大滾友火鍋

營業中

休息中

元朗人真係超有口福！🥰呢間大滾友打邊爐真心推介！👍🏼超級好食！👍🏼🤤😍佢既裝修仲好有雍正皇朝宮延感覺！👍🏼花膠雞煲！🐔🥘雞湯夠濃！😋d雞一早整好咗七成熟！🐔經理教我地放落煲到2分鐘要即食！🐔夠晒滑！🐔🤤鵝肝墨魚丸勁有鵝肝味！😍🤤👍🏼唔同出面d入面d鵝肝丁屎咁細粒！😆 口感仲一流！👍🏼🤤😍蟹黃餃勁足料！🦀🥟👍🏼成個餃都包住蟹黃咁滯！🥟🦀勁有蟹肉味！🦀🥟👍🏼😍🤤酒香花雕浸牛肉！🐂🍶牛肉好好食！👍🏼🤤不過如果浸耐d花雕味會重d！🍶不過都好好食！🐂🤤😍👍🏼珊瑚蚌貴妃蚌又夠新鮮！👍🏼時令蔬菜又好食！😍👍🏼萵筍又正！🥰唯獨瑤柱乾杯滑比較遜色！😆不過整體來講真係好正！😍🤤👍🏼好回味！🤤😍👍🏼一定要再食！👍🏼😍🤤

成日比人問元朗有咩高質嘅火鍋店，好似成日下下都出到九龍先有得食。原來依家大滾友一樣好高質，以後唔使去到咁遠啦。叫咗佢個招牌湯底，花膠雞湯湯底，女人補下啲骨膠原，啱晒啦。一嚟個湯底佢會先叫你飲下嘅湯底先至再落其他食材，我哋都不停有一碗接一碗每人飲咗幾碗先，因為個湯底真係好濃，而且裏面有好多花膠。另外火鍋了方便我哋帶咗一個黃金響鈴，係用鹹蛋黃即炸嘅，另外再叫咗個餃子拼盤，每款兩隻一共有八隻，款款都唔同，我特別鍾意食嗰個黑松露蟹肉餃，裏面全部都係蟹肉嚟嘅。另外在叫咗個鬼馬油炸鬼，係油炸鬼入邊再讓左墨魚滑，上邊再有啲蟹子，個口感好特別，值得一試。另外在帶咗個小食冷盤，就係酸辣鳳爪，呢一個超好食估唔到火鍋店連小食都做得咁好食，下次嚟都一定會再嗌。環境方面就係行中國風嘅，而且好多擺設都做到好足，用嚟打卡一流，宮廷味十足。另外呢度嘅侍應姐姐禮貌超好，服務好周到，值得一讚。

今日特登帶朋友去「大滾友」打邊爐， 因為我覺得環境特色、 食物高質同價錢合理！ 裝修以中國風為主題， 有中國特色嘅餐具同桌桌椅等等。 我哋叫咗個《胡椒酸菜魚鍋》， 主要以胡椒、酸菜、 豬肚同班腩等等製成的， 十分滋味！ 用了很高質嘅魚塊， 班腩鮮味無比， 仲啖啖肉添！ 超香嘅《酒香陳年花雕浸牛肉》，油脂分布平均，牛味香濃， 加上陣陣酒香，洒香滑嫩！ 仲有好香嘅《花雕醉雞》，雞件香滑， 有雞味， 仲有香濃嘅雕酒香味， 好正！ 《大滾友餃子拼盤》，包括有鳳尾鮮蟹黃餃、黑松露蟹肉餃、韭菜豬肉餃。 餃子皮薄餡靚， 較為特別嘅《蟹黃餃》， 蟹黃濃郁，鮮味無比。 《黑松露蟹肉餃》， 香氣撲鼻， 松露味道獨特， 真係一試便上癮， 好食！脆卜卜嘅《即炸黃金響鈴》，充滿鹹蛋黃香味， 加上香濃腐竹香味，好夾。 口感脆口， 放入湯底灼一下就食得， 惹味！ 叫番個《大滾油雜菜拼盤皇帝菜》先， 份量十足， 翠綠蔬菜，清甜可口， 好食！仲有免費糖水， 正！

