大滾友火鍋

營業中

休息中

元朗足料火鍋店我哋一行二人去咗打邊爐原來。。。發現好嘢 首先佢哋環境非常有風格！好似置身於宮廷宮殿既感覺，環境座位舒服🥰 -湯底方面，我哋想曬咗花膠雞（半隻）湯底，湯底一嚟到，震撼（有乾冰） 好靚，成個畫面係打卡必須！跟住媽咪就店員拎花膠同埋雞比我地，仲好細心咁幫我哋切埋花膠，叫我哋飲咗個花膠雞湯先，之後先至落雞！超級香濃！ 😬-食物方面：叫咗鴨血，手打蝦丸，同埋韭菜豬肉餃，仲有花酒浸牛肉！同黃金響鈴😍- 黃金響鈴有驚喜，鹹蛋黃味好香！可以即刻食，上枱嘅時候熱辣辣！香噴噴，未食已經聞到鹹蛋黃嘅味道！哈哈！必叫必叫！牛肉，肉味好重！佢用花雕酒浸嘅，完全冇遮蓋牛肉味道，仲突出香味！好好味！豬肉韭菜餃勁多韭菜 （非常足料）好大粒，半個拳頭🤤 手打蝦丸，蝦味鮮甜☺️ 鴨血：呢個真係唔係度度都有👏🏽 - 整體而言：食物質素新鮮，環境舒服，具有特色！值得一試

趁假期完結前要獎勵一下自己，朋友就帶我入元朗去吃返個滋潤花膠雞鍋。由元朗西鐵站行過去都唔洗10min，好方便。餐廳座位唔算多，夜晚記得要book位啦！玲瓏浮凸雞鍋底(半隻雞)🐔，兩大塊超厚身花膠，店員會先幫手剪開花膠放落湯底，滾起就吃得，記得一定要先飲湯，因為真係超正！花膠吃極都仲有 堅足料。雞件夠大件，夠入味，帶少少酒香，自己都可以吃半隻！😋西班牙🇪🇸黑豚肉，好有驚喜，肉香味濃，推介！新鮮鵝腸，少少煙韌，唔似一般雪藏貨咁發到大大條，識食一定食新鮮原味。珊瑚、桂花蚌雙拼，新鮮爽脆，下次要分開個樣叫一碟先夠足！哩間火鍋真心推介，足料好味，值得再吃！👍🏻👍🏻

有朋自遠方來，搵個可以坐耐啲嘅餐廳食野先，同佢行左雞地呢條食街，就揀左入大滾友度打邊爐，估唔到下晝都幾多人，卡位全部滿座呢。店員好快就送上調味格，記得上次黎食都係呢個豉油壺，係幾靚嘅，可惜就係會漏，係咪有咩技巧去斟嘅呢？另外調味料仲有呢度，個人覺得個湯底咁好味其實唔使點點豉油，不過收左醬料錢唔攞返啲好似唔抵喎，哈哈，加啲芫荽同生蒜先。湯底叫左紅唇烈焰麻辣鴨血鍋，個龍頭鍋幾有氣勢！揀左小辣程度，雖然好紅，食落又真係唔辣喎，小辣好易入口，仲飲左幾啖湯添。鍋入面有芽菜豆卜等，當然唔少得鴨血，有好多片，片片都係咁大塊㗎，吸左麻辣汁好好味。點返份靚牛先，要左手切頂級安格斯牛肉，一睇就知好野黎啦。好有牛味，厚切有咬口，雖然厚身，但放落鍋度一陣就食得，超正呀～仲叫左羊肉片，個賣相差咁遠嘅，哈哈。有羊味但唔羶，好食。最後有手工三絲素餃，三絲係粉絲、木耳絲同紅蘿蔔絲。有理由相信係即點即製嘅，個皮煙韌有咬口，食得出係新鮮餃子皮，加上製作需時，足足四十分鐘先上枱喎，仲唔係由餃子皮開始搓？好食過出面啲冰鮮貨多多聲！飲品叫左好少有得點嘅天地一號蘋果醋，酸酸地同麻辣幾夾。下午茶無人等枱可以慢慢打，傾下偈嘅好地方。

