大榮華酒樓

營業中

休息中

D野完全唔好食…燒賣無味、蜜汁叉燒包無蜜汁…無味…完全唔好味…連茶都淡淡的…侍應好似唔想做咁…我去廁所仲聽到D知客話…"佢要入比佢入, 都無野食(因好多點心都賣哂，蓮蓉包都無…個時3點到)…3點半就CUT 單…"好無奈…埋單仲要唔係平…唔明點解去元朗一定要去大榮華…真係唔識欣賞！

星期一一家人去大榮華食晚飯,,叫左梅子醬排骨:好好食,,個汁好正,,d排骨又脆脆地焗魚腸:一般啦,,可以唔叫燒米鴨:好食,,不過個皮salty左少少,,半隻6個人剛剛好茄子班塊:好食,,意外驚喜,,不過媽媽話d班塊唔新鮮南乳燒雞:都好食,,有幾舊好鞋炒長遠:失望,,好普通,,或者有太大期望啦蟹肉焗西蘭花:好淡,,d蟹肉好唔好食芝士焗大蝦(伊麵底):好好食..有4隻蝦,,d蝦勁大隻甜品:馬拉糕:勁正,,自己都食左2舊 送ge糖水:XX粥,,我唔鍾意,,不過我媽媽好鍾意 紅豆沙:好食,,起沙服務態度超好..每個waiters都會講歡迎光臨同多謝惠顧,,亦好有耐性講解d菜式

唔知點解啲人噤鍾意大榮華,其實啲菜式甚差, 水準欠佳, 服務低劣, 而且價錢不算便宜. 寫都唔想再寫, 已後唔會再去.....

1.黑椒豬肚 - 新鮮, 非雪藏貨! 黑椒夠香, 奶白色湯底, 腐竹入味!2.陳皮牛肉 - 找尋良久, 才找到一丁點陳皮! 完全沒有陳皮香味! 不過牛肉ok!3.黃酒雞 - 同樣黃酒味不足!! 跟聯和墟的新漢記相差甚遠!4.誠意叉燒包 - 夠肉汁, 不乾身, 不像街邊的隔夜叉燒, 連多年不吃此包的人也讚不絕口!5.馬拉糕 - 每次必吃! 不過賣相大小不一, 時大時細! 但味道一流!6. 麥米粥 - 足料, 比外面街的多了些豆!夠火喉! 不太甜!7.粉果 - 皮軟, 太"淋",一夾即破! 涵&味道ok!! 8.爽甜絲瓜 - 非常合時,估唔到點埋腐乳出奇地好味! 好想買o個到的腐乳, 但阿姐話係自己調的街邊貨!非自家出產!

這是我第一次到大榮華吃飯. 是日未來奶奶生日. 所以特地來到這裡吃晚飯. 因為有兩位長輩, 喜歡吃中式的食物. 地點不太就腳, 幸好周圍的街坊都樂於幫助我這個迷路的九龍人. 上到去侍應也有細心幫我找找有沒有已到的朋友在場才安排我坐下. 服務態度不錯. 前一晚自己整了生日蛋糕. 來之前有電話問過, 說可以切餅. 沒有附加費. good good. 不會破壞氣氛. 坐下後就交了蛋糕給侍應. 服務很周到. 是晚菜式如下1) 五味雞 - 質地不錯. 不太老. 但味道沒有很大特色. 其實可以不點. $52(2) 西芹炒班塊- 很油, 只有幾件小魚塊. 西芹就很多. 但味道OK. 所以也沒有很大投訴.$52(3) 菠蘿生炒骨 - 我認為很美味. 但和平常吃的$3X質素沒有什麼分別.$52(4) 椒盬九肚魚 - 炸得香而脆. 好好. 內夠嫩滑. 有多於十條的九肚魚. 物有所值. $52(5) 上湯芝士焗大蝦伊麵底 - 個斱好味, 蝦就有D霉, 不夠新鮮. $65(6) 砵仔飯 - 撈豬油和頭抽. 新鮮熱辣. 香噴噴. 好味. $9 (X3)(7) 贈送糖水 - 紅豆沙 - 不錯. 不過本人覺得如果少

24/4放假跟了我男朋友去了元朗食下午茶,專程去元朗大榮華酒樓, 下午茶好抵食, 大小中點都是十一元, 2pm至4:15pm, 我們2:15pm己去到, 不過已經坐滿好多人, 我們都要同別人搭枱了,一坐下來,員工都好主動買你要什麼茶, order了普洱, 都幾濃要加番啲水之前我order了個煎蘿蔔糕&瑤柱釀節瓜甫都沽清了,好慘!!不過啲傳菜阿姐都好好, 會出來同我們說聲我們order了的有些食物已沽清,都好nice切肉燒賣皇不會太多肥豬肉, 都幾爽都好好食元朗小籠包個皮同平時的小籠包都不同, 是透明同潮州粉果的皮是一樣, 都不好食,好古怪豉汁蒸鳳爪都好入味, 不會好散, 不過都是用花椒八角煮的鳳瓜好食啲上湯魚滑鮮竹卷同平時鮮竹卷不同原因是用魚滑, 個魚湯都好正, 不會是味精水,魚滑鮮竹卷都不錯瑤柱灌湯餃都有好大隻蝦,有菇有豬肉&幾條瑤柱, 都ok啦馬拉糕都是好一般, 冇咩蛋味!得個甜味!水晶奶皇包的奶皇好稀好淡, 個包又爆了口?食不出似奶皇,真是好差服務都幾好, 常常幫我們收了蒸籠&加水, 不過地方都不是好大, 枱與枱之間都好迫, 坐得不是太舒適, washroom都是比較簡陋, 但都

