大滾友火鍋

營業中

休息中

特色卜卜蜆鍋（$188）清清地辣辣地，都有啲似豬骨湯底味，味道幾啱打邊爐，仲有埋蜆食。酒香花雕浸牛展（$118）牛展肥瘦適中，牛味香濃，散發清香酒香，不過其實碌咗落個鍋裏面呢，個味就已經清得七七八八。牛舌片（$118）牛舌捲埋成為一個玫瑰狀，賣相100分，質感都好爽，同樣牛味香濃，好食。.牛骨髓（$58）.蟹黃餃（$98）蟹黃餃蟹黃味相當濃郁，粒粒餡料十足，幾實身。.即炸黃金響鈴（$68）黃金響鈴即係鹹蛋響鈴，碌2秒，食落脆卜卜，條條都好多咸蛋，咸蛋味出，超正！紫菜腐皮卷（$68）極度推介！！大大舊，紫菜同腐皮都相當多，層次感豐富，外皮趣卜卜內裏笑呵呵，絕對食到笑哈哈，加上唔係好多地方有得食，真得一叫。鴨血（$58）.天地1號（$18）.餐廳夠乾淨，會係客人面前用滾水烚啲餐具消毒，而且有濕紙巾同酒精搓手液提供，幾衛生。

說真的，打邊爐那有不愛嘅道理？港式邊爐基本上就係香港人最入血嘅消閒活動，食固然重要，但醉翁之意，更重要嘅當然係一邊烚吓烚吓，一邊同朋友天南地北無話不談嘅vibe。約朋友來到元朗，想找一間黃店朋友就推介嚟到大滾友。一開始見其他人嘅評價好高經已相當期待！餐廳走中國風，裝潢與枱椅都是木藝的。而menu亦像一邊聖旨，很有趣！以下介紹幾個重點推介嘅配料／湯底。｜花膠雞湯鍋 (半)｜女生嘛當然來個滋陰嘅花膠雞湯鍋！先講花膠，份量好多好足料，從頭到尾都夾到有花膠，好驚喜！至於雞亦相當鮮味，不似普通嘅本地雞，加上其他配料，整個花膠雞湯我與友人足足各飲了兩三碗後才捨得下其他邊爐配料呢！｜黃金響鈴｜第二道令我好難忘且驚喜嘅就係炸響鈴，咸蛋黃醬份量超、級、多！相當邪惡嘅組合，上枱時剛炸起，即食已經好滋味，當然放入湯中數湯再食又係另一種風味！必點！｜大滾友牛肉拼盤｜同樣係必點！性價比超級高，細份嘅份量都相當相當多，而且可以一次過試晒多個唔同嘅部位！重點係唔好以為拼盤就比較頹，佢嘅牛一樣係質素好高，一啲都唔馬虎！其次我同朋友仲點咗白鱔同脆鯇，同樣都係水準之上，兩款海鮮都爽脆新鮮！總括而言雖然價錢唔算好實惠，但所

同男朋友第一次食大滾友係本年6月，當時俾佢花膠雞同埋黑胡椒蟹驚艷到，雞湯超濃、蟹鮮好夠鑊氣。當時我地個個星期都食，食左一個月。點知今日，4個月後再食花膠雞湯底。見到68折都開心，因為我哋次次都食成千零蚊埋單（兩個人）。但係第一啖飲佢地主打既雞湯，同男朋友異口同聲話淡左。個湯好明顯咁啖左好多，只有少許雞味，食哂花膠，店員幫手再加湯，湯底已變有雞湯味既水咁。本我哋兩個都明白，宜家疫情嚴重，經濟差，生意難做將價就貨都在所難免，都理解到。但最過分既係叫左個皇帝菜，個皇帝菜泥到面有幾條已有泥，以為係五香粉唔小心灑左落去，算。點知底下既菜都係成堆泥！一個皇帝菜$48完全冇洗，仲要有泥，俾錢食農藥同食泥？唔係呱。。。一間餐廳由話檔質素，變成今時今日咁，仲差過大排檔，就算3折都唔會再食！可惜一間本身好高質既餐廳變成咁。。。

