大邊爐火鍋店

營業中

休息中

屯馬線尋日首行， 今日放工即刻答下呢條新線去九龍城打邊爐。大邊爐呢間火鍋店，我細細個就聽過佢個名。再上網睇一睇，原來餐廳已經開業18年。一行四人點左一個鴛鴦鍋，一邊係椰子雞另一邊係四川麻辣。椰子雞個湯好清甜， 四川麻辣就辣咗少少，平時食開小辣嘅人士應該接受唔到。由於個湯裝到有少少滿，當我哋加咗好多配料落去，同埋水滾嘅時候，兩邊嘅湯好快就混為一鍋。 四個人點得太多嘢食， 有三色肥牛拼盤、西班牙黑毛豬、海鮮刺身拼盤套餐、聖子、手打墨魚丸、魚皮餃及其他丸類和蔬菜， 不能盡錄。三色肥牛質素非常之高，牛肉味好重，其中侍應提醒我哋封門柳只需淥一淥就食得， 堅正！聖子非常新鮮，上枱時已經拆好晒，方便我哋淥完即食！ 西班牙黑毛豬亦都非常高質，唔會好似出邊其他打邊爐嘅餐廳咁，薄薄一塊切比你， 呢間餐廳切嘅厚薄度非常適中，食落口口感非常豐富，而肉質亦都非常高質！不得不提手打墨魚丸，呢度嘅手打墨魚丸係我打邊爐有史以來最好食嘅，肉質彈牙，墨魚味極重！ 個人認為一定要嗌！餐廳開業18年，雖然舖頭有少少舊，但係老闆請緊嘅員工應該都係跟咗佢一段日子（年紀大咗少少）、 呢啲良心僱主絕對要支持！而家仲有優惠添，只要去到

今日係屯馬線宋王臺站開車嘅日子，就等我約個朋友去九龍城食個晚飯先！由於第一日通車， Google Maps仲未有呢個站嘅資料，連係邊一個出口出都唔知，於是求其出咗A出口，點知錯晒搞到要兜返個大圈去返另一邊B出口🥲我哋今晚去大邊爐打邊爐！🤣餐廳一入去要上樓梯。以打邊爐嘅餐廳來講呢度比較細，一眼睇晒，有私房菜嘅感覺。芥醬 $15/位酸菜 $12，呢個酸菜好好味，食完嘢可以食呢個解下膩。由於我哋得兩個女仔，同埋吸取之前嘅教訓，我哋決定先嗌幾個餸，唔飽先再嗌其他，費事食唔曬嘥野。竹蔗茅根水一jar $72一坐低即刻嗌嘢飲，呢個竹蔗茅根水好清甜，非常解渴，仲要佢唔會好似出邊餐廳咁俾埋啲渣你咁衰。椒鹽百福豆腐 $42 次次去親餐廳見到有椒鹽豆腐我都會嗌，今次都唔例外。豆腐好大碟，又大舊，食落外脆內嫩，夠香口，如果細舊啲bite size會仲好😋海底椰青雞湯 $96 諗住食清淡啲所以嗌咗呢個湯底，一打開蓋即刻聞到好香嘅椰子雞味，湯底除咗海底椰，椰子肉，雞，紅棗，另外仲有花膠同埋豬骨。手切安格斯肥牛(例牌) $258呢個真係好好味呀！食落肉質好淋好嫩，有入口即溶既感覺！牛味又香！推介！四色餃 $78分

今日同女朋友經過九龍城，重遊夠地，經過宋王臺站，去返小街道，沿途行諗吓食咩，經過呢間大邊爐見到餐廳做緊promote 18週年同埋附近有宋王臺站，全單減免$200，咁啱我哋又想打邊爐，就入去試一試一入到去個環境好似私房菜，圍數唔多，每台之間有啲空間，張枱亦都好闊，入面既姐姐亦好好服務態度。一坐低已經有醬料拼盤，同埋酸菜、豆鼓汁我哋睇咗一輪之後，叫咗一個冬瓜瑤柱湯底，諗住食得清少少，裏面好多冬瓜同埋瑤柱之後叫咗好多款菜式，食得好豐富花膠仔- 雖然貴少少，但係有好多舊，分左幾轉落入去食，加埋個湯底好正雙拼菇（金菇、雞髀菇）- 自由配搭兩款菇，我同女朋友就鍾意食金菇同雞髀菇時令雜菜（娃娃菜、生菜、莧菜）-呢個可以自己揀三款菜，本身想揀西洋菜，但係姐姐話唔當造，所以唔建議我哋揀，菜都幾新鮮同埋入味安格斯肥牛（例）- 呢啲肥牛雖然貴啲，不過例牌都有幾多，食落去好香牛味，同埋好淋，兩人個食差唔多三秒腐皮-腐皮嘅數目都幾多，同埋聞到幾香，冇油益味，即係幾新鮮三寶丸- 分別係牛肉丸、豬肉丸、墨丸，自家製三寶丸，食落好彈牙，唔錯四色餃-分別係魚皮餃、西洋菜餃、莧菜帶子餃、鮮蝦水餃，特別讚下萈菜帶子餃，裏

