大滾友火鍋

營業中

休息中

一到母親節又係要諗同阿媽食咩好嘅時間，今年提早咗同媽媽食因為佢要去旅行，咁我今次就揀咗一間比較上等食材嘅火鍋店，因為我媽媽通常去食一啲百零兩百一位任食嘅火鍋，係可以食嘅不過食材一定唔及呢間好，係時間對媽媽好啲喇！一去到叫咗個花膠雞湯底，首先飲咗個湯食咗花膠先，食完就開始落雞打邊爐，之後我哋叫咗一個海鮮拼盤細嘅，雖然話係細嘅，但係材料真係非常多，有相為證，叫咗一個重點嘅牛肉，呢個牛肉超級正入口即溶，如果想食靚牛嚟呢度一定要叫，講到咁正價錢就一定比平常貴少少啦，最後佢仲會有木瓜雪耳糖水送俾你潤一潤喉嚨，如果大家想食上等食材一定要黎呢間試一試！

去元朗搵住呢邊嘅朋友仔行街，佢話我聽有間裝修幾特別嘅餐廳，嚟到見到裝修真係幾古色古香，睇得出係花咗唔少心思落去嘅。連濕紙巾都係影相位嚟，懷有龍種哈哈，幾搞笑㗎。一打開個餐牌見到價錢，其實都幾離地都係抱住試吓個心態嚟叫，都抱有希望嘅。叫咗個海鮮併盤，又係相機食先嘅時候，點知真係好睇唔好睇唔太新鮮，好失望。望見條肥牛，色澤好似都唔錯咁，諗住可以挽回返少少分數啦，點知又係得個貴字，肉質好差⋯最後悔係叫咗呢個。雞唔滑唔在講，真係唔好吃⋯

天氣開始熱，要抓住火鍋的尾巴，一於約埋一班大男人去滾兩滾～👉🏻玲瓏浮凸花膠鮮雞鍋花膠軟滑，雞湯好鮮好濃，連雞件都好好味，今次叫左一隻雞俾佢個份量嚇親😂如果想多試其他火鍋料的話半隻雞已經好夠。👉🏻大滾友牛肉拼盤（大）由9個不同部位組成，擺盤好手靚，色水亦不錯，每個位都好有特色，不過個人覺得每樣得小小有啲唔夠喉，下次應該會簡2-3款單點～👉🏻手打松露墨魚滑松露味不會太濃剛剛好，打得夠起膠所以食落十分彈牙，推介👍🏻👍🏻👉🏻黃金響鈴咸蛋黃+響鈴完全是犯規組合，新鮮炸起即食已經停唔到口，放落鮮雞湯吸收埋精神更加不得了🙈🙈👉🏻鬼馬油炸鬼其他火鍋料太出色，相比之下呢個比較普通小小，不過不失。👉🏻甜品原來食完仲有甜品送，呢個自家製奶凍一啲都唔失禮，食完飽到上心口🙈🙈人均HKD400左右，性價比不算高，不過如果間中想食餐好呢度都係一個不錯既選擇。

近年發現香港多了許多以精緻食材 豪華裝修為主的火鍋店！今次到元朗YOHO附近的大滾友。環境: 餐廳裝修富中國傳統特性，木檯木椅中國風燈飾。餐具亦甚有中國色彩。食物:食物賣相精美，亦有相當的質素。不過價錢則有點貴，適合人數少非以飽肚為主的聚會。如一班朋友想拾下拾下狂食傾計豪飲啤酒，似乎就要多準備一些銀両或要有心理準備是吃不飽了！四川麻辣鍋，老板會按情況提供不同的爐具，非常細心！大滾友牛肉拼盤鳳尾鮮蝦云呑。整個鮮蝦包成云呑，尾部亦露出蝦殻，非常有新意！黑松露蟹肉餃大滾友肉丸拼盤厚切午餐肉即炸響鈴

之前經過餐廳，好多人排隊，店面裝修又好中國風好特別，所以一直想試下終於一嚐所願，book到成10：00pm，都仲全場坐滿人，覺得咁多人食一定係好野啦。。。不過認真食過之後好一般問店員佢地邊個湯底最出名，佢話係花膠雞湯，成300蚊個湯底啊～～有好多花膠同半隻雞，不過係米真係好正呢？我覺得一般啫4個人食，無叫牛，因為有一位唔食，要咗個海鮮拼盤、豬肉、丸、響鈴之類的，食得唔算好飽，一人$280無一樣配料我覺得特別出色或特別新鮮抵食，所以總括係一般囉，最出色既係佢個裝修同食具。。。