Book左6：30pm, 同女朋友提早左入座，入到去坐低後有幾樣嘢感覺店家做得好細心；1）員工俾左每人一包消毒液我地，當然你會講好多食肆門口都會有一部消毒機俾客人用，但依家係由員工親自俾客人一包即棄嘅消毒液，你會感覺到好窩心。 2） 員工驚我地嘅袋同背囊俾火鍋湯底彈上嚟嘅汁整到，幫我地用個袋套套住佢不過感覺二人枱有啲細張，雖然佢有個三層嘅架用嚟放食物，但枱面上因為佢個鍋好大個，佔用左一定嘅位置，所以用餐時會有少少迫嘅感覺。入正題！我地叫左個花膠雞湯鍋（半隻），員工幫我地剪碎啲花膠，推介一定要先飮個湯，好鮮甜女朋友飮左好多碗其他食物嘅質素亦都非常之好，新鮮！雖然中間發生左小插曲，有可能會令到食客感到少許不安但都睇得到員工嘅處理手法十分之好，客人都感受到佢地處理呢件事上面嘅緊張，係對客人嘅一種重視不得不提嘅係，所有員工都好有禮貌，由入座到離開都喺，禮貌到令到我有啲驚訝咁濟主動性亦都好夠，會主動加湯，收碟最後店員仲送左甜品俾我地食，喺椰汁朱古力碎荔枝糕（店員仲話耐唔耐就會轉款式）

「大滾友」以中國宮廷裝修為主題，有中式餐枱，以龍頭作湯鍋，就連餐牌都用一道聖旨做成，非常有心思！ 由於疫情， 用滾水消毒碗碟， 使客人食得安心又放心，好貼心！叫咗個《胡椒豬肚雞湯鍋》， 主要以胡椒、豬肚， 雞等材料製成的， 雞件鮮甜嫩滑，雞味濃郁，胡椒辣度適中，還加入仲豬肚，正呀！豬肚爽口彈牙，口感不錯，亦煮得相當入味！ 《白鱔片》， 鱔片超有質素， 鮮味無比，鱔片十分肥美， 啖啖肉，魚香味十足！ 《西班牙黑毛豬》，黑毛豬已切成薄片，滾一滾，就食得。 入口鬆化，充滿肉味，好味！ 《大滾友餃子拼盤》，包括有韭菜豬肉餃，黑松露蟹肉餃、蟹黃餃同鳳尾鮮蝦雲吞，每樣各兩粒。 我最喜愛漲卜卜嘅《蟹黃餃》， 皮薄餡靚， 鮮味無比， 味道充滿濃郁嘅蟹黃，好有特色，值得一試。 仲有外表可愛嘅《鳳尾鮮蝦雲吞》， 原隻鮮蝦，鮮甜爽口，爽呀！ 必食之選嘅《即炸黃金響鈴》，響鈴熱辣辣脆卜卜，囗感超級鬆化，加上鹹蛋黃，超級好食！

由於見到d相同食評都講到呢間野唔錯，所以專登入元朗試下。點知中晒伏😌叫左莞茜湯底，湯底完全冇味、諗住甘多莞茜，應該會好香濃，點知個湯底好似白開水甘冇味😌豬肉冇味、聖子有沙、白鱔片同脆鯇魚腩都係好一般，韮菜餃（叫左半份only）係用雲吞皮果種，完全難食，我食左一個就冇再食！個豆卜又完全冇味！冇叫牛肉，都唔算叫左好多野，折後都要接近$700（半價），如果冇折，就要$1xxx？加上地方狹窄，坐得唔舒服，以呢個價錢來說，非常唔抵食！唔明點解其他食評會俾讚？！

又是網上種草的一家打邊爐，喜歡港式火鍋，一定要跋山涉水來試試，點了番茄豬軟骨湯底，重口味可能會覺得過於清淡，黃金響鈴味道超讚，但是出品不均，有的裡面沒有炸的脆，還是可以偶爾打卡的一家店！

餐廳以宮廷式嘅設計，細緻到連火鍋爐、餐具及餐牌都係切合宮廷主題！玲瓏浮凸·花膠雞湯鍋 （半隻）$288店員先為我地將一大片花膠，剪開細片，落入湯底煲滾！先品嚐花膠湯，湯底帶膠質，味道鮮美，感覺很滋補，超讚！之後落新鮮雞件去打邊爐，雞肉好嫩滑，肉味香濃，份量又多！基本上食雞都飽咗一半，呢個花膠雞湯鍋真心正呀！牛胸尖 $108牛胸尖白色一片片，係胸腔肋骨中間嘅軟骨部位，只要滾5秒左右就食得！牛胸尖口感爽滑，而且仲有陣陣香濃牛味，非常突出！半熟五花腩 $78呢個半熟五花腩令我好驚喜！五花腩應該先經滷水輕輕煮過，所以有滷水香味！入口非常爽滑，油香四溢，個人好喜歡！豬頸肉 $48係玫瑰花嘅外型，非常漂亮吸引！豬頸肉爽口彈牙！蓮藕片 $32蓮藕片新鮮爽口！芝士腸 $32係脆皮芝士腸！薯粉 $18估唔到份量咁多！薯粉爽滑，加埋湯底嘅精華，正！可樂 $18/罐打邊爐點少得飲可樂！

