大邊爐火鍋店

營業中

休息中

一行四人，到九龍城打邊爐，見評價不錯來試試新店，誰不知，中伏！大中伏！叫了一個四人餐，份量不足，食材又不新鮮！刺身無味！不知所謂的火鍋店！自製沙嗲湯底，非常稀，不夠味！清湯一樣刺身不夠新鮮，沒有味道，特別是魚生，質素差！手切牛算正常，但份果不夠四人，每人吃得2,3塊手打丸，非常細小！是正常肉丸的一半size普通四式餃，每款得兩隻，四人餐，點分？？餃子不是什麼名貴菜式，正常火鍋店都一人一隻啦！雜菇？普通，沒有什麼特別。響鈴，烏冬和雜菜都非常普通。四人餐，$1088再加一,又加$15醬料，飲品另計，埋單$370一人，好似無食過野一樣！伏到一個點，九龍城隨便一間都好過佢！難怪未夠夜晚9點，一個人都無！無下次！永久Black list

點咗一碟特級手切肥牛 268 ， 點知黎到係一碟特 級瘦牛肉，跟住問個女侍應，佢話：［肥牛係咁，仲指住唯一一塊有少少少少帶肥就話，哩碟係肥牛，仲話，你應該叫手切安格斯肥牛，會肥d。］肥牛冇肥，點叫特級肥牛。餐牌選擇已經唔算多，點聖子又話冇，點象拔蚌又這這話要睇下有冇先... 我一定唔會推薦哩間餐廳比人

幾個好朋友同我慶祝生日， 選擇了這間火煱店， 環境好好， 地方唔算大， 但一d都唔嘈， 一行六人， 大家都係好牛之人， 當然唔少得點牛， 點了安格斯肥牛， 本地肉眼邊肥牛， 白鱔， 脆香腐皮， 炸魚皮， 四寶丸， 三菇拼雜菇， 四式餃， d牛真係無得彈， 牛味濃， 白鱔新鮮，其他都不錯， 唯獨秀珍菇就唔得， 望落已經唔靚， 部份冬菇仲有少少酸，店舖真係要改善一下， 唔知係咪大家都好肚餓， 好快已經將枱上食物清光， 即再追加一碟安格斯肥牛， 一碟特級本地肥牛， 墨丸拼梅菜豬肉丸， 一樣掃清， 係牛比較貴價， 其他都一般價錢， 都算抵食

去九龍城唔一定食泰國菜，今次就同屋企人去打邊爐叫左個8人餐，湯底係蕃茄湯，不過蕃茄味真係唔覺有佢個牛肉同豚肉都唔錯，好爽，好有口感。跟餐有象拔蚌，但佢好sam，就算加左檸檬汁都去唔到佢陣味最後人均要300，感覺好唔抵食

今日同男朋友屋企人去食父親節飯，佢老豆鍾意飲酒，所以每次都係選擇食火鍋；可以慢慢食慢慢飲酒傾計；我去到所有嘢已經嗌好，同佢地講係一個套餐黎；肉類有黑毛豬、牛展、肥牛；而且仲有想象拔蚌同帶子刺身；不過我唔食生嘢，所以唔知好唔好味；不過打邊爐其實真係到到一樣，所以我覺得相對都普通，無咩特別。

天氣涼涼地最岩約三五之己打邊爐傾偈今晚就約左好耐無見嘅大學同學出來聚會話想九龍城打邊爐我就book咗大邊爐因為貪佢夠靜傾計一流同埋邊爐料質素夠高我同屋企人都幫襯左幾年了七點幾嚟到都已經坐滿人地方細不過裏面有房的我哋一坐低就混下醬先我地點左個雙拼香西皮蛋同埋沙嗲呢度嘅安格斯肥牛真係超正一咬落好juicy 有牛肉鮮味連平時好少食牛肉嘅朋友都食咗好多塊見到賣相已經流晒口水好肥美好鮮味極度推介呢款西洋菜帶子餃裏面包左好多西洋菜帶子都好大隻下足料！食落仲好有鮮味朋友話想一次過試晒佢啲丸於是就點左四寶丸係好好味質素高好彈牙又唔會落好多味精因為我同朋友都好鍾意食魚今次我地點左白鱔片超正又夠厚度烚嘅時候又唔會散晒出嚟點左好多菜五個人平均＄222因為唔係點左好多肉類同海鮮所以呢個價錢其實都偏貴不過朋友都覺得呢度打邊爐唔錯所以下次都會再幫襯

