大榮華酒樓

營業中

休息中

下午2點到步,剛開始下午茶時段,大中小點都係$11蚊,只限平日,係話低唔低呢!上到去好多人,人人都要搭檯嫁喇,我見到滔滔老闆添.我想食炸雲吞,但係要$25好貴,所以無叫,都係食點心為主,不過見好多食客都叫排骨炒河粉,下次我都要試先.牛肉肉質好林,內裡唔會好粉紅色,少用鬆肉粉.鳳爪唔會好油,骨肉位好軟林林,好味~燒賣肉係用肉粒做,帶有少少肥膏,好香口.蝦餃真係皮薄餡靚,皮夠薄身,蝦勁爽滑,必食之選.叉燒包包身夠軟,又足料.我有叫咖哩金錢肚,不過賣晒,唯有下次啦~~我開頭以為下午茶平d,食物數量都會減d,竟然沒咁做,蝦餃有4粒,依家好多茶樓都只係得3粒,牛肉有3粒,依家好多茶樓都只係得2粒,叉燒包有3個,依好多茶樓都只係得2個.埋單連加一$74-

主人與奴隸獸為了避免等位，所以 17:30 就去了『大榮華』食晚飯。每款菜式都是 HK$52，我們點了：1. 圍頭五味雞：雞的肉質像雪藏雞，不夠滑，亦不夠實，令人失望，不過調味還算不錯。2. 雞蛋焗魚腸：不會焗得又老又實，味道甘香，讚。3. 頭抽蒜片煎生蝦：蝦新鮮，煎得夠乾身，蝦殼比蝦肉更好味呢！4. 奶王馬拉糕：熱辣辣，非常鬆軟，實在太好味喇！為了這件馬拉糕，已值得給一個笑臉。5. 砵仔飯（HK$10）：頭抽豬油撈飯，味道沒有什麼特別，飯還有點兒硬，只是很久沒有食，回味一番罷了。不知道是不是太早食晚飯的關係，還剩下了大半只五味雞，及數件馬拉糕。一於打包，明天午餐又有著落。

昨晚和朋友原本想去流浮山吃飯,因當時已經8時多,再由元朗去流浮山又好像太夜,其中一個朋友話不如就地去大榮華,我想普通酒樓有幾特別?怎知,去到,居然人山人海,叫部長介紹幾個餸,黃金蝦,豬油飯,檸水蒸烏頭,超正,五味雞,正,一字排就唔得,但總計是值得一去,我會再去的.

忽然有雅興在大西北飲茶,其實,這天早上要入天水圍,順便約幾個大西北朋友飲茶,因為周日之關係,最後只得一位朋友起到身.周日上午茶客甚多,但沒有晚市的墟陷,由四人行變上二人行,隨時也有位,不過就要搭檯.點心即叫即蒸,但水準極為參差,雞絲粉卷一夾就散,百花魚肚,蝦餃,魚膠鮮竹卷不過不失,煎芋頭糕夠香口.友人期待的馬拉糕,水準不一,有些食客的馬拉糕很細件,我們的一件已算叫正常size.份量沒有月前蓮香大局之中澎拜,味道比蓮香的更香.但同昔日晚市水準,又相差一截.既然榮華臘腸是中外馳名,當然不少得一籠臘腸卷.飽身香甜但有點散,臘腸甘香,咬下更有油份"必"出.一人有一個夢想,這個早上一人有一串臘腸.

大榮華同以前唔同左,就係由古老既推車仔變落單叫野食...咁樣就有好有唔好喇...好就係想食咩都唔使好似以前咁等佢慢慢推出黎...唔好既就係d野食黎既時間耐左,要等...黎到呢度我有一樣野係一定會order既...就係馬拉糕(味道真係唔錯架)仲有就係灌湯餃,都係好好味架,好多時我會連d湯都飲埋...但價錢就貴左d囉...而我黎到都好鐘意叫碟菜食下...佢地既灼菜心幾好味,但有時就會失水準...但覺得唔好食既就係牛柏葉...因為個汁好似太杰喇...如果稀返d就好味好多喇

