大笪地火鍋 (已結業)

佢主打花膠雞湯湯底打邊爐俾人介紹到甘正，我地咪叫一隻雞既花膠湯試下！湯底黎到等員工剪左隻雞，再等佢煲滾，當然喺打邊爐之前試下原汁原味既花膠雞湯！其實個湯都ok , 有淡淡雞味，但點解佢D色出得甘黃🤔？之後分享一下火鍋料，除左手切牛果幾隻貴牛款叫真係貨真價實！其他都只係街市急凍貨色。另外加湯，原來只可以加一次雞湯，其實都接受既，但接受唔到既係佢加雞湯我地見佢只輕輕加左大約兩三碗水度份量，所以無耐又要加湯，今次同一位員工加，尼次加清湯，竟然將成煱加滿滿！大約俾之前加雞湯多幾倍。唔知係有心定冇意啦，但我地成枱六個人見到尼一刻都互望一下之後笑左😂另一樣就係兩小時限時，明白做生意一定想每晚做多幾轉，但做火鍋又唔係任食限時兩小時會唔會少左D？最重要係無通知我地，夠鐘前十分鐘仲同我地落單，一夠鐘埋黎話：「唔好意思，你地張枱夠鐘交枱」我地：「吓，咩有限時？」員工：「你地打電話黎book 果時咪有講」我地：「我地whatapps book 位wor , 無講過限時，何況我地仲有咁多野未食」員工：「甘麻煩你地埋左單先，有人等緊」之後就拎張單黎，當然我地唔埋食埋先埋單俾錢

第一次食花膠雞，原來係咁好味😂我啲朋友仲笑我大鄉里未食過！😂我哋叫咗半隻雞， 已經夠晒我哋兩個女仔食啦！侍應同我地講可以飲咗啲湯先跟住再食啲雞！佢啲湯真係好飲到我差唔多飲晒！啲雞俾我哋食晒咁滯！侍應講話佢哋新鮮煮咗好耐，唔怪之得啲雞味咁濃郁，係我最鍾意飲嘅湯！！另外我哋叫咗碟肥牛，加落去雞火鍋度，超正啊！大家可以睇到佢哋啲花膠真係好足料！鍾意食花膠雞嘅你一定一定一定要過嚟呢度！同埋特別想講嘅就係呢度嘅侍應姐姐好好人，樣樣野都講解比我哋知！禮貌都好好～^_^

這個大笪地有紅燈罩和舊式保溫大水壺，賣的是打邊爐 ! 保溫壺內存放著熱湯。點菜紙魚缸玻璃上貼著是日推介亦有在黑板上手寫即日海鮮這兒的醬料只有5款來這兒主要就是因為被這大笪地花膠濃湯雞鍋吸引，人少關係要半隻雞的份量 ，鍋底的花膠可不少 ，睇見都開心自己將花膠加入濃雞湯之中好足料第一樣要試既一定係要喝番碗湯先啦, 就咁睇已知富有膠質個湯底咁鮮，加埋見到有咁大個魚缸存放咁多生猛海鮮，所以主力都係叫海鮮新鮮即開南非鮑，上檯時還會郁的  起初見到魚缸中的活北寄貝好興奮，真係好鍾意食新鮮北寄貝，但找極也找不到價錢，細問下才知另一名稱叫大馬貝大馬貝每只得58 , 即叫即開熟咗既大馬貝係會變成紅色，鮮甜到無人有  有10粒星我會比10粒星 ! 花竹蝦每兩要$25 , 其實我覺得好貴，但見佢地勁活潑，所以要咗4隻，4隻夾埋都要二百幾蚊，覺得都有尐貴，但又真係好生猛擺在鍋上比一比，隻花竹蝦都好大隻鮮甜爽彈 打邊爐又點可以唔食蔬菜，要了嫰綠生菜同埋健康鮮淮山我地成9點先去打邊爐，大約10點幾原來員工開始分批開餐，哈哈，佢地就在我後面，八八卦卦看看有咩好餸有炸魚腩，有一大鍋白蘿蔔煮海鮮.... 好香

