大滾友火鍋

營業中

休息中

有少少秋天氣氛就最適合打邊爐，當亦係我都最愛。💕💕🥰唔想同人逼，所以早少少去食。6:00pm就到咗餐廳。打邊爐最緊要揀個湯，我地今次揀卜卜蜆湯底，上到黎好大煲，仲有乾冰做效果，方便人打卡影相☺️☺️☺️湯底超足料，d蜆肉又好鮮甜，隻隻都好好肉地。🧐仲叫左本地手切牛，色澤分明，涮佢十餘秒就食得，入口香牛味！ 叫咗個出邊比較少嘅黃金魚皮，問咗店員即刻食都得，魚皮香脆，然後加埋鹹蛋黃香味，更加惹味！下次可以叫多啲人一齊黎，叫多啲嘢食，開心share下🤓🤓今次淨係得兩個人唔係好食得太多野🤣

櫻唇半開：特式卜卜蜆。內有番薯蜆。沙白。再加上多款配菜。湯底特別鮮甜。最為緊要的食了成盤蜆都無有一粒沙。而食出來的蜆堆積如山。一個盤「壓實」都有成尺高鬼馬油炸鬼。本人十分喜愛呢味邊爐配品。暫時我係上品/大滾友呢兩間。我稍為覺得算高上級質素。我不算什麼食家。但打邊爐就是我的喜好菜式第一。

今天是星期天，想避一下繁忙時段，便book 了9:30 時段，在門口的佈置，已經很有古典的味道，放著古代用的煮食大盆，這就是這間店的特式。座下後第一時間點湯底，口味都非常多，有辣及唔辣，我點了「櫻唇半開。特色卜卜蜆鍋」$188店員拿出來的時候，哇，有乾冰，營造了煙霧瀰漫的效果，太有心思了，仿佛身處華麗的宮廷中享受盛宴。另外還點了以下：海鮮類-蟶子皇、白膳片、澳洲帶子片、鮮鮑魚豆品類-還點了一碟即炸響鈴值得一題的是他們店裏有自製蔥油，必定一試總體來看，無論是座位 80%裝飾 95%用餐 99%新鮮度100%我都滿意

一行四人去元朗覓食，行經一間裝修格局幾別緻的火鍋店，門外有易拉架，列寫出星期一至四不同時段優惠，剛好遇上「湯底免費」時段，大家一於烚吓烚吓😆點了「玲瓏浮凸·花膠雞湯鍋」，湯底金黃色，非常吸晴😍花膠及雞件分開另上。店員先將花膠剪開，並放入湯底稍為熬煮，及後再將雞件放入湯底煮熟。湯底鮮甜滋補，配上份量十足的花膠，骨膠原滿滿，非常養顏🥰雞件本身已七成熟，放入湯底稍煮便剛好全熟，肉嫩味鮮😋另外，火鍋店會不斷為火鍋添湯，而不是像一般的火鍋店添水，因此湯底味道不會變淡，反而隨著加添其他火鍋配料後，味道會變得更濃更滋味，所以我們剩飲湯都已經飽了一半😆我們還點了比較特色的火鍋配料，有手打鵝肝墨魚丸、黑松露蟹肉餃、蟹黃餃、牛胸尖、紫菜腐皮卷及日本黑豚肉等。墨魚丸爽口彈牙；蟹肉餃、蟹黃餃及紫菜腐皮卷味道還可以，不過不失；牛胸尖及黑豚肉有口感，而且肉味濃，好味道！此外，還點了蟶子皇、萵筍、牛骨髓及粉絲，意想不到最平凡的粉絲配上花膠雞湯，原來會變得如此不平凡，粉絲經過湯汁熬煮後，變得非常入味，大家要encore多2份粉絲才滿足😋最後，店員還送上清甜滋潤的木瓜雪耳糖水，讓眾人懷著滿足心情及肚皮各自歸家！