有同學生日，壽星女話聽過大榮華個名，想去試，所以我地特登入元朗吃吃的時候一直感覺都不錯，直到……我地叫左 香煎荔茸餅，上錯左旁邊枱的 涼瓜煎大腸(後來才知是另一台的)。因為都是一片蛋餅的樣子， 所以我們吃了幾口才知弄錯了。找了侍應來，她看了看，說可能是廚房弄錯了，問我們要不要再落單要個 荔茸餅 - - 跟住 後面又出左碟 荔茸碟 上黎我地枱 = =咁佢就叫我地要埋個 大腸餅 佢啦，反正我地咁多人食得晒咁我地就問係咪平d 俾我地先？佢話照原價我地：嘩！咁即係明屈我地wor其實我地心諗，佢都俾唔到第二個客，佢肯減我肯食，無謂浪費食物啦跟住我地嬲嬲地話，咁我地唔要呢碟 大腸餅 得唔得佢話：都可以既跟住件事本來就咁完啦，點知食食下到個部長黎。個部長黎到就指住枱面碟 荔茸餅 大大聲係度話：你地要碟 荔茸餅 黎錯左俾你地 wor，呢碟係 xxx (又另一個菜)，你地駛唔駛補叫返碟 荔茸餅？明明食得出係 荔茸餅 - -咁我地咪好大聲咁話返佢，呢碟咪 荔茸餅佢話：唔係呢……下刪 n 字lor！當下好嬲家啦，想罵人家啦……算之前個侍應醒一見個勢頭唔對，即刻過返黎同個部長解釋，然後之後全程同我地張台跟到足

入開屯門去埋元朗食野....4個人可以試下中菜....揀左大榮華.....叫左3送2飯一甜品....3送：- 拖地叉燒.....一上枱....嘩....仲以為叫左五花腩呀.....不過真係燒得好入味.....瘦既位係脆脆的.....下次去食(如果係怕肥膩既人)一定要記得加多句要瘦叉啦~~砵仔焗魚腸....賣相好靚....夠traditional....不過一食.....陳皮&pepper味太濃啦...可能一定要落咁多去辟腥啦~~椒鹽九肚魚...呢個好好食....炸漿唔係落得好多....d魚好juicy.....好好食~~2飯：叫左一個豬油撈飯.....豬油落得得宜其實係好好食ga~~而且用砵裝住d飯去蒸.....夠特別甜品：奶黃馬拉糕....即叫即整.....好鬆軟....好好食....一籠有8件....我食左一件....傾左一陣偈先食埋佢....凍左少少都無咁好食啦~~呢個點都要即食....唔好諗住take away 拎俾其他人試啦....要食最好既都係要即場食~~其實臨走前酒樓都有送每人一碗糖水.....紅豆沙/麥米粥.....好過一般既酒樓啦~~

朋友請食飯, 在大榮華訂了酒席聞名已久, 都係第一次黎食野人夠多, 試了好多菜色鳳肝伴拖地叉燒: 應該係帶肥肉的梅頭位, 咬走左d肥肉, 瘦肉部分仍然好稔, 蜜糖味香, 燒得啱啱好, 好味! 另附一籠包子皮, 應該是包住叉燒黎食的, 試了一塊, 中間的葉有一種淡淡的香味, 幾特別, 不過怕太飽肚, 所以只食了一塊. 鳳肝應是雞肝, 烤得太乾了點京蔥爆小海參: 京蔥爆香後很惹味; 海參比平時食既細, 口感很爽臘腸鯪魚卷: 用鯪魚肉卷包住臘腸, 炸完後切片上, 外層很鬆脆, 鯪魚肉彈牙, 臘腸為鯪魚肉增加了鮮味, 不錯紅燒翅: 一向鍾意食翅, 也不管翅的多寡了, 襯熱把高湯一股勁兒吞進肚裡, 還添食了多一碗. 味道不算驚艷, 不過合格有餘頭抽浸鳳中凰: 就即係鼓油雞, 雞肉幾滑, 可惜雞味被頭抽的味蓋過, 嫌佢太甜了點 風沙鴨: 烤焗後鴨皮挺脆, 鴨肉嫩滑, 雖用油淋過, 但入口卻唔會太肥膩, 幾好味菜心炒豬面青肉根: 唔知咩野係豬面青, 不過入口爽脆, "烚烚聲", 又幾好食喎! 豬油撈飯: 一枱女仔, 每人試了少少. 我本來唔想食, 不過一場黎到唔試又好像有點那個. 加左d豬油同頭抽,