約了一班好友幫朋友慶生，一班人最好就是打邊爐，聚在一起說笑最開心! 於是朋友提出去最多好野食的九龍城! 這間門外不太起眼，是樓上店，樓上店的好處是比較靜、坐得較舒適入到餐廳，空間感好大啊，我最喜歡這樣的餐廳，坐得比較舒服人多揀食物你一言我一語，於是決定先叫一個套餐，再一邊吃一邊加食物!香茜皮蛋湯底，適合大人小朋友，湯料好足呢!海鮮拼盤刺身! 說明是刺身，當然生食啦! 不過有朋友不吃生的，也照樣放進湯底「拖一拖」才安心食!象拔蚌超正，又鮮又爽身，吃到停唔到口!四寶丸，吃火鍋必吃美國Prime Grade安格斯牛，嘩! 好高級呀! 高級牛真的用肉眼也看到，牛肉的紋理及脂肪比例很均勻肉又嫩又滑，真的好好味啊!自家制蝦滑，好彈牙，另外我們也有點墨魚滑，一樣是彈牙，必點常常吃放題，間中都要吃一些高質的火鍋平衡一下，這家火鍋店環境好、食物質素高，難怪人人都說九龍城任何一家餐廳都值得一去啦! 這次生日飯，朋友也非常滿意呢!

三個朋友喺九龍城唔知食乜好，又唔想食泰國菜，就去咗呢一間門面大大隻招牌寫住「大邊路火鍋店」嘅火鍋餐廳試吓。原來火鍋店係上樓形式，上到去環境都幾大，而且裝修好有氣派，仲有兩間房間，我哋就被安排坐房間入面嘅大枱位置。店員即時俾咗茶水我哋飲左先，再俾埋用膠板箱起嘅餐牌我哋睇，餐牌設計得好特別，雖然好重，但係好有氣派。店員推廣之下，我哋叫咗個夏日推廣有個「海鮮刺身拼盤」＄438，入面有三款刺身，新鮮「章紅魚刺身」，呢一款刺身好少喺出面食到，估唔到今次第一次食口感幾好，食落去味道好新鮮，絕對唔會腥，再點埋豉油一齊食冇得頂。係等火鍋湯底同埋配料期間，我哋叫咗個小食係「椒鹽墨魚丸」，一盒大約有七至八粒，炸到好香脆可口，再連埋面頭小小嘅椒鹽粒一齊食，好滋味。湯底係「鴛鴦鍋」，我哋每人叫咗一隻「蟶子」，賣相好吸引，好大條好大隻，而且洗得好乾淨，食落去比我想像中更爽口，唔會煙煙靭靭，值得一試。火鍋配料分別係「四寶丸」、「自製蝦滑」、「四色餃」同埋「黑豚肉」等。我最欣賞係「四色餃」，入面真係有四款唔同口味嘅餃，見到已經好大隻，食落口一啖都食唔晒，因為隻餃裏面實在太足料，特別係「雲吞」，入面好多蝦肉，好味道。

真係唔知道九龍城有一間「大邊爐火鍋店」，係OpenRice見到幾好食評，所以上去試吓。上到去點樣店員安排我哋坐房間入面嘅大圓枱，三個人坐落去空間非常寬闊，而且座位舒適，只是有一點冷氣不足。當然唔少得即刻叫啲新鮮刺身食下啦，見到夏日推廣有個「海鮮刺身拼盤」，四個人嘅份量只係＄438，仲要入面有三款唔同口味嘅刺身，食落去「象拔蚌刺身」爽口，再點小小Wasabi豉油食，好正。另外「帶子刺身」好大隻，一啖食落去口好滿足。聽朋友講話「椒鹽墨魚丸」好正，就叫左一客試吓，估唔到真係新鮮即炸，香脆可口。因為朋友想食沙嗲湯底，所以我哋叫咗個「鴛鴦鍋湯底」，兩款湯底都好夠味道，特別「沙嗲湯底」，有好濃郁嘅沙嗲味道。當然唔少得叫啲「時令海鮮」試吓啦，我哋每人叫咗一隻「蟶子」，蟶子好長好大條，放入去唔夠幾分鐘就食得，食落去仲要好新鮮，點埋豉油就更加好味。另外我哋仲叫咗啲「火鍋配料」，分別係「四寶丸」、「四色餃」、「黑豚肉」同埋「自製蝦滑」等。每一款火鍋配料都好新鮮好好味，特別係「自製蝦滑」，新鮮手打蝦膠，每次將少少放入鍋入面，幾分鐘後食得，食落去爽口彈牙，粒粒蝦肉喺入面，必食之選。最後我哋叫咗兩款飲品，有我最

