大笪地火鍋 (已結業)

今晚來到旺角大笪地食火鍋為的就是嚐他們推介的靚靚花膠雞鍋醬料每位收$10，去到店員沒有說，後來看單據才知道的。我們點了一個濃湯花膠雞鍋(半隻) $218店內標榜所有湯底不含味精看到濃濃的金黃色雞湯，感覺很滋補！再加入花膠真的太濃郁鮮甜，簡直無得彈！我都忍唔住飲左幾碗！應該真係無味精，而且好足料，飲完吾口渴雞肉非常嫩滑，本來仲以為火鍋的雞會好鞋好韌！點知肉質咁軟滑，我即刻撈起矖全部雞肉，吃光光這裏的海鮮全部都好像很生猛新鮮，而且價錢吾貴！我都出去揀左幾款先來兩隻蟶子皇，超級爆大隻，長過我隻手掌！重點好鮮甜！我後來再追加了四隻貴妃蚌見到幾大隻，所以都點左四隻，又係好肥美鮮甜南非鮑魚也點了一隻，但口感較韌，比較一般。澳洲龍蝦仔一隻，開邊上，用濃郁雞湯去煮，爽滑有嚼勁既肉質，仲有香滑既龍蝦膏，吃得出非常新鮮！最後點了鮮准山 ($35)和炸芋件 ($35)芋件不太新鮮，大部分都不粉，可能現在芋頭不當做准山還可以，記得要煮耐一點才吃!因為一開始吃的時候不知道要煮久一點，無味又硬，脆口不好吃後來發現煮耐一點會變軟！但味道也是一般最推薦的是那個花膠雞湯和海鮮！

呢排IG成日俾人洗板，個個都食呢個花膠雞鍋，次次都睇到心心眼，流晒口水，今次終於到我食啦。靚靚花膠雞鍋唔靚就假囉，一大抽花膠扔落個煲到。我哋叫咗半隻雞，但花膠數量奇多，至少十幾二十舊，兩個人都食唔晒。之後店員就好細心咁幫我地剪開隻雞，等佢煲滾就可以開餐啦！第一個動作當然係要飲頭啖湯啦，果然精華，湯底非常濃郁，我自己連飲咗兩碗。貴妃蚌出面有一大個海鮮櫃，會列明邊幾款係是日特價，貴妃蚌幾抵食，＄9.8一隻，一人叫咗一隻試吓先。我哋淥左3分鐘就上碟啦，時間啱啱好，一啲都唔韌，而且鮮味十足。仲有好多其他款式嘅海鮮，下次一定要試多幾款。羊肉片平時大家打邊爐鍾意叫肥牛，但我反而鍾意叫羊肉片。呢度嘅羊肉片一啲都唔羶，而且好夠腍，我鍾意。＄68有咁大碟，認真抵食。竹笙另一抵食之選，亦都係我火鍋必叫之物，＄68一大碟，平時喺火鍋店見到呢啲野生竹笙，通常都＄90幾蚊，呢度算抵食啦。放入湯，吸晒啲雞湯精華，一絕啊！蟹子墨魚滑唔好睇佢個樣細細杯咁，食極都仲有。墨魚滑夠晒彈牙，上面配埋脆卜卜蟹子增加口感，比墨魚丸更吸引。啤酒黎得打邊爐，梗係要啤一啤佢啦。餐廳非常細心，上左兩隻雪凍左嘅碗俾我哋裝啤酒，夠晒冰凍。餐

Open rice有優惠, $1可選花膠鷄鍋, 立即無執輸去試下, 安排了卡位給我們, 坐得都幾舒服, 地方亦算乾淨! 不過就同宜家其他食店一樣有限時, 我地都係點左一d正常嘅火鍋配料, 個湯底超好味, 好足料, 超濃鷄湯味, 每人飲左三大碗, 已經飽左一半! 至於火鍋料, 牛頸脊都幾有肉味, 其他配料都唔錯! 不過美中不足, 就係無咩飲品選擇...其實呢個係賺錢項目, 點解唔提供多d好d嘅選擇呢? 不過總括黎講, 真係好令人回味, 可以有下次😋😋

諗住一班朋友出嚟食飯聚下，近近地揀旺角， 方便就腳，上openrice 見到呢間新開， 而且， 又有優惠$1 花膠湯底， 唔諗即刻book嚟試下！首先講個湯， 好好好味， 唯一覺得係有少少唔正常甜味， 雞同花膠都好好味!牛肉新鮮又靚，價錢又抵， 出面食親到，又貴又少!芝士牛丸，正正正花膠雲吞好好味!唯一再讚， 員工有禮貌同埋會介紹特價海鮮， 出面重有魚缸， 自己揀海鮮， 不過， 咁啱有朋友食海鮮會敏感所以無揀希望下次食仍然keep到水準同味道P.S食左十幾碟每人都$2xx抵食

