大笪地火鍋 (已結業)

今日帶咗長輩們嚟到呢間位於旺角主打懷舊裝潢嘅火鍋店覓食，而這店主打招牌係靚靚花膠雞鍋餐廳裝潢都幾似舊式大笪地，仲有個海鮮檔選下海鮮先調好我碟醬料，這個係我打邊爐必需的長輩們聚舊當然啤啤佢，仲用咗舊色湯碗去暢飲一番靚靚花膠雞鍋 $218/半隻上檯時就見到湯底色澤金黄色，應該用咗大量雞去餚製，入面除咗有半隻雞外，花膠係會用碟另上，份量都幾多花膠都算厚身，煲耐咗都唔會腍到似啫喱，食落都幾爽口帶點黏腍，不過入面隻雞未算好嫩滑，但湯好鮮濃，好重雞湯味手切牛頸脊 $188排得滿滿的牛肉，油脂雪花都幾平均，牛味好重又夠嫩口脆肉脘骨腩 $75都算新鮮，但唔會好爽脆，要食到勁爽脆嘅脆肉脘確係難遇到鮮魚卜 $58呢個未算非常新鮮，有一丁點腥，可能放久了食菜是必須的，吸埋啲湯好正

旺角又開咗間以花膠雞鍋做主嘅火鍋店餐廳仲以大笪地feel做裝修基本辣椒，生熟蒜跟豉油做混醬可樂都有枝裝，夠哂汽又冰凍叫咗個半隻雞金黄色湯底的花膠雞鍋，入面除咗有半隻雞外，仲有跟上的一碟花膠軟淋的花膠都算不錯，煲耐都唔會溶哂，食落都厚身有點黏口，而隻雞都幾嫩滑湯好鮮味，有雞油的香，不錯手切牛頸脊都幾大份，排到滿哂，好多雪花紋理，烚一陣食得都幾重牛味又嫩鵝腸都幾新鮮，仲有肥膏架，唔會一陣雪味貨色枝竹都好不錯

最近所有FACEBOOK, IG 都好多人去食呢個大笪地火鍋既花膠雞煲！一於約埋朋友一齊黎試下係咪真係報導上咁足料咁吸引先！係早2星期已經book左，但去到都等左一陣，不過都唔夠5分鐘就已經入得雖然地方唔大，但全間鋪都FULL而且去到10點依然有人入座唔好講咁多，即刻ORDER左個花膠雞煲先！其他配料之後再叫！一整隻雞！花膠應該係驚會煲得太耐所以另上！煲左5-10分鐘後，有專人幫我地剪開隻雞過多陣仲幫我地倒埋D花膠落去！我地先食左雞同花膠，4個人ORDER一個花膠煲，其實每人都食左好多舊花膠湯底濃郁鮮甜， 雞肉都幾滑，加埋花膠，索左湯底既湯， 味道唔錯!飲左幾碗湯先開始打邊爐HAHAAA比較特別的是 花膠雲吞入面真係好多花膠架！好足料，而且又唔會冇左雲吞本身的鮮甜味！仲ORDER左聖子當日係$28一隻, 都算幾大隻！唔會熟左就搵唔番而且好新鮮！！冇食牛肉，眼見牛肉脂肪分佈均勻

靚靚花膠濃雞湯 $218/半隻 $328/一隻一去到叫湯底先 然後姐姐會倒啲花膠落個湯到 等佢滾就飲得🙆🏻係飲之前會幫你剪開隻雞而且會等你影完相先 好貼心🙈🙈個湯都幾濃味而且花膠都好多舊 10個人食每人至少有3舊都算唔錯而且啲雞都幾滑🙆🏻😋飲完之後可以開始打邊爐 幾意外係加湯唔係水 唔會令到個湯好淡 其他配料係散叫 仲可以出去揀海鮮😋😚都唔錯又坐得舒服