[#元朗美食] 特色湯底滾一滾 - 大滾友火鍋 // 講女搵食團  = = = = = = = = = = = = = = =不論春夏秋冬，對於ms.C來說都都是「滾」的季節，放工回元朗搵食，打個邊爐滾一滾，醫下五臟廟。今次又去了「大滾友火鍋」，好幾年前去過一次，餐廳環境裝飾依舊，用上古色古香設計，菜名就以古代皇室為主題。- - - - - - - - - - - - - - - - -同男友2人成晚上9:00入座，都差不多全滿，入座後即刻叫湯底。湯底款式有12款，每款都好有特式，男友愛食魚，就點了【魚水之歡 - 胡椒酸菜魚】。湯底上枱先飲湯，湯頭胡椒味濃十分醒胃，加上啖啖肉魚片，上枱先開始滾熟，魚肉鮮嫩，而且湯底配料非常足料，有好多酸菜 + 芽菜。- - - - - - - - - - - - - - - - -【大滾友響鈴拼盤 ‧ 各三件】分別有即炸響鈴 + 黃金響鈴，即炸響鈴炸得乾身，入口即脆。黃金響鈴就更加邪惡，即炸響鈴上再鋪滿甘香鹹蛋黃， - - - - - - - - - - - - - - - - -【新鮮海蝦 ‧ 六隻 $88 + 日本廣島蠔 $88】將2款海鮮放埋一齊

今日朋友入左黎元朗同我食lunch，朋友超like打邊爐，雖然係lunch，都鍾意打邊爐，上次試過大滾友質素唔錯，今日一於帶朋友再去。今次揀左朝三暮四豬軟骨蕃茄鍋，一如以往，湯底勁濃，入面有蕃茄、薯仔，豬軟骨仲煲到好腍，滾起左梗係要飲左湯先，蕃茄味好濃。即炸黃金響鈴即係係即炸響鈴上面再淋上咸蛋黃醬，超級邪惡美食，咸蛋黃超級香，唔淥湯就咁食一樣好食。牛舌片淨係擺盤已經夠靚，將牛舌砌成玫瑰花形，好有心思，牛舌爽脆，牛味香濃。仲試左兩款幾特別既滑，就係手打黑松露墨魚滑同埋瑤柱乾貝滑，鍾意黑松露既一定要試下，黑松露味好香，墨魚滑夠彈牙，而瑤柱乾貝亦好香瑤柱味，唔錯。另外仲試左第一次食既鯊魚唇，口感幾爽脆，魚味亦好香。極品棉花魚肚萵荀

💖星期日成家人出去食飯，假期打邊爐就最正🥰去元朗呢間鋪食野，入邊裝修好多中式元素，好有心思。員工態度好，一入座即刻幫手煲滾水洗碗筷。同埋會上埋豉油同各種配料，比食客整醬油碟。1⃣️玲瓏浮凸 花膠雞湯鍋(半隻)🐔 $288💖湯底揀咗花膠雞湯鍋，半隻份量都好大，花膠有成五、六大件，夠晒抵食👍員工會過嚟先幫手將花膠剪成細件，等滾左之後就可以先飲湯，之後再落雞件。2⃣️手切頂級安格斯牛肉🐂 $348💖餐牌好多選擇，我哋要咗安格斯牛肉。賣相好靚，切片好快煮熟，牛肉柔嫩，食多都唔膩。3⃣️滑捋捋三拼🦐 $168💖三拼包括手打蟹子蝦滑🦐、手打黑松露墨魚滑🦑同瑤柱乾貝滑。每份大概有五粒，全部都好彈牙。我個人最鍾意瑤柱干貝滑，同朋友或屋企人嚟食建議揀三拼，唔同喜好多啲選擇。4⃣️西班牙黑毛豬🐷 $128💖呢個幾驚喜，屋企人覺得好味。豬肉🐷口感鮮嫩，大件薄切唔會有肥油，配上豉油、辣椒醬同芝麻食唔錯。5⃣️羊肉片🐑 $98💖羊肉片價錢比其他肉抵，份量都唔錯，口感比其他肉類厚實。羊肉鮮香味濃厚，適合鍾意食羊嘅朋友。6⃣️友雜菜拼盤🥬 $68💖大大份有齊好多款蔬菜，包括蕃茄🍅、粟米🌽、黑木耳、蓮藕片、鮮淮山、生菜🥬、娃娃菜、油麥菜等等

