大邊爐火鍋店

營業中

休息中

上星期又約咗朋友出來食飯，朋友話不如去食火鍋，咁佢話不如去九龍城食，因為果度都有質素高嘅火鍋店，唔駛去旺角同尖沙嘴咁人多地方迫，於是就去咗呢間位於城南道火鍋店開飯坐低咗就睇餐牌有冇推介食物，又俾朋友先見到有火鍋套餐組合，而且仲有幾款選擇，不過我地得幾條友，又驚食唔駛費事嘥嘢，最後點咗套餐A食，唔夠先再點其他嘢食先食係海鮮刺身拼盤有象拔蚌，帆立貝同鱆紅魚片，未食已知非常鮮，皆因刺身有光澤就知食材新鮮，象拔蚌爽口滑嫩，帆立貝厚切又彈口，鱆紅魚片鮮甜又美味食完刺身就開始食火煱，先有即叫即製手四寶丸同埋有三秒腐皮，腐皮要趁熱即刻食，唔食會淋同唔脆，入口即溶相當鬆脆，至於手打四寶丸，各有不囗味道鮮嫩爽滑。食到咁熱氣飲返啲清涼飲品舒服下先，竹蔗茅跟水 果然係清潤爽呀！冬天再嚟食應該另有一番風味

朋友係個邊爐精, 所以好多時佢一發掘到D平靚正既火鍋店, 就會叫埋我一齊去食.呢晚約左佢去九龍城食飯, 除左泰菜之外, 火鍋店亦非常多. 黎左呢間上二樓既大邊爐, 唔係佢帶路好易miss左個門口, 佢話呢間好抵食. 睇下餐牌, 湯底都係幾十蚊, 其他餐廳而家真係無咩呢D價, 而且款式好多.簡單湯底最好味, 要左沙爹+皮蛋鴛鴦窩.配料黑豚肉紋里非常平均, 厚薄適中. 入口軟嫩彈牙, 肉味香濃, 滾耐左都唔會鞋口, 食材有番咁上下水準.手打丸配搭亦好多, 要左蝦丸拼豬肉丸. 平時多數係雪藏燒野食果D丸, 而手打特別彈牙爽口, 豬肉丸入面仲有D梅菜, 肉味夠香. 炸響令浸3秒入口仍夠鬆脆, 而且唔會太油, 索湯食一流.另外要左個椒鹽豆腐小食, 外面炸到微黃, 唔算太熱氣, 外脆內軟, 豆腐好滑口, 份量夠晒多.環境雖然唔算好大, 不過坐得舒服, 抽風亦充足, 服務亦好好.

是日又去咗九龍城食飯，但係D人一聽到話來呢度梗係一定會諗到係食泰國菜，其實九龍城仲有其他好嘢食，唔一定係泰國菜，今次就去咗呢間位於城南道火鍋店品嚐一下美食，見到大招牌上一層就到。再看餐牌都有幾多選擇，不過見到有套餐都幾豐富價錢又合理，而且仲有3款咁多因人數而加入不同食材，我地就點咗4人套餐再散點其他火鍋配料湯底係香茜皮蛋。至於飲料點咗泰國椰青滋潤一下。係未食火鍋前點咗小食食住先，有椒鹽金菇蓮藕片，炸得非常金香鬆脆，金菇入口脆卜卜，蓮藕片一樣咁爽口，而且好入味到火鍋時候出場，先來時令雜菜同雙拼雜菰。仲有三秒腐皮，店員話呢個要趁熱食先好味，同埋放落湯度浸3秒就食得，又真係冇介紹錯，入口即化，相當鬆脆隨後係海鮮刺身拼盤,分別有鱆紅魚魚生，凡立貝同象拔蚌，買相精㮹，刺身色澤鮮明，未食已知非常鮮，先食魚生肉質鮮嫩又厚切，凡立貝爽口大粒，到象拔蚌份量足料又新鮮，入口肉質滑溜又鮮甜，真係食到嘴舔舔之後係大邊爐四式餃（黑松露翠玉餃香濃又滑溜，沙葛爽爽餃入口夠清爽，水餃真材實料又多汁同魚皮餃入口啖啖肉）仲有即叫即製手打四寶丸，各有不同味道，但係都一樣咁出色嫩滑彈牙另一款美國Prime Grade安格斯肥