屋企人鐘意打邊爐所以就揀左大滾友 ，雖然有啲貴但食物有質素總好過出去食中伏。加上佢啲餐牌好有心思改啲餸名係幾搞鬼。是日當然試左佢嘅出名美顏嘅玲瓏浮突花膠雞湯鍋底，女仕們聽到實鐘意，果然香濃雞味又有花膠嘅杰杰地，職員再三提醒先飲左湯先淥食物，以免浪費佢個靚湯。講返火鍋料比較特別有咸蛋響玲，濃濃咸蛋味再配上新鮮烤嘅響玲真係一絕。桶蠔夠大隻又新鮮，手切牛當然好味但比較細碟，鵝腸肥美又新鮮，蟹黃餃子幾特別，食完晚飯仲有糖水送總之全家人都好滿意。

企係門口等位都feel到陣中國風，放係門口既menu係印住［格格吉祥］同好似拍劇入面既聖旨甘...裝潢設計用上暗色木系屏風間隔開每張，好有私人空間～食物種類幾多下，貨色同價錢中上，即炸黃金響鈴最特別，連唔太鐘意食響鈴既我都啪左2件！唯獨覺得乾冰用得太濫，蜆鍋、蝦滑、牛肉⋯都有用到，第一下的確好有新鮮感，之後就有d視覺疲勞😪另外服務同價錢係最唔成正比，長期叫人無人應，應左又唔做，4個人食左2千蚊，呢個價有大把其他更好既選擇...

前排開始轉涼，咁嘅天氣梗係要約埋三五知己去打邊爐啦! 朋友建議去元朗呢間大滾友，未試過就去試下啦。入面格局中式設計，古色古香，餐牌設計好特別嘢食種類都幾多，價錢唔平，我哋叫咗個龍蝦番茄試下啲濕紙巾又係呢排好興嘅condom包裝，幾有創意醬料都好多款，其中有一個香蔥油係自家製，好惹味，推薦!個湯上得好快，睇個色好似幾好味，即刻試咗一啖，超級鮮甜!足料好好飲!我哋都趁未落嘢食嘅時候每人都飲咗兩三碗，物有所值叫咗一個鹹蛋黃炸響鈴，鹹蛋味好重，唔使沾湯都好好食打邊爐一定要叫牛肉，叫咗一份牛肉拼盤，都真係幾貴下，有幾款牛，每樣有幾片，質素相當唔錯黑松露水餃接近成舊水一份，係好味既 堆沙白蜆又係七十幾蚊得八粒，成十蚊一粒，仲要細細粒食完送咗番薯糖水，好夠薑，夠熱好好飲環境坐得舒服，食物好有質素，不過要食飽的話我諗每人都要六七百蚊先落到樓， 間中嚟試一次都ok嘅

夜晚8:30左右 唔太多人 等咗5分鐘就有位本身天氣都有啲涼 鋪入面嘅冷氣更凍😂坐底之後揀好湯底，發現地下好多豉油😰店員有立即清理。態度幾好😇個湯底胡椒味略嫌不足，加咗一次胡椒。魚味鮮甜，無骨。酸菜唔會太酸好開胃。因為2個人食所以牛肉拼盆叫咗個細嘅。牛肉唔錯但份量比較少，2個人都唔夠食。價錢好似係$398叫咗份醉雞 酒味香 但大部分雞都係骨位冇咩肉 比咗啲雞頸，雞背同雞翼位。唔太掋食原本仲叫咗個雜菜點知咩菜都賣哂🤷🏻‍♀️總結：環境同服務不錯，食物都有質素嘅，不過價錢偏貴

同朋友一個月一之聚會，每次都發現元朗有好多新嘗試，當日一早上OpenRice搵資料發現依間新開既邊爐，就膽粗粗打去book位試當日去到鋪裹面既裝修好令，因為我地有book位關係唔需要等位入到去餐牌好有特式，並唔係傳統既餐牌而係放係枱面上的餐紙，餐紙都好有特式可能我地考慮左好耐既關係，老闆過黎推介我地叫左個大滾友海鮮拼盤（$398）另外仲叫左兩杯1664 （$68@1）佢地個邊爐仲要好特別，唔似傳統既爐值得一去

