大滾友火鍋

營業中

休息中

今晚幫朋友慶生，特地走進元朗，餐廳裝潢古色古風，彷古中國風為主題，食物方面，各款魚滑及丸類均有大小份量可點選，特別適合現時限聚令，十分體胋！消暑冬瓜瑤柱鍋 - 店員捧上一個古色古香的宮延鍋放在電爐上，並首先幫忙將冬瓜剪成小塊，湯底中除了冬瓜，還有滑雞、素翅、瑤柱絲、蟹柳等，湯底清甜生津，我們各自喝了三碗才捨得叫店員加水。酒香花鵰浸牛肉 - 牛肉十分爽嫰，焯過後即使不沾醬料，花鵰的香醇亦令牛肉的味道十分突出濃烈。半熟五花腩 -五花腩油脂均勻，由於半熟關係，稍微焯過後便可，油香重有嚼頭。新鮮鵝腸 -清洗得很乾淨，很重鵝味，味鮮而不腥，煙韌爽口！蟹子蝦滑及芝士墨魚滑 - 蝦滑當中的蟹子爽脆，令整塊蝦滑很有口感；墨魚味濃烈，而且入口還能咬到粒粒墨魚肉！鴨血 - 鮮甜滑溜，爽口有質感！最後再點了一個薯粉，吸收湯汁的精髓作收尾，十分滿足！

大滾友係元朗嚟講叫做有質素，有啲可惜就係無鴛鴦鍋，因為媽媽唔食牛肉，所以要叫另外一個湯底俾佢，今次叫咗卜卜蜆鍋和花膠雞湯鍋，花膠雞鍋湯底非常好味好濃郁，我哋叫咗半隻花膠雞鍋份量亦多，媽媽只是食雞鍋已經飽咗食物都算新鮮，響鈴特別好食服務也非常好，是日午餐4人拆咗共$1098

感覺好耐都冇食麻辣火鍋啦，記得以前係元朗食過呢間大滾友，湯底選擇超多，有花膠雞、酸菜魚、胡椒蟹等等🤔記得當時同唔食辣既朋友去揀左花膠雞，好濃郁好好食，所以當時決定要再黎試下麻辣鴨血鍋😍過左幾年突然諗起佢，就上癮到要即刻去先得 🤣餐廳門口望落古色古香，而且燈光昏暗頗為浪漫神秘，湯底仲用龍頭鍋上，勁搞笑😦呢個麻辣鴨血可以揀辣度，我地揀左小辣，都唔算好辣既！最開心係入面既鴨血有勁多塊，塊塊都好嫩好入味，食到超爽！用呢個湯底打邊爐可以唔係點醬，因為真係可以好入味😋 火鍋配料我地叫左豬頸肉、肉丸拼盤、羊肉片、響鈴拼盤、雜菇拼盤，每一樣都新鮮而且擺盤精美，感覺好開心！其中我最推薦黃金響鈴同鵝肝墨魚丸，真係超好食而且好少地方有😗😗😗 最後飲返杯生啤，真係夠曬爽呀！

豬軟骨番茄湯鍋$198大量嘅番茄，仲有洋蔥、紅蘿蔔、薯仔同芫荽，成個湯底呈誘人嘅紅色，酸酸甜甜咁好開胃。豬軟骨爽口，肉質又淋又入味。黑松露蟹肉餃(4粒)$78外皮薄滑，餡料足，爽口有蟹味，味道唔錯。珊瑚蚌$108爽脆彈牙又鮮味。即炸響鈴$58淥到外軟內脆嘅口感最好，索晒啲湯汁非常惹味，加上炸物本身就有嘅油香，好味。蜂巢冰豆腐$48豆腐質地多孔，索飽湯汁，令本身冇味嘅豆腐變得好好味，口感又唔會太老太鞋，細細粒一啖一粒咁。蟹子墨魚丸(4粒)$68爽口彈牙，鮮甜有墨魚味，味道適中。手切日本飛驒和牛$398牛肉肥瘦層次分明，脂肪比例較高，入口即化，油而不膩，瘦嘅部份爽口甘香有牛味。

