影片
更多
2020-11-24
70 瀏覽
天氣又漸漸咁變得涼涼地，最啱就去打邊爐啦。上次去完呢一間大滾友之後念念不忘，就算唔係住元朗嗰頭都要特登揸車入嚟食。我哋食嗰時因為過咗9:30所以係宵夜時段有六八折，所以都好多人喺度等緊位。等咗大約15 20分鐘就有位好好彩。今日想食重口味啲所以叫咗個麻辣鴨血鍋（$188）。個煲一上嚟已經超香麻味，而且個湯底紅卜卜咁樣好吸引。佢入邊有好多鴨血同埋其他配料，想講個湯底真係好夠味，雖然叫咗係小辣但係都真係有啲幾辣㗎。所以如果唔食得辣嘅叫小辣好啦。雖然今日我哋冇叫牛肉黎食，但係叫咗個花雕醉雞（$78）。個雞就算滾完之後食得好有花雕味，而且雞肉肉質嫩滑又幾大份都幾抵下👍另一個必食嘅就係即炸黃金響鈴（$68），顧名思義就係鹹蛋黃味嘅炸響鈴啦。上菜嘅時候仲係好熱一睇就知係實係即炸嘅。所以可以即刻食又得，擺落湯食都得。我自己就比較鍾意擺落湯度幾秒之後食。啲鹹蛋黃味冇走到之餘，仲多咗湯嘅香濃味。餐廳有好多自製既餃類同埋手打丸類，今日叫咗個蟹黃餃（$78），同埋鵝肝墨魚丸（$68）。個蟹黃餃入面佈滿蟹肉同埋蟹膏，食落去真係好似食緊隻蟹咁樣😂而個墨魚丸就好彈牙，而且入邊仲有一舊小小嘅鵝肝識落覺得好特別。我自
今日想食重口味啲所以叫咗個麻辣鴨血鍋（$188）。個煲一上嚟已經超香麻味，而且個湯底紅卜卜咁樣好吸引。佢入邊有好多鴨血同埋其他配料，想講個湯底真係好夠味，雖然叫咗係小辣但係都真係有啲幾辣㗎。所以如果唔食得辣嘅叫小辣好啦。
雖然今日我哋冇叫牛肉黎食，但係叫咗個花雕醉雞（$78）。個雞就算滾完之後食得好有花雕味，而且雞肉肉質嫩滑又幾大份都幾抵下👍
另一個必食嘅就係即炸黃金響鈴（$68），顧名思義就係鹹蛋黃味嘅炸響鈴啦。上菜嘅時候仲係好熱一睇就知係實係即炸嘅。所以可以即刻食又得，擺落湯食都得。我自己就比較鍾意擺落湯度幾秒之後食。啲鹹蛋黃味冇走到之餘，仲多咗湯嘅香濃味。
餐廳有好多自製既餃類同埋手打丸類，今日叫咗個蟹黃餃（$78），同埋鵝肝墨魚丸（$68）。個蟹黃餃入面佈滿蟹肉同埋蟹膏，食落去真係好似食緊隻蟹咁樣😂而個墨魚丸就好彈牙，而且入邊仲有一舊小小嘅鵝肝識落覺得好特別。我自己特別特別鍾意食呢一個鵝肝墨魚丸！
食到最後覺得超飽，但係原來餐廳最後會送左個少少既甜品俾我哋食👍 餐廳雖然忙，但係服務都好好。期待下次試吓再食其他唔同既鍋啦。
張貼
