大滾友火鍋

營業中

休息中

未入餐廳就被外面的道具吸引，係一個大大的宮廷火鍋裝飾。餐廳唔算好大，不過坐得舒服，侍應服務用心，讚！餐廳的擺設、座位、用具全部都用心配置，連餐牌都以「聖旨」樣式出現，可謂十分細心。我地一行三人，叫左個魚水之歡湯底，即係胡椒酸菜魚湯，好好味！胡椒的辣剛剛好吊味，酸菜量不少,食左d都唔會太影響湯底。魚片一開始就放在頂部，加埋有龍頭作鍋耳的鍋，感覺提升左一個層次。我地叫左白鱔片、手打丸、餃子、水蓮、凍豆腐等。手打丸和餃子都好新鮮、足料。水蓮唔係間間打邊爐店都有，而哩間係有的，正。不得不介紹，鬼馬油炸鬼，入面有是蝦加蟹籽，好特別丫。另外手打丸同埋餃子應該都係自家製， 質素高，白膳片亦新鮮，埋單計數，價錢合理。

今日得我同老豆去食飯 佢話想打邊爐於是就嚟到元朗嘅呢間大滾友度食飯啦夜晚嚟到人超多 等咗一陣先有位 入面嘅枱櫈用上中式嘅風格去設計 全部都係木製超級有情調湯底叫咗個特色卜卜蜆鍋 鍋個柄有好靚嘅龍頭超級特別 湯底下面有勁多超大隻嘅沙白 估計有三至四斤超級誇張 淆到個湯底勁鮮甜可口新鮮海蝦 得六隻有點貴 不過勝在大大隻而且新鮮爽口彈牙 個頭仲有蝦膏添白鱔片 一啲泥味都冇 大約十幾廿秒已經食得 非常有咬口而且鮮甜水魷魚 師傅已經預先界花 碌完出嚟好靚 同樣夠爽口豬潤 預先已經醃製過 淥完出嚟同樣爽口唔粉紅薯粉 個湯底淥過咁多海鮮 梗係最後要食過紅薯粉吸盡所有精華啦

27週年紀念，疫情關係唔敢去得太遠，一直都想試下呢間火鍋，襯佢有78折就訂位試試，好彩有訂位，見到好多walkin都冇位😅湯底揀咗冬瓜湯，侍應細心問我使唔使影相先，等我影完相先切開啲冬瓜。👍細牛拼盤👉牛粒比較韌，其他都好有水準，份量對得住個價錢廣島蠔👉淥熟咗都漲卜卜，又鮮味大扇貝👉相對比較普通，冇乜特別脆鯇片👉爽脆新鮮，比一般火鍋店嘅高幾班花雕雞件👉酒味都幾濃，雞件嫩滑鮮淮山👉健康之選，好食疏菜盤👉份量都幾足，新鮮同唔會比啲頭頭尾尾比你由於限聚令店家想做兩輪，所以8點就提我地用餐時間到，兩個鐘都可以慢慢食，剛剛好👍埋單＄1016，老公話求其一間火鍋放題兩個人都要5百幾6百，但質素差好遠，呢餐好合理👍

大滾友火鍋的裝潢別有一番間調，在元朗中可算是十分特別，無論是用的鍋，還是像聖旨的餐牌也非常特別這邊醬料比較基本，都是辣椒，莞西，蒜頭那些，最特別是芝麻跟蔥油這裡最特別的是火鍋，因為每款都有些特色像我們點的番茄豬骨鍋＄１９８，番茄跟洋蔥多得很，而且非常鮮甜！豬骨用上帶軟骨的部位，很有咬口，份量也多，還有薯仔，紅蘿蔔。。。兩人吃完就飽了好嗎湯底從一開始就可以喝，一樣非常甜，茄味濃郁最吸味的竹笙＄６８，雖然跟番茄湯未必最襯（最好是配辣湯底啦），但任何湯底的使用率還真的很高，因為吸湯力很強黃金響鈴＄６８，最推介！新鮮炸起，不需要過湯也可以吃，非常爽脆，咸香一流！如果想過湯的話，記得一秒就好了！廣島蠔＄８８ 不算便宜，但件頭滿大的廣島蠔，很飽滿好吃肉丸拼盤＄１２８，非常特色的釀肉丸，鵝肝釀墨丸最具特色，口感多重；鵪鶉蛋豬肉丸非常正，那隻細小而蛋香重的鵪鶉蛋非常好吃蔬菜拼盤＄６８，超高CＰ值！有粟米，番茄，蓮藕，雲耳，竹筍，大白菜，油麥菜，唐生菜，這個價錢，還真的很抵吃，份量絕對夠４人吃好飽好飽，如果不是大吃特吃，一個人約３００來就可以了

