大滾友火鍋

營業中

休息中

話說近期花膠雞湯底打邊爐勁hit, 朋友都非常鐘意，而之前試過一間係旺角樓上嘅店，名氣大，可惜食後感就一般般。今次試呢間店就係留意到佢，經過左好幾次，平日晚飯時段都常常爆場要等位，所以就叫埋閨蜜齊齊黎試喇。雖說book左枱，但需要等左一陣先入到座，店員拎左一杯杯自家竹蔗茅根比我地，幾細心，而杯竹蔗茅根都好足料清甜。等左一陣，終於入到座。環境方面，加左中式傳統嘅元素，而燈都係用左中式嘅燈籠去裝飾，幾有特式。枱面會有一小碟青瓜小食，好強嘅麻辣加孜然粉香味，食得辣嘅小妹都覺得有d辣，辣得爽！留意到有d枱嘅湯底容器會有些少唔同，估計應該唔同湯底就用唔同嘅容器，而我地order嘅花膠雞湯煱就有個龍頭裝飾嘅，估唔到店仔細細，serve 嘅野咁有氣派。花膠雞鍋 （半隻） $288職員上鍋時，雞/花膠同鍋係分開上嘅，個湯鍋上時出哂煙咁。上後就即時將d花膠放入湯底，湯底金金黃黃，感覺好足料。真心要一讚個燉湯，小妹一連飲左3碗湯連大量花膠先捨得收手。感覺花膠份量足3人前。配料方面陳年花雕浸牛肉 $118 - 上菜時會連埋一小壺酒，又係會出哂煙咁，職員話建議浸15分鐘先食。果然浸左一段時間，牛肉吸哂花雕香味

夜晚11點收工，肚餓見到，見幾有噱頭，就試一試。店內裝潢設計得幾好，宮廷feel。店員推介花膠雞湯底，聽佢講試試。醬料已經好吸引，係成個龍頭咁味道不錯，雞味濃但感覺似有味精雞不滑，花膠尚可，不腥由於係宵夜時段，所以湯底係送的否則盛惠$288叫左個鵝肝墨魚丸，彈牙味道不錯，但無鵝肝味響鈴拼盤6件，味道不錯好香，連埋+1要$100碟抵唔抵就見仁見智最中伏就係呢碟牛$498連加一要五百幾得16塊拎出來重有很多冰碎而重點係d牛有d變變地味牛味不濃最右邊果隻牛就係我話變味果隻最後埋單$1074兩個人食真係唔抵我食野其實真係唔慳唔介意俾錢食好野呢間味道其實唔差但唔值呢個價中意裝修好，打卡既朋友可以一試但想食好野，想揾性價比高的餐廳就真係要考慮下

朋友聚會，揀左元朗(大滾友)打邊爐，食材新鮮，湯底今次試左花膠雞湯鍋一隻，味道不錯，而且店員會協助你在你面前剪花膠及淥落煲，十分足料，還會鼓勵你可先喝雞湯，再淥其他食物，服務幾貼心，而且因是wts訂位關係，4人以上送了加拿大象拔蚌一條($998)，象拔蚌刺身很爽口，非常新鮮，還有牛肉也是非常新鮮，另外有一個鳳美鮮蝦雲吞，比較特別，因彩用原隻蝦包雲吞，成隻蝦尾都外露岀黎，彈牙爽口，雖然整體價錢較貴，但勝在食物夠新鮮，值得再去！

事源我二哥住起鳳攸南街附近佢話最近發掘左有間餐廳食牛肉一流所以我就同我三哥一齊去食呢個大滾友的確門面已經吸引人入黎食...估唔到入面既野仲更加有氣派我地叫左個卜卜蜆鍋最初仲以為係唔係黎錯左點解咁仙氣...原來放左乾冰起滾湯到，個陣BO BO 既聲真係正口水都流$198蚊既冬陰公湯底真係好俾面架~~D蜆又大粒、無沙、好甜，係極度新鮮份量超多，真係滿足我呢個食蜆獸~~最正都係個湯底，好難得一個火鍋店做到個湯底咁正宗有香葉、薑、香茅個D個蜆靚到不得了個器皿係龍頭裝飾架~~覺得自己係皇帝級享受大滾友牛肉拼盤(細)@$398你唔好以為係細盤就得個幾件事實上真係夠兩個食肉獸食架~~仲要D料好值呢個價由牛肉粒、肥牛、牛舌等各部位你就已經覺得點解一隻牛有咁多層次珊瑚、桂花蚌雙拼珊瑚蚌既質感好食過桂花蚌好脆卜卜好彈牙...同埋無縮水縮得好勁，證明幾新鮮下我大愛的牛肉粒，好重牛肉味，比起冰鮮的牛肉粒更加好食最後會免費送上木瓜雪耳湯水俾人清一清喉，好貼心

