Weekend 可以瞓到晏一晏，再約朋友去觀塘海濱匯 Flames 食個 Brunch，爽～餐廳設有落地玻璃，仲有個户外位置，景觀唔錯，好 Relex。 餐廳有吧枱位置，收工約埋班朋友黎呢度，坐係户外飲返兩杯，吹吹水，都幾放鬆。侍應以英文溝通為主，但餐牌設有中英文。

Brunch 跟餐附送茶或汽水，咖啡就要另 +$18而家仲做緊個優惠～ 
星期六、日，黎食 Brunch，兒童餐係 "免費" 㗎。

8安士紐西蘭肉眼扒配燒蔬菜或薯條  $188肉眼扒點左7成熟，盤上附上燒汁同茄汁。肉眼扒肉質細嫩，脂肪少。廚師煎得剛好，一切開，仲有肉汁流出，入口肉味濃郁。
薯條份量都幾多，兩個人食都足夠。


蟹肉巴馬臣芝士蕃茄忌廉汁通粉  $138蟹肉份量足料，每啖都食到。長通粉口感彈牙，配上巴馬臣芝士蕃茄忌廉汁，幾creamy，係略嫌蕃茄味道比較淡。


自家制甜品  +$35甜品係芝士蛋糕，係餐廳自家制。十分鐘意蛋糕個餅底，好香牛油味，而且芝士蛋糕唔太甜，係我鍾意嘅口味。

打邊爐，第一時間會諗起 CP 值高嘅牛站。
餐廳座位超寬敞坐得舒適。 依舊揀咗 SRF 美國極黑和牛套餐$298/位 (120分鐘任食) 牛站耐不耐就會推出新湯底，今期新推出花膠雞鍋底，好正。。有新湯底，當然要試下～  湯底有花膠、鮮雞、紅棗、龍眼、杞子、粟米、紅蘿蔔等，夠晒養生。
花膠份量幾多，鮮雞好滑，湯底味道鮮甜。醬料區有成十多款配料，任君選擇。 美國極黑和牛入口肉質好嫰腍，濃厚肉香，肉汁豐富，因為SRF和牛比一般和牛多四倍榖飼時間，所以肉質同肉汁多遠超其他和牛。美國牛肩胛片對比SRF和牛，則完全相反，肉質較為結實有彈性，咬落有口感。 熱食方面，好多炸物：油炸鬼、午餐肉、炸魚皮。仲有麻辣小龍蝦、台南滷肉飯。
燒乳鴿皇充滿油香，咬落皮脆肉嫩。 大量火鍋配料選擇。 蔬菜方面，不得不讚呢度連羽衣甘藍、豆苗、冰菜、水蓮都有得食，呢啲貴價菜，出面放題好少會見到有。 海鮮方面，都有好多選擇。我哋點咗沙白、青口、海蝦、帶子。 海蝦彈牙，沙白今次就一般，食到有啲沙。 飲品方面，除咗一般汽水、冷泡茶、仲有自家制珍珠奶茶。自家制珍珠奶茶唔太甜，唔錯。 呢度仲有梅酒、清酒、白酒、燒酒都係任飲。 甜品方面：有豆腐花、乳酪、芋圓、多款蛋糕、奶凍、糖果、爆谷、軟雪糕仲有雪糕。 Haagen-Dazs 雪糕任食。

聖誕節約三五知己開 party，朋友介紹呢間位於灣仔嘅日本餐廳。 呢間餐廳雖然細細間，但開到凌晨三點，住附近或喺隔離酒吧飲酒，嚟食返個宵夜，真係一流。 呢間餐廳啲刺身切得好厚，一件等於出面兩件，價錢唔貴，真係好抵食。壽司拼盤 24 貫 (松)  $240
三文魚6件、三文魚腩6件、炙燒三文魚腩6件、
炙燒蛋黃醬三文魚腩6件呢個24貫，真係推介俾鐘意食三文魚嘅朋友～
朋友超鐘意食三文魚，所以點左呢個24貫。
三文魚有4款口味，每款6件。三文魚腩最肥美，油脂豐富。炙燒三文魚腩經過炙燒，油份被逼出，油脂更甘香。另一食法，加上蛋黃醬，食出三文魚腩另一味道。 