已經有半年無出街打邊爐😩近日終於按耐不住去咗「大滾友」圍爐🤩呢間火鍋店除咗裝修和食具骨子外，火鍋湯底都有十幾款❤️配料選擇又多❤️之前間中都有幫襯！疫情期間，火鍋店除了有晚市全單78折優惠外，更為食客以熱水清毒食具，並派發獨立包裝酒精搓手液及「懷有龍種」濕紙巾，好正😂😂........確保每位食客食得安心👍🏻👅玲瓏浮凸·花膠雞湯鍋（半隻$288）咁耐無嚟，當然點返個我最鍾意嘅花膠雞湯底回味啦😋中式龍頭鍋配金黃色雞湯已經吸睛😍再配同花膠及鮮雞件就更吸引😍但店員急不及待將所有花膠放晒入鍋，嚟唔切相機先食🤦🏻‍♀️乜都唔好食住，最緊要飲返碗湯滋補吓先😋增生返多啲骨膠原😆真心想問老闆，湯底究竟用咗幾多隻雞熬煮，點解可以咁鮮甜！？......結果每人飲咗2碗湯先開始久違嘅烚吓烚吓😆值得一讚嘅係火鍋店會不斷為火鍋添加濃濃嘅雞湯，而唔會似一般火鍋店好hea咁加水，所以味道絕對唔會變淡，反而隨著加添其他配料後，湯底只會更濃更滋味🤤👅牛胸尖（$108）朋友嘅最愛，略略灼吓就食得，口感好彈牙，比牛肉更重牛味，朋友果然識食👍🏻👅西班牙黑毛豬（$128）每次都必點，而每一次都無令我失望👍🏻肉和脂肪的比例均勻，肉味濃

見佢地有個花膠雞湯底 幾正咁 所以今次唔做辣妹啦半隻花膠雞湯鍋 $288湯同材料係分開上 即席煲比你睇 店員會幫手剪開花膠放入個鍋 煲到咁上下 可以熄火食花膠 同飲下湯 花膠 夠哂攝牙罅 個湯有小小漿住過口 唔錯雞方面好足稱 件件都好大舊娃娃菜 $32我平時好小特登介紹打邊爐嘅菜 但呢個娃娃菜佩呢個湯底 真係不得之了 實在太太太好食 菜索哂湯汁 煮淋左 呢啲基本野 個湯完全令到個娃娃菜昇華至另一個境介食落好舒服 冇味精 咸淡適中 滲透著雞湯嘅香氣 飽到死都要食 因為真係好好食大滾友牛肉拼盤 (細)$398細都好大盤 老實說 2個人細都食唔哂 可以叫埋同幾個朋友share 蟹黃餃 $78 @4我第一次食 煮完口開香氣四溢 味道唔錯即炸黃金響鈴 $68件件都好大卷 重口味人士覺得可以多啲黃金 就完美手打蟹子蝦滑 $98真係次次打邊爐都叫 因爲男朋好鐘意食 蟹子蝦滑日本稻庭烏冬 $28@2最後食番個麵食 感覺人生完滿了 呢個湯底煮菜同埋面都好好食原來呢度有奶凍食 好似係新出的幾重奶味 唔錯細細杯 本身好飽但係都食得落每一枱 都準備左消毒吱吱 同濕紙巾 呢點我好欣賞會比個袋你 套住你自己個袋

今晚一行四人係附近做完野，就搵下有咩食喇，打邊爐就唔洗苦惱，於是揀左間幾有特式既餐廳，一去到好似去左宮廷咁始終疫情期間，都會緊張一點，入到佢見到防疫措施都做得幾幾，又衞生，仲比左口罩夾我地裝口罩，我地坐既卡座私隱度十足首先嗌左個卜卜蜆鍋，d蜆非常之多，都幾鮮甜黃金響鈴幾特別，加左咸蛋黃醬炸成，就咁咬都幾香口，浸一浸湯就無咁漏仲嗌左蟹皇餃，一啲都唔腥。蟹子墨魚丸同瑤柱乾貝滑都彈牙，都好足料。仲有碟醉雞，調味調得好合適依碟牛不得了，其中最中意既係浸左酒既部分，幾入味好夾，而唔同部位既牛都好林，有牛味，幾高質我地仲嗌左壺竹蓆茅根，好解渴，個壺都好有特式最後仲有甜品今次嗌既份量岩岩好，完全無食剩，樣樣都好味