天氣涼涼的，最好就係與朋友一起圍圍爐、吃火鍋，一起談天說地，把酒談歡。今日選址於九龍城，都是朋友介紹，一黎說過好食，而且地點方便大家放工前來及回家，它不是地鋪，需要上樓梯才到。點了一個套餐A，4人用 $938，有8款食物，就算加埋加一及茶芥，每人都不用$280，但已經有海鮮刺身拼盤、安格斯牛、四寶丸、四式餃。先喝一口湯，鮮甜，沒有味精美國prime grade安格斯肥牛輕輕淥4,5秒，嫩滑無比，牛味又重。黑松露餃挺不錯，黑松露味濃，皮薄。沙葛餃也好別吃，很特別的質感，爽爽甜甜的。

九龍城除了被泰國菜館遍布外，火鍋店也不少。此店大廳面積不太大，但額外有包間，適合大伙兒飯聚。魚頭湯底有驚喜，不會稠糊，清淡而有魚味，當湯喝不錯，第二驚喜是肉眼邊肥牛，油脂度不高，有嚼勁，肉味重，少有遇到的高水準。聖子，新鮮爽脆，清洗得乾淨。白膳片，新鮮薄切，一煮十秒即食。西洋菜餃，除了菜和肉，感覺添加了其它香料，味道一般。除了火鍋，此店也有供應少量小吃，送酒小酌一流，皮蛋酸薑，皮蛋份量多，蛋黃夠流心，惟酸薑一般。2人光顧，點餐如下：竹蔗茅根水（一酌）唐生菜冬瓜白膳片脆香腐皮時令西洋菜餃聖子肉眼邊肥牛-例魚頭湯皮蛋酸薑酸菜加一後，合共HK$1,047。

近日天氣轉凍，當然要打邊爐黎暖下身啦！去咗九龍城呢間火鍋店，座位幾寛敞，坐得舒服！-我哋點左鴛鴦湯底，包括:👉🏻冬瓜瑤柱湯好足料而且夠濃味，冬瓜好清甜，而且真係加咗好多粒小瑤柱，忍唔住飲哂幾啖湯。👉🏻麻辣湯底都幾夠辣，而且加咗大片花膠，好入味！▪️手切安格斯牛(例)份量都幾多，雪花紋好靚又夠均勻，油脂香溢，牛味濃郁，兩個人都夠食！▪️四式餃有驚喜，每款餃都好足料，皮薄餡多，各有特色。👉🏻魚皮餃皮有嚼勁，肉鮮而香滑爽口，而且比一般火鍋店的魚皮餃更大隻。👉🏻沙葛豬肉餃粒粒沙葛夠哂爽脆，加上香濃嘅豬肉，咬落好多肉汁👍🏻👉🏻莧菜帶子餃呢個配搭比較少見，幾特別，新鮮嘅莧菜加上鮮甜嘅帶子，唔洗點醬都好好味！👉🏻海蝦水餃海蝦夠哂新鮮又彈牙，仲加入爽口嘅木耳，口感豐富。▪️西班牙黑毛豬採用天然穀飼餵養，比較健康有益，肉味夠香濃，肉質軟嫩，肥瘦均勻，油潤甘香～呢盤性價比高，份量都多，必點！▪️自製墨魚滑味道濃郁鮮香，又夠彈牙爽口！▪️酸梅湯夠哂開胃又解膩，唔會過甜👍🏻-整體食物質素都幾高質，坐得又舒服，啱哂三五知己黎打邊爐gathering !

