大笪地火鍋 (已結業)

之前睇雜誌試完個花膠雞煲，今次第2次幫襯揀左個 鴛鴦鍋（沙爹片皮蛋）， 沙嗲味非常香濃，而皮蛋亦非常足夠。蟹籽鮮蝦滑同蟹子墨魚滑，同樣以杯裝，好似一杯雪糕咁，食落非常爽口彈牙，感覺好新鮮手切安格斯牛肉雪花紋理分佈平均，口感鬆化，牛味足夠，建議大家唔好涮咁耐，牛味會更加出。店內仲有個海鮮檔位，職員會推介當日新鮮海鮮並以優惠價出售，當日揀咗南非鮑魚（$30一隻）、貴妃蚌（$9.8一隻）同埋聖子皇 （$13.8一隻) 。海鮮都算新鮮。魚皮餃都好新鮮，皮唔會太厚，餡料味道適中如果點花膠雞煲，樓下仲有$100 優惠券派添，即時減$100，抵好多

食物是ok的, 但埋單時員工非常有問題! 覺得受騙!我地買左團購$99 當然$200用, 我地買左7張,即當$1400用。而我地亦明白加一服務費及醬油費是不可用coupon付款。最後我地食左$1522 (當中$198是加一及醬油費), 即$1324可用coupon付。我們要求多叫幾支飲品, 以令消費達$1400 (可用7張coupon), 店員拒絕及聲稱已埋單。但我地明明未比錢呢! 佢堅持要我地付$522現金, 並叫我地下次再用剩餘的一張coupon!!!! 佢話$1324唔夠$1400所以唔可以用7張wor!!! 下, 我地可以唔駛找錢或叫幾支飲品! 佢係唔比, 佢一直企在旁邊比壓力我地叫我地埋單, 最後我地比左$522現金, 如果咁做團購又要屈人唔比人用就唔好做啦! 比$522現金, 咁我買到$1000 coupon 啦! 以後唔會去, 有心做團購想人試,  又做到咁, 不如唔好做啦!

朋友最近係母親節同媽媽黎食過花膠雞鍋讚不絕口，今晚就同佢gathering 就黎吃吃吧！店內裝修設計與店名呼應，甚有香港特色！聞名不如一吃，花膠雞鍋湯底金黃濃厚，雞味濃之外仲富有膠質。絕對係女士進補骨膠原的佳品呀！！！！！花膠頗黏口，厚度適中，口感很爽滑！雞隻size適中，肉量都幾多，入口啖啖肉，肉又夠嫩滑， 超讚呀！特別係雞皮位置富有雞油香，非常惹味！蟹粉蝦餃王皮十分薄，剔透得可以見到內裡既餡料呀！蝦隻頗大，爽口鮮甜，餡料份量又夠多，絕對名符其實係蝦餃王海膽包心丸口感爽彈，內裡流心，打邊爐必點呀！不過吃的時候要小心一點，慢慢吃，否則會燙口唷！飲品方面，啤酒汽水都有得選擇！貪吃又怕肥的吃貨生可選擇無糖解茶呀！消滯解膩又健康！

近期旺角開左間打邊爐，中意試新野就梗係要上去試下。話說行行下街見到個招牌好懷舊，好似舊時的燈牌咁搶眼，加上有人係街派傳單，仲強力推薦無味精的滋補花膠雞鍋，聽到即刻心思思啦，望一望個價錢都唔係好貴，於是就同老公上去喇~環境都唔錯，乾淨企理，而且都幾光猛，檯與檯之間都唔會過份擠迫，成晚的感覺都係舒服的。一行黎就見到大大個海鮮區，游水生猛海鮮自然加哂分，而且呢度仲有特價區，大大碟蜆都係20蚊咋，平有平食，貴有貴食，一大朋友仔黎食都可以揀到自己喜歡的海鮮。其實海鮮價位都比想像中平，仲要即點即撈，呢個價錢黎講真係好抵玩。入座之後會有張點菜紙，湯底就梗係揀左頭先一聽到已經心心眼的花膠雞鍋，不過見到有原隻豬肚胡椒雞鍋都好似好好味，睇黎都要下次再食過先可以試哂兩款。點完個湯底，順手點埋D 配料，之後就可以等食喇~差唔多10分鐘左右，個湯就送左上黎，今次因為怕兩個人食唔哂，所以叫左半隻雞，如果多人的話一定要叫一隻，因為雞肉真係好嫩滑，神奇到連平食好難食的雞胸都唔會柴，好好味！咁個湯當然都好吸引，金黃色的薄雞油係面，個湯竟然都係金黃色，入口非常香濃，重點係飲落唔似平時的重味精湯底，真係可以當湯飲。為左方便