天氣開始涼涼地。忍唔住想食烚烚下上網👀兩👀。就揀咗呢間《大滾友》。卜卜蜆鍋～目測40-50 隻蜆走唔甩鮮甜美味。前菜開胃小食。不得不吃。竹蔗茅根水哈哈。個壺都好型格。襯番個環境。聖子皇～聖子新鮮大大隻。滾兩滾就食得。千祈咪滾甘耐。Un咗就唔好食架啦。大滾友餃子🥟拼盤～餐廳有五款餃子🥟。拼盤就有其中4集味道。餃子🥟隻隻脹卜卜。👧🏻比較喜歡「鳳尾鮮🦐云吞」。隻🦐爽口彈牙。日本🇯🇵稻庭烏冬～一碟有兩個烏冬。抵食之選。

餐廳位於元朗攸南街9號，裝修走中國風格，既典雅又古色古香。一親香澤·芫茜山湯鍋 ($148) - 翠綠的芫茜外飄出一圈白煙，賣相漂亮，除咗大量芫茜，湯底內有紅蘿蔔、豆腐、鮮淮山等材料，味道鮮甜又充滿芫茜香味。酒香陳年花雕浸牛展 ($118) - 牛展新鮮色澤鮮紅，上枱時淋上陳年花雕淋，碗內乾冰噴出白煙，極為吸睛。牛展牛味濃郁，略帶咬口又有淡淡酒香，相當不俗。陳年花雕雞子 ($78) - 雞子大大粒，十分新鮮，加了花雕後帶有酒香，味道及口感俱佳。羊肉片($58) - 有羊味又唔會過羶。炸芋頭 ($38) - 芋頭夠香夠粉，而且外面炸得香身，芋頭控必試。即炸響鈴 ($58) - 熱辣辣十分酥脆，即食或打邊爐都好食。大滾友雜菜拼盤 ($68) - 有豆苗、粟米、油麥菜、生菜、娃娃菜、藕片、番茄、萵荀……等等，選擇豐富、新鮮優質。餐廳食物新鮮味美，環境舒適，絕對是打邊爐的好選擇！

大滾友到打邊邊, 真係好像去左古代咁, 裝修比到你一種宮廷感覺，當然我相信佢主要都係想比到呢種宮廷嘅feel你啦，我哋叫咗花膠雞湯喎，個湯底嚟到雞同花膠係未放落個煲度嘅，係你面前再放啲花膠湯底度，淨係啲啲花膠我已經感覺到滿滿嘅骨膠原，其實我哋兩個食完個雞同埋花膠已經飽咗七成，因為都幾多嘅同埋都好好味，另外我哋叫咗一D料鍋食物,酒香花雕浸牛肉真係有濃濃既花雕酒香, 日本黑豚肉都好大片, 口感一流;黑松露蟹肉餃新鮮香濃, 我地只叫左4粒, 下次一定要叫8粒,哈哈, 鵝肝墨魚丸估唔到個味都好夾, 個雕花蘿白花, 真係雕哂花, 好靚, 最後叫埋個天地一號來飲下, 完美!!!

今晚同三五好友相約晚餐，一於食豪d，所以揀咗大滾友打邊爐，環境清幽唔哂吹水😜靚女要美肌，我地叫咗花膠雞湯底半隻雞份量，$288花膠好厚身，首先會飲湯，飲夠先再開始打邊爐😋九節蝦/鮮鮑魚隻蝦好新鮮，爽口彈牙鱔片，正呀肉丸拼盤10粒/蟹皇餃肉丸粒粒都彈牙👍🏻蟹皇餃就十分入味，有蟹肉絲，蟹味濃鬼馬油炸鬼誠意推薦，油炸鬼淥完都唔會淋哂，蝦膠就彈牙又新鮮半熟五花腩又一誠意之作響聆雙拼～～一款炸響聆原味，一款黃金即係咸蛋黃醬，新鮮即炸，卜卜脆，就咁食仲正鮮肥鵝腸食飽飽仲送埋糖水潤一潤😍