聽同事講：旺角飛達商業大廈開左一間主打懷舊火鍋的食店，名叫大笪地，今天放工約埋一齊去試一下！入座後，我們商量一下之後，點了菜就開始混醬！靚靚花膠雞鍋：見到食店差不多每枱都有叫這款，先食花膠和雞，再飲埋d雞湯，再食火鍋材料，雞湯就算飲曬都不要緊，因為他們再加的湯，也是雞湯，雞嫩滑，花膠也很多，而且不薄有口感，雞湯鮮甜！飲完雞湯，就開始食火鍋，我們點了：西班牙豬腩片、豬生腸、鮮白鱔片、手打鮮蝦丸、炸響鈴。整個火鍋餐，靚靚花膠雞鍋是主打，今個月去食重有優惠喔！

因為facebook見到哩間餐廳有花膠雞煲所以邀請朋友來個聚餐養下顏。哩間餐廳響旺角中既較偏僻大廈，入去似做美容果啲商廈咁，指示亦都唔係好清晰，都要搵1陣先上到去。上到去個裝潢營造舊式風味，有好多大水壺，之後先知係裝湯底，都幾得意，而且侍應加湯都用手護住加，幾窩心既服務，唯堇講野唔咸唔淡既普通廣東話真係攪笑。野食方面湯底濃郁，雞都算滑，而且花膠都有一整碟，其他配件都係麻麻地，冇特別好味既丸嘍。個豬腩肉都唔差既，整體都唔差既，人君掛200蚊，正常打邊爐嘍，不過乾淨企理，快靚正。

母親節當然同母親大人吃好一點，同屋企人左揀右揀下決定試試在旺角新開的大笪地火鍋 。店內主打無味精花膠雞鍋，當然還有其他鍋底選擇，但一場來到，當然要試招牌的。花膠雞鍋分半隻和一隻，價錢是半隻（$218），我們一行四人，食量很大，當然點一隻。花膠雞鍋（$328）花膠份量非常多，質感彈牙，骨膠原豐富。鮮雞非常嫩滑，拍照後有人幫忙切開成小件。湯底果然夠濃郁又好味，鮮甜又好味，喝後果然不口渴，絕對沒有味精。飲完雞湯後，當然要加湯打邊爐，加的是原汁原味的鮮雞湯。火鍋配料必食推介：蟹粉蝦餃皇（$58/4粒）花膠雲吞（$48/4粒）脆肉鯇魚腩（$78）鯇魚腩香脆鮮味蟹子墨魚滑（$78）墨魚滑爽滑彈牙

早前睇報紙廣告被呢間新開"大笪地火鍋"既花膠雞鍋所吸引, 預先book位相約朋友今晚前來一試, 估唔到去到都幾多人, Book左檯都要等位。等左半個鐘左右終於有位。急不及待點餐, 除左主打既花膠雞鍋湯底外, 呢度更有超過十款湯底選擇。至於醬油方面, 每位醬油費HK$10,客人可以自由混醬【花膠雞鍋】HK$218/配半隻雞店員先幫我地將隻雞剪開, 方便我地食用, 再將花膠全倒入湯底中...稍為滾一滾就食得, 湯底濃郁鮮甜, 花膠略帶點膠質, 索左湯底既湯, 味道唔錯! 打邊爐都不忘養顏~【手切安格斯牛肉】HK$158牛肉以冰墊底, 保持鮮既肉質, 半碟牛肉既脂肪分佈較為平均, 另外半碟沒太多脂肪紋理, 口感鮮嫩, 但牛味唔太突出【炸響鈴】HK$45唔係即叫即炸果種, 似係超市買一盒返黎拆開咁既質素, 冇咩豆香味, 但用以索個湯底精華係唔錯既~【手打鮮蝦丸】HK$68/半打大大粒, 口感比較實, 沒有彈牙感, 帶點微甜【白鱔片】HK$98薄切鱔片, 熟左之後, 肉質較林整體黎講, 雖然火鍋配料質素一段, 但湯底的確唔錯!! 搶返唔少分數~ 