朋友話要帶我去“大笪地”打邊爐？！哈哈，原來只係間火鍋店叫“大笪地”！入到要上樓既“大笪地”就見到有好多花膠啦！！！呢度主打無味精湯底，而花膠雞湯更加係呢度既主打（不過我有啲作感冒，所以都唔敢要雞湯住啦）“大笪地”果然旺場~七點幾都差唔到全場滿座火鍋配料都有唔同既選擇，價錢尚算合理！店員好快就奉上調味醬料俾我地自行混醬~~我地最後揀左“蕃茄薯仔湯”做火鍋底，好足料呀，超多蕃茄同薯仔！！蕃茄湯酸酸甜甜好醒胃：）朋友知我作感冒，所以我地今晚點既配料都比較清淡：“油麥菜”、“鮮魚卜”、“野生竹笙”、“蟹子墨魚滑”、“蟹粉蝦餃皇”同“鮮枝竹”😍😍呢個野生竹笙不得不提，份量充足又新鮮之餘，每塊都大大條好爽口，每塊都盡吸湯底！蟹粉蝦餃皇亦係另一亮點，每粒都新鮮飽滿又大顆就不在話下，入面蝦多肥肉少，仲有些少蟹粉令鮮味昇華：）有得食都要有得飲，我同朋友都好中意飲椰青水，貪佢清得黎又解渴嘛！所以我地前前後後一共飲左三枝🙊🙊我地兩個人坐住卡位好寬落，邊打邊傾，食左兩個鐘頭到，下次好返真係要試下佢地既花膠雞先！！

小弟呢排真係好忙，因為已經開始返全職，呢幾日都同同事開幾日OT，放工佢哋就提議一齊去打邊爐！我個同事就唔記得間餐廳叫咩名，不過佢就識路去，咁我哋就跟著佢，由葵芳公司搭地鐵去到旺角，去到餐廳樓下我已經知道係邊間火鍋店啦！原來係小弟上次唔係好耐食過嘅大笪地火鍋，不過佢真心係唔錯，因為非常高質素！上次我就叫咗一個鴛鴦鍋，今次我哋就叫咗個芫茜湯底，今次食咗好多唔同嘅火鍋配料。首先係特價嘅桂花蚌，新鮮嘅海鮮真係唔同嘅，好甜，好爽口。跟著又係上次嘅蜂巢豆腐，上次食過真係回味無窮！當然唔少得牛丸同魚皮餃，牛丸好重牛肉味；魚皮餃入面嘅料調味啱啱好，皮薄餡靚。第一次打邊爐食豬皮，都幾爽口。小弟最鍾意食嘅蟹棒，哈哈哈：D羊肉片、肥牛同牛肉片都唔錯，啱哂我哋呢三個食肉獸！花膠雲吞同蟹粉蝦餃王好特別，好大粒，入面好豐富，好正啊！小弟嘅口味不嬲唔錯，連我同事都話好，所以大家一定要去！

之前上網睇食評，已經俾佢嘅花膠湯底吸引着，咁我哋就決定嗌花膠雞湯底一試。果然好足料，雞湯上嚟既時已經呈現金黃色，花膠係雞湯滾起後再落，職員仲會好好幫我地分開啲雞，先飲左一啖雞湯，好足料好鮮甜，啲雞都仲好滑，花膠要煮耐少少先會林同入味，忍唔住飲咗三碗湯先開始打邊爐牛肉比較厚身，脂肪分佈得好均勻，雖然厚身，但都唔會鞋口，吸埋雞湯d味正呀珊瑚蚌， 煮一煮就食得，好新鮮又爽口，而且份量仲唔少添，幾抵食芝士牛丸真係第一次食，依道既牛丸本身做到好結實，好有咬口，食落去入邊啲芝士仲會爆出黎架然後嗌左個手打墨魚丸，好大粒呀！仲好彈牙tim！！依道好多海鮮揀，咁我地就嗌左一人一隻聖子食下啦，放入雞湯道煮，鮮甜得黎又有雞湯既鮮味，perfect match !!依道真係所有野都好足料，嗌左個蟹粉蝦餃皇，估唔到佢真係原隻蝦放入去，仲要大大隻！就算拎黎做蝦餃既蝦都好新鮮，一d都唔會求奇！