好耐冇打邊爐，上星期朋友介紹咗九龍城一間高質素嘅火鍋打邊爐，個朋友話有個四人餐都幾抵食而且質素都幾高海鮮刺身拼盤有帶子、象拔蚌、章紅魚刺身。一拎出嚟果粒帶子一開四真係勁大粒，食起上嚟係好新鮮，象拔蚌都爽口彈牙、章紅刺身鮮甜呢個拼盤我已經覺得值回票價美國安格斯手切肥牛每一件都非常鮮嫩，牛味十足，脂肪均勻四色餃同四寶丸都係自家製，皮薄餡靚手打四寶丸鮮甜彈牙；黑松露翠肉餃裏面有新鮮嘅帶子，我覺得黑松露味適中墨魚丸同牛丸都真材實料架 三秒腐皮即係平時我哋叫嘅響鈴，佢係即叫即製即刻炸，上嚟嘅時候我唔知一夾就擺咗落個口度試即時辣到我個咀損左，大家真係要小心啲仲有稻庭烏冬、蔬菜同雙菇整體黎講呢間大邊爐嘅火鍋料都好有誠意！呢間價錢，4個人食到飽晒，抵！！

九龍城除左出名食泰菜，打邊爐都好有名，龍城友人推介左幾間，今晚同朋友去游完水就揀左去食下呢間。餐廳屬中檔酒樓格局，環境舒適。最鐘意列明收費，芥醬$15一位，酸菜$10，加一等。選擇豐富。識食緊係揀蕃茄野菌金湯蟹鍋$148。可以飲下個湯先，湯底仲有豬骨、冬菇、雞脾菇、芹菜、粟米，最正係個湯嘅蟹味係由頭帶到尾，冇味精，真材實料。特級手切肥牛$188都唔少得，肥牛色澤不錯，厚薄適中，唔會太薄，非常有嚼勁，好有牛味。墨魚丸拼蝦丸$116有12粒，唔好睇佢細細粒，十分彈牙，蝦味和墨魚味濃郁，與蟹湯味很夾，相得益彰。大邊爐四式餃$72，包括鮮蝦水餃、莧菜帶子餃、魚皮餃和沙葛爽爽餃。水餃好大隻，好like大餃皮，滑lu lu。莧菜帶子餃真係有帶子，很有質素。

火鍋店係九龍城其實都有好多，好味道當然亦唔少！但呢間店就係好食之餘，重要係價錢個餐真係超抵，重要係食物質素高，4人餐$938，平時就搵間任吃，但質素就會較差，一係質素高，價錢亦相對高，但呢個價錢就較抵而有刺身同火鍋，湯底就選擇了香茜皮蛋，跟住上了份美國Prime Grade 安格斯肥牛(大)，放湯一滾即吃，肉質嫩滑軟熟之餘夠晒肥美！而個大邊爐四式餃，就絕對係推介，隻隻餃身都皮薄餡料豐富！水餃裡面嘅餡料真材實料大大隻蝦，肉質彈牙爽口！套餐內嘅海鮮刺身當然係重點啦，有象拔蚌，帶子刺身，象拔蚌肉質爽口彈牙，帶子鮮甜，正！而且係新鮮即時製作！平時就咁叫最少都要三四百啦，套餐已經包括，絕對冇得輸！而等待時就加了個椒鹽金菇蓮藕片$60，金菇炸得香脆，入口卜卜脆！而蓮藕片亦好脆口，粉漿薄身所以入口唔會覺得肥膩！例牌當然要點埋嘅，炸魚皮$42，魚皮炸得非常香脆而平時最愛吃嘅綿花雞嘅綿花，就係魚肚，見到有都點了一個雪花魚肚$72，放入湯中，魚肚吸收了湯中精華，味道更佳！加埋蘇格蘭蟶子皇$36(隻)，肉質彈牙爽口鮮甜！而跟餐重有新鮮嘅雙拼雜菰，入口彈牙爽口嘅冬菇十分軟熟！還有時令雜菜，新鮮爽口！而套餐嘅三