半年前朋友帶我嚟過呢間火鍋店打邊爐，當時已經覺我餐廳嘅裝潢設計好有特色，甚至到餐單的設計都很有心思。再加上食物質素出色，食得出係足料而且食材新鮮，所以第一次已經留低左深刻印象。到昨晚，決定重遊此地為朋友慶生。我地一行四人，點了一個花膠雞湯鍋；呢個湯底真係非常了得。先飲一碗雞湯，再放花膠同雞，記得個雞唔好煮太耐，因上菜時廚師已把雞煮成七成熟。慢慢品嚐埋碗湯，就食得啲雞，時間剛剛好。雞件好滑，肉質鮮美。而花膠就可以煮耐啲都得，因為鍾意花膠軟棉棉的口感。另外，我地再點了花鵰鴨舌、豬頸肉、鬼馬油炸鬼等等。花鵰鴨舌，經醃製後有淡淡酒香和滷香👍🏽很喜歡鴨舌的口感，是其他食物不能替代的。用豬頸肉砌出玫瑰花樣，雖然真不忍心破壞這件藝術品，但又忍不住想要吃。因為真的好好食，肉質爽彈，脂肪均衡，很快被清光了😂重點要說的是，感覺餐廳除了注重食物質素外，再出品方面都花了很多心思。半年前的出品擺設跟現在的已轉新了；其實餐廳的食物質素固然之重要，但偶爾的新鮮感亦令客人的眼前一亮。很欣賞餐廳的準備，懂得為客人花上心思。

今日放假同朋友行過鳳琴街搵嘢食，見到大滾友做緊早鳥優惠，晚上七點半前埋單有85折；又見食物款式又幾吸引，就決定一試！果然無試錯👍🏽店員同我地介紹今日新鮮到貨嘅麵包蟹，原來呢個湯底係用上忌廉芝士汁。因為我同朋友都係芝士迷嚟，加上本身未試過麵包蟹，所以就點左嚟呢個鍋。麵包蟹超多膏！加埋個香濃忌廉芝士汁，真係好夾。食完個蟹同青口，店員會加返餐廳秘製嘅忌廉湯畀我地繼續打邊爐。其實食完個鍋都飽飽地，因為真係好足料！最後叫左份手切牛同埋黑松露餃子，折完埋單每人都係二百幾。但真係好飽好滿足，物超所值👍🏽👍🏽

男人好多時都給女人說大滾友。騙財騙色講大話。認真說那有女人不講大話。網路上亦好多批評女人係最大話。因為每日都要化妝。這些些批評一笑置之。所以今日個標題講得好清楚。女人都可以係大滾友。今晚剛好一男一女去到滾..係元朗雞地新開一間打邊爐。見它們的器皿好古色古香。更要去試試是否真材實料。還是虛名聲大。服務真不錯。第一時間俾了圍巾給我們怕弄髒衣服。一看menu 。嘩！湯底不算便宜。湯底款頗多。花膠。蜆肉底，等等。但一來到面前。心有覺得都不俗。蜆肉大大小小有足成斤加其他配料。算足料。因當晚去食已十點多.所以只叫了牛盤和黑松露蟹肉餃。兩個人食剛剛好牛拼盤不盤好出眾。但新鮮美味可說。個餃子都要一試..用足料包成。美味可口。

元朗出名多野食，途經大滾友，見19:30埋單有八折，咁就入咗去幫襯。環境，餐具同擺碟係用心去設計過，不過有點畫龍點睛....遠看華麗，近睇粗糙。點左以下菜式:冬瓜盅湯底，湯頭夠甜，肯定無味精，不過唯一敗筆係假蟹柳。本地牛有牛味又唔韌，係價錢mark成348就有點兒那個。五色手打丸味道可以，又係價錢問題，為成12.8一粒囉。海鮮基本上新鮮就一定好味。蓎蒿，皇帝菜，粟米，係最差嘅，唔新鮮，唔明其他出品都好新鮮，反而菜就....餐牌有生啤，68一杯，其實同落bar差不多價錢。以上好似煙霧瀰漫，無錯，舖家真的愛用乾冰，鍋底有，牛肉有，手打丸又有，連海鮮都有囉。再講擺碟有艷花襯托，非常好睇，但原來係膠花一度，真係有點多舊魚嘅感覺，其實可能係小舖一間，所以坐得有點迫。以上19:30前埋單有八折，所以收約1200左右，人均約六舊。若正常時段埋單，應繳款1400。食品係唔錯，只係價錢極之不合理。

朋友聚會，六大四小，埋單成三千幾接近四千元，吃不飽！我們一行三個家庭，叫了兩個窩：花膠雞窩底，及冬瓜盅窩底，另外叫了一碟魚唇，一碟菜，兩碟燒買，一份鮮牛肉切片，一份安格斯牛肉切片，兩份牛丸、及兩份墨魚丸，另外有一碟木耳、一碟蓮藕片、一碟鮮淮山，2份烏冬及一碗飯。咁做3千幾 4 千元，去尖東的酒樓包廳吃兩圍枱有埋鮑魚燕窩仲有得打包走，這間大滾友，食完後感覺到佢真是滾左我銀包內的錢，而且回家仲要吃杯面！下次咪攪！