旺角打邊爐大把選擇，不過花膠雞湯底就好少聽到，仲要咁足料，就應該得呢間先有喇！我都係為咗個花膠雞黎食嫁！花膠雞湯底有得揀一隻雞或者半隻雞，花膠係另外一碟上，雞湯滾起左之後就可以倒啲花膠落去再滾耐啲喇。花膠份量好多，而且滾左一段時間都唔會散，好食！至於個雞湯，初頭睇以為會好油，不過原來滾起左就無晒油，飲得出無味精。食完花膠，飲完雞湯，就可以開始打邊爐啦！牛肩肉唔肥，牛味重👍🏼除咗花膠雞煲之外，仲有另一款花膠食品，就係花膠雲吞喇！真係食到有一舊舊花膠喺入面架！芝心牛丸，食嘅時候要小心啊，因為入面啲芝士會爆出來！手打墨魚丸超大粒另外，其實呢度有好多海鮮食，不過因為皮膚敏感唔敢食太多，所以淨係叫咗個聖子試吓，聖子好新鮮，淥一陣就食得！

招牌花膠雞湯香濃 👍🏻 食物質素及種類也很好 , 唯獨當日叫的鱔片好薄及肉質完全吾彈牙 扣分! 另外我們一枱10幾人 訂枱時無說明 直到當日對方再致電確認人數時才提及限時2小時, 因時間近逼已經來不及去第二間訂位,焗住去! 2個人食2小時 10個人又係食2小時, 又吾係食放題任食, 根本10個人就吾夠時間食 而且我地一直加單, 原本諗住食完可以切埋蛋糕, 因為限時, 根本吾夠時間! 當大家食到 1:45小時已通知截單 到了2小時 火煱內仲有食物 枱面仲有半枝啤酒 女職員已經自行收拾枱面 完全吾理會!! 😡食物質素有幾好都好 如果間餐廳服務吾好 都吾值得再光顧!!

廟街這個大笪地是香港的特色，從前是夜夜笙歌，熱閙非常的一個地方。時移世易，那裡的風光不再⋯⋯但在附近的旺角，最近也開了一個大笪地。 這個大笪地是火鍋來的⋯⋯今晚就同老友一聚，會一會這個大笪地的花膠雞煲了！ 新鮮海鮮檔⋯⋯大家可以自己選呀！ 濃湯花膠雞鍋（半隻） 店員先幫我地將隻雞剪開，再將花膠全倒入湯底中（很多花膠呀！）滾起就食得。這時什麼也不要做，先將雞拎起，這樣才不會將雞煮老同成個湯越煮越油。 之後，再嚐一碗鮮雞湯。濃郁鮮甜的湯真的多飲也不怕，花膠帶點膠質，十分爽口。 手切安格斯牛肉 口感鮮嫩，都好有牛味，加上肥瘦適中，說得上是好的了！ 蟹子墨魚滑 看似細細杯⋯⋯不過真的食整都有。墨魚滑爽口彈牙，口感不錯。 卜卜蜆 呢度半斤也只是＄28, 隻隻鮮甜無沙，抵食！ 豆苗 這個時間竟有豆苗，還是爽甜的！

係旺角區有如此花膠雞湯鍋底，算是不錯。原隻雞跟湯底先上，附上一大碟花膠供享用。。。雖然花膠不是上等貨，但價格與材料相比是可接受的。火鍋材料份量足，但蔬菜份量比例上少。食材算新鮮，晚餐單點包括牛肉、鴕鳥肉、羊肉、脆肉鯇、水餃、墨魚滑、竹笙、蜂巢豆腐、大魚蛋等等。羊肉片肥膏比較多，灼完後令到鍋底羊膻味重，影響了其他食物的味道。水餃味道一般，餡料內的豬肉雪得比較耐，冇咩味道。蔬菜類值得一讚，豆苗新鮮甜美，竹笙同鮮淮山夠肥大。喜歡打邊爐的朋友仔可以一試。

是日又約咗朋友聚會，就係旺角食飯放便大家搭車，今次又係食火鍋，仲要book咗位先可以入座，walkin 就未必有位或者百行一趟，不過就點咗特別D火鍋底佢就係靚靚花膠雞鍋，仲係呢度招牌菜必食推介鍋底，差不多張張枱都點佢做鍋底，有全隻雞&同半隻點，我地梗係點全隻雞，實食得晒好呀！主角終於出場先分開上靚靚雞全隻雞唔算大隻同花膠都份量十足，整鍋湯呈金黃色。師傅先將雞剪開一件又一件才放花膠一齊滾一陣先，才可以開始食用我就先飲咗碗雞湯,入口非常鮮甜，唔算太漏，再來就先食花膠肉質爽滑口感適中，至於雞肉就肉質嫩滑，個煲食都差不多冇就係點其他配料時候，點咗手切牛頸脊肉質鮮嫩&手打鮮蝦丸&墨魚丸肉質彈牙又爽口加埋蟹粉蝦餃王再來係美國桶蚝同埋蔬菜等等，不過話話咁快就夠鐘，真係想吹吓水都唔得要掃場，又要等下一次出來再吹過