心血來潮好想打過邊爐 朋友提意下梨左尼間安格斯肥牛 味道不錯而且都好新鮮⋯白膳片 賣相都相當唔錯 但一食落係勁（un）勁難咬 同店員反應佢地話我地碌得太耐～芝士牛丸就好濃芝士味 都唔錯我地又唔係第一次打邊爐食白膳片 點會唔知？ 重要成$98 碟沙嗲同麻辣湯底好普通無特別 重幾咸下 整體梨講環境舒服 位與位之間有距離 待應態度都吾錯 但真心一般 唔想再回頭

We made an early entrance for a weekend, as we wanted to miss out the crowd. It was just 2 of us as we walked in and we quickly got a table. The whole place was almost empty as it was just 6:30pm.Since there were only 2 of us we didn't order much as we wanted to just try their infamous chicken pot with fish tripe.We sat down and the menu is the traditional pick and tick paper type of ordering form Then the pot came 10 mins laterFish Tripe Chicken Pot: The pot wasn't very big as we ordered the sm

朋友生日話見到個花膠雞湯睇落幾好, 甘就揀左大笪地!花膠雞湯只係OK, 仲有D味精, 而花膠只係個D花膠粒, 口感係好爽好韌透透地明既, 同佢張相係唔同既, 唔可以話佢係假花膠但一定唔係平時個D正常花膠. 海鮮叫左花竹蝦, 幾大隻, 40蚊一兩, 差吾多50-60蚊一隻, 全部到係新鮮, 好彈, 但冇咩蝦味.另再叫左一條900蚊象拔蚌, 係幾鮮甜既. 而其他食品到係一般貨色, 唔多講.但有幾隻丸類到唔係幾好食, 最奇怪有一隻包心丸有D 肉碎有D 汁, 食完係唔知係咩肉做. 而座位到幾迫下, 連侍應要放底食物到冇位過, 要我地自己幫遞來遞去.因為太迫, 所以冇SIDE TABLE放食物, 有個侍應直頭就甘比碟野我地拎住就想走. 完全冇諗過方法幫你去執好D 位放食物. 我地要自己將D食物倒埋一碟空出個位先放到.最後, 因為有朋友生日, 飯後食蛋糕, 侍應只係執晒D碟冇抹檯就放底個蛋糕, 再叫佢抹檯佢到有做, 不過係唔應我地, 拎塊布係甘易抹下. 

旺角樓上邊爐店真係多到你唔知點揀好，位於彌敦道飛達商業大廈3樓嘅大笪地火鍋，可以話人氣非常！ 慕名而來，相約家姐收工食番轉靚靚花膠雞煲，同埋必點安格斯牛！ 訂左9點，鋪面爆滿，等多15分鐘先入座。樓面光猛，全部都係卡位、大枱，空間夠大， 8個10個人一齊邊爐無難度。一坐低就即刻叫左個靚靚花膠雞煲－半隻雞($218)。店員效率非常高，係我哋仲揀緊配菜時候，已經快速端上雞煲啦！後面仲有成大碟主角－花膠筒！幫我地剪好晒雞件，跟手落埋成盤花膠落鍋。配菜揀左手切安格斯牛肉($158)、海膽包心丸($28)、娃娃菜($32)、龍口粉絲($32)。落完單後，看到筆筒上一句：你負責掙錢養家，我負責貌美如花。又幾有意境～等食時候，望到樓面掛起左一包包嘅花膠筒仔，十分趣緻，望梅止渴一下。順便調埋個醬汁。雞湯好濃，一點都不肥。我同家姐飲左好多碗先起筷。雞件非常肉質嫩滑，唔會見紅。啖啖滋味，較低溫度，慢慢食，唔怕煮到老晒。而花膠筒煲左十幾分鐘係未到最好食嘅時候，仍偏乾硬身。食住其他配菜先。手切安格斯牛肉非常好大盤！數數都有十幾塊，紋路清晰，厚度剛好。淥左七八秒入口，很鮮甜，必食之選！海膽包心丸、娃娃菜和龍口粉