母親節前夕，當然要同母親大人慶祝一下。最近旺角開了間吃花膠雞鍋作招徠的火鍋店，標榜原汁原味，絕無味精。知道媽媽很喜歡喝雞湯，便選了這間慶祝母親節。 甫坐下，店員便遽上調味醬油架，裡面有蔥、蒜、辣椒、炸蒜等。 🍲靚靚花膠雞鍋🐥（$328/1隻）👍🏻👍🏻👍🏻 一行4人，我們選了一隻的雞鍋，份量超足，原隻的雞放在黃澄澄的雞湯上。 花膠份量也非常多，絕不兒戲。花膠浸得爽口滑嫩，富豐富膠質，補充女性骨膠原。 拍照後，店員幫忙把鮮雞切開，再煮多一會，便可嘗嘗花膠雞湯。 雞湯濃郁鮮味，啖啖精華，花膠爽口美味。 喝完雞湯後，便請店員再為我們加雞湯，再打邊爐。 火鍋配料方面，樣樣都夠新鮮。 必食推介方面 🍤蟹粉蝦餃皇（$58/4粒） 餃子大大隻，包住蟹粉、蝦和鮮肉，超滿足！ 🍲花膠雲吞（$48/4粒） 雲吞同樣大大隻，包住花膠、鮮肉，超足料！ 🐥新鮮鵝腸（$78） 🐟脆肉鯇魚腩（$78） 鯇魚腩新鮮香脆，非常好吃！ 🐙蟹子墨魚滑（$78） 🍡薑汁皮蛋貢丸（$38/半打） 貢丸包住薑汁

花膠呢樣食物，相信好多人都鐘意食；全因它的優點多籮籮，咬落既口感軟腍腍都係又有d漿住口既感覺，而且骨膠原對皮膚好；唯一既缺點可能就係價錢比較貴，平凡人如我，唔係可以經常食到。適奉今次有朋友生日，大家都話好想食花膠，最後就訂佐呢間位於旺角既花膠雞煲啦！餐廳位於旺角彌敦道，十分易找。大約7點到達餐廳，想不到已經全場爆滿，幸好有訂位，否則便要撞板了，香港人真的特別喜歡吃火鍋。餐廳既空間感也不錯，有一部大電視，加一個大魚缸。另外有一些是包房的設計，一張大枱放置在房間，但未知是否有最低消費。大魚缸讓客人可以自己揀海鮮，價錢不算貴，龍蝦，聖子，鮑魚，這裡也能找到。另外有每日特價的海鮮可供選擇，而今日既special就係生蝦，一份8隻賣＄48；卜卜蜆就每份＄20，但係我和朋友都唔係太鐘意食火鍋要剝蝦殼，所以最後都冇order生蝦。餐牌一張紙，前後兩頁，簡單而又直接，而我們當然是點靚靚花膠雞煲啦。我們一行5人，有想過半隻雞是否足夠，但再細心一唸，我地黎打邊爐，多付了的＄110 （一隻雞和半隻雞的差額）可以多點幾個餸，所以最後都只點了半隻雞。飲品選擇也不少，最抵既一定係大啤，一大枝＄30，有百威和藍妹

試過同區嘅花膠雞煲.一試愛上.知道「大笪地」新開張無耐.同老公黎試下.必選花膠雞煲.金黃色湯底.花膠厚身大件.好吸睛落花膠.剪雞.侍應一手包辦.飲下一碗.飲下又一碗.骨膠原.感覺皮膚都滑啫啫.飲咗七七八八.侍應refill嘅都係雞湯.味道無一開始嘅咁濃郁.仍然好好味.珊瑚蚌～大大碟.新鮮爽口鮮白鱔片～鱔片薄薄的.鮮甜彈牙.脆肉鯇骨腩～脆肉鯇有光澤.比較厚身.肉嫩彈牙.滾耐咗都唔怕（鞋）烚烚.豆苗細細條.索曬濃濃雞湯.寧捨滋味.

我都幾鐘意打邊爐，可以一班人圍埋烚下烚下傾下計，又可以一次過食到好多唔同食材，近年香港的邊爐愈出愈多，而且無論湯底或食材都愈來愈高質呢個邊爐係旺角新開，但人流已經好旺，我地7點鐘黎到，遲多少少黎都要等位同酒樓一樣，可以出去魚缸揀海鮮，牌上已經清楚寫明價錢老規矩，混個醬先，呢度混醬的材料雖然唔算好多，但基本需要的都有齊了出去揀完海鮮，就坐定定畫紙揀食材，建議先落左湯底先再慢慢揀其他野，咁就可以加快進度濃湯花膠雞鍋 - 半隻 ($218)我地4個人本身諗住叫1隻雞，但係諗諗下都係半隻都夠了，因為可以留QUOTA試多D其他食物嘛，花膠係另上一碟，份量好足，而且都幾大隻仲有少少厚度，金黃色的湯底完全無味精，呢個湯底應該用左唔少雞淆成，我地打邊爐之前差唔多飲晒成鍋湯餐廳職員會過黎幫你剪開隻雞，方便食用由於我地飲晒成鍋湯咁制，職員就幫我地加番同一款湯底開始打邊爐啤酒 ($30)大啤$30一支都幾抵，最特別的是用碗飲，夠晒霸氣，飲得特別暢快手切牛頸脊 ($188)牛頸脊呢個部位用黎打邊爐就最岩，雪花分佈平均，肉味濃，而且肉質嫩滑，下面鋪住冰粒保持牛肉新鮮珊瑚蚌 ($118)珊瑚蚌每一舊都好完整大大件