又來到一星期一日難得嘅家庭日，今次決定同阿妹食好啲。住咗元朗咁耐，都未試過呢間大滾友，見網上嘅評價不錯，今日決定會一會佢。起初一入去，見到個價錢其實有少少嚇親，因為比我想像中貴，但係當我食完之後，就覺得一啲都唔貴，完全合理， 皆因服務同食物質素都係水準之上。首先，喺疫情期間，佢嘅防疫意識超級好。喺你點菜期間會煲住啲碗碟來消毒。咁樣真係第一次。卜卜蜆湯底第一次試呢個湯底，真係好正！一嚟到嘅時候你會見到好少水，同埋冇乜蜆咁，但當水滾左之後，會好似變魔術咁湧出好多湯來，而且啲錢都會又唔知邊度湧出來，好好玩！ 蜆嘅份量係超級多，我覺得應該有兩斤，有四人食嘅份量，而且湯底亦好鮮甜。澳洲和牛一嚟到賣相已經好好，溶雪亦都溶得好唔錯，份量亦都算多。起初會覺得唔夠油花，但淥熟咗食嘅時候就會發覺係啱啱好。3分肥7分瘦，牛肉味亦都非常之濃香，正！鵝肝墨魚丸呢一款係手打丸，食得出有一粒粒嘅墨魚，咬落去仲會標油，皆因中間有一粒鵝肝。油香十足，值得一試。蟹黃餃一嚟到已經好吸睛，成粒蛋黃咁嘅顏色，未食已經流晒口水，熟咗之後顏色更加鮮艷。本身以為咬落去係會好淋身，但其實完全相反。餡料充滿濃烈嘅蟹黃香，同時間亦都食得出

呢間大滾友火鍋保證食材每日新鮮運到，依家疫情下堂食以及外賣自取仲有折，非常抵食。由於疫情關係十點前就要走???，我地八點半到所以一坐低就叫左個冬瓜湯底先，然後店員幫我地用枱面嘅電磁爐煲熱水消毒餐具，除此之外每張枱面都有枝消毒酒精，大家可以安心。湯底煮滾後，店員會幫忙切開啲冬瓜，好貼心。冬瓜湯底好鮮甜，建議可以先飲湯，之後再慢慢打邊爐蟹子墨魚丸同蝦丸都勁彈牙，手打丸的確係唔同D九菜餃、黑松露蟹肉餃同蟹黃餃入面材料好豐富鹹蛋黃整成嘅黃金響鈴脆卜卜，唔駛6都可以就咁食鴨血份量勁多，軟嫩彈牙

大家係咪無諗過夏天熱辣辣走去打邊爐呢，今日我決定一反傳統，深入虎穴，講笑姐，不過打邊爐就係真既，皆因呢個呈鮮黃色既冬瓜湯真係引死人，飲完真係成個人舒服哂，個人都降哂溫冬瓜盅用左好多材料去調味，有蟹柳、大蝦、仿魚翅、雞肉粒，當然唔少得主角冬瓜啦影完靚相後，職員不忙張原個冬瓜切件，一黎就可以再拎個湯濃味d，二嚟我地可以方便食用係打邊爐前緊係要整返碗靚湯飲下先啦，d湯料真係夠哂多，我忍唔住飲多幾碗，最後要搵職員加湯添呢度既餃類都係原創，等我咬開中間俾大家望下有咩餡料原隻大蝦加左d肉成粒兵pong波咁大既手打丸你又見過未？左邊白色既係墨魚丸$98，而右邊灰色既係蝦丸$98，兩款手打丸真係前所未有咁彈牙，我諗可以當波打都應該冇問題雖然個湯底同鴨血就唔係好夾，但我撈完鴨血之後我再將佢浸落去我自製既麻辣醬就真係絕配最後呢款新鮮熱辣辣整起既咸蛋黃魚皮真係要推介俾大家，平時零食就食得多，即製熱食原來係咁鬆脆，我即頭當小食咁食，冇張佢放湯打邊爐，夠哂源汁源味

火鍋一年四季都流行。呢間大滾友，名符其實，自然係以打邊爐為主啦。室內裝潢以宮廷式設計，懷舊又帶有特色古董味。值得讚揚的是侍應會幫手在你面前用高溫滾水消毒碗碟和筷子。完全不用自己動手。先選好湯底，和自己調備醬料，除左坊間一般的羗、蔥、蒜、芫茜、辣椒之外，提供他們獨家調備的乾蔥油，可以一試。花膠雞湯鍋(半只雞）＄288侍應會幫手先將花膠剪成細塊，先放入湯底滾，然後可以先飲一碗熱辣辣的雞湯。然後將雞放入湯底繼續煲熟便可。蓮藕片＄32非常爽脆，吸收雞湯精華，更加清甜。手打黑松露墨魚滑＄98很彈牙爽脆，黑松露的香味令墨魚滑口感更豐富，口齒留香。手切頂級安格斯牛肉＄348雪花分佈均勻，放入湯底滾熟便可，入口即化，可惜牛肉味吾夠濃郁。飲品＄18/罐另加收宮廷醬介$40加一服務費，注：六點前埋單可享68折添。