雞地的這間大滾友，相信是附近居民的高質邊爐之選！店子小小但亦有一間私家房供多人聚會一個私密空間。裝修走古風，用上木枱木椅，滿滿中國特色，真想不到它是一間良心小店！這裏的湯底和配料都改成了很趣怪有味道的名字。我就不寫出來，留點意思讓你自己去體驗一下吧。用的碗碟也經熱水消毒，令客人安心。今次我地兩個人來，點了一個胡椒酸菜豬肚鍋（$288），份量好巨型！用大鍋裝著，還有仙氣飄～出～來（乾冰），好有打卡效果！胡椒酸菜鍋的味道跟我想像中的四川酸菜風味不同，它是比較港式溫和，甜口的酸菜，比較少滄勁，易入口。火鍋配料都放上一個多層架，很美觀得體。第一必食是即炸響鈴（$58），跟一般在街買到的響鈴實在相差太遠，酥脆口感令人一試難忘！份量都幾多，四個人去食可能更加適合。另外點了兩款海鮮，蝦滑（$98）好足料彈牙！沙白蜆（$68）清甜無沙，新鮮飽滿。肉類點了豬頸肉（$48）卷成花形擺放着，令人忍不住要拍照，肉質都好爽口。蔬菜類，唔想揀，可以點雜菇拼盤（$68），份量好多！好抵食。最後來一客薯粉😉索埋個湯，好滿足！飲品方面這裡有提供天地1號蘋果醋（$18），開胃又消滯。這裏的店員非常親切友善，整體用餐體驗很

疫情關係好耐冇打邊爐嗱😷見到湯底多左款，食物都有少少唔同左見到有胡椒酸菜🐟鍋，叫黎試下先胡椒湯冬天好啱飲，雖然依家未係冬天，但入面冷氣夠晒涷🥶，所以都係好啱飲😆雜菜拼盤係每次都要叫，因為實在太開心，每次都有咁多款新鮮蔬菜食~仲會整到個湯更好飲👍呢度既腐皮卷新鮮整，每次都會叫~3款都試均晒~朋友鍾意食呢款紫菜，我就最鍾意食黃金🤠脆魚腩之前黎兩次都話賣晒，今次終於食到🥳呢個乾貝滑，本身唔係太好，係朋友叫~羊肉片有驚喜💗~本身見58，應該份量好少，但原來都幾多，仲要好好味，唔太騷😍😍

今晚黎到元朗鳳攸南街嘅「大滾友火鍋」，店外裝修猶如中式客棧；店內裝修擺設都相當盞鬼有趣紅唇烈焰 • 麻辣鴨血鍋麻辣鴨血鍋有三款辣度可以選擇，小辣的辣度適中剛好！鴨血份量勁多，厚厚的，軟嫩彈牙，麻中帶辣，頗有後勁。鍋裡另外仲有芽菜、豆卜、香蔥等等，好足料大滾友餃子拼盤 • 八粒特色手工餃子係餐廳嘅主打，所以我地都叫咗個大滾友餃子拼盤～1. 蟹黃餃，係蟹肉及蟹膏混合而成的餃子，啖啖鮮蟹肉風味2. 韭菜豬肉餃，韭菜及豬肉比例剛好，好香口3. 黑松露蟹肉餃，蟹肉裏面加入左黑松露，散發着陣陣松露香4. 鳳尾鮮蝦雲吞，薄薄的雲吞皮包住原隻鳳尾鮮蝦，真正嘅鮮蝦雲吞蜂巢冰豆腐打邊爐又點少得蜂巢豆腐！吸晒湯底嘅精華，辣辣的，好滋味厚切午餐肉炸到外脆內軟嘅厚切午餐肉，鹹香美味，邪惡至極新鮮海蝦 • 六隻肉質結實中帶點彈牙，好鮮甜沙白蜆大大粒嘅沙白蜆好新鮮，鮮嫩又甜美，正啊自家製足料竹蔗茅根甜度剛剛好，清甜滋潤，打邊爐清熱氣首選