今晚同爸爸，妹妹一齊黎食，之前同朋友都食過一次架喇，太好味喇，所以帶埋屋企人黎試。。首先梗係食左雞先喇，啲湯好入味，花膠唔會好難啅，正再來梗係食下海鮮啦，超鮮超甜，無得頂三個人先食左699元，超抵食。。

聽到有一斤花膠配超濃 花膠雞鍋 金黃滋潤湯底上桌時先有原隻蒸雞，另外附上足一斤白花膠，份量十足。滾起後嘗一口，鮮甜不過鹹，膠質十足，猶如燉湯，感覺好滿足！先飲完湯，再後加湯，再加湯打邊爐，雙重美食手切安格斯牛肉即叫即切，保持新鮮。雪花紋理分布平均，涮上十數秒，口感柔韌鬆化，牛味不算特別濃。即包花膠餃 配料亮點則落在花膠到，即叫即包，花膠、豬肉，Size 是平常的雙倍，抵食。皮薄，餡料份量約為一般的三倍，鮮美多汁。

大笪地嘅花膠雞鍋 近期不停俾人洗版 人氣指數好高 想試嘅話一定記得要book位 夜晚七點左右已經爆棚材料十足 拗出嚟嘅湯底一定係精華 飲多幾碗唔好嘥 飲完啲湯可以叫店員加雞湯打邊爐 但之後嘅湯當然冇咁濃啦食多幾舊花膠皮膚都彈啲 花膠彈牙 大大舊好滿足沙爆魚肚吸湯之選鮮蝦話好大粒 爽口彈牙店內設計海鮮自助區 生猛海鮮任你點今日蚌特價 每隻$9.9叫咗四隻試下店員千叮萬囑唔好錄咁耐 建議 兩三分鐘便可以 時間啱啱好 好鮮甜蟹粉蝦餃皇 大大粒真材實料咬開有原隻鮮蝦 蝦肉爽口彈牙 而且皮薄 好吃

今日特登嚟試呢個鼎鼎大名嘅花膠雞窩 我哋四個人食叫咗半隻雞 雞肉嫩滑 接近骨肉分離 嘅狀態 花膠份量多 喜出望外的感覺重點品嚐湯底 色澤金黃 老火湯 好香濃 加入花膠一齊滾 個湯帶有膠質 有點兒黏口的感覺醬料每位十元 店員事前沒有說清楚要收費安格斯牛 牛肉厚度適中 色澤鮮紅 又肥又瘦 有咬口鮮滑牛 明顯同安格斯牛肉有分別 肉質鬆軟 牛肉真係好滑 筷子是夾不起的 因為太滑了餐廳款式多 價錢大眾化 三五知己前來可以試多啲款式 必試花膠雞窩 無味精食完唔會口渴

今晚為慶祝母親節BOOK左食養顏花膠雞煲!  一入到去個SETTING都幾得意, 好懷舊既士多咁有一箱箱既玻璃樽可樂! 仲有一包包既花膠夾起左今次用OPENRICE BOOK位, 所以有 $1 花膠雞優惠 (原價 $288)真係好抵呀! 雖然佢係 $1, 不過一D都無揸流灘有一大碟花膠比你放入個雞湯個雞湯呢, 就係有D油既.......不過值得一讚既係佢加湯都係加返雞湯比你, 唔係好似出面果D加清水~開飯~~~~~~牛頸脊同豬肉都唔錯~ORDER紙~ 同埋好搞笑既杯~總括黎講真係好抵食, 4人埋單500幾!大家記住用OPENRICE BOOK左隻雞呀!! 不過唔知優惠到幾時呢~好味指數:

