適合再叫一些上乘的配料， 因不會搶其味道。我們叫了 "特級本地肥牛(例排)"，切得厚薄適中，肉味很濃 有口得嚟唔韌，油花適中， 一塊接著一塊吃， 本身不是牛痴也停不到口啊! "三寶丸"包括牛,豬,墨魚。牛丸也是手打牛，非常彈牙。 豬肉丸非常特別混入梅菜，同樣彈牙， 梅菜一啲都唔喊。真的做得很出色。 墨魚丸內也充滿墨魚粒爽滑彈牙，正!"三秒腐皮" 確實名不虛傳。 放湯三秒立刻夾起依然吃到腐皮脆炸的口感。"油麥菜"也非常爽脆鮮嫩 ，切成一小段也方便入口。" 特色魚蓉面" 也很推介。 魚肉呈粉紅色似乎沒有溝粉，

通常去親酒樓打邊爐都好嘈，不過如果你想靜靜地咁打邊爐，去大邊爐度打邊爐就啱晒啦。因為餐廳環境舒服又寧靜。打邊爐當然首選揀番個靚湯底，湯底足足有15款之多，任君選擇，我地揀左個海底椰青雞湯窩，喺未放食物之前，先飲左一啖湯，湯底味道清淡，有陣陣椰香雞味，湯中仲放左花膠，證明用料十足。另外，我們點左安格斯肥牛、脆香腐皮、牛丸拼梅菜豬肉丸同日本烏冬。安格斯肥牛色澤紅潤，紋理均勻，油花不絕，放入湯中輕輕涮幾秒半生熟即口，千萬唔好涮太耐時間，以免影響肉質，牛肉入口嫩滑，肉味濃厚，隨後脂香慢慢滲出，甘香可口。牛丸拼梅菜豬肉丸粒粒手打，咬落十分鮮甜彈牙有嚼勁。脆香腐皮鬆脆香口，入口即化。日本烏冬夠煙韌。

咁岩經過九龍塘，又突然想打邊爐，所以上左咦間試。其實d野都ok既，不過價錢稍為高左少少。加上兩個都唔算好肚餓，只係想打邊爐拖下肥牛。所以冇叫到海鮮，淨係叫左一碟大既手切安格斯肥牛、一碟三秒腐皮同一碟四寶丸。湯底方面揀左比較少見既海底椰青雞湯底。感覺咦間食既係氣氛同環境，所以唔好搵$138任飲任食比會食得爽d！海底椰青雞湯底 $88椰青味唔算好重，清清地。面到有一層雞油，都幾香。如果雞肉既雞味同椰味d就更好啦！入面仲有少量花膠，都幾嫩口幾痴口。手切安格斯肥牛 (大) $288份量算係合格，牛肉比平時食既原少少，油脂味都比較重。牛肉味就唔算好重，不過拖起上黎都幾嫩口，唔會好易拖到變老牛。三秒腐皮 $60朋友話三秒腐皮個名幾得意，想知係咩，所以點左。黎到先知原來係響鈴。佢炸得幾香口既，浸一下有d位淋淋地，有d位仲脆脆地，幾正。叫得三秒腐皮，大家食真係唔好浸多過三秒，可能鍾意食脆d啦！我自己就好快咁數左兩秒就上水，感覺岩岩好。不過個價錢真係幾貴下...因為$60只係得7舊。計埋加一，姐係差唔多$10一舊。四寶丸 $124四寶丸分別係：豬肉丸、牛肉丸、墨魚丸同蝦丸。自己本身比較鍾意咦種手把丸，所

今日同朋友來九龍城大邊爐食火鍋，事前我特登留咗肚，真係十分期待！由於大家都好肚餓，所以我哋選擇咗套餐B ，係8人份量黎架，價錢都只不過係 $1688，包好多款食物。海鮮刺身拼盤（2客）刺身拼盤係廚房即叫即切，所以製作需時。無論係加拿大A級象拔蚌、新鮮鱆紅魚刺身，定係日本帶子刺身，全部都好新鮮，值得極力推薦！東山羊肉片雖然我個人唔係太鍾意食羊，但試咗一片都覺得味道可以接受，唔太羶。蝦滑釀魚肚挺特別的一款火鍋配料，魚肚夠滑溜，蝦滑彈牙，非常滋味！即叫即製手打三寶丸三秒腐皮另點：澳洲帶子 $96絕對新鮮，口感彈牙👍🏿有烏冬就唔怕唔飽啦！值得一提嘅係呢度嘅背景音樂，非常搞鬼，有時會播生日歌、結婚進行曲、考試聽開嘅綠袖子、跑馬音樂... 總之非常有趣，哈哈！