坦白講，呢度食材的確幾新鮮,肥牛唔韌、粟米好甜、手打牛丸好香。但價錢就真係一啲都唔平啦，好似肥牛$300得八塊 ，湯底都算OK嘅， $200 ，但有好多好多蜆同花甲。睇你覺得值唔值得啦，但環境一流，裝修幾好。

環境一流，宮廷風很美！不但食材鮮味，員工友善，打卡位也很多，環境真好！會再次光顧🥰餐廳位置10分方便，而且好似圖中所見，卜卜蜆鍋好正，啲蜆好大隻，呢個湯底相當鮮味。另外因為食物選擇太多啦，唔知點揀，所以我哋帶咗拼盤，勝在拼盤乜嘢都有，滿足我同朋友所需。另外需要一讚嘅係手打牛丸， 10分彈牙，而且好鮮味，都成8粒，食完都再叫咗一盤。最重要，最重要嘅係，環境真係好舒服，清靜，而且所有餐具的碗碟等都好精緻。

大滾友火鍋用料新鮮，過不多說，一於直入正題！小編同朋友叫了蕃茄豬軟骨湯底，湯底鮮甜重茄味，豬軟骨夠嫩！而有2款材料我吃完之後，決定下次都要encore!!第一個推介的菜式是陳年花雕牛展！廚師準好備新鮮牛展，之後將花雕酒倒在牛展上浸十五分鐘！牛展烚熟後非常入味，非常嫩滑！第二個推介的菜式是大滾友餃子拼盤，叫一份可以試曬4款餃！而我最鐘意嘅一款係蟹黃餃！一口咬落隻餃，蟹黃汁爆曬出黎，好香濃！大滾友其他菜式都做到好出色！尤其手切牛肉同鮮白鱔片都好正！大家經過元朗都入去食下！

今日約左朋友黎到元朗食飯，四條友決定去打下邊爐開心下,最後就聽朋友介紹黎左大滾友。由於唔識路既關係，由朋友係元朗西鐵站帶我過去，大概8-10分鐘左右路程就到唔算好耐，同都好容易就行到過去見到大滾友。快快手入左去坐底，職員就找左調味料過黎。間餐廳，餐具連包濕紙巾都好有中國風，環境好靚，空間都好夠，唔迫又坐得舒服，岩哂我地4個人可以慢慢食吹下水。點完野食，吹左陣水之後野食同湯底好快就到，我地叫左花膠雞湯鍋(半隻)， 一開始緊係試下個湯先，個湯味道好濃好有雞味，花膠同雞都好新鮮，特別要提既係花膠足料得誇張又爽口彈牙，好值得點呢個湯底。我地都點左唔少野食，特別要提當然係響鈴，我本身已經好中意食響鈴，呢到響鈴仲要係有鹹蛋味又炸得超好食，絕對係必食推介。打邊爐唔少得既一定係牛啦，本身我地係點和牛，不過咁岩賣哂，職員就推介呢期岩食既本地牛，不得了真係好好味，牛肉又新鮮又好多肉汁真係冇介紹錯。朋友說想豚肉，入口即溶，豬味在口腔徘徊，。另外我地都仲叫唔同類型既丸同水餃，其中有個甜酸苦辣丸真係好特別，有哂四種唔同口味既整法而且味道都好好味。然後隻隻水餃入面都好足料，真係好少見會放咁多料，睇得出佢地好用心