有日經過旺角見到有花膠雞鍋，本打算母親節跟媽媽慶祝，大家一齊滋補一下😄，但booking已full！但實在太想試下花膠雞邊爐，位置又方便所以約朋友食飯指定要食大笪地！湯底有不少選擇，上至海鮮鍋、花膠雞，下至沙嗲湯、麻辣鍋都有！我當然是點了花膠濃雞湯鍋了，但因為人少，只要了半隻！花膠雞湯底係超好味呀！聲稱沒有味精，事實上味道都是真材實料的，好有媽媽煲老火湯的感覺😋平時不敢食雞皮今次連雞皮都食唔停😯不知不覺我們把湯底材料清到7788時才捨得下配料，因為怕之後加湯會溝淡了味道呢，我地分別點了安格斯牛、蜆、蟶子同蝦餃。安格斯牛肉牛肉係邊爐必食的表面睇牛肉肥瘦均衡，係唔錯既！份量比預期多，但我地食得哂成蝶！😋蟹粉蝦餃王蝦餃雖然得4粒，但每粒都好大粒，食左真係有啲飽😂蝦餃可能煮得太耐，隻蝦太熟了！味道都ok, 唔似一般水餃。海鮮亂點了大路的，價錢合理！蜆半斤和蟶子兩隻！蜆放在鍋中都變得太細粒，主要都是用以增加湯底鮮味，蟶子才食得出海鮮鮮味呢！

旺角餐廳太多，有選擇困難。走著抬頭看到此特別畫風的招牌，立即邊走邊search openrice原來是火鍋，非一般的火鍋，好，就食定你了。餐廳舖面好大，一進去看到一袋袋花膠，嘩，就是吃這些啦第一時間點了靚靚花膠雞鍋，兩個人半隻就夠，另外點了蜂巢豆腐，芝士牛丸和蝦滑。畢竟二人吃不到那麼多呢。花膠雞鍋上來時，湯是金黄色的，有半隻雞，店員還會讓你看那碟每隻都大大隻的花膠才整碟倒進去，不過太快趕不及拍照然後店員讓我走出去看是日海鮮，看到貴妃蚌，蟶子皇都大大隻非常新鮮又便宜，毫不猶豫就點了，另外還點了游水海蝦，達致我倆的海鮮盛宴湯滾起後喝了幾口，有鮮甜雞味，微鹹並沒有刻意造成的鹹味，然後就急不及待涮海鮮了~貴妃蚌十分鮮甜，一放進口中就知道它非常新鮮，質感又爽口，讓我倆回味無窮9.8一隻絕對抵食蟶子皇也是大大隻好厚肉，又彈牙又有咬口，味道沒蚌那麼甜但質感搭夠，對得住13.8一隻的價錢游水海蝦上來時還看到有幾隻還在動，好生猛，證明新鮮。煮熟前後都好肥美，肉非常厚又爽口彈牙，味道清甜，又是十分抵食的選擇蜂巢豆腐對我倆來說好特別，上菜時冰冰的硬硬的不像平常的豆腐，反而像千層腐皮。滾熟後吃時要小心熨口，因

之前見係facebook有人推介，又覺得好吸引所以約朋友黎食"花膠雞煲"係OpenRice book位可以$1 優惠享用價值$218 半隻雞半斤花膠，係幾抵！！一黎就見到個雞湯好金黃好吸引，而且個湯係飲得亦無味精，花膠都好足料！！不過其他料就麻麻，碟魚皮無花假原袋上，還好都幾脆唔係林既。另外個炸響鈴就真係唔脆，似係超市雪左好耐個d。個手打蝦膠都ok，肥牛係冰底雪住都ok。不過我地book左9點3位，原本都覺得晏但點知去到有位又唔係即時俾我地，仲要等多半個鐘，除左個花膠雞煲外，唔太值！！