傳說中既花膠雞湯，今日終於可以黎會一會佢喇😍今日得兩個人，所以嗌左半隻雞，煲湯一上黎，奶黃色嘅湯浮住少少金黃嘅雞油😍雞同花膠另上，啲花膠好大塊，所以會有職員好細心咁幫你剪細啲花膠貼細心提醒你啲雞已經半熟，所以食幾多就落幾多，唔係會煮到鞋哂👍湯開始滾已經聞到好濃雞味，即刻飲反碗先。入口香濃，加埋大大塊嘅花膠，係滿滿嘅骨膠原吖😍我地飲完一碗又一碗，因為唔捨得用黎打邊爐吖😂但飲左咁多，一啲都唔口乾（果然真材實料吖）終於開始打邊爐喇，但打邊爐前要麻煩職員加湯先，因為已經飲到唔夠湯打喇😂加湯係真係加湯架，倒出黎嘅都係奶黃色嘅雞湯😍骰子牛肉粒油花分佈唔錯，所以食落一啲都唔韌，而且咬落好多汁，肉味好濃👍日本黑豚肉份量對比價錢，以黑豚肉黎講cp值絕對係高，而且豬肉味好濃娃娃菜大佬，28蚊你比咁大兜我，真係比你大到，食唔哂囉😅，又係吸湯汁一流蘿蔔好細心咁切左絲，好快吸哂啲雞湯，好好食，推薦雞湯底一定無論如何都要叫😍👍珊珊來遲嘅炸芋頭一上就聞到岩岩炸好嘅芋頭香，原來係即炸唔係炸定，唔怪得之要我等，但我原諒你，因為即炸食落都唔同啲！起碼一定無油益味先喇，芋頭好香好粉👍總括黎講：無論係裝修，服務定用品裝飾都係

元朗雞地送完女友返家之後就好想打邊爐。順便等埋女友收工。打邊爐是一個好好的choice.。手切日本飛驒牛。去日本反而無食飛驒牛。不知點鮮係香港就好想食日本菜式。可能太掛念的原因。係餐廳內所叫的飛驒牛。價錢真不算太貴。貨真貨實之餘。品質保證。入口即溶。牛味香濃。係口腔內遲遲不散。有如飲了一杯味厚回甘的陳年普洱。那種牛肉散發出來的高級牛香。普通的安格斯難以匹敵。櫻唇半開：特式卜卜蜆。內有番薯蜆。沙白。再加上多款配菜。湯底特別鮮甜。最為緊要的食了成盤蜆都無有一粒沙。而食出來的蜆堆積如山。一個盤「壓實」都有成尺高我不算什麼食家。但打邊爐就是我的喜好菜式第一。曾經試過一星期連續5日都係打邊爐。所以對求湯底。配料好嚴苛。。白鱔片。打邊爐必要有的新鮮海鮮。本人一定要新鮮脆口的白鱔片。鬼馬油炸鬼。本人十分喜愛呢味邊爐配品。暫時我係上品/大滾友呢兩間。我稍為覺得算高上級質素。所以對求湯底。配料好嚴苛。。大滾友的油炸鬼配上蟹子。入口鮮甜。油炸鬼吸收晒成個湯蜆汁更可口鮮甜美味。

中式火鍋一直都係我既至愛，今日就俾呢間好古式古香既火鍋店吸引左打邊爐個煲都唔同d，一埋枱就煙霧瀰漫，仙氣逼人，皆因餐廳係煲內放左乾冰，夠哂架勢，係一個好好既打卡位湯底好鮮甜，混左大蜆同白蜆，仲莞茜同芹菜辟哂d腥味，我都飲左唔少湯響鈴係即炸既，所以唔使放湯都可以即食有咸蛋黃既響鈴就真係第一次試，真係就咁食都好夠味手打滑真係要推介俾大家，全部都真材實料，呢款入面仲有d瑤柱添呢款就有好多蟹籽實卜卜既餃一咬開就有好多蟹絲同濃烈既黑松露味好少地方食到既鴨血我係呢度竟然俾我搵到

身為元朗人我諗冇邊個唔知道大滾友呢一間火鍋店，元朗人都一定幫襯過，店舖雖然唔大，但亦唔少！一坐低店員就就好細心咁落力招呼，給我們凍水解渴，因為夏天實在太熱啦！然後就將調味架放到我們的枱上，讓我們自行調醬油！一坐低見到有好多種湯底但係最吸引嘅一定係花膠雞湯鍋，女士恩物，因為可以滋潤養顏，呢度嘅雞已經切件後先至俾我哋，所以我哋等花膠雞湯一滾起就可以放雞落去，而呢個湯底更加有花膠添㗎！真係十個正！打邊爐點可以冇牛肉，我哋叫咗手切頂級安格斯牛肉$348，呢個牛肉真係好有意境，擺盤方面好有心機，後面有乾冰營造仙境，加上花束，牛肉肉質嫩滑，油脂分布好平均，而且都算厚切另一盤仙境就係廣島蠔$88，呢度嘅廣島蠔係嚟自日本🇯🇵，呢個價錢性價比真係好高因為有五大隻，而且蠔無腥味同雪味！另外我哋仲叫咗白膳片$88，冼片網絡非常新鮮，與魚味亦比較濃厚，同花膠雞湯底好夾！最後一定要食嘅係鬼馬油炸鬼，呢個油炸鬼係要放落湯底度食，浸一陣等油炸鬼上嘅魚肉熟咗之後就可以食得，都幾特別最後仲有糖水送，仲係好滋潤嘅木瓜雪耳糖水