今次驚朋友介紹下就去到九龍城嘅一間火鍋店叫做「大邊爐火鍋店」試吓。坐低無幾耐就有侍應招呼我哋，仲有茶水供應，當然唔少得有我最鍾意嘅混醬啦，起碼有五種混醬配料，可以任客人自己配搭醬汁。首先即刻叫一碟夏日推介嘅「海鮮刺身拼盤」四人用＄438，拼盤包括三款唔同嘅刺身，有「加拿大A級象拔蚌切片」、「新鮮章紅魚」同埋「日本帶子」。刺身切成一片片，賣相好吸引，薄薄地點埋芥辣豉油一齊食，口感好爽，而且味道好新鮮，必食之選。小食「椒鹽豆腐」同埋「椒鹽墨魚丸」，賣相都好吸引，而且食落去豆腐好滑，加埋香脆可口嘅椒鹽粒一齊食，非常滋味。湯底係「蕃茄野菌金湯蟹鍋」，入面有大大隻蟹同埋野菌，而火鍋配料我哋叫咗「四色餃」、「炸魚皮」、「脆香腐皮」、「花膠仔」、「東山羊肉片」、「花螺片」、「蝦丸拼墨魚丸」同埋「黑豚肉」等等。咁多火鍋配料之中我最鍾意就係「東山羊肉片」，估唔到羊肉片唔騷，而且好新鮮好濃郁，薄薄地食落去，好有口感，而且羊肉嘅條紋非常平均，半肥瘦的，正。仲有「蝦丸拼墨魚丸」，賣相好新鮮，睇得出係手打出嚟粒粒，晶凝通透，食落去有好新鮮嘅蝦同墨魚丸味道，而且入面有粒粒蝦同墨魚丸，真材實料，爽口而彈牙，好味道。

九龍城多數食泰國菜，但係今次同朋友想喺九龍城打邊爐，見到附近有一間門面招牌好大隻字寫住「大邊爐火鍋店」，就上去試吓。上到去環境都幾闊落，而且仲有兩間房仔，裝修華麗寬敞，我哋三個人就坐左一張大嘅圓枱，所以空間好闊落。除咗火鍋配料之外，仲有不同款式嘅時令海鮮推介，以及我最鍾意嘅刺身，見到有個「夏日推介嘅海鮮刺身拼盤」四人用只係＄438，就包括「加拿大A級象拔蚌切片刺身」、「新鮮章紅魚刺身」同埋「日本帶子刺身」，一次過滿足晒我三個願望。刺身望落去好大盆、好新鮮，非常足料，特別「象拔蚌」咬落去非常爽口，就算唔點豉油都唔會覺得好腥，反而覺得好新鮮。小食方面叫咗一個「椒鹽豆腐」同埋「椒鹽墨魚丸」嚟試吓，估唔到「墨魚丸」好脆口好彈牙，正。湯底就叫咗我至愛嘅「蕃茄野菌金湯蟹鍋」，湯底入面真係有蟹、同埋好多野菌金菇，非常足料， 而且就咁飲一啖湯底都非常鮮甜。火鍋配料我哋叫咗「花膠仔」、「東山羊肉片」、「花螺片」、「四色餃」、「炸魚皮」、「脆香腐皮」、「蝦丸拼墨魚丸」同埋「黑豚肉」等等。我最欣賞係「花膠仔」同埋「四色餃」，花膠仔一放入火鍋入面唔夠5分鐘就可以食得，如果放得耐花膠會溶喺火鍋入面，花膠食落口煙

表姐就快大婚之喜，當然替她開心，找到一個可付託終身的伴侶，好期待那天的來臨。身為表妹的我，又怎可以唔幫手呢？事前的瑣碎事，真是多得很。表姐約埋了姐妹食飯，傾一傾當天的細節流程，便大伙兒去食餐豪的，不約而同，都有同一個想法，就是我地至愛的打邊爐。朋友好介紹，這裏的響鈴是出晒名的，三秒即可入口，絕對是口感一流。雖然門口，並不起眼，沿著狹窄的樓梯上，餐廳的擺設，看上去有點高尚，座位舒適又寬闊。意想不到，地方小小，擺設令人舒適又清雅。我地點左了一個四人套餐，有火鍋配料、魚生刺身、都是唔錯的選擇。四人套餐的份量都唔少，足夠我地四人食用。海鮮刺身拼盤美國Prime Grade安格斯肥牛（大）即叫即製手打四寶丸大邊爐四式餃（黑松露翠玉餃、沙葛爽爽餃、水餃、魚皮餃）雙拼雜菇時令雜菜稻庭烏冬三秒腐皮樣樣食材都是非常新鮮。火鍋湯底，有鴛鴦鍋，芫茜湯鍋、沙嗲湯鍋。刺身都非常新鮮、材料上剩，不是一般貨色，帶子又大隻，可以一開四，肉質又軟滑，帶有口感。象拔蚌鮮味十足，爽口彈牙。美國安格斯肥牛，牛肉肥瘦適中均勻，入口溶化，鮮甜味在口中散發，只需淥一淥，即可食，一點都不肥膩，美味十足。手打四寶丸，是即叫即做，絕對是