天氣轉涼，又是最期待的火鍋季節了！以懷舊風味，大笪地大排檔特色裝潢作招徠。有多款湯底選擇，所有湯底不含味精，主打是花膠雞煲湯底，不過友人才吃完雞煲，想吃別的，所以點了個鴛鴦鍋，一邊是較清淡的芫茜皮蛋湯，另一邊是香濃惹味的沙嗲湯。火鍋配料都頗新鮮，蔬菜、豆腐、鮮腐竹、不同丸類等等，值得一提的肉類則有鴕鳥肉的選擇，肉質挺嫩，又大塊，價錢亦相宜。雖然沒有花膠雞煲，但點了花膠，份量挺多，一點也不吝嗇。另外，亦點了鮮魚卜，第一次吃這個坊間號稱的平價花膠，雖然賣相不討好，但口感真的有如花膠，蠻特別。吃著吃著也飽了，而且整鍋滿滿的骨膠原，女士亦養顏一番～

落完毛毛雨，天氣又凍凍地，於是朋友推介去大笪地到食花膠雞煲。黎到呢到打邊邊，當然要叫個花雞湯底啦！我們三人叫左半隻雞($218)。餐廳仲有多款料比大家打邊爐，當中包括肉、丸、海鮮滑、海鮮、菜等。湯底到了！雞湯非常濃郁，好岩呢個天氣飲。隻雞的Size都唔細，肉又厚。重點係雞肉就算係咁煮都保持又嫩滑，加埋清甜的湯底，我係咁飲湯！原本以為湯底$218連半隻雞，D花膠都唔會多得去邊。點知又真係係幾多花膠，抵食又花膠爽口。蟹子鮮蝦滑成個雪糕球咁好得意！蝦滑又鮮又彈牙，朋友勁鍾意！食火鍋邊可以唔叫牛肉架？呢碟手切安格斯牛一睇就知新鮮，食落口同樣一樣正！牛肉的肉同肥比例適中，食落又嫩又香！見呢到主要sell花膠，我地又唔執書叫左一份花膠雲呑。肉同花膠溶為一體，又幾Juicy喎！豆苗係我特別推介大家的，主因係個濃郁的湯底，令每條豆苗吸收左大量的雞湯及花膠精華！另外，我們都叫左一份響鈴，響鈴層次夠多，所以就算放入湯底就唔會淋曬！最後埋單$718三個人，即每人240到一個人，以花膠雞湯底+每碟計的火鍋配料計，價錢都幾抵！想扺食的就一定要叫花膠雞湯底，因為個湯同雞肉足以令你半飽。

再一次返兜呢間用花膠雞湯做湯底嘅火鍋店湯底好多料, 入邊見到有花膠加半隻雞店員叫我們先食咗入面啲雞肉先之後再落配料打邊爐牛肩脊賣相唔錯、入口都幾有牛味店內還有一個海鮮corner、可以自己出去揀海鮮海鮮價是價錢同街市差不多，花甲和扇貝都好大隻。其他配料就普普通通、飲品亦不算太平.我都會為咗個湯底再返去

今次係我第二次食大笪地，上次母親節同屋企人黎食，試左佢個招牌花膠雞煲，好想知其他鍋底有冇驚喜位所以今次帶左好朋友黎食環境方面：以舊時街市做背景，掛滿照雞蛋🥚既紅燈入到黎會有種好local既感覺食物方面：1. 川芎白芷魚頭鍋好香中藥味，入面有5片魚頭，魚頭好滑，好足料個人認為呢個湯底比花膠雞更出色食完唔會覺得好口渴！唔錯！2.牛頸脊價錢偏貴，開初好掙扎點唔點好點左發現冇後悔！肥瘦均勻，食落好有牛香味，入口鮮嫩惟一要改善既係刀功有少少落差，有d切得太大塊，滾完好易鞋口不過仍然好推介大家必食3. 蝦滑🦐幾好食，可以一試4. 膳片價錢偏貴，但啖啖肉食落冇咩骨位同泥味，推介！總括黎講，幾好食建議人多黎食，會更化算！