朋友生日難得可以聚餐，順便來到元朗國yoho mall行街，因為壽星女最愛打邊爐，所以推介一間必訪的大滾友同佢慶祝，一間古色古香宮廷特色的復古宮廷御膳就岩哂大小姐，印象中最必然打卡的就是氣勢龍頭鐵鼎鍋，更新了的MENU更易選擇，種類仍然咁多。先集合醬料於一身，由於醬料需額外費用，所以加到滿滿的就是常識，記得落埋個秘制XO醬!~=̶ 玲瓏浮凸花膠雞湯鍋(1隻雞)=̶ $388 推介:⭐️⭐️⭐️⭐️⭐️女士最愛的鎮店滋補湯底，滾辣辣金黃色的清甜雞湯湯底，正向著花膠與雞招手，店員細心將花膠剪片落鍋並提示先食花膠飲湯再煮雞，一隻雞的份量非常大，花膠份量完全不吝嗇，飲了頭啖鮮甜湯頭，再等花膠煲到起膠就更加美味。由於雞係半生熟狀態，店員建議滾一滾熟佢就即食，咁就食到雞件的滑溜無比的感覺了。=̶頂級安格斯牛肉=̶ $348話明頂級安格斯，一分錢一分貨肉身靚到震，色澤同紋理都好令人滿意!一大片整齊牛肉放落鍋食指大動，又係滾一滾就熟, 岩哂d餓到等唔切食嘅人~$98 黑松露蟹肉餃皮薄餡極多，真係極多蟹肉，豬肉蟹肉間完全爆哂餡，黑松露香味口感豐富，是高貴極尚的水餃款式。$68 黄金響鈴新鮮即炸必食推介，邪惡鹹蛋黃與響鈴合

今年壽星女幸運地可以打邊爐慶生，諗返起一年疫情唔好話聚舊難，聚餐食飯就更難，多謝朋友介紹呢間位於元朗YOHO MALL 幾分鐘路程就到嘅大滾友，就咁睇門面我已經公主上身，因為宮廷別緻的門口迎接梗我蠢蠢欲動嘅胃口。三位朋友比我發版，我當然唔客氣點啦 HEHE...店員先比醬料我地混醬，有炒香芝麻，連秘制XO醬都有，梗係加滿佢啦。玲瓏浮凸花膠雞湯鍋(1隻雞) 就咁睇$388 來講好似食左佢地隻車，但呢個女士最愛鎮店滋補湯底真心唔可以唔叫，食落原來性價比都十分高，金黃色雞湯湯底入口清甜，女店員先將大大的花膠剪成小片落湯，叫我地飲湯先，跟住再將半熟的雞件放湯，因為鐘意食林林的花膠，所以最後我差唔多食哂雞先食花膠，種膠質味就岩岩好啦。頂級安格斯牛肉$348 又好似食左人隻車 哈哈但一上檯我嘩一聲，大大片安格斯牛肉太靚啦，頂級真係頂級，肉味無雪味又新鮮，滾一下即熟, 肚皮都開始好滿足。黄金響鈴我的最愛鹹蛋黃，滿佈於成條即炸響鈴之上，就喧食都已經心心眼，香脆好味，放落湯食吸一吸湯汁又係另一種層次。黑松露蟹肉餃平時唔係好鐘意食餃，朋友推介要食下，大大隻水餃皮薄餡靚，黑松露蟹肉精華集合，入口有般壬香味，

放假入左元朗行街，今日好想打邊爐，上網搵到呢間大滾友火鍋，好似都幾唔錯，宮廷裝潢夠特別，又多特色湯底同火鍋配料，一於試試。玲瓏浮凸花膠雞湯鍋金黃色湯底好重膠質，飲落啖啖都好鮮甜，勁大塊花膠口感爽滑，雞件皮爽肉滑有彈性。手切頂級安格斯牛肉 雪花纹分布均匀，入口肉質鲜嫩緊實，多汁又富嚼劲。羊肉片騷味唔算重，入口香濃甘甜。花雕醉雞充滿濃郁花雕香，雞件爽口不腻。丸類揀左兩款，包括手打鮮牛丸、鵝肝墨魚丸，爽滑鮮甜，充滿肉汁香。炸芋頭外酥脆內鬆軟，即叫即炸熱辣辣!大滾友雜菜拼盤打邊爐通常都會叫菜，揀雜菜拼盤咩都有就唔洗煩~款款都好新鮮爽甜，推介。即炸黃金響鈴新鮮香脆，入口即化，夾雜咸蛋黃香，好惹味。黑松露蟹肉餃皮薄Q 彈，充滿黑松露香，仲有絲絲彈牙蟹肉。