2009年5月2日係下白泥影完日落相,行了半小時去下白泥小巴總站,又等了半小時小巴,終於等到第五架小巴才上到車,上車後才決定去大榮華酒樓食晚飯,去到已經8:30但重係人山人海,等了30分鐘才有位.雖然係張圍頭小菜菜單有成100款菜式,但我們只有兩人,只好點了兩個小菜: 南乳燒雞(半隻) $52 - 厚肉的部份就軟滑有肉汁, 但如雞背脊就比較干身, 整體都ok. 麵醬茄子班腩煲 $52 - 非常惹味, 班腩真材實料, 非一般急凍魚塊, 好食又大煲. 兩個砵仔飯 $9 - 飯到時會放一樽豬油和一樽頭抽在你枱上, 加唔加隨你喜歡, 一場黎到硬係要加啦, 加完後真係好食到不得了, 唔食小菜都可齋食幾個砵仔飯. 加送的麥米糖水本想要奶王馬拉糕, 但一籠有8件, 我地已經好飽了, 唯有下次再來元朗才食.埋單$147.5(已包茶錢和加一服務費)幾抵食.

五味雞，是那五味就不知了，但那個豉油汁不咸，除了甜味外還有一種香味，雞肉包括胸肉都非常嫩滑，剛好浸熟，很好味。雞蛋焗魚腸，表面帶焦脆，裡面有蛋香，只可惜魚腸太少了。咸菜蘿卜扣門鱔，適合這個夏季食的咸菜湯，雖是熱食，但喝下又覺得非常清涼，酸酸甜甜的湯，豆卜、西芹、蘿卜和去了骨的門鱔，絕對比冬瓜盅更消暑。便宜又好味的驚喜之作。豬油撈飯，豬油和頭抽，能不香嗎？能不好食嗎？馬拉糕，不愧是招牌菜，集油香、鬆、軟於一身，熱辣辣放進口，好食。以一碗送的糖水麥米粥作結，甜度適中，麥米煮得剛脆口又內軟，縱飽也把它食完。埋單便宜，比不少貴價餐廳更有誠意更好食，見到門外人山人海，識貨的人真多。

未去過大榮華點算去過元朗, 下午一點三見到還有很多人等位, 就知呢度有"金融海嘯"免疫力, 我地決定搏一搏, 攞張籌, no. 162, 當時叫到12x ... 呆等了二十五分鐘, 終於有位 可能飢餓, 什麼東西也特別好吃 ... 未能品嚐晚餐圍頭菜, 來看看點心的功夫!! 叉燒酥, 好甘香, 內裡叉燒當然好味 叉燒飯 瑤柱節瓜甫, d肉硬了點 馬拉糕, 好出名gar, 您看筷子一按, 幾鬆軟 鳳爪, 好入味 蒜茸鮮魷, 好香香蒜, 多姐家姐叫咗呢個茶果, ... 出爐熱辣辣, 其實都好好味, but 對入面d糖冬瓜, ... 四個人, 連茶, 都係$14x

與朋友到南生圍一遊, 嚟到元朗順道想再嘗大榮華的菜式,但臨時訂位, 不敢存有希望.打電話查詢, 告知四點九開始派飛. 於是準時到達取得8號飛.食完b仔涼粉後六點半到達,再等半小時便有枱.我們一行七人叫了九餸一燙, 餐牌圍頭菜每款$52, 唔使10分鐘菜就到.燒米鴨半隻, 一般圍頭五味雞一隻, 出奇地食剩, 可知味道不及往年了.雞蛋焗魚腸, 好味, 焗得面香內裡仍然濕潤魚肉浸莧菜, 莧菜老到有渣喬菜蝦醬炒鮮魷, 好味例湯赤子豆粉葛湯, 一般滑蛋蟹肉炒魚肚, 蛋炒得過老.一品豆腐, 可以西芹斑片,可以牛腩炒手打麪, 牛根多牛腩得一兩件, 但腩汁入哂麪內, 好味飯後見到馬拉糕好正, 雖然好飽, 都忍不到叫了一客, 熱騰騰果然超好味.再食埋奉送的糖水, 麥米粥及紅豆沙, 麥米粥薑汁多, 好味.總括來講, 味道不及之前.但如不厭要一早等位, 可以再來.