女小編今日自私出走同朋友打邊爐朋友話之前食過覺得正，要約我地聚下順便過下邊爐瘾打邊爐當然少不免要有醬料啦！個xo醬好惹味呀我地要左個套餐A(四位用)原來有埋刺身拼盤，全部都好新鮮呀！！！真係估唔到火鍋店可以食到咁有質素咁鮮甜既刺身依家睇返相都仲好回味呀打邊爐我就最中意食菜，啲菇同菜雖然係跟set~但份量一啲都唔少！！！仲好新鮮，唔係啲菜頭菜尾咁個烏冬滑嘟嘟又彈牙牛肉拼盤既牛肉係安格斯牛正！啲手打丸同餃都係真材實料，啲丸好彈牙，啲餃就勁足料！！！獲得全枱一致好評個響鈴都好重豆味，沉佢兩三秒，仲係脆之餘又吸左啲湯底精華，得左小編叫左椰青黎飲，清甜解渴！！飲完仲可以“筆”啲椰肉出黎食添朋友果然無帶錯我地黎，呢度食材新鮮之餘服務態度又好，全晚都食得開心又舒服

鍾意打邊爐的我, 即時天氣炎熱, 也會相約友人去火鍋, 今次選了係我公司行去也方便的九龍城區的大邊爐火鍋店食飯. 這裡有不少特色湯底, 最後選了蕃茄野菌金湯蟹鍋. 湯底上枱, 湯中有好多野菌. 打邊爐一定要混醬, 醬汁選擇只有簡單幾款. 配料選了手切安格斯肥牛, 美國桶蠔, 雪花魚肚和特式魚蓉麵. 打邊爐咁熱氣, 當然要飲番一個椰青滋潤一下喉嚨. 手切安格斯肥牛. 肥牛的色澤夠粉紅色, 而且脂肪分怖平均. 牛肉厚薄適中. 要食全熟的我, 牛肉口感仍然保持滑身, 不會好乾和硬, 牛味幾濃. 美國桶蠔. 一份大約有五至六隻. 蠔夠大隻, 又肥美. 雪花魚肚. 魚肚吸收晒湯的精華, 特別好味. 特式魚蓉麵. 自己動手整出一條條的麵, 幾好玩. 魚麵唔會混入太多粉, 入口帶有一些魚的鮮味, 魚肉的比例也較多, 所以較有口感. 下次來九龍城食飯, 除了食泰國菜外, 火鍋也是不錯選擇.

上次得兩個人去“大邊爐”食得唔多，但高質既服務同食物令俾到我好好既印象，所以今次就約多幾個朋友再黎食！！！（咁就可以食多啲野啦）wow, 一上到去就見到想逃脱既蟹先生呢度依舊冷氣好夠，女士們真係要帶多件外套呀~~~今次有四個人，咁就要個四人餐HKd$938+10%啦套餐當中包左個刺身拼盤，單嗌都要HKd$438+10%個拼盤好新鮮呀，當中既象拔蚌刺身令我印象最深刻，鮮甜得黎又爽口！店員仲好好咁俾我轉做同價既“東洋金湯”個湯底，有南瓜、粟米、牛蒡、栗子同排骨！清甜得黎又唔會覺得淡口個安格斯牛拼盤都正呀，牛肉唔韌有牛香，牛脂分佈平均，不論牛肉片定牛肉粒都食到我地lum lum 脷手打四寶丸有齊牛、豬、蝦同墨魚丸，全部都爽口彈牙勁足料仲有大邊爐四式餃，粒粒都包到脹卜卜好足料個餐仲包埋雙菇拼盤、雜菜籃同响鈴！唔夠飽仲有稻亭烏冬呀~~~~今次我就飲罐可樂HKd$12+10%“倨一倨”先啲食物質素同服務都仲係keep得好好！同埋今次多啲人可以叫set真係可以試多啲同抵食啲添呀同朋友打住邊爐咁食住吹水，真係個滿足而暢快既一晚

同事farewell最好不過是打邊爐, 任食火鍋質素當然沒有散點的好, 這家大邊壚, 除了散點, 這裡更有4/8/12人套餐, 將餐牌中最有名氣的配料抽出來由於我們人較多, 決定來一份四人餐加散點鍋底三選一, 香茜皮蛋鍋雖然簡單, 但由於越滾越久, 皮蛋跟湯溶合在一起, 絕不失禮先來一份海鮮剌身拼盤, 帶子厚肉/象拔蚌空運到港新鮮/鱆紅魚都鮮甜美國安格斯牛是雙拼, 牛立方加肥牛, 牛脂分佈平均, 入口滿滿牛香手打四寶丸, 餐牌上提及是即叫即製, 果然彈牙, 內裡更夾離著新鮮材料大邊壚四式餃, 當中黑松露翠玉餃及沙葛爽爽餃較為特別, 前者陣陣黑松露, 後者一粒粒沙葛粒在內, 味道似雲吞,每一粒均是脹卜卜, 皮薄透出內裡餡料, 新鮮三秒腐皮, 上檯時熱辣辣, 新鮮炸起, 店員告知放在鍋中三秒便可套餐中更包括雙併雜菇及雜菜, 共5-6款簡簡單單的炸魚皮, 夠薄夠鬆脆, 不油膩,輕輕的浸在鍋裡, 半濕半脆, 難以擴拒每次火鍋的尾聲, 必定點一份稻庭烏冬, 烏冬已預先解凍, 只要在鍋裡煮數分鐘便可進食, 吸晒鍋中精華飲品點了竹蔗茅根水, 一酌分到5-6杯, 絕對是自家飲料, 不會太甜