天氣涼好多，當然要打邊爐，😆黎到九龍城除左食泰國菜，仲可以選擇打邊爐，同朋友兩個見到一間上樓打邊爐，走上去！環境好舒服，乾淨。 餐廳都有餐前小食，青瓜食落好清新，～💡湯底：原粒椰青🥥雞鍋材料好足料，半隻雞，飲湯底好清甜。～💡特級手切肥牛 見到顏色鮮紅，厚度岩好，食落好重牛味，～💡響鈴即叫即炸，黎到熱辣辣，無論就咁食定係放到湯內烚一下好正！～💡三寶丸（牛肉、豬肉、墨）最愛食手打丸，食落爽脆彈牙，～💡四色餃 大大粒，材料好足料。～💡本地豆腐 新鮮豆腐，食落好香大豆。～💡時菜 西洋菜同生菜 🥬 好新鮮！～整體環境同服務不錯，好岩一大班人黎打邊爐吹水，份量都足夠。

唔係朋友帶路 都唔會搵到呢間隱世火鍋店走過門口一條長長嘅樓梯後 就見到乾淨整潔既用餐環境 感覺好似私房菜甘一坐低店員就端上我喜愛的醃蘿蔔和醬料盤皮蛋酸薑 $48除了一般的火鍋食材外這裏還有一些小菜和頭盤可供選擇這個皮蛋酸薑 皮蛋十分優質糖心油亮軟滑 搭配酸薑非常開胃椒鹽豆腐 $42外脆內軟的椒鹽豆腐 一口一件是打邊爐期間的最佳小食手切肉眼邊肥牛 $278(例)肉眼邊肥牛 筋肉比例均勻 入口有嚼勁之餘 有帶有一點牛肉香湯底是海底椰青雞 清甜而且潤喉 秋冬最適合喝這種滋潤湯底三寶丸 $98滋味牛丸 充滿肉汁 好咁軟腍梅菜豬肉丸 梅菜鹹香味突出非常特別手打墨魚丸 口感爽旦且帶有鮮味大邊爐四色餃 $78最喜歡莧菜帶子餃 十分清新而且莧菜的和帶子都十分鮮甜特色魚蓉麵 $42非常紮實有份量的魚蓉麵要用一點力先唧到 唧完份量係超級多！爽爽彈彈既魚肉麵 沒有太多粉感放入口啖啖肉 兩個人食係超飽

一黎到，未整個醬我已經將前菜個瓜食哂😂😂😂本身好鍾意食啲酸甜前菜，不錯！而醬料setting 係齊全正路既。餐牌望落唔太貴。丸呀餃呀都抵食。湯底叫左海底椰青雞。一開蓋真係好勁椰子味，好香！入面竟然仲有好多魚唇，我食哂，補下膠質。桶蠔好大隻，都好鮮甜。白鱔片超爽口，係我全晚既大愛！墨魚丸係佢地自家手打，都食得出誠意，係幾彈牙。老公既大愛一定係手切安格斯。佢好重牛味，唔會過肥。每塊切都好大，不過又好平均，所以每啖食落去都好滿足！

同個舊同學好耐無見面喇，我哋呢晚約咗喺九龍城食飯，因為九龍城比較近我哋返工嘅地點。雖然話就話近返工，之但係平時都好少過嚟呢頭搵食。今日揀呢間大邊爐火鍋店，貪佢位置算係幾方便，行出少少去太子道東就有好多巴士坐。冬瓜鮮雞湯($98)呢個湯底見佢價錢唔算貴，估唔到佢又幾足料啵，有十舊八舊雞件同埋冬瓜喺湯底。醬料選擇正常，最緊要夠新鮮。手切安格斯肥牛(大份) ($308)呢碟手切肥牛絕對係今晚重點推介，雪花、油脂分佈好靚，肥瘦好均勻，肉味好出！兩個人嚟講好夠食，我同朋友食完都讚不絕口。和哥滋味牛丸 ($66)$66價錢，我哋開頭以為得六至八粒丸，點知有成十二粒，出街打邊爐嚟講算係好抵食！ 質素亦好唔錯，食到啖啖牛味，夠晒彈牙！手切墨魚丸($66)墨魚丸都係佢哋手打出品，質素上乖。同牛丸一樣，都係有十二粒，兩個人真係啱啱好食得晒。早知佢份量咁多，應該叫一碟丸就算。食得太多肉，叫返碟生菜中和下。

朋友11月生日，由月頭約到月尾，限聚令由6人到四人，不過4個人打邊爐都好，比較安全九龍城大邊爐知道左好耐，但今次都係第一次去，上到去地方好新淨，係一個可以靜靜打邊爐既地方全店大約只有6枱，所以吾會好嘈同好逼有一間vip 房，人多可以自成一閣湯座係四川麻辣湯底，價錢居然係$56真係無眼花，時光倒流價成枱男士點都要啤一啤，清清熱啤酒打邊爐是指定動作手切牛肉，肉味好重，牛肉厚度十分適中，好有咬口，當然加埋個麻辣湯底先係精華所在