刺身魚生飯  $100呢碗足料刺身飯好豐富，有多款刺身：三文魚、油甘魚、蝦、帆立貝、北寄貝、帶子、蟹籽同玉子。刺身新鮮，三文魚同油甘魚切得好厚，好肥美且充滿魚油香。蝦非常大隻，肉質鮮甜。呢個價錢食到八款，真係好抵。

三文魚油甘魚飯  $8024貫三文魚之餘，怕朋友唔夠喉，再叫多個三文魚油甘魚飯。 三文魚同油甘魚同樣切得好厚，好肥美且充滿魚油香。熱愛三文魚嘅朋友，今次佢仲唔過足口癮。

經過大埔藝術中心，入去行左個圈，入面唔止有文藝工作室、小店，原來仲有餐廳。呢度前身係一間中學改建而成。Pentola 樓底非常高，地磚同牆身則以泥紅色為主，餐廳仲保留左前身原有嘅窗花，極具特色。侍應先上前送上餐前麵包，可配上意大利醋同橄欖油一齊食。Cold Brew  $53
新鮮青口配茴香酒汁  $128青口肥大肉厚，茴香酒汁帶點微辣，好食。而旁邊的麵包條，略嫌烘得比較硬。

炭燒安格斯封門柳配燒汁薯條  $198封門柳燒得剛剛好，肉嫰多汁帶點焦香，好 juicy。火箭菜沙律新鮮，食完肉再食沙律，可減油膩感。

意大利香草醬大蝦闊扁麵  $158手工闊扁麵有虎蝦、番茄乾、黑橄欖。虎蝦肉質彈牙，配上意大利香草醬，不錯。

慢煮牛面頰番紅花意大利飯  $168牛面頰油花充足，肉味香濃。經過慢煮後，肉質超腍，輕輕一切就分開，而且好入味。
意大利飯加入巴馬臣芝士煮，有芝士香。意大利飯唔會太硬且有咬口。

今日同朋友嚟西貢行下 chill下。 好耐冇入過嚟西貢，知道西貢上年開左間新酒店，仲有兩間餐廳。今日同朋友嚟試呢間 M Square。餐廳都幾大，枱與枱好闊落，樓底好高，空間咁好足。呢度有得睇波、玩桌球，仲有可付費嘅哥爾夫球，同朋友一大班人玩啱晒。Iron Grilled Rib-eye  $458
12安士燒頂級肉眼牛扒，點左五成熟，肉質軟腍嫩滑，肉汁超JUICY，配以紅酒燒汁，薯茸，雜菜，正~Mussels Pot  $176
朋友鍾意食青口，試下呢款藍青口。
藍青口份量頗多，用上鮮茴香忌廉烹調，夠 creamy。旁邊的麵包條，蘸上忌廉汁食，都好好食。Lobster Mac & Cheese  $245
通心粉用上兩款芝士，有巴馬臣芝士同車打芝士烹煮，濃郁芝士香。燒龍蝦尾配上龍蝦汁，肉質爽口。Pulled Pork & Pineapple  $195
手撕豬肉菠蘿薄餅，批邊焗得好脆口，卜卜脆。餡料除了有手撕豬肉，仲用上大量紅洋蔥、菠蘿、芝士，少少芫茜，味道唔錯。