打電話去訂檯，負責人應承會留門口位張檯比我地。去到之後，張檯就係我地面前比左個walkin 客。我地同負責人查詢，佢一味唔好意思，話另外有張檯嘅客人就走，叫我地等一陣。我地等左大約20分鐘，其間有好多遲過我地到嘅客人都分配到檯--2人嘅有，5/6個人嘅都有。我地覺得莫名其妙，去同負責人了解，佢就話嗰d 客人係訂左檯，叫我地等多陣。但問題係，我唔係都訂左檯咩？係唔係openrice訂嘅就要優先？打電話訂檯嘅就次一等？你放個walkin 客入去之前，有無諗過會翻唔切檯？有無諗過訂左檯嘅客人到左又無檯會咩心情？如果我係walkin 你要我等，無問題。但係你話留檯，我預期係去到就會有位坐。天氣熱又落雨又肚餓，無人會想喺口門無了期咁等。到最後佢叫我周圍行下，有檯會即刻打電話比我。到而家，過左一日我都仲未收到電話，唔知嗰檯客人係唔係仲未走呢？環境衛生應該唔錯掛，始終我大部分時間都喺門口，服務嘅就執生啦。

一間門口就見到個古色古香既大鍋, 滾呀滾既高質火鍋店, 食物同湯底都好特別!一入到去已經有人幫我地用熱水洗餐具, 唔洗自已黎, 好好!卜卜蜆煲 $198個鍋送上黎時我哇左聲, 好特別而且好大個鍋, 湯底入面有蜆、西芹、辣椒碎同芽菜, 滾起即刻試左個湯, 好清甜, 幾有鮮味!目測蜆大約有40-50隻, 認真多!頂級雪花肥牛 $298擺盤好靚, 肥牛一卷卷的卷起黎, 脂肪分佈都幾平衡, 唔會好肥, 牛味都幾重!手打蟹籽墨魚丸好彈牙!蟹黃餃好特別, 餡料蛋黃色好好吸睛, 餡料咬開有滿滿既蟹肉同豬肉mix埋, 好香既蟹黃味, 大大粒幾足料!大扇貝 $984大隻扇貝煮完都仲幾大隻, 同樣好食!

最近不少朋友搬入元朗，在這邊一起找美食！位置：從元朗形點走大約8分鐘就可以到達餐廳，位置適中。環境：餐廳內的佈置蠻有特色，帶點中國色彩，古色古香的，懷舊得來有點現代。服務：服務一流，細心，友善，體貼，照顧周到，贊！👍午市🥢先點湯底，再點配菜！湯底: 玲瓏浮凸花膠雞湯鍋： 必食之選🤤 份量十足，已包半隻雞或一隻雞，視乎你的選擇！濃濃的滑雞湯配上花膠，只是喝湯已值回票價🥣材料: 聖子皇和大蜆~~兩個字 “新鮮” 再配上雞湯底，很鮮甜😋😋 手打鮮牛丸~~賣相像荔枝，因為顏色很鮮紅，代表新鮮牛肉🐂 大滾友雜菇拼盤~~ 份量比我想像的多，兩個人也吃不完！值得一提的是，由於吃不完，需要打包，服務員用心幫我們包裝食物，還額外加雞湯給我們，所以晚餐也不用準備了🤣