近來天氣開始凍,火鍋晚餐必然係首選! 九龍朋友帶我到旺角這火鍋店, 入到去枱與枱之間都算闊落, 唔會話太逼逼澀。 調味料全部都大大兜, 鍾意攞幾多就幾多豉油調得幾適中,唔會話大咸!因為朋友鍾意食素又好辣,要一個皮旦荽沙嗲鍋, 味道非常好 最值得一讚就係食完唔覺口渴,真係無味精。 蔬菜整體都好新鮮, 當晚啲豆苗特別翠綠雲吞大大粒,有花膠係裏面,食落好爽,好夾。蟹粉蝦餃皇一樣係咁大大粒,啲蝦大大隻, 最正就係,一碟有4粒份量小,價錢低。唔係太多人去食的話,可以叫多幾種食物試下。叧一推介蜂窩豆腐呢度啲蜂窩豆腐比其他餐廳的口感滑好多,可以試吓

成日上網都好多人介紹花膠雞煲火鍋，今次揀左大笪地試下，不過今次係即興打邊爐，所以冇訂位，但係好好彩等左半個鐘就有位啦☺️一家四口揀左花膠雞煲做湯底（HKD218半隻雞）真係好足料，成碟花膠係你面前放落去，而且湯底都好清甜，雞肉好嫩身👍🏻話錦快就飲得七七八八叫人加雞湯打邊爐啦叫左聖子約HKD88而大蝦約HKD225仲有鮑魚....全部都好新鮮好鮮甜啊⋯衣個牛頸脊份量都都噢畸，而且厚薄適中，又有牛味，正👍🏻其中叫左樣姜汁皮蛋貢丸，係外面真係好少聽到有，喜歡姜嘅味道嘅人要叫你試下啦真係餐廳環境不錯，唔會話好迫....四個人買單HKD1300左右...主要都係因為海鮮同牛肉比較貴....不過材料新鮮，都值得一試👍🏻👍🏻👍🏻

我確實係一名超級火鍋狂迷，天氣轉涼後，我應該一星期有四餐都係打邊爐今日收工後，其實唔係太餓，但同事話知道有間邊爐好正，問我試唔試，痴線!使問架咩？行啦講哇果然名不虛傳人山人海，裝修懷舊似以前大排檔FEEL仲有個海鮮攤俾客人自己揀海鮮打邊爐同事知道我係湯王一名，所以不斷推介我食花膠鷄煲，好啦，見你誠意推介我就今次唔食辣啦一上枱見到個鷄湯都已經心心眼花膠件件厚實，齋用望我都已經覺得全身充滿骨膠原店員馬上為我地剪鷄件，我地兩個人所以叫左半隻。店員仲貼心提示，記得飲左啲湯先再叫我地加湯打邊爐。湯頭好甜，完全唔係味精湯，睇落好油其實好清，花膠有啲爽口，但起碼唔會係煲到梅哂爛哂，我，啪左三碗美國肥牛因為其實唔係太餓而我又啪左三碗湯加食左好多花膠，所以野食無叫太多。呢個係咁多款牛黎講最平但已經好好食，牛味夠，下次試埋啲高級少少架先手打墨魚丸超級大粒，好新鮮而且非常彈牙呢個商場唔係朋友介紹我都唔知入面原來藏有好東西。下次再帶男友黎食先

入面啲台好大張，打邊爐完全唔洗怕唔夠位放野食。我地4個人提早訂坐食左佢99蚊個花膠雞煲，個湯底好足料，好濃郁，仲有成碟花膠比你自己加落去，真材實料。飲完湯唔夠喉仲可以加湯。侍應好好咁會幫手剪開隻雞。