九龍城可算是美食天堂，特別最多是泰國菜🇹🇭，可是有時吃得多也覺悶😬。今期天氣涼涼地🌪倒不如吃火鍋🍲朋友建議到九龍城「大邊爐火鍋店」，餐店地方整潔，算是一個與好友閑談進食的好地方。滋味的湯底「海底椰青雞湯窩」海底椰配合群翅、雞、紅棗和豬骨等，湯底味道清甜👍澳洲帶子巨型帶子身，口感十足，加上少許豆豉辣椒醬一同入口超鮮爽和帶油香。芋條併洋金薯🍠沒想到簡單的平民食物，用來打邊爐入口有淸新軟腍的質感，超好味😋莧菜帶子餃除了有莧菜，還有豬🐷肉和帶子餡料，調味合適，口感極佳😋海鮮蛋角🥚上枱時感覺像煎蛋，毫無特別，可是一口咬開卻有驚喜，餡料有鮮帶子和蝦🦐，即時覺得好值得點選，而且味道也不錯👍是晚還有手打墨魚滑、脆香腐皮及花膠仔，整體食物夠新鮮，醬料選擇多而惹味😋這次的用餐體驗卻感覺良好，下次會相約朋友再來聚會😊

一家四口來到九龍城選擇食泰菜好定火鍋，見天氣涼涼地就決定打邊爐，經過城南道有間大邊爐火鍋店就入去試下。餐牌上除了套餐，都有很多特色火鍋配料👍由於近排天氣乾燥所以我們選擇了海底椰青雞湯鍋，湯底除了海底椰還有雞和排骨，未加配料之前我們每人先飲了一碗湯，椰子味濃郁清甜😋花膠仔花膠份量不少，每件都很厚肉，熟後爽囗膠原豐富。白膳片魚肉新鮮嫩滑，爽脆清甜，口感一流👍時令西洋菜餃這個餃子令我有驚喜，皮薄餡料豐富，餡料除了有菜及豬肉還有帶子粒，令餃子味道提升不少，非常美味😋海鮮蛋角這個火鍋配料都是第一次食的，幾特別，蛋皮煎熟再包入鮮蝦及帶子肉，輕輕淥一淥，很香口😋脆香腐皮這個是火鍋必點的配料，腐皮炸得脆卜卜，吸入濃湯已經很入味😋

係訂座平台附近搵到間50%既火鍋啦以為呢間係落唔錯❌ 點知真係好唔掂 水準參差呢個火鍋湯底 唔清甜 根本冇乜味 如同水一樣🤣唯一覺得ok可以食既 就係 安格斯肥牛🐂好有牛味 又新鮮 雖然半價左都幾貴😍仲🈶️三色丸 睇🉐️出真係手打既丸 彈牙 爽口 真材實料😗😗花膠來講都算普通 一般貨色🥰羊肉片 毫無特色可言 跟本唔知食緊乜🙃炸過既腐皮 係唔同D既 但麻麻地haha食物質素唔🉐️ 價錢中上 不可接受 由於訂座平台限制左海鮮時價 冇🉐️叫但間鋪頭竟然連唔係市價海鮮都唔俾叫例如 美國桶蠔 桂花拔蚌 明碼實價既都唔🉐️更離譜係 竟然1.5hr之後 趕我地走 說好的兩小時享用時間呢？不可接受 不可理喻 我應該冇下次😘

天氣仍然炎熱，可是想打邊爐的心情隱隱作起，便與家人來到九龍城的大邊爐，一來可解小弟的火鍋隱，二來我仍未嚐過這兒的三秒腐皮，據說是這個名物是由他們首創的。湯底就點上【蕃茄野菌金湯蟹鍋】，價錢比想像中便宜，只是百多元，平常其他地方動輒都要二百多元。不過此鍋底又相對地清淡，雖然有一大個蕃茄在內，但卻感覺不到其味，幸好蟹味及菇菌味夠清甜。食火鍋點可以無牛肉，便點上【手切肉眼邊肥牛】，可是一來到，真心想鬧，這碟真是最好那碟，感覺上一點也不似肥牛，幸好輕輕灼一灼後，質感都算軟腍滑溜，肉味都重，算是不過不失，可是卻真的不值那個價錢。平時打邊爐總會點一些丸及餃，今次改變模式來一個【海鮮蛋角】，其實剩吃都很美味，放湯就會有另一種感覺，待蛋角吸入部份湯汁後，有點食餃子的感覺，更為鮮甜，而且餡料都很豐富又飽滿。全晚至美味的當然就是【三秒腐皮】了，剛拿來時還是熱辣辣的，又鬆又脆，放入湯中數三秒，滋味無窮。最後來點【皇帝菜】，清清爽爽又是一餐了。