位於元朗既大滾友喺元朗已經出哂名，呢度嘅裝修非常華麗，有多個屏風隔住卡座，加上宮庭式嘅吊燈！而呢個餐前小食真係相當之辣，愛辣人士應該會好鍾意！湯底方面我哋揀咗玲瓏浮凸;花膠雞湯鍋$288，我哋一行四人揀咗半隻雞，雞同湯底係分開上，首先店員會幫我地到雞湯落去先煮滾個湯，然後加入花膠！真係香噴噴，即刻每個人都要來一碗花膠湯！最後先至將雞放落去！食物方面我哋叫咗珊瑚蚌$108、萵筍$38、手打黑松露墨魚滑拼手打蟹子蝦滑$108、竹笙$68、新鮮鵝腸$78珊瑚蚌分量非常多而且非常橙紅色，色澤鮮艷，食落非常爽甜，萵筍切片，正正常常同一般蔬菜類一樣，竹笙亦都一樣，只係呢度嘅份量比平時仲要多，好抵食手打黑松露墨魚滑拼手打蟹子蝦滑非常精美，用一個木桶載着兩支魚滑，好復古，墨魚滑好重黑松露味，蝦滑蟹子好足，兩款都好好味，新鮮鵝腸有膏，用一個冰盤裝住，好IGable！我哋仲叫咗一壼竹蔗茅根，呢個壺真係夠架世，個壺有動物既立體雕刻係上面！

今晚家人揀咗一間比較有特色嘅火鍋店，餐廳的裝潢比較「中國·宮廷式」，好故色故鄉，連Menu都好似奏摺咁，好有feel 🙌🏻今晚試咗《泰式冬陰公卜卜蜆》湯底，叫咗「小辣」。湯鍋一上枱好有仙氣😹因為用咗乾冰，所以有出煙嘅效果。另外湯鍋有龍頭在旁，氣勢十足😆先試一啖湯底，冬陰公湯底惹味濃郁，加上用了香茅帶出番個味道，一試完個湯底已經停唔到口，飲了大約2碗🤤，而且裏面嘅卜卜蜆份量好多亦夠大隻，入口鮮甜👍🏻火鍋配料方面，分別點了：半熟五花腩、手切本地牛肉（肉的油脂分佈平均，食得出係靚肉）、魚滑雙拼（黑松露魚滑、瑤柱乾貝滑）、油麥菜、萵苣、珊瑚桂花蚌雙拼（溫提：呢個不需滾得太耐，一滾便可撈起，入口爽彈。）今餐價錢稍貴，但食材新鮮，味道不錯。我覺得食材是對得住價錢的👍🏻

見倒食評都幾好，d人影d相又好似好正咁，咪即管去試下！都知貴架啦！唸住好食無所謂啦！結果.....兩個人食左千幾蚊唔知食左d咩花膠雞煲-個湯都唔錯，飲左幾碗，花膠係煲得耐會溶晒果種，d雞係分開上，但食落無味鵝腸-好似雪左好耐，好硬韓牛頸脊-大約10塊左右，盛為$398，完全唔掂大蜆-都新鮮，不過有沙貴非蚌-成枱最好食嘅野，不過得幾條叫左1664 ，又話無，局住飲Asahi，成$78杯，勁唔抵....最後要叫個烏冬先飽

今晚是家人聚會，所以揀一間比較有特色的火鍋店，店內的裝潢是宮廷式，十分別緻。同我之前喺台灣食開嘅火鍋店都好似😄今日嘅湯底叫咗泰式冬陰公卜卜蜆（小辣），湯底一滾起先呷一啖湯底，冬陰公味濃郁，亦都唔算太辣，唔食得辣嘅朋友都可以試吓小辣，味道真係唔錯，卜卜蜆都好大隻啊😻😻另外我哋叫咗：手切本地牛肉（牛味濃，夠嫩滑），半熟五花腩，油麥菜，萵苣（出邊比較少呢款蔬菜🥬，食落都幾爽口），魚滑雙拼（黑松露魚滑、瑤柱乾貝滑）～～入口好Q又爽彈。食材新鮮，味道一流👍🏻最後我哋都叫咗啲1664嚟啤啤佢🍻🍻佢呢度啲杯都係雪凍咗先裝，無得輸啊～～～