天氣轉涼，又係時候打邊爐，即刻諗起 CP 值高嘅牛站，今次揀咗新開嘅銅鑼灣分店。餐廳座位超寬敞，坐得舒適。我哋揀咗個中價位嘅 SRF 美國極黑和牛套餐$288/位  (120分鐘任食)
嘩嘩嘩～ 原本而家牛站新推出支竹羊腩鍋底，好正呀～ 可惜朋友唔食羊，唯有下次再黎試。湯底揀咗胡椒豬肚湯，豬肚爽口，份量幾多。 胡椒湯底辣辣地，好香胡椒味，而家天氣涼涼地飲就最啱。醬料區有成十多款配料，任君選擇。美國極黑和牛SRF入口肉質好嫰腍，濃厚肉香，肉汁豐富，因為SRF和牛比一般和牛多四倍榖飼時間，所以肉質同肉汁多遠超其他和牛。
美國牛肩胛片對比SRF和牛，則完全相反，肉質較為結實有彈性，咬落有口感。仲有新推出嘅臘味糯米飯、蛇羹 天氣轉涼，嘆飯碗臘味糯米飯同蛇羹，成個人暖笠笠。

蔬菜方面，不得不讚呢度連豆苗、冰菜、水蓮都有得食，呢啲貴價菜，出面放題好少會見到有。海鮮方面，都有好多選擇。我哋點咗沙白、青口、海蝦、帆立貝。沙白鮮甜無沙，海蝦彈牙。

乳鴿、油炸鬼、午餐肉、炸魚皮飲品方面，除咗一般汽水、冷泡茶。呢度仲有梅酒、清酒、白酒、燒酒都係任飲。甜品方面：有豆腐花、乳酪、芋圓、多款蛋糕、奶凍、糖果、爆谷、軟雪糕仲有雪糕。

今日同屋企人帶埋小朋友黎到觀塘炑八嘅親子餐廳。一踏入餐廳，已經感受到聖誕氣氛，因為餐廳已經有聖誕佈置，小朋友見到即刻好開心。除左聖誕佈置，餐廳仲已經推出左聖誕Menu，即興食個聖誕大餐。職員好好，安排左個可以望到小朋友遊玩區，咁大人就可以放心一邊食，一邊睇住小朋友玩。
進入遊玩區前要除鞋同消毒雙手。餐廳確保衛生，遊玩區設有消毒時間。我地五點去到，消毒時間六點半至七點，要去玩嘅可留意下~先上前菜: 泡菜、大豆芽菜、醃白蘿蔔、沙律菜、生菜、海帶
爐邊蛋、芝士粟米
職員好細心，見到有小朋友會問爐邊蛋要唔要加泡菜。小朋友唔食得辣，所以我哋都無加。聖誕小跑車 $158呢架小跑車，小朋友見到即刻好興奮~ 除左外型靚，跑車仲有魚糕串、炸雞、紫菜包飯、栗米飯，好啱小朋友食。

Ho!Ho!Ho! 聖誕老人飯團便當 $162聖誕老人飯團相當吸睛~ 飯團用菠菜汁同紅菜頭汁整成，加上腸仔、芝士，見到都開心。便當仲有炸雞、健康嘅車厘茄同生菜。

得意聖誕花環意粉 $158聖誕花環好吸晴~ 將意粉圍成圈當做花環，綠色部份用西蘭花，其他裝飾用蝦同三色豆，配上白汁，好睇又好食。

三味牛小排 $238 有三種唔同味道，每個味道有三塊。牛肉油花分佈平均，牛肉味香濃。

梨汁雞腿肉 $88雞腿肉用上梨汁醃製，令肉質更嫰滑，仲食到梨汁清甜味道。

韓國梅花肉 $122原味厚切梅花肉，燒到外皮食卜卜脆，落有口感。可點上醬油同配上生菜，不錯。

芝士炸雞 (半份) $158芝士炸雞係無骨，炸得外脆內嫩有肉汁，食落啖啖肉。略嫌芝士份量較少，無拉絲效果。

Berry X’mas士多啤梨奶昔 $48兩杯凍奶昔同樣有棉花糖、紅綠碎糖做裝飾。

聖誕朱古力奶昔 $48朱古力奶昔朱古力味唔太出，比較普通。

聖誕薑餅人棉花糖朱古力 $42熱棉花糖朱古力好啱小朋友飲，仲有紅綠碎糖做裝飾。

最後，埋單時仲有驚喜，職員送左個金幣，話可以俾小朋友扭蛋，開心。

同朋友慶祝生日，佢話想食泰國菜，於是揀左位於銅鑼灣 TOWER 535 嘅小曼谷泰國美食站。
七點鐘嚟到，餐廳已差不多滿坐。
豬肉碎生菜包 $118朋友想食生菜包，但又唔太食得辣，於是叫左少辣。生菜新鮮而且份量多，有成十幾塊。豬肉碎辣度剛好，好惹味。配上生菜，食極唔停。