今晚嚟到大邊爐同朋友打邊爐，地點係朋友推介，佢話呢度環境寧靜，唔同其他嘈雜嘅火鍋店，係舒適之選。嚟到2樓，發現環境乾淨企理，衛生情況理想。套餐B係8人份量，$1688包好多野，好抵食！我地選了椰子雞湯底，店員推薦的，話更有特色。海鮮刺身拼盤（2客）👉🏿加拿大A級象拔蚌👉🏿新鮮鱆紅魚刺身👉🏿日本帶子刺身一共有兩盤大大嘅刺身，咁多個人食都唔洗搶，勁滿足！美國prime grade 安格斯肥牛（大）牛肉非常新鮮， 淥一淥就食得，勁快俾我哋一掃而光！美國桶蠔我最期待嘅美國桶蠔來了！一上桌已經聞到好香嘅蠔味，令人垂涎三尺。蠔肉肥美，食落真係好享受🤤🤤大邊爐四色餃（黑松露翠玉餃、沙葛爽爽餃、水餃、魚皮餃）雙拼雜菰雜菌類，清洗得好乾淨， 可以放心食用。時令雜菜今餐大家都食得好滿足，環境舒服又寧靜，下次一定會再黎！

今日約左班好久不見嘅朋友黎九龍城打邊爐，由於想揾個舒適嘅環境聊天敘舊，所以選擇左大邊爐。經過一條窄長嘅樓梯，就嚟到位於2樓嘅店面。我地點左8人用的套餐B $1688海鮮刺身拼盤（2客）賣相相當精緻，裏面有加拿大A級象拔蚌、新鮮鱆紅魚刺身、另可選日本帶子刺身或游水鮮蝦刺身，而我哋選擇咗帶子。我個人最喜歡象拔蚌，因為口感非常爽脆，一流！美國prime grade 安格斯肥牛（大）牛肉有返咁上下厚度，食落有口感，牛味重，質素果然好！東山羊肉片平時打邊爐少叫羊肉，今日一試，覺得其實幾好味，唔錯。黑豚肉肉質富彈性，美味到不得了！美國桶蠔煮過後嘅桶蠔鮮味無流失，肉質亦沒有因而變韌，口感軟腍，正呀！大邊爐四色餃（黑松露翠玉餃、沙葛爽爽餃、水餃、魚皮餃）稻庭烏冬烏冬一食就知係靚野，我哋仲忍唔住encore多兩個烏冬添！竹蔗茅根水(每酌$64)不得不讚店員嘅服務態度，非常殷勤有禮，又親切，有求必應，絕對好評！

喺朋友介紹下嚟到大邊爐，結果令我相當驚喜，唔單止食物質素好，價錢亦唔算貴，第一次來就留下了良好嘅印象。我哋選擇咗套餐B (8人份量) $1688，咁就唔使左揀右揀啦！海鮮刺身拼盤（2客）（加拿大A級象拔蚌、新鮮鱆紅魚刺身、日本帶子刺身）不得不說賣相非常精美，刺身十分新鮮，尤其喜歡帶子刺身，絕對係鮮味無窮！美國prime grade 安格斯肥牛（大）一睇就知係靚野！東山羊肉片黑豚肉肉質鮮美細嫩，好吃！美國桶蠔隻隻蠔都飽滿肥美，有手掌咁大，真係忍唔住相機食先呀！蝦滑釀魚肚即叫即製手打三寶丸雙拼雜菰時令雜菜稻庭烏冬3秒腐皮響鈴係店家即叫即炸，必試！埋單每人幾百蚊，雖然貴過任食火鍋少少，但質素真係好好多，而且坐得好舒服，環境清幽，性價比相當高，對飲食有要求嘅你識揀啦！