同舊同事好耐無見啦，今日約左佢地一齊打邊爐，可以慢慢坐底食野傾下計。元朗有間大滾友火鍋，宮廷風裝潢，好有特色!湯底名稱好有創意，揀左玲瓏浮凸花膠雞湯鍋，有半隻同一隻雞選擇，同朋友想食多D火鍋配料，所以最後揀左半隻雞。花膠雞湯好鮮甜，潤膚又養顏。花膠大大塊，一上枱勁吸引，雞件夠哂嫩滑好有咬口。手切頂級安格斯牛肉 牛味香濃，肉質厚實，鮮嫩又juicy。即炸黃金響鈴好香口，勁邪惡!即炸響鈴夠哂鬆脆，外層滿滿咸蛋黃，正。花雕醉雞甘醇夠哂香，雞件酒味唔會好濃，嫩滑入味。手打鮮牛丸同鵝肝墨魚丸，大大粒真材實料，彈牙又爽滑。羊肉片口感細膩無羶味。炸芋頭酥脆充滿芋頭香。大滾友雜菜拼盤好多種類配搭，有齊蕃茄、粟米、准山等，推介新鮮爽甜油麥菜同娃娃菜。日本稻庭烏冬幼滑煙韌好爽口。竹蔗茅根 打邊爐唔少得叫竹蔗茅根 ，清甜解渴。

又來嚟到元朗打邊爐啦，今次要做大滾友🤣見到呢間好有中國打邊爐嘅特色，所以入去食下啦！環境好有古代、宮廷御膳嘅感覺，環境令人舒服，亦都好啱打卡。餐牌menu勁多選擇，餐廳都推介好多，樣樣都好想食。特色トト蜆鍋 $198呢度嘅服務好好，一坐低侍應就會比醬油我哋揀，又會幫我哋安排咗湯底先，俾我哋有時間慢慢點餸食。極多卜卜蜆，好鮮甜，無沙。蜆嘅鮮甜都溶入哂落個湯底，面頭有少量的辣椒粒，帶微辣，$198黎講性價比好高。鵝肝墨魚丸 $98內有粒粒墨魚，爽口彈牙，大大粒，中間有鵝肝粒，入口熔化，推介。油麥菜 $38打邊爐嘆少得蔬菜類，份量夠哂二人食，新鮮蔬菜。花雕醉雞 $78新鮮醉雞，好夠醉香。煮熟左之後仍然帶陣陣醉香，醉雞肉質嫩滑。酒香花雕浸牛展 $118牛味香濃，帶陣陣酒香，咬落有嚼勁。肉偏瘦，唔洗下下都食肥肉 。黑松露蟹肉餃(四粒) $78皮薄餡多，勁多蟹肉，爆哂餡咁濟，食落有黑松露味，一定要試！總括而言，有特色嘅中式火鍋店，個爐都用北京食涮羊肉果款涮鍋，打卡之餘，味道亦佳。

今日入元朗行完山，勁肚餓去咗大滾友食個卜卜蜆鍋先。未開爐之前梗係洗吓啲餐具先啦！再來個混醬先，我最鍾意食芝麻同蒜片。嘩主角出場啦！特色卜卜蜆鍋香噴噴！勁多蜆，啲湯好鮮甜蜆肉又爽口、又無沙堅好味😋睇吓個蜆殼山🤣今晚餃唔餃🤣梗係餃啦！叫咗個黑松露蟹肉餃同蟹黃餃。啲餃大大粒真材實料。黑松露蟹肉餃估唔到咁好味食落好多蟹肉黑松露又香😋蟹黃餃嘩成粒都係蟹黃真係食到嘴舐舐！白鱔片新鮮彈牙爽口😋鮮准山有益健康👍食完都飽哂😋😋😋

好耐冇食大滾友啦，好掛住個花膠雞湯底。今日難得過嚟元朗，朋友又未試過，就帶佢過嚟打吓邊爐😎朋友未食過，當然要試吓👍🏻熱門湯底啦，兩個人就叫咗花膠雞湯😆有半隻雞。個湯一上到枱就聞到好香😀個色好正店舖幫手剪花膠放落湯，好細心剪到細細舊好易入口。半隻雞其實都好多。花膠雞湯堅好飲，連續飲咗兩碗。店員教飲左湯先，半隻雞都係半熟狀態，放落湯淥一淥好快就食得，隻雞食落好滑好夾個湯。生菜好新鮮👍🏻手打墨魚丸大推，好彈牙足料。誠意推介油炸鬼好少地方有得食，好正👍🏻👍🏻👍🏻好邪惡嘅拼盤原味響鈴加鹹蛋黃響鈴可以即食同淥一淥，我試咗鍾意後者多啲。鹹蛋黃響鈴真係值得一試🤩次次嚟到大滾友都一定要叫，菲菜餃。個皮好薄好足料，入面嘅菲菜好新鮮。好少地方有水蓮，見到有水蓮即刻order.平時想食都唔知邊度可以買到😕剪一剪淥一淥好快食得，好新鮮爽脆👍🏻今次食完朋友都大贊，個花膠雞湯飲完唔頸渴。全程都係飲湯冇另外叫嘢飲，食到好飽。鍾意雞湯一定要試吓☺️