今日同朋友慶生，岩岩好4個人冇過限聚令，咁朋友想打邊爐，我上年食過呢間覺得幾唔錯，所以我地4個就揸左車入黎食餐勁，咁耐冇黎，都係冇令我失望😎不得不寫篇食評介紹下比大家!本身舖頭裝修有特色唔再講，呢排疫症，佢直程每人派一個口罩夾比我地，可以好好安置，而且又有哂消毒搽手液等，我自己都食得好放心！今次4個人，叫野食既選擇多左好多😍咁個鍋底叫左個特色卜卜蜆鍋，蜆肉同湯底都好鮮甜，個份量都唔少係幾抵食☺️另外，一直都想試左好耐既牛魔王牛肉拼盤，今日終於叫到🥰大家都鐘意食牛，上碟時好有氣勢，相都影左好幾張🤣牛肉拼盤既牛肉各有特色！唔同部位都有，有淋、爽口、有入口即溶，好似相中間舊牛，望落似肥肉，但食落係好爽脆！左下碗入面有酒浸既牛肉，牛肉加酒香亦係另一番風味！所以400幾既牛肉拼盤我覺得真係幾值得食！另外我地仲叫左蟹黃餃，淥熟左之後，深深既蟹黃色，加埋簿簿既皮同濃郁既蟹黃味，正👍🏼而手打蟹子墨魚丸十分彈牙入味瑤柱乾貝滑就有十分濃郁既瑤柱味，比起平時成日蝦滑魚滑，呢個就另有一番風味而最正既我覺得係呢個即炸鹹蛋黃金響鈴，兩個係絕配，不過1,2舊我就夠，4個人6舊岩岩好😎食得多會有d膩，所以頭一兩舊真係最

👦🏻👧🏻一齊去左滾呀！其實係去左元朗大滾友度打邊爐呀———————————————❣️特色卜卜蜆鍋 (加辣)之前食過北角個間滾得囍 念念不忘就係個卜卜蜆鍋除左大大隻又新鮮既卜卜蜆 個湯底真係一流係落其他料之前 推薦一定要飲個湯先呀.❣️厚切午餐肉呢個都絕對係必點之選 除左真係厚一上枱就食 午餐肉個面仲少少脆.其他火鍋配料都好fresh 特別係手打滑同餃子好有特色值得一試架.而食物之外 無論環境定服務都令人都好舒服最後仲有甜品送 感覺上值得回訪

天氣熱辣辣，最啱就係去打邊爐，入到黎元朗，搵到呢間宮廷裝修嘅大滾友，七點半前離座仲有八折。好坐低睇吓有咩好食先，點菜紙捲到成張聖旨咁，好搞笑。各式調味醬料泰式冬陰功卜卜蜆鍋，個鍋好足料，卜卜蜆食極都有，湯底微酸小辣，唔錯！手打鵝肝墨魚丸，外面墨魚丸肉好彈牙，裏面係爆心鵝肝醬，呢個配搭幾特別。澳洲帶子片，粒粒晶凝通透，食落新鮮有香甜帶子味。酒香陳年花雕浸牛展，個牛展肉冬陰功湯底烚完，仍然保留到酒香，爽身有口感。西班牙黑毛豬，肉質夠嫩而且偏瘦，帶少少脂肪，食落唔會韌。食咗咁多肉，叫返個油麥菜先。打完邊爐仲有甜品送，係自家製芒果奶凍。

人生不要太精明，特別現在的時世，拾下拾下拾回歡樂。坦白講呢家火鍋價錢不算便宜，所以對食物都寄望少少要求🤏，首先點了卜卜蜆鍋，自從年前响澳門食過，香港都無叫過，首先一般酒家啲蜆又瘦又多吉殼，但呢個蜆鍋係充滿驚喜，每隻蜆脹卜卜，十分精神。先點了個牛肉，其實外星人不太愛牛肉，近年食番主要身體需要才間中食下。但呢個牛肉真係入口輕輕溶化但有點咬口，肉質十分嫩口，簡直無懈可擊。蛋黃響鈴就一般般珊瑚蚌係非常鮮甜，從店員上枱時已感受到新鮮美味，稍為白灼就食得，太棒了👏三人埋單一千多啲其實從質素來講都值得嘅，間唔中一次都ok

久唔久入嚟一次元朗，都會想再次encore呢一間大滾友。 因為佢哋除咗食物質素唔錯之外，佢哋嘅gimmick 同服務都好唔錯！ 鑒於疫情嘅問題，餐廳好貼心咁樣喺我地面前將碗筷消毒，咁樣就食得安心啲啦。另外呢度啲醬料大部分都係用新鮮材料，咁樣食火鍋都無咁大負擔。今日繼續食返半隻花膠雞湯鍋，但係除此之外呢度仲有好多唔同嘅鍋選擇。下次試完再寫個食評! 首先職員會喺我哋面前將啲花膠剪碎再放入火鍋之中，然後叫我地滾左之後就可以飲下個湯先。未落其他火鍋料之前嘅湯係特別好飲，搞到我都飲咗好多碗下。😂呢個時候可以一邊飲湯一邊食花膠夠晒養顏。食咗花膠之後就可以加埋啲雞一齊食，雖然話係得半隻雞但係其實份量都好夠。兩個人食嘅話直頭係有啲多！ 另外仲想推介幾款唔同嘅火鍋配料，分別係廣島蠔，手打蟹子鮮蝦丸同埋蟹黃餃。廣島蠔只係$88，但係有五隻咁多仲要係大隻嘅。另外個手打蟹子蝦丸好友鮮蝦味加埋啲蟹子好彈牙口感10分唔錯！餐廳夜晚嘅話宵夜仲有折，所以我哋走嗰陣時都仲有好多人一直咁入座就知佢係有唔同嘅捧場客👍