元朗鳳攸南街一向都選擇多多，最近又拎埋消費券當然要消費下食餐好，同埋爸爸媽媽一齊打邊爐！大滾友都開咗好多年，環境舒服，有古色古香嘅味道。湯底一定要叫花膠雞湯，成煲金黃色非常吸引，聞落又香又濃，淨係飲呢個湯都飲左三大碗！半隻雞嘅份量，三個人食都夠晒，雞肉滑身，鮮味幾出！花膠好似唔洗錢咁，件件都好大塊。大滾友牛肉拼盤(細) $398有齊多款不同的部位，款款都食到，肉質柔嫩，食落都幾有牛肉鮮味。自家製炸魚皮 $68超香脆啊！而且幾有鹹香味，就咁食仲熱辣辣～滑捋捋三拼 $168有齊手打蟹籽蝦滑、手打黑松露墨魚滑、瑤柱乾貝滑，三款都幾彈牙，我就最鍾意黑松露墨魚滑，香味十足！淨係呢條街附近都有幾間火鍋店，可以維持到競爭力嘅，水準果然幾高

入面環境位置唔算多，健議數量唔算多，所以大家黎book定位先店員介紹係有三款唔同品種蜆 ，蜆肉肥美另外仲有芹菜同蒜蓉，令湯底較清甜，另外上台鍋入面有少量乾冰，感覺好有仙氣👍🏻呢個係店員推薦。辣到跳舞牛丸 依個推介比挑戰食辣既朋友，因為佢係激辣版，牛丸滿佈辣椒籽，小編就唔敢試啦，友人食完都要即刻飲野止辣黑松露蟹肉餃👍🏻蟹肉餃粒粒飽滿，皮簿包有珊瑚蚌食落口感更豐富，啖啖蟹肉松露味👍🏻花鵰浸牛𦟌👍🏻👍🏻牛肉肥瘦均勻，牛肉味牛味香濃，帶陣陣酒香，咬落有嚼勁黑毛豬肉👍🏻👍🏻大大塊，肉質鮮嫩多汁，肉質爽脆口感👍🏻👍🏻

這次去了元朗雞地一帶覓食，有家新開的火鍋店。環境裝飾是中式風格，裡面雖然不大但很舒適涼快☺。餐牌上有多款火鍋食材選擇，湯底還可以自選辣度，口味較大眾化。-💥麻辣鴨血鍋 HKD$198，點了小辣版本，所以辣椒不會太多。湯底味道濃郁不咸，用了很多香料做湯底🙈。鴨血的份量挺多的，每一件也是厚身的，口感嫰滑帶點辣味，而且不易夾散😆。-💥即炸黃金響鈴 HKD$68，這個一份有6件，是即叫即炸以保持口感。咸蛋黃均勻地沾在響鈴上，做到起沙的口感，咸香味十足🤩。響鈴口感酥脆惹味，但不會吃到油挺好的。-💥陳年花鵰醉雞 HKD$78，這個味道很香，一份有6-7件雞件。就算把雞放進火鍋裡，吃的時候仍有花鵰的味道。雞肉肉質嫰滑鮮味，而且吃不到雪味🤩。-💥雙拼手打丸子 HKD$108，選擇了黑松露墨魚滑及蟹子蝦滑。用乾冰加竹筒上菜，另有小匙羹附上以便放進火鍋🙈。墨魚滑帶點黑松露味，蝦滑口感鮮甜，兩款口感煙韌鮮味。-蔬菜方面點了蔬菜拼盤、美濃水蓮和蜂巢冰豆腐，吃火鍋當然要吃點健康食物，這幾款蔬菜也很新鮮😆。另外點了薯粉來做主食，薯粉吸入湯汁味道更好，這個口感煙韌。-火鍋食材新鮮，價格一般。