琴晚一家大細過去試下最近好出名嘅 大笪地火鍋，因為訂咗位，到步等咗一等就有位。坐底第一時間叫咗個花膠雞煲湯底，再睇下有咩食；脆骨腩，脆鯇片，鱔片，牛肉，鴕鳥肉，炸支竹，炸魚皮，娃娃菜，小唐菜等湯底，嘢食都好快就送上，轉眼間就已經成枱嘢食。食物質素高，連十分有要求嘅二寶都話 d 骨腩等食落有味道。環境方面，店舖地方/餐具乾淨，高風期冷氣不足。因為裝修，湯底，食物及嘢飲都同同區另一間火鍋店相似，心裡都會同佢比一比較，結論：兩間店舖係好似，價錢都差唔多，各有特色。不過個人會比少1-2分 大笪地，因為另外果間，人地一上個湯底，會同我地講句可以先食雞，飲咗 d湯先再加湯火鍋。大笪地就輸咗呢少少。

夏日愈係熱辣辣就愈想打邊爐 雖然成件好犯賤不過今次呢間真係一試難忘 就算等位都一定要去打邊爐最緊要吾係個爐丫 係個湯底丫100%真心推介必叫花膠雞湯底 今次我地4個人食叫半隻雞都夠雞肉食落夠嫩夠滑 但廢事食一隻會飽左個胃係真正開波前 記得飲番幾碗靚雞湯入口好濃烈既雞味 真係聞下都覺得補加埋足料一斤花膠 邊有人打邊爐打得我咁養生值得一讚係湯底無加味精 話說個日我飲左5/6碗事後都無頸渴至於個湯飲晒後會無限添 簡單黎講雞湯放題飲完湯終於開始打邊爐 除左配料紙上既款式出面仲有個海鮮缸任君選擇 睇落好新鮮可惜朋友仔皮膚病又起 今餐同生猛海鮮無緣不過吾緊要 有炸魚皮食都好HAPPY我可以講呢到既炸魚皮係我食過既火鍋店最衛生既一間竟然獨立包裝原包上碟 而且份量都吾小丸類隨意叫左幾款 質素都平均比較出色有蟹子墨魚滑($68/6粒)同平時吾同 師傳己經整好一個個ball吾洗自己一筒慢慢刮 岩晒我呢d懶鬼SIZE夠大已經加分 食落堅係彈調味方面亦吾算咸 放落雞湯到煮吸收晒d精華 正另一誠意推介:蟹粉蝦餃皇($58/4粒)我會形容佢似雲吞mix蝦餃皮夠薄鮮蝦肉夠大粒 一咬肉汁咇晒出黎除左肉類 我都建議要叫

誰說夏天不能打邊爐，去大笪地打更有風味！家人一年四季都喜歡打邊爐，不過這個大笪地是有冷氣的，所以不怕吃到汗流浹背！火鍋店佈置有特式，大玩懷舊風！這裡最出名是花膠雞湯底，店面都掛著好多花膠展示給客人，可保證足料！因為我有點感冒，所以這次不點花膠雞湯，我們想清清地，點了芫茜皮蛋鍋。打邊爐特少得牛牛，這裡的手切安格斯牛肉很不錯，牛味濃，有口感，不會韌，高質！我很喜歡吃羊肉，所以點了羊肉片，羊肉片好嫩不羶！既然這裡的花膠出名，就點個花膠雲吞來試試，雲吞裡面果然有足料花膠，花膠煙煙韌韌，即時覺得好養顏XD另一個十分喜歡的就是蜂巢豆腐，吸收了湯汁，又不會像軟豆腐一夾就散掉，口感有層次！金牌牛丸夠彈牙，夠juicy！魚皮餃餡靚！油麥菜和唐生菜都很新鮮！整體來說食物質素都不錯，用料新鮮，服務也很好，冷氣也夠涼，很舒服！