去完一田掃貨，見有啲餓，又想打邊爐，行過見到呢間古色古香，就佢啦！一坐低就見到大大個醬汁盆，任君選擇，隔離有個茶壺既東西，以為係茶啦，原來係豉油黎，仲要熱辣辣出煙既(煮過既豉油冇咁咸，口感清香)，即刻覺得有驚喜第一時間叫啲小食先，即炸黃金嚮鈴，一黎到就聞到陣陣咸蛋黃香，仲有大大粒咸蛋黃係面，咬過鬆脆，正！自家製炸魚皮，魚皮大大塊，擺入口一咬勁脆，送酒一流打邊爐梗係唔少得啤酒啦，1664一塔咁上，即斟即飲，夠凍夠爽重頭戲黎啦，湯底揀左特色卜卜蜆，未食已經有視覺既享受，仙境咁 湯底清甜，卜卜蜆份量多，仲有配菜另外仲叫左台灣水蓮菜，極品棉花魚肚，蟹子鮮蝦丸，甜粟米台灣水蓮菜比較少見，食落爽爽地，口感都幾得意，值得一試極品棉花魚肚，吸晒湯底精華，件件都厚身爽口，正蟹子鮮蝦丸，大大粒，中意食蝦又唔想剝蝦殼既朋友一定要試粟米切開左一件件，相對冇咁甜同多汁食完勁飽，幾個朋友食或一大班人食都冇得頂，服務貼心，不斷有人幫我地加湯，而且環境舒適，食物有質素，滿足

朋友生日，佢話想去元朗食呢個火鍋，本來覺得好遠，但食完你就知道值得去咁遠的😁今晚大家都唔想食辣，叫左花膠雞湯鍋，好多花膠，仲有專人幫我地落，教我地點食，先食花膠再飲湯，好濃，一飲就覺得充滿骨膠原嘅卡之後再放雞兩分鐘後再食雞，好補🤭試左牛胸尖，都算幾爽👍酒香花雕浸牛肉朋友之前食過話蟹黃餃必試，好大粒，算多蟹粉，好重蟹味，正呀🦀鵝肝墨魚丸，鵝肝好香細細口，吾會太濃惹味😋今次我第一次食台灣水蓮菜又幾爽幾特別，原來要剪開一半先放落去煮😆最後必叫即炸黃金響鈴，超級咸蛋黃，新鮮炸起超好味，不過食完飽左😂呢度每碟份量都算大碟，我哋四個人都爭啲食唔晒，樣樣都想食🙈

之前經過依間火鍋店嘅門口已經覺得非常之漂亮，今次趁早收工早啲嚟食，無咁多人店內環境非常之有格調，類似中國宮廷式嘅設計風格，座位都非常之舒服有卡位同埋座位同座位之間嘅空間都係足夠嘅店員都非常之有禮貌，店內嘅設施都非常之有中國style見面仲好有禮貌咁幫我哋用熱水煲熱去消毒啲碗碟，搬枱上面仲有酒精搓手液比客人清潔雙手喺疫情底下依啲細節位個人認為得非常之重要呢間小店就做得非常之好今次我哋叫咗個花膠雞湯店員非常之有禮貌咁幫我哋將啲花膠擺落雞湯入面，一睇就知啲花膠幾足料啦，我哋呢度係半隻雞，啲雞本身就係熟嘅擺落去滾兩三分鐘就食得啦，估佢唔到啲肉都幾滑 我哋認為花膠應該擺佢耐啲先食，因為越擺得來佢要吸收啲雞汁超好味呢個鬼馬油炸鬼幾好食入面嘅蟹子同花膠都非常知足料，雖然佢價錢唔平不過我個人認為佢比依個份量嘅料，係正常既 我哋叫咗細嘅牛拼盤，佢好多樣擺盤都有乾冰塑造到一個公平有型神秘嘅感覺😂蟹子墨魚滑同干貝滑，兩個都好足料，好多干貝，好食總括嚟講，元朗估唔到都有間咁高質素嘅打邊爐店，雖然價錢係中上，不過佢嘅服務態度食物質素個人認為都值依個價