呢間火鍋店裝修得好似以前古代既宮廷一樣，幾有意思白蟮片刺少肉厚，肉嫩有鮮味甜酸苦辣丸丸同餃都可以分別揀4粒/8粒，岩晒我地人少呢4款係唔同口味，有桂圓豬肉丸，檸檬豬肉丸，涼瓜牛肉丸，辣椒牛肉丸第一次試到丸係有甜酸苦辣味，苦瓜牛肉丸就最為突出，咬開中間，真係有粒苦瓜係入面，不過怕苦既話就唔好試呢粒喇餃子拼盤都有4款口味包括韭菜豬肉，黑松露蟹肉，蟹黃餃，鮮蝦雲呑蟹肉餃既味道最為突岀日本廣島蠔可能廣島蠔只係一樣普遍既食物，但佢既擺盤裝飾令到成件事好靚，好有吸引力極品四國牛肉拼盤(日本，韓國，澳洲，本地)睇到牛肉既油花都唔少，肉汁鮮嫩又多汁以為日本最好既時候，食落先發現韓牛頸脊柳都唔差豬軟骨蕃茄湯鍋，睇顏色都知，湯底有濃郁既蕃茄味道呢度既擺盤真係好正，好有心機

通常打邊爐都係為左瘋狂食肉，今次呢間有少少唔同，我諗好多人都同我一樣係為咗個湯鍋而來俾得咁上下價錢當然有返咁上下既服務一坐低就有芥菜調味盤奉上，好似大爺咁等人服侍～同一般火鍋店唔同，呢度既湯鍋真係有主食，而唔剩指得湯水，今次我地就揀左胡椒酸菜魚。店員會將鍋捧上，當場淋上湯汁，白煙一湧而上就哂派頭用料亦唔講得少，魚片選用斑塊，夠哂嫩身肥美，配埋胡椒酸菜同豬肚，鮮甜惹味。前菜點左款麻辣牛𦟌，麻多於辣，如果再辣啲會更香口惹味。山水豆腐雖為軟豆腐，但質感挺身，作為火鍋配料唔會好易散鳳尾蝦雲吞第一次見，係用原隻蝦碌連尾加上豬肉包成，真係有食梗鮮蝦既感覺美中不足係雲吞皮偏厚，入口有粉感。大推黑松露墨魚滑黑松露味十足，魚膠彈牙有咬口。手打牛丸都係必點之選質感一夾就知係人手打成。非常非常非常鮮嫩多汁而且好重鮮牛肉味，食過番尋味！臨尾仲有糖水送，出現得正及時，木瓜雪耳夠哂滋潤解渴，味道清甜，一解打邊爐後既油膩。

放工後,幾個同事約咗打邊爐,就近選咗呢間大滾友火鍋,店內環境精緻,裝修很中國風,餐具都有龍頭。點咗花膠雞湯鍋,湯底濃厚,花膠份量夠足,營養好豐富。珊瑚桂花蚌雙拼,份量唔算多,但非常鮮甜肥美。雪花牛肉,雪花分佈平均,牛味濃鬱,口感鮮嫩。也食咗手打松露墨魚滑,黃金響鈴,聖子皇,白鱔片同埋大滾友雜菜拼盤,整體味道仲唔錯。仲有甜品送,木瓜雪耳糖水,好清甜爽口!

個friend鍾意飲花膠雞湯又鍾意食火鍋~呢間就可以滿足到佢啦🤤餐廳係以古色古香嘅宮廷做主題，有貴賓嘅感覺👸開頭以為係茶，原來係豉油😛個湯一上枱🥣真係嘩咗一聲😍除咗個煲靚之外，啲湯嘅色都好吸引🥰仲要一上枱已經聞到好香嘅雞湯味🐥職員一早幫我哋放左花膠落湯度，因為佢想我哋飲咗個花膠湯先，飲咗第一啖我同個friend都異口同聲話好好飲😱唔怪得之湯係主打試咗個酒浸牛肉，因為唔係成日見到，建議如果鍾意酒味濃嘅，要遲啲先食，等佢浸耐d~呢個黃金響鈴其實係嗌錯咗，不過錯有錯著😛原來鹹蛋配響鈴係好好味🥰不過食多2件就好漏😆甜酸苦辣丸~建議大家要試👍手打丸好多鋪頭都有~但係呢個我第一次見，同埋每一粒都配合返佢嘅主題~ 食得出師傅嘅心思同創意雜菜拼盤🌽🥬真係有多款菜~食得出新鮮同好甜😍平時覺得叫菜拼盤唔抵~但呢個真心👍飲品叫咗竹蔗茅根， 兩個人飲，飲唔曬~ 可能因為飲咗太多湯😜最後送咗個木瓜雪耳糖水做總結， 味道ok略嫌甜咗少少~