朋友帶我食花膠雞煲！個門口好特別！竟然有兩個門神！啲佈置餐具又係好特別，成個大排檔咁！不過就乾淨好多！連張餐紙都特別過人！餐廳入面有好多包花膠！膠袋上面寫咗價錢可以比你買！嚟喇嚟喇！一隻雞配一斤花膠！啲花膠多到成隻碟滿哂！你睇，個湯底黃到呢⋯真係勁足料！等佢煲多陣就可以剪開佢！個湯底真係好夠味！雞又好夠林！真係食花膠都食飽！手切安格斯牛好大盤！擺得好靚！肉味都好夠！又唔會好肥喎！打邊爐必食！好少食到咁多流心芝士嘅牛丸！一咬開啲芝士真係爆出嚟！芝士味勁濃！牛肉味又夠香！有得買走就好喇！蝦膠勁大球！好想成粒放佢落去變特大蝦丸！蝦膠好彈牙，仲有啲蟹籽！食落有啲脆脆地添！一樣好正！最後食返個烏冬同薯粉！花膠雞湯烏冬真係超級正架！就算無叫其他野，就咁烏冬都已經正到暈喇！

這天，孩子的爸說預祝母親節，那當然要吃好東西！ 聽朋友介紹過花膠雞煲，躍躍欲試，滋補養顏，母親節媽媽們當然要好好補一補。餐廳員工介紹我們2大1小，半隻雞就夠，只須$218就能以花膠雞湯打邊爐，感覺奢侈，幸好不用自己熬製。如果顧客點了雞湯，餐廳火鍋加湯時也以保溫雞湯加湯，誠意十足。店員先替我們把雞剪件，著我們未淥其他食品前快快喝湯，筆者看到店子餐牌有寫明「不加味精」，就安心盛上3碗還寶寶同喝。濃郁的雞湯配上花膠，讓筆者感到很幸福，骨膠原也馬上「補充」了。而雞肉嫰滑，煮至骨與肉脫離，非常入味。手切安格斯牛肉難得地薄片，牛味濃厚，但嫰度與牛味的調整則要注意，筆者自己喜好淥分半鐘，最佳嘗味效果。打邊爐當然要叫筆者最愛的響鈴！筆者認為響鈴與雞湯的配搭未達最佳拍檔，記掛著希望下次可試試蜂巢豆腐。反而烏東非常美味！本來筆者是為了孩子而點選的，餐廳選用冰鮮烏東一般較新鮮，煮後彈牙煙靭，烏東吸滿雞湯味，絕佳配搭！蝦滑同樣地吸滿雞湯鮮味，配合海鮮鮮味，加上彈牙口感，孩子試過後便一件接一接吃個不停！完場以油麥菜作結，爽脆鮮甜。整頓飯筆者都甚少點蘸豉油，因以雞湯淥出來的菜肴已十分夠味！原汁原味最好吃！Q之親子

心思思想去打邊爐，經過旺角見到有一間名叫「大笪地」的打邊爐點，位於樓上舖，好奇心驅使下決定去試一試。店內陳設有如在街頭的大笪地店，但在室內，感覺新鮮。基本上大部份的打邊爐料都有，有些食材還挺特別呢。不過飲品方便可以再多一點選擇更好。胡椒豬骨鍋我們點了這個豬骨鍋，足料的湯底，有三至四大舊豬骨，大量的冬瓜和粟米，湯頭清甜。手切安格斯牛肉牛肉肥瘦適中，每一片都切得厚薄均勻，牛肉味十足，濃香的牛味。水魷大大片，脆身爽口，十分新鮮！比起在其他點吃到的魷魚要大片！蟹粉蝦餃皇這個十分推介，大大粒的蝦餃，裡面除了有爽口蝦肉，還有蟹粉，所以十分鮮味。芝士流心牛丸牛丸彈牙爽口，肉質堅實，裡面的芝士好流心，一咬開就流出來。牛柏葉柏葉爽口，大細切得適中，放湯一會就可以食，不然會縮水。黑毛豬午餐肉打邊爐一定要食什餐肉，而這個黑毛豬什餐肉就比較特別，肉質比起平時時的午餐肉要實少少，肉味較濃。蟹子墨魚滑墨魚滑彈牙，質感有咬口，可見真材實料。聖子皇當日聖子特價$16.8一隻，我們點了四隻，好就鮮！炸魚皮打邊爐怎少得了炸魚皮，脆口的魚皮放湯一流，即食也可以。最後都一定要來點澱粉質才會飽肚，所以點了粉絲和烏冬。粉絲是平時