哈哈，我真係好鍾意打邊爐，前日先打完，今日又打過 這家火鍋店不太起眼，是樓上鋪，需沿著火鍋店獨立樓梯而上，開餐前需給雙腳緞練一下。裝修簡潔光猛，眼看有4張4人方檯及3張8-12人圓檯，好像還設有獨立VIP房。火鍋高峰期已過，預計食客不算多，是日6點半到達，原以為自己好早，眼見已有3檯食客，有一檯好像已進入尾聲.... 入座後，店員好殷勤地送上醬料盤，醬料選擇不算多樣化，但夠精簡，最正係有我最愛既沙爹醬，沙爹醬味道香濃夠惹味 !見有酸梅湯和竹蔗茅根，問問店員是自製定現成貨，店員話酸梅湯同竹蔗茅根都係每日自製既，咁就要試下。自製酸梅湯每酌$52(每杯$14)  味道濃濃好足料蕃茄蟹湯底湯內有成隻蟹蟹肉鮮甜肉質實淨節日特別推介： 海鮮刺身拼盤 (3款) 每客$438有加拿大A級象拔蚌、新鮮鱆紅魚刺身、日本帶子刺身 象拔蚌切得大大片好爽甜 象拔蚌少不了的刺身 將之輕燙兩三秒，又要另一食法 ! 鱆紅魚刺身圍成朵朵花狀，肉質鮮甜 帶子好厚身，一開四件美國桶蠔HK$138大大隻脹卜卜好貨色打邊爐只要用料新鮮 , 那怕天時暑熱

難得男友星期五晚不用ot，就約他晚餐了。近期他除了喜歡吃漢堡，也喜歡打邊爐，所以我今晚找了家環境優雅寧靜的店，大邊爐！看到門口要上一層樓梯啊~上到去店員就會給我們調味盤，而我們也豪不猶豫點了啤酒。打邊爐喝啤酒才爽啊！不得不說這裡的環境非常舒適，座椅全是軟沙發，頗寬敞的。這裡的湯底大都好便宜！火鍋料除了基本的外，也有豪華海鮮，肉類，蔬菜，還有店家手作的丸和餃類。我們選了海底椰青雞窩，因為就像平時會喝的湯一樣，感覺特別又滋補~這杏色的湯用了鮮雞淆製，所以必需待雞全熟才好喝湯啊~雞已切件，所以吃好方便。在湯滾了一段時間，雞肉都是充滿鮮味，肉質不會粗糙，真的新鮮。食肉獸當然要點幾款肉~這是東山羊肉片，一卷展開超大的薄薄一片，脂肪紋路平均分佈不算好肥。熟後咬下清爽，羊果算濃但沒有膻味，點那腐乳吃的話，味道更上一層樓然後是金錢牛，鮮紅色沒甚麼肥肉賣相非常吸引牛的話不用涮到全熟，入口質感嫩滑有鮮味，牛這部位口感更爽店家自製的丸和餃類有好多選擇，我就各選了一款。和哥滋味牛丸有12粒之多，鮮紅色看到牛肉份量相當多。我們並沒有滾到全熟，咬下去超級爽口彈牙，因為店家做此丸時加了不少牛筋進去。味道方面，牛

今日去九龍城買泰國嘢, 順便想在九龍城食個晚飯再返歸, 行來行去唔知食咩好, 因為九龍城太多選擇, 中、泰、日、韓、西, 唔知食邊樣好, 行到來城南道, 見到有間樓上舖是吃火鍋的, 突然心血來潮, 一於入去打邊爐, 間舖個名有好特別, 叫”大邊爐”, 哈哈哈…… 間樓上舖都幾雅致, 有大約七-八張枱在店內, 桌椅枱面都干干淨淨, 俾人一種很舒適的感覺, 座低後, 侍應即刻為我們奉上茶, 行街行到攰攰地, 剛好可以舒舒服服的座低飲杯茶, 真唔錯! 很快, 侍應又奉上豉油及火鍋佐料, D火鍋佐料看上去都是非常新鮮的, 紅卜卜的指天辣仔已切得很碎, 綠油油的香蔥都切得好幼細任你取, 白色的新鮮蒜蓉以及已炸到金黃色的熟蒜蓉都分別放在白色的小碗中, 仲有辣椒醬, 全部都任你攞, 我們各自調教好自己喜歡的口味, 等湯底上枱. 湯底有幾種, 都是適合香港人口味的偏向清淡的湯底, 沒有麻辣, 香辣之類的湯底, 非常好, 我喜歡這類湯底. 而我們就叫了個椰青花膠雞湯作為湯底, 很快, 這款”椰青花膠雞湯”上枱了, 黃黃白白的湯散發出很濃郁的椰子雞的香味, 令人垂涎欲滴, 忍唔住舀了幾勺來飲, 哇! 非常