其實打邊爐真係唔分季節基本上唔同以前冬天先會打邊爐依家係一年四季都會打邊爐，家庭主婦懶人之選上網睇到e間好出名 ，之前經開元朗都見到好多人等位不過晚晚都會full booking今次醒目預早幾日book定當然要食過最出名嘅花膠雞湯煲啦呢個真係好好食，但我唔記得叫咩名 大約係油炸鬼餃子皮薄餡靚仲有新鮮嘅珊瑚蚌即炸響鈴正卜卜脆呢個日本黑豚肉都好好食呀老闆今次介紹咗我哋食本地牛 ， 真係唔錯食左咁多熱氣野， 當然要飲返杯1664 解渴

近日元朗經常見報，港九新界人也注意多了元朗市中心的去處，其實元朗已不再是昔日只賣老婆餅，黃牛周圍走的偏遠老地方了。無論遊行也好、旅行也好、橫行也好....民以食為天，就算天氣熱得令人難受，也要找一個值得去的落腳點補充一下腳力。位於鳳攸南街的大滾友，就正正是一群鐘意滾嘅食家必到的地方。大滾友內裝修，充滿古代宮廷格調的中國特色主題，雕花式的木屏風間隔卡位，有如皇帝聖旨餐牌有趣特別。前菜，麻辣青瓜醬料費另加$20，醬料齊全，最緊要試它一瓶自家的辣香油。特別欣賞餐廳的餐桌設計，二人座位空間感剛好只能放湯鍋碗碟，但勝在每檯旁邊都有幾層木架供擺放火鍋材料之餘，亦係一個相機食先的理想平檯。慢慢放入材料慢慢品嚐是理想的擺設。自家製竹蔗茅根$58皇帝級的紫砂壺裝上清淡解渴的竹蔗茅根水，一瓶大慨有6-7杯供2-3人足夠解渴。湯底叫了我同內子也非常喜愛的: 花膠雞湯鍋(半隻)其他還有有辣酒花螺、胡椒酸菜魚、泰式冬陰功海鮮、冬瓜瑤柱等。濃香雞湯龍頭大鍋上檯，店員先將已半熟的花膠剪開，放入老火雞湯中，然後建議先將花膠泡熟，飲一飲原汁原味的頭啖湯，雞味非常濃郁，花膠份量足料得誇張，我們基本上每人喝了三大碗原味湯。

這是一間位處民居的火鍋小店，裝修帶點摩登中國風，面積雖小，但是餐桌、座椅木架處處都顯示出火鍋店的高格調。-這家店最特色的地方是每樣湯底和火鍋料均改上令人面紅心跳的名字，曾經我因為這些名字而打消進入點餐的念頭，因為覺得呢個地方好似唔係好正經😂，但朋友次次經過都話想試，今次終於找到機會鼓起勇氣入去一試究竟，原來是劃紙點餐的，所以不會尷尬。-調料有多種選擇，整齊乾淨。仲有一碟餐前小食，青瓜辣度足，很開胃。-湯底有成10款選擇，款款都落足料，一啲都唔頹！選擇好多，款款都好吸引，好難選擇呢😂還好最後店員過來推介，最後我選了泰式冬蔭公卜卜蜆鍋（$198）。淨湯底來說，單價唔平，但係見到實物後就知物超所值，除咗賣相靚，隨時仲放咗個乾冰在面頭，形成仙氣，打卡一流。冬陰公湯比起一般泰國餐廳飲到的冬陰公不輸蝕，超級足料，有超級多蜆，食到最尾都仲有！我對這個湯底非常滿意，推介比喜歡食辣同埋蜆的人。-另外呢度嘅火鍋料，無論賣相、質素都係水準以上，所以算係一分錢一分貨，係值得比呢個價錢。大滾友肉丸拼盤（$128/10粒），全部都係手打丸，款款都足料彈牙，好好味！尤其喜歡蝦丸、墨丸、牛丸，基本上同食緊蝦/墨魚/牛