好開心朋友但我嚟咗呢間餐廳，質素幾好，如果唔點肉類，其實其他嘢都幾抵食！朋友細心問我食唔食辣，既然朋友帶我來，當然由她選擇啦，最後他揀了一個麻辣火鍋🍲呢個麻辣火鍋底， 190幾蚊，超級辣，平時我比較少食啦，所以我覺得好辣，不過如果喜歡吃辣的朋友，會好鍾意呢個口味，因為好濃郁，而且裏面有好多鴨血，芽菜，豆卜，都好豐富蔬菜拼盤，冇諗過咁大盆，好抵食，而且好多蔬菜選擇，又有淮山，又有木耳，幾有心機朋友叫咗個薯粉，薯粉實在太健康，全蔬菜做成的粉，唔啱我，我想叫個白飯，不過因為時間太早就冇白飯🤣雞件，少少貴，因為剩係得四舊，下面全部係芽菜，朋友分咗兩舊俾我，我都唔係幾好意思鹹蛋黃響鈴，超級濃郁，超級超級超級濃郁，鍾意鹹蛋黃嘅朋友一定要叫，我第一次食咁濃郁嘅鹹蛋黃食品！👍🏻👍🏻👍🏻👍🏻👍🏻咁大餐飯，其實大部份都係我食，朋友食咗好少，呢位朋友真係好細食，小鳥的胃！令我都有少少慚愧，因為我好大食😂🙏🏻感謝今天朋友帶我來

今日喺元朗做完嘢就同朋友去食飯 見到呢間大滾友 裝修好似幾舒服環境幾好 價錢又大眾化就入去試下啦我哋叫咗一個藥膳養生麻油雞鍋 材料好豐富 有半隻雞 又有花膠紅棗等等嘅食材 雞肉好嫩滑 唔係太肥 雞味都幾濃郁 至於花膠都好厚身大塊 膠質好重 又養顏又養生鵝腸都幾肥美 我最鍾意有少少膏嘅鵝腸豬頸肉食落同出面差唔多 但係喺藥膳鍋嘅襯託之下有少少紅棗嘅甜味餃子拼盤有原隻蝦餃 蟹餃 韭菜餃等等 全部都幾濃味 尤其是係個蟹餃 食落真係有蟹膏嘅甘香味 值得一讚豬腩肉 佢聲稱係半熟嘅 所以唔使淥咁耐 食落都唔算好肥膩 唔錯唔錯薯粉幾煙韌彈牙可口 同埋佢都幾吸收到湯嘅味道

好多人都覺得打邊爐係冬天嘅活動，但作為邊爐控嘅我哋真係完全唔認同，因為夏天都有唔少消暑湯底㗎！所以嚟到我哋嘅weekend自駕遊，今日就去到元朗尋找夏日的邊爐湯底，終於喺大滾友火鍋發掘到唔錯嘅選擇。消暑冬瓜瑤柱鍋呢個消暑冬瓜瑤柱鍋真係好抵食，切開半個嘅冬瓜依然係非常大個，仲有雞肉粒、彷魚翅、蝦球、西芹、瑤柱絲同蟹柳等等，店員細心幫我哋切好冬瓜，再等湯滾起就梗係要飲啖湯先啦！湯底超清甜，勁多配料，煮多一陣，等冬瓜熔熔哋再食，真係好吸引。黑松露蟹肉餃皮夠晒薄，而一咬開之後，黑松露味就即刻湧出嚟，加上絲絲嘅蟹肉，嗰種鮮味真係非常吸引。豬頸肉豬頸肉非常軟腍，肉味香濃，好有口感。牛舌片牛舌雖然大塊，但呢個價錢只有六塊就貴咗少少。好彩牛舌嘅味道唔錯，加番啲分。珊瑚蚌輕輕一淥就食得嘅珊瑚蚌，好爽口。手打蟹子墨魚丸呢個墨魚丸有勁多墨魚粒粒，非常彈牙。芋絲芋絲索晒湯，好惹味。