繼上次喺旺角食咗雞煲火鍋之後，今次又去旺角食番純邊爐喇！平時當大家聽到大笪地，會諗起啲咩？我就會諗起三個字：平、靚、正！今次呢間大笪地火鍋真係幾唔錯，首先位處旺角中心地帶，近旺角站E1出口，非常方便。第二就係非常高質素！大家快啲留意下面嘅推介：呢間火鍋店有成十三款特色湯底，最特別嘅就係靚靚花膠雞湯，廚師用原隻雞同花膠煮湯底，啱哂又要養顏又要健康嘅女士啊！但係我咁啱感冒未清，所以唔係好適宜叫雞湯，所以我就叫咗一個鴛鴦鍋，分別有皮蛋湯底同沙嗲湯底，有兩種口味，無咁悶。除咗湯底，火鍋配料都好特別，有駝鳥肉片、爽脆牛胸爽、薑汁皮蛋貢丸、花膠雲吞同西班牙黑毛豬午餐肉等。我哋都叫咗唔少嘢：美國肥牛：幾有肉味，唔算好肥新鮮冬菇唐生菜蜂巢豆腐：一路想試好耐，豆腐吸哂啲湯，食嘅時候口感好好炸響鈴薑汁皮蛋貢丸：薑味幾重，皮蛋唔係好覺有，大家食嘅時候要小心啲啊，因為好易辣親嘴！芝士流心牛丸：呢個要讚，芝士同牛丸原來係好夾，仲可以玩拉芝士XD總結，呢間火鍋店性價比唔錯，我哋都食到好飽喔，下次我一定要試下個花膠雞湯！好期待下一次再嚟啊！

早前有雜誌報導，加上見到朋友黎過，我同男朋友都試下。本來佢提我op有1蚊花膠雞湯底，不過要3人起先用得，唯有下次再用呢個咁抵玩嘅優惠。平日晚上人流不少，但餐廳環境不俗，地方闊落，完全唔會逼狹，我地被安排坐偏房呢邊，兩個人都坐五、六人枱，夠哂舒適。店名大笪地，所以裝潢都走懷舊風，另外有一邊係擺放新鮮海鮮，客人可以即場選擇。當日都有唔少特價海鮮，真係幾抵食，見隔離枱點左兩轉蟶子，幾大隻先點湯底，然後自己畫紙仔點配料。湯底方面，強調所有湯底都不含味精，有15款，定價 $68-$288，平價嘅有沙嗲鍋、芫茜皮蛋鍋，特別啲嘅有川芎白芷魚頭鍋 ($128)、花雕醉雞鍋 ($128/半隻)、同最多人點嘅花膠雞鍋 ($218/半隻)等。所以有3位以上記得用op訂位享用1蚊雞鍋。配料方面，有肉類、丸類、滑類、手打丸、海鮮、蔬菜、麵等，定價合理，一般打邊爐價位。飲品選擇較少，唔知係咪開左冇耐？只有枝裝汽水($10)、道地解茶($16)、鴻福堂飲品($16)、iF椰青水($16)、菓汁先先甘筍馬蹄汁($16)、蘋果酒($28)，連涼茶類都未有。醬料每位$10，唔係好多花款，但基本都齊哂。椒絲夠辣，唔好講笑，

香港人好鍾意打邊爐，就算好似宜家天氣咁熱，都冇阻我地打邊爐既意欲。今晚我就同朋友兩個人去左旺角大笪地火鍋，佢係係彌敦道飛達商業中心3樓，即係雅蘭中心行前少少，係旺角既中心點，方便易搵。我地上到去大概1800點，已經有幾枱客係度，之後食食下1900點鐘就已經坐無虛席啦。呢度既裝修有d似街市入面既熟食中心，地方都算大，環境舒服，仲有海鮮檔比你出去揀海鮮tim。呢度既主打係花膠雞鍋，佢仲掛左一包包既花膠係門口好樣眼。所以我地兩個決定叫佢個招牌鍋黎食。Menu落完order冇耐，香噴噴既雞湯同花膠就已經係眼前，d花膠仲多過我媽咪平時煲湯個d，淨係食花膠都飽啦靚靚花膠雞鍋（半隻）$218上左鍋之後，服務員會將d花膠落入去d雞湯度，再將隻雞剪件。呢個花膠比較厚身，需要煲耐dd先淋，食落去口感唔錯，至於隻雞就啖啖肉，雖然得半隻，但係都夠晒食，而且肉質都算嫩滑。另外，個雞湯清甜，不過就略嫌淡口左d，但係我地每人都飲左3碗先加湯開始打邊爐羊肉片$68呢個羊肉大大碟，好抵食，食落唔騷，而且肉質嫩滑芝士流心牛丸（半打）$38（右）呢個牛丸彈牙薄身，所以入面裝芝士既空間相對多左，超級「芝」味花膠雲吞$48呢個