天氣咁熱，好耐無火鍋啦😂😂但呢間食一d都唔會熱， 仲有冰凍啤酒😍😍呢到我已經黎第3次， 我一直都好喜歡呢到裝潢， 有故色故香， 充滿中國特色而且服務還很熱情❤️呢到menus 上的名稱好特別～今次試另一款湯底- 泰式冬陰公卜 卜 蜆湯鍋（$198）香芧味比較濃， 由於我地叫左小辣， 唔會好辣。湯我都飲左2碗😂（辣可選擇大，中，小）足料， 真係好多蜆🤤🤤手切本地牛肉（$348）好新鮮， 牛肉味濃半熟五花腩（$78）經過煙薰， 滾熟後除了湯底味還多了份煙薰香氣✌🏻大滾友肉丸拼盤（$128）共10粒（可以試哂5款店舖手打丸🙌🏻🙌🏻）珊瑚，桂花蚌雙拼（$118）呢店每次黎都叫， yummy 😋 黑松露蟹肉餃（$98）松露味好濃， 証明足料手打黑松露墨魚🦑滑 雙拼 瑤柱乾貝滑（$108）好有口感， 彈牙而且足料🤤我個人最喜歡「滑」萵筍及油麥菜（$38/款）最後緊食返一下菜🥬

食黎食去港女都中意去打邊爐，今次去左位於元朗既大滾友，係元朗西鐵站行過去10分鐘路程就到快靚正！🤤由於我同朋友都唔食辣鍋，所以我地就叫左個特色卜卜蜆鍋，初頭我地都以為只係好似街邊食既邊爐咁，得少貓三兩隻蜆，點知成個鍋都係蜆，真係食左半個鐘都係蜆無呃你，而且侍應好好，見裝殻既碗滿晒會幫我地換個一個🥰好有heart呀真係！我地嗌左6隻鳳尾鮮蝦雲吞，本身以為係就咁釀左d蝦肉入去，點知原來係原隻鮮蝦🤩仲要露左條尾出黎，真係又睇得又食得🤘🏻另外佢既即炸黃金響鈴製作需時，所以等左30分鐘左右，侍應拎過黎個陣提醒我地小心熱亦都可以襯熱即食，佢唔似平時我地打邊爐一盒盒個隻，呢到即即炸響鈴咬落鬆脆得黎又熱辣辣咁，食完先飲返啖野飲小心喉嚨痛呀😌酒香花雕浸牛肉都好特別，佢有另外一樽花雕酒係旁邊。比客人自己到落啲牛肉到，然後要浸15分鐘左右，等啲牛肉入晒味先可以淥落去食🤤牛肉味同花雕味都好濃郁，不過略嫌硬口左少少，唔夠滑身有啲可惜😞最後仲有免費甜品送，滋補又養顏既木瓜燉雪耳糖水🥳

元朗美食多係人都知，連出面嘅餐廳都要開入黎就知呢度係美食之城我講嘅就係呢間由北角開入黎元朗嘅大滾友啦平日九點半後入座仲有唔同優惠TIM卜卜蜆鍋一上枱就煙霧瀰漫，我以為熱得咁誇張? 後來店員解釋原來係乾冰造成嘅特殊效果(但我唔明點解打邊爐要加入冰去降溫)卜卜蜆鍋入面嘅蜆係相當大隻黃金響鈴，即係加入咸蛋黃去整嘅響鈴，見佢上枱一刻我已經忍不住要先食一口，果然好味道蟹籽鮮蝦滑好彈牙一個價錢又2 條好抵瑤柱乾貝滑係我第一次食到嘅，亦都係我意想不到咁彈牙，而且加左瑤柱入去味道更好蟹黃餃同埋黑松露蟹餃鮮蝦雲吞真係有鮮蝦架! 仲連埋條尾TIM 蟹籽鮮蝦丸唐生菜都洗得幾乾淨總括黎講呢間大滾友係唔錯嘅，想同朋友滾一滾都可以黎呢度試下