今日股票賺左d，約左班股友一齊食晚飯高興下，今晚食好啲，去咗元朗大滾友食火鍋，之前朋友介紹我去食，今晚一於試下餐牌啲名好抵死，有「今晚餃唔餃」、「飽暖思牛肉」、「飛機手打丸」，我哋order咗花膠雞鍋湯底很濃郁，有張口的感覺，飲完碗湯都唔覺口渴，花膠都好厚，稔口，幾好食黃金響鈴-用鹹蛋黃炸響鈴，熱辣辣、香脆可口，鬼馬油炸鬼-釀咗啲蝦膠落油炸鬼，加埋蟹子，滾熟後蟹子脆卜卜，蝦膠彈牙，good蟹黃蟹粉餃-全隻用蟹粉來做，好特別，皮薄餡多鱔片-未食都俾佢嘅賣相吸引住，鱔片非常新鮮蝦、鮑魚拼盤-蝦同鮑魚都非常新鮮，蝦好爽口整體來說，配合價錢及服務，大滾友都是一個不錯的選擇

去大滾友打邊爐，一定唔可以錯過佢嘅湯底，我哋今次叫咗花膠雞湯鍋，個湯一嚟已經好有feel，因為佢哋喺個湯底度加咗啲乾冰,形做D浪漫效果, 影相當然係一流, 先來一飲返3碗湯, 好正好濃的湯底, 放埋D花膠再煲下個湯底, 滿滿的骨膠原, 隻雞係差不多熟的黃油雞, 放落湯一陣就食得, 我地另外仲叫左一D火鍋料, 都好好味。日本黑豚肉---新鮮有肉味, 有咬口大滾友肉丸拼盤(10粒)---5個味, 剛剛好每人都食到一粒唔同味的, 墨丸蝦丸冇得頂, 勁新鮮鳳尾鮮蝦雲吞---外觀勁靚, 當然是先打卡再吃啦, 特別、美味萵筍—新鮮爽口新鮮甜粟米—都係唔係洗講新鮮, 香甜酸辣鳳爪---小吃, 酸酸辣辣好開胃

大滾友火鍋 Big Boil's Club齊齊做滾友雖然天氣岩岩先轉涼,但從來都冇野阻到香港人打邊爐去滾既心今次得兩個人又夜食唔想太飽濟湯底叫左泰式冬陰公卜 卜 蜆湯鍋（$198）香芧味好香 蜆好多食極都有 仲要大大隻 抵食 配料方面有即炸黃金響鈴$68，勁邪惡, 鹹香鬆脆,必叫 酒香花雕浸牛肉, 牛肉味濃冇肥牛果d咁油,酒係黎到係你面前先加入去既,一倒就有仙氣走出黎 打卡岩哂,但如果浸耐d會會酒味濃d 就更好 牛胸尖,私心鐘意呢個部位爽脆又有牛油香 黑松露蟹餃 d餃大大隻夠飽滿竹笙 用黎索湯岩哂 仲叫左壺自家製竹庶茅根 清清地 又唔會好甜 岩岩好 留意到一樣野,好多配料有得選全份/半份,差價只差1/3,多人食還好,人少既話感覺略貴冇咁抵.但環境服務食物都唔錯, 下次會叫多幾個FRIEND 一齊試試佢D靚牛拼盤味道賣相衞生服務抵食推介

今曰同中學同學聚餐，所以一係吾食一食就要食最好，四個人最好就係打邊爐。之前聽過朋友話大滾友D野食吾錯今日一於去試一試。一坐低店員叫我地擇左湯底先，我地有D熱氣就叫左個下火嘅冬瓜湯底，一上到黎就見到個湯底真係真材實料，有大半個冬瓜，湯㡳又濃。我地要左好多野食，一個極上牛肉拼盤、手打牛肉丸、韭菜豬肉餃，蝦滑，鯊魚唇，竹笙，即炸響鈴。先講個響鈴即炸真係好食好多，手打牛丸牛味超濃一啖咬落去D肉汁出曬，個牛肉拼盤不得了每一種都超好食。店員服務超好，一見D湯開始無就會主動加湯，真心推薦。