前幾日媽媽生日，佢鐘意打邊爐，所以我就揀左九龍城呢間隱世大邊爐啦！ 呢間店淨睇門面 真係無咩特別，但原來好full好多人book位我地叫左一個四人套房，因為有晒我想食嘅象拔蚌、章紅魚刺身同埋安格斯牛刺生拼盤-章紅魚係三樣入面較為失色，但都幾新鮮象拔蚌 勁新鮮！！第一次食到咁爽口的帶子好大粒，平時係放題食到嘅只係佢嘅四份之一咁大，好味美國prime grade 安格斯牛一睇個花紋就知係靚野，最鐘意碌到岩岩好得番少少粉紅色，好嫩好有牛味！ 夠厚，好有口感！三秒腐皮，真係岩岩即炸出黎，因為仲係好熱，就咁食好脆口！ 雙拼雜菇，份量剛好手打四寶丸可能因為即叫即制嘅關係，好爽口！ 最鐘意食蝦丸，完全食到佢嘅鮮味，又夠彈牙牛丸充滿牛味四色餃 廚師自己包嘅四式餃用料都新鮮，大大粒。黑松露翠玉餃幾好味，有淡淡嘅黑松露味，值得一試！水餃用料扎實稻庭烏冬 幾軟熟，比普通烏冬口感好。食晒所有打邊爐料 最後落埋呢個就飽晒啦酸梅湯 幾好飲，一樽岩岩好四個人一人一杯呢間打邊爐用料勝在夠新鮮！ 樣樣都無令我失望

我對打邊爐的熱情是就算已經是炎炎夏日，太陽都下山還是有30度的氣溫正常人都癲！ 不過，完全不會阻礙到我！最多之後整番兩杯凉茶消消熱氣，無事！ 九龍城呢頭一向是識食人士愛聚腳之地！在這頭常常都可以揾到一些性價比高的餐廳，即是付出少過收獲，都咪話唔爽！ 解暑項目第一環就是來番個椰青先！須知道亞熱帶地區都是靠它解渴降溫就知幾得啦！個椰青雪到凍冰冰，而裡面的椰青水就甜過糖水，還滿滿椰子芳香，簡直透心涼到爆呀！ 湯底的選擇非常多，而且價錢包一啲都唔貴，就以我們所選擇的蕃茄野菌金湯蟹鍋為例，出面那些店如果有原隻大蟹呢啲貴價海鮮做湯底，閑閑地二百蚊一個湯底無走雞啦！ 呢度選用新鮮原隻成斤重大膏蟹，我睇住一落單，伙記就走去海鮮養水池度捉左隻腳撐撐的大蟹入㕑房， 然後端上來見到那窩內的是一隻爆曬膏的蟹！超正！ 煮沸之後，第一時間食蟹試味！果然新鮮點整都好味嘅！鮮味到呢！肉質爽口鮮甜不在話下，連啲蟹膏都清甜嗰下難得！蟹鉗亦細心地事先爆開，啖啖肉正呀！ 食完個湯底啲蟹，就是正式打邊爐時間！打邊爐我一定要有碟靚牛肉先算打過邊爐架！ 手切安格斯肥牛就啱曬我心水啦！打邊爐我要求塊牛肉一定要夠肥夠多雪花，好似呢碟