泰式鹹肉炒椰菜苗 $128炒椰菜苗係我食泰國菜必點菜式。
椰菜苗炒得爽脆，鹹肉脆邊，外脆內軟，唔會太鹹，而且份量都幾多。

泰式濕炒牛肉河 $118乾炒牛河食得多，濕炒真係未試過～ 朋友推介，一於試下。濕牛河真係好多汁，但廚師都炒得好夠鑊氣，牛肉好腍，再配上甘筍、芥蘭，好食～ 真係無介紹錯。

餐廳有 Live Music，有歌手駐唱 ~ 由 19：30 - 21：30 ，食住飯有歌聽，氣氛好正。

California Pizza Kitchen 係我食 Pizza 其中一間喜愛嘅的餐廳。黃埔分店地方好大，坐得幾舒服。原味燒烤雞肉薄餅  $132Pizza 賣相吸引，餅底是傳統手拉薄餅底，餅底烘得頗香脆。 餡料有烤雞肉、煙高打芝士和紅洋蔥配上秘製燒烤醬，材料豐富，十分惹味。用上煙高打芝士，熱辣辣有拉絲。

香味肉醬意大利粉  $119意粉煮得剛好，煙煙韌韌。以慢火煮理傳統香濃肉醬，配上冬菇、蕃茄。醬汁味道酸酸地，好開胃。

凍檸檬茶 $33無限添飲，好抵。

最近睇到極尚大喜屋有燒金枕頭榴槤王同好多關於榴槤嘅嘢食，超鍾意榴槤嘅我，當然要去大飽口福。一出電梯，榴槤香氣撲鼻，佈滿整個樓層。晚市：20:30 - 23:00    成人 $308/位 熱盤、冷盤仲有沙律小食、飲品仲有甜品食得放題，當然要點做刺身做頭盤。
三文魚、油甘魚、北寄貝、北海道帶子、螺片、赤蝦、甜蝦、八爪魚魚類全部都厚切赤蝦夠晒大隻，彈牙鮮甜八爪魚口感爽脆；螺片爽口之後點左今次黎嘅目標，燒金枕頭榴槤王
榴槤食落啖啖肉，而且核細，味道好香甜，好creamy。最後一個人食咗 7 粒，大滿足。榴槤咖啡未試過榴槤咖啡，拎咗杯試下。
咖啡每啖都有榴槤香味，但略嫌咖啡味唔太濃，俾榴槤味蓋過。榴槤炸彈，紫心香芋丸
未有榴槤主題之前，呢個係必點～ 因為放題只得呢樣係榴槤。感覺今次榴槤餡比平時多，更加好食。醉鲍魚、法式藍莓鵝肝鮑魚杯
鮑魚爽口彈牙，入味有酒香。
鵝肝配上藍莓醬，減少油膩感，不錯。香草牛油煮大蜆
呢個牛油大蜆推介～ 我地2個人叫左3次。
大蜆隻隻都好肥美，肉質鮮嫰，完全無沙。配上牛油湯底，好好食。王牌燒乳鴿王 (1/4件)
乳鴿燒得唔錯，好香口。蒜香青蔥燒牛肉、醬燒帝皇蟹棒
鵝肝塔、天婦羅蝦最後，當然要食甜品見到呢條榴槤雪條，雙眼發光，連甜品都有榴槤款式。榴槤雪條係用泰國金枕頭製成。一打開，榴槤味飄出黎，食落味道極香濃。總括黎講，$308/位 性價比真心極高。自己去超市買個榴槤，都要二百幾。今晚食左7粒榴槤，基本上都已經回本，食埋刺身，今晚真係大滿足。