睇左幾次醫生都仲未病好，諗起每餐只食白粥麵包就想反胃，反正都要再睇醫生，我決定破戒，即興去左打邊爐！之前食過「玲瓏浮凸·花膠雞湯鍋」，湯底真係一試愛上！今次就點了「朝三暮四·豬軟骨蕃茄湯鍋」，除了豬軟骨及蕃茄外，湯底還混合了薯仔、芹菜及洋蔥等其他配料一併熬煮，味道非常濃郁；豬軟骨雖則賣相平凡，但很有內涵，而經過熬煮的蕃茄變得軟身，混和濃湯同食十分惹味開胃，好味到我還多追加了一碟蕃茄才滿足！火鍋配料點了日本黑豚肉、黑松露墨魚滑及瑤柱乾貝滑雙併、油麥菜、萵筍及粉絲！火鍋店的食材新鮮，賣相精緻，黑豚肉肉爽味濃，口感不錯，是必點之選；墨魚滑及乾貝滑相比下，後者的味道及口感較特別；萵筍切得太薄，厚身一點口感會較好；粉絲吸收了湯汁，酸酸地充滿濃郁蕃茄味，簡直係絕配！火鍋湯底出色，食材新鮮多樣化，好可惜始終未病好，所以未能食得盡興，病好再黎大嚓一餐！

早幾日涼涼地，就同埋D朋友一齊去試吓元朗呢間都幾出名嘅火鍋店。個鋪頭名都幾得意叫做大滾友。平日夜晚都幾多人，所以都大約等左10分鐘位先有得入座。餐廳採用古典嘅裝修風格，連個爐同堆餐具等等都好有心思。未入座之前侍應已經俾咗，點餐紙我哋睇。個點餐紙都幾有心思，夠晒gimmick。但係食店始終食物先係最緊要。等我同大家介紹下啦！今次試咗佢哋嘅招牌，個湯底名叫做玲瓏浮凸。其實真係花膠雞煲，個湯底一上嗰陣時，侍應會幫忙將啲花膠擺落個湯度。跟住我哋滾起就可以飲。招牌不愧為招牌，個湯真係好好飲。喺未放其他食材打邊爐之前個湯係最清！👍 如果你鍾意嘅可以加埋舊雞一齊食。雞起嚟陣時已經係七成熟， 所以店家再三提醒我哋2分鐘後就好食過雞， 以免因為太鞋而唔好食。真係冇錯2分鐘後個雞食落真係好滑。但係有一次落咗d雞之後唔記得咗食返個雞就變得有d老啦。除此之外，呢度嘅食材用了都十分新鮮。無論係新鮮手打牛肉，海鮮類例如珊瑚蚌同埋桂花蚌。特別推介嘅係呢度嘅丸類，因為呢度嘅丸全部都係手打嘅。特別推介呢個蟹黃丸，食落真係淡淡蟹黃味。正呀！順帶一提，每種食物嘅份量都幾大所以啱晒一對好朋友一齊嚟打邊爐。但係如果係兩三個去食

聽聞大滾友係起元朗數一數二濃郁花膠雞湯邊爐😋所以話現今嘅社會打邊爐風氣真的不分季節想打邊爐就隨時隨地都有無論春夏秋冬都唔會阻到熱愛食邊爐人士今次依個花膠雞湯真係超級足料， 廚房會預先煮熟七成熟雞， 大大隻，雞肉滑嘟嘟 😀雖然叫咗半隻雞但係食極都有 ，食雞同飲湯都食飽😋成煲雞湯浸畀我哋清曬今次極力推介，日本黑豚肉，龍口粉絲食完一碟都唔夠喉 大家都話要encall後尾食完， 老闆好好呀送咗 雪耳木瓜糖水 比我哋食真抵食，滿足的一餐

有少少秋天氣氛就最適合打邊爐，當亦係我都最愛。💕💕🥰唔想同人逼，所以早少少去食。6:00pm就到咗餐廳。打邊爐最緊要揀個湯，我地今次揀卜卜蜆湯底，上到黎好大煲，仲有乾冰做效果，方便人打卡影相☺️☺️☺️湯底超足料，d蜆肉又好鮮甜，隻隻都好好肉地。🧐仲叫左本地手切牛，色澤分明，涮佢十餘秒就食得，入口香牛味！ 叫咗個出邊比較少嘅黃金魚皮，問咗店員即刻食都得，魚皮香脆，然後加埋鹹蛋黃香味，更加惹味！下次可以叫多啲人一齊黎，叫多啲嘢食，開心share下🤓🤓今次淨係得兩個人唔係好食得太多野🤣