很久沒有到過九龍城吃飯了，一位久違的大學同學約我聚聚舊，選了一家在九龍城的火鍋店。聽說九龍城的火鍋店都走高檔好料子的路線，還真讓我有點小期待。大邊爐原來是樓上鋪，感覺私穩度十分足夠。店裏位置大大，但坐位亦算闊落，坐得舒適。一坐下先上的是醬料，自行調配好後，店員便會先行拿走，不阻位置。我們點了一個香茜皮蛋拼沙爹湯底。香茜皮蛋清而帶濃濃的香茜味，不會熱氣。沙爹味濃郁，花生和椰香充足！手切安格斯肥牛打邊爐怎能少了肥牛！我們兩個大男人當然要了大盤的肉。手切肥牛很巧刀功！牛肉不會太薄，亦不會太厚。雪花很均勻，油脂分佈適中。入口口感有咬口，肉味挺濃的，油香亦十分持久！很新鮮有質素的肥牛！大邊爐四式餃（鮮蝦水餃，魚皮餃，西洋菜餃，沙葛爽爽餃）手工制的四種餃，每種都材料豐富，皮質很薄一點都不厚。鮮蝦水餃蝦肉彈牙。魚皮餃是我的最愛，皮質帶小許煙韌，入口充滿了魚油的香味。另外的西洋菜餃和沙葛餃也是皮薄又滑的，人手新鮮制的餃特別好吃。美國桶蠔桶蠔非常誇張，隻隻非常巨大，大如手掌的大小！口感十分juicy，蠔不至大隻，味道亦十分鮮甜。不會有藏沙，啖啖都是肉！三秒腐皮這裏很有名的三秒腐皮，其實是即炸響鈴。響鈴非

大熱天時打邊爐係乜玩法！？老友真係玩野！九龍城出名多好野食，又經濟！衣間大邊爐喺城南道，入囗要細心d搵！上到去冷氣好足，開冷氣打邊爐不嬲都係奢侈架啦！老友果然冇老點！大街中，門口細細裏面裝修超新淨，地方又乾淨，唔似其他邊爐店地方濕立立！叫左冬瓜瑤柱湯底，清清地，好足料，有好多粒瑤柱，淨飲湯唔覺鹹。黑松露翠玉餃 $72有黑松露味嘅豬肉，豬肉好彈牙，黑松露味幾出，好新鮮既配搭，推介！手切肉眼邊肥牛 例$258分量算多，好有口感，可能係肉眼邊，所以有少少肥，但係肥得剛剛好，似食鮮牛，厚身，肉質嫩，好有咬勁，非一般既牛，唔係度度食到。三秒腐皮 $60個三秒腐皮即叫即炸，脆到爆，要溫柔d夾，落湯一秒食得，得左！澳洲帶子 $96帶子開邊後上枱，大大粒，完全無腥味，有咬口，份量幾多下，好抵食。蝦滑釀魚肚 $116蝦滑好彈牙，配魚肚都係第一次見，魚肚好味，無腥味，連湯食無得彈！衣間野性價比好高，份量足，價錢公道！一定有下次

今晚表哥一家約左我係九龍城食飯，以為去得九龍城9成9都會食泰菜，估唔到，表嫂帶左我地去一間門口唔係咁顯眼既上樓火鍋店。呢間火鍋店係係城南道12號，門口細細，唔爲意真係好容易miss左。上到樓地方唔大，但係裝修雅緻，坐得都舒服。Menu除左散叫，呢度仲有d 4/8/12人set。泰式冬蔭公併海底椰青雞 $88呢兩個湯底都好正，先講個冬蔭公，香味撲鼻，飲落微辣帶酸，仲有d椰香，不過略嫌材料唔夠多。至於個海底椰青雞，冇諗過係咁清甜，配上滑雞同海底椰，正特級手切肥牛（例）$188呢碟牛肉新鮮色水又靚，薄切牛肉顯示出師傅既刀功，牛既脂肪比例都可以，食落嫩滑有牛味黑豚肉 $72呢碟豚肉都好掂，豚肉既脂肪比例好均勻，而且一d都唔un肉蟹 $108呢隻肉蟹唔係太大，正常size，但係以呢個價錢，唔算貴，而且新鮮又多膏黑松露翠肉餃 $72呢個餃既配搭好新鮮，皮薄又多餡，黑松露味重，翠肉瓜爽，口感一流脆香腐皮 $60呢個響鈴新鮮酥脆，多層口感，索湯一流手打墨魚滑 $60墨魚滑爽口彈牙，略嫌蟹籽較少蝦丸併豬肉丸 $116其實呢兩種丸都好彈牙爽口，不過我覺得貴左d囉炸魚皮 $42呢個炸魚皮都幾新鮮，又香口又脆