今日去九龍城買泰國嘢, 順便想在九龍城食個晚飯再返歸, 行來行去唔知食咩好, 因為九龍城太多選擇, 中、泰、日、韓、西, 唔知食邊樣好, 行到來城南道, 見到有間樓上舖是吃火鍋的, 突然心血來潮, 一於入去打邊爐, 間舖個名有好特別, 叫”大邊爐”, 哈哈哈……間樓上舖都幾雅致, 有大約七-八張枱在店內, 桌椅枱面都干干淨淨, 俾人一種很舒適的感覺, 座低後, 侍應即刻為我們奉上茶, 行街行到攰攰地, 剛好可以舒舒服服的座低飲杯茶, 真唔錯!很快, 侍應又奉上豉油及火鍋佐料, D火鍋佐料看上去都是非常新鮮的, 紅卜卜的指天辣仔已切得很碎, 綠油油的香蔥都切得好幼細任你取, 白色的新鮮蒜蓉以及已炸到金黃色的熟蒜蓉都分別放在白色的小碗中, 仲有辣椒醬, 全部都任你攞, 我們各自調教好自己喜歡的口味, 等湯底上枱.湯底有幾種, 都是適合香港人口味的偏向清淡的湯底, 沒有麻辣, 香辣之類的湯底, 非常好, 我喜歡這類湯底. 而我們就叫了個椰青花膠雞湯作為湯底, 很快, 這款”椰青花膠雞湯”上枱了, 黃黃白白的湯散發出很濃郁的椰子雞的香味, 令人垂涎欲滴, 忍唔住舀了幾勺來飲, 哇! 非常清甜,

九龍城這家樓上鋪火鍋店不太起眼 是朋友之前吃過不錯相約我們找一晚過去餐廳地方整潔店員態度也很友善打邊爐前叫了小食椒鹽金菇蓮藕片 $60新鮮炸起非常鬆脆海底椰青雞窩 $88椰青水作湯，椰青肉作熬，更有不少雞件雞骨吸滿了椰青的味道，清甜味道特級手切肥牛 $268切得厚薄適中的手切肥牛，其肉質腍滑滾到微帶嫩紅，最得我心四寶丸 $124最有驚喜是牛丸，夠爽彈還有微微陳皮味三秒腐皮 $60質感比一般的厚，鬆化又具豆味莧菜帶子餃 $56內里有大量新鮮莧菜，就算煮得久一點仍是爽口脆綠一班朋友圍著鍋爐邊吃邊談笑風生實在滿足。 九龍城城南道12號

7月份仲係我嘅生日月，又有朋友約食生日飯。雖然外面三十幾度，但一樣有人提議打邊爐。不過既然係室內涼住冷氣打，咁又真係無乜所謂嘅。如果郊外BBQ就真係咪搞我啦。朋友揀左喺九龍城呢間大邊爐火鍋店，門面非常簡潔，而且係樓上鋪，需行上一層樓梯。一班人最好就係叫套餐，唔駛慢慢諗。當然唔夠嘅話仲可以加其他野啦，呢度火鍋配料選擇都幾多，而且價錢唔算貴啊。湯底我地揀左香茜皮蛋，原因好簡單，就係貪佢有莞茜夠下火嘛。人就係咁矛盾，又要打邊爐又要怕熱氣喎。哈哈先黎海鮮刺身拼盤，有象拔蚌、帶子、鱆紅魚等等，其中象拔蚌當刺身食又得、放入火鍋淥一淥又得，味道都相當鮮甜。而家四圍都叫安格斯牛肉，連老麥都有得食啦，所以想食上等牛肉，一定要試下呢個Prime Grade質素嘅安格斯了。要達到呢個級數，除左牛隻本身血統外，油花紋理同脂肪比例都要達到一定標準。所以供應量一定唔會多。而且淥嘅時間要留意一下，千祈唔好淥太耐，咁就食到佢嘅鮮嫩，又唔會「鞋」口啦。黑松露翠玉餃、沙葛爽爽餃、水餃、魚皮餃加埋就係大邊爐4色餃啦。4款都各有特式，餡料又夠新鮮。另外點了自制墨魚滑同自制蝦滑，兩款都食到墨魚同蝦本身的鮮甜味，而且都彈牙爽口。