十二月廿五‧大寒 做人有始有終，飯局也有頭有尾。舊年吃盤菜賀聖誕，團年也最好是正路一點，就去元朗吃圍村菜吧！ 請帖一開，最後是五十有多的人數，在二樓廳房開四圍，碰巧也是年前OR新界大旅行的那間房，有電視看又自成一國，企理。餐牌已由大惡男跟店方商議好，大伙兒準時出席，坐定已有得吃，也謝謝搞手在背後的努力。 喝好幾位新食友同坐，喝幾口自携洋酒，飯局正式開始。先來金錢雞，同是冰肉，同是鳳肝，但吃過得龍的示範作，這裡的無論賣相及味道都及不上邊，吃金錢雞，也是得龍好；接著是臘腸鯪魚卷，臘腸裹上了鯪魚肉，再上粉炸好。鯪魚肉彈牙爽甜，臘睇硬硬的，但其神聖使命是將豬油滲在鯪魚肉內，使其更甘香好吃。加上炸粉不多不少，也炸得香脆，是有水準又好吃的一味前菜；再來是燉湯，是沙蔘肉竹燉螺頭湯。螺頭雖非新鮮貨，但料下得足，時間夠又好火路，燉出來的湯是清鮮甜美。加上不少的冬瓜同煲，喝得到清新鮮味，席上朋友皆說比西苑的爵士湯尤有過之，絕對同意。 接著是連續上檯的幾味主菜了，五味雞是這裡的名菜，不過最近也難找靚貨色，拿一隻大而無當的冰鮮雞，匯上甜醬油，難過關，吃了兩件胸肉，也知一二；一味鳳凰炒長遠是吃了多年，但坦白說，

今天專程由九龍轉了多次車入來元朗試下這出名食肆, 可惜!!!因食左元朗特有的菲律賓雪糕, 故只叫了兩個菜:1. 腰果金沙蝦仁 $70 -- 沒有香味,蝦仁沒有黃金的感覺,咸蛋黃還是一舊舊 , 差差2. 蝦子螺片扣鴨掌 $9x -- 鴨掌用水煮熟, 白白色的, 完全不入味, 蝦子汁、螺片、鴨掌同生菜分開煮熟後放在一起, 灼菜的水還未隔清, 離譜真想叫佢個肥佬上電視試一試這菜餚的味道, 評一評分!!!

星期天晚飯,5:30pm來到己人頭湧湧..被安排上2樓廳房..人手不足,等了好一陣子才有茶水,食具仍有食物殘渣...好污糟梅子一字排:不是平常像般一舊一舊..勁硬!!!!!!!勁乾!!!!仲有陣豬味!!! 南乳燒雞:皮脆 不過冇雞味好失望

( D 相係用手機相, 所以唔係好清 )2月14日 ~ 情人節, 如果食西餐 / 日本料埋一定好多人等位, 所以同上年一樣揀左大榮華, 19:30 去到等左20 mins 到就有位 。我們點了 :1. 圍頭五味雞 : 雞很入味也很滑, 連平時唔鍾意食雞既另一半都話好食 ~2. 雞蛋焗魚腸 : 個面就焗得脆脆的, 個心又唔會乾曾曾, 味道甘香 ~3. 豉汁蒸石蚌 : 條魚有d鞋 ~ ( 有點錯餸既 feel )4. 砵仔飯 : 普通既白飯加上豬油及頭抽後, 立即變得不平凡 ~甜品揀左...紅豆沙 埋單 ($223)

大約在世紀初開始,去元朗大榮華晚飯,差不是一年一度的"盛事",恰巧鼠年最後一個大局在此,便放下$1"跟機".同年前貴網秋季大旅行一樣,我們安排坐在二樓的廂房內,四圍人馬,並非一覽無遺,房內的牆間開了我們的一圍,好像各有各吃.自成一角.來大榮華,不是吃傳統圍頭菜,還能吃甚麼?我吃過多年,大榮華對小弟沒有甚麼驚喜,最掛念的是豬油撈飯,席上有些年青朋友未吃過其圍頭菜,對這夜的菜式仍充滿著希冀.先來的頭盤是金錢雞加鯪魚臘腸卷,近來的大局,十居其七也有金錢雞這一道,大榮華的金錢雞,雞肝是甘香,但冰肉近乎隱形.不夠肥,同得龍沒有得比.大榮華的臘腸最為有名,好地地淨臘腸卷已經夠,為何要來個鯪魚臘腸卷?魚肉同臘腸各有各玩,兩者不相往還,包卷如冷氣被,蓋住一對同床異夢的伴侶.真是"多舊魚".一大窩燉湯,又是多人場合大眾之選,沙參肉竹燉螺頭湯,材料十足.又火腿又螺頭又沙參,煲得清甜又好喝.喝羹湯後便開始上主菜,圍頭五味雞長年成為大榮華,其中一道熱門菜式.大家會覺得,山長水遠入到來元朗,應該會吃到鮮雞,結果這一道,令席上眾人失望,雞肉沒有雞味.什麼頭抽味?另一友人N邊吃也吃不出頭抽的味道,更莫論吃得出五種味