未入餐廳就被外面的道具吸引，係一個大大的宮廷火鍋裝飾。餐廳唔算好大，不過坐得舒服，侍應服務用心，讚！餐廳的擺設、座位、用具全部都用心配置，連餐牌都以「聖旨」樣式出現，可謂十分細心。我地一行三人，叫左個魚水之歡湯底，即係胡椒酸菜魚湯，好好味！胡椒的辣剛剛好吊味，酸菜量不少,食左d都唔會太影響湯底。魚片一開始就放在頂部，加埋有龍頭作鍋耳的鍋，感覺提升左一個層次。我地叫左白鱔片、手打丸、餃子、水蓮、凍豆腐等。手打丸和餃子都好新鮮、足料。水蓮唔係間間打邊爐店都有，而哩間係有的，正。不得不介紹，鬼馬油炸鬼，入面有是蝦加蟹籽，好特別丫。另外手打丸同埋餃子應該都係自家製， 質素高，白膳片亦新鮮，埋單計數，價錢合理。

今日得我同老豆去食飯 佢話想打邊爐於是就嚟到元朗嘅呢間大滾友度食飯啦夜晚嚟到人超多 等咗一陣先有位 入面嘅枱櫈用上中式嘅風格去設計 全部都係木製超級有情調湯底叫咗個特色卜卜蜆鍋 鍋個柄有好靚嘅龍頭超級特別 湯底下面有勁多超大隻嘅沙白 估計有三至四斤超級誇張 淆到個湯底勁鮮甜可口新鮮海蝦 得六隻有點貴 不過勝在大大隻而且新鮮爽口彈牙 個頭仲有蝦膏添白鱔片 一啲泥味都冇 大約十幾廿秒已經食得 非常有咬口而且鮮甜水魷魚 師傅已經預先界花 碌完出嚟好靚 同樣夠爽口豬潤 預先已經醃製過 淥完出嚟同樣爽口唔粉紅薯粉 個湯底淥過咁多海鮮 梗係最後要食過紅薯粉吸盡所有精華啦

27週年紀念，疫情關係唔敢去得太遠，一直都想試下呢間火鍋，襯佢有78折就訂位試試，好彩有訂位，見到好多walkin都冇位😅湯底揀咗冬瓜湯，侍應細心問我使唔使影相先，等我影完相先切開啲冬瓜。👍細牛拼盤👉牛粒比較韌，其他都好有水準，份量對得住個價錢廣島蠔👉淥熟咗都漲卜卜，又鮮味大扇貝👉相對比較普通，冇乜特別脆鯇片👉爽脆新鮮，比一般火鍋店嘅高幾班花雕雞件👉酒味都幾濃，雞件嫩滑鮮淮山👉健康之選，好食疏菜盤👉份量都幾足，新鮮同唔會比啲頭頭尾尾比你由於限聚令店家想做兩輪，所以8點就提我地用餐時間到，兩個鐘都可以慢慢食，剛剛好👍埋單＄1016，老公話求其一間火鍋放題兩個人都要5百幾6百，但質素差好遠，呢餐好合理👍

大滾友火鍋的裝潢別有一番間調，在元朗中可算是十分特別，無論是用的鍋，還是像聖旨的餐牌也非常特別這邊醬料比較基本，都是辣椒，莞西，蒜頭那些，最特別是芝麻跟蔥油這裡最特別的是火鍋，因為每款都有些特色像我們點的番茄豬骨鍋＄１９８，番茄跟洋蔥多得很，而且非常鮮甜！豬骨用上帶軟骨的部位，很有咬口，份量也多，還有薯仔，紅蘿蔔。。。兩人吃完就飽了好嗎湯底從一開始就可以喝，一樣非常甜，茄味濃郁最吸味的竹笙＄６８，雖然跟番茄湯未必最襯（最好是配辣湯底啦），但任何湯底的使用率還真的很高，因為吸湯力很強黃金響鈴＄６８，最推介！新鮮炸起，不需要過湯也可以吃，非常爽脆，咸香一流！如果想過湯的話，記得一秒就好了！廣島蠔＄８８ 不算便宜，但件頭滿大的廣島蠔，很飽滿好吃肉丸拼盤＄１２８，非常特色的釀肉丸，鵝肝釀墨丸最具特色，口感多重；鵪鶉蛋豬肉丸非常正，那隻細小而蛋香重的鵪鶉蛋非常好吃蔬菜拼盤＄６８，超高CＰ值！有粟米，番茄，蓮藕，雲耳，竹筍，大白菜，油麥菜，唐生菜，這個價錢，還真的很抵吃，份量絕對夠４人吃好飽好飽，如果不是大吃特吃，一個人約３００來就可以了