名過其實, 今天難得有時間同女朋友去食飯, 跟住就去大榮華去試菜, 我地去得好早, 所以不用排隊, 直入就攞到位, 真係非常幸運. 坐低兩個人就開始點菜.1. 五味(肥)雞2. 頭抽香煎魚雲3. 粉絲什菜煲4. 鮑汁玉掌5. 豬油撈飯隻隻都還可以, 但係一去到豬油撈飯, 真係接受唔到油味, 唔得, 真係好大既肉燥味.雞就太肥, 同唔新鮮, 雪雞一隻粉絲太爛, 什菜有沙, 洗唔乾淨一句講晒, 好失望.....後會有期, 請呀......傳媒的故事, 都係要用自己的眼睛去引證

山長水遠去到元朗，係拎盆菜前先去元朗大榮華飲餐茶先。是次係我第二次來食了，上次食過大包同皮蛋瘦肉粥非常好味，今次一定要食。等位等左十分鐘就有位了，不過覺得等位的位置冷氣有點不夠，有些辛苦添。分配的位子是兩人位兼冷氣位，冇人搭枱又夠涼。出去即煮攤位見有各式糕點、小食，款款吸引又夠香。番位途中，見到食神滔哥同人飲茶，這次是第二次了，上次第一次來又見到，真有緣!講番食物，叫了奶黃馬拉糕、粉果、鯪魚球、滑雞扎、切肉燒賣同芙蓉蛋飯。原本想食的大包賣哂，粥就只限十一點前先有供應，有些失望呢!芙蓉蛋飯預先來到，芙蓉蛋內有蝦，洋蔥等配料一齊炒成，微微焦的蛋好香，不過食落超及咸，幸好有飯中和下，否則很難食得完。奶黃馬拉糕中間有一層層奶兼黃，蒸得好軟熟好香，不過可能不是新鮮蒸好，只是微暖的。鯪魚球我覺得最好食的，有陣陣的果皮味，食落彈牙冇腥味。滑雞扎同平時食的一樣味，不過舊魚肚好大件，吸哂汁好好味。切肉燒賣的肉不是肥肉，而且肉是清楚可見一舊舊的，不是平時的樣子。至於粉果冇食到，不過賣相不錯。總結味道好味，用料亦是較好貨色，唯一失望就冇得食大包同粥，同埋發覺好多野食係下午兩點幾已經賣清，下次要早些去食!

小弟食評絕不偏私, 好的讚, 差的稍為提點~大榮華酒樓因梁文滔先生做節目後, 便多了很多人認識, 但由於小弟本身住得遠, 所以一直無緣去試. 今次借中秋食餐飯為名, 連親戚共十五人去試呢間酒樓~酒樓第一樣要睇的是洗手間, 同一般的不同, 出奇地乾淨, 這已經加了分! 餐單應該係每月轉一次, 共有一百樣可選, 一律$52, 我們最尾選了二十幾個小菜, 搞到放到成張枱都係. 基本上全部小菜都物有所值, 唔會特登偷工減料用次貨~ 特別推介是咸蛋黃炒蒜香骨, 加左咸蛋黃真係唔同哂, 而且唔"溜"的! 另外頭抽撈飯我從未試過, 可惜吃完後才知道另外一樽是豬油, 我漏了加入去, 可惜... 蒸烏頭及煲仔咖喱牛腩亦是一絕~ 魚夠味, 唔乾; 牛腩夠腍, 咖喱唔辣, 配合得好! 馬拉糕好鬆, 做甜品一流!食物一流, 但可惜其他地方有些問題... 首先, 若果在門口接待處附近食晚飯的, 冷氣可以話係完全係冇, 周圍企著坐著不少等緊位的顧客, 這樣就有尷尬! 第二樣是員工, 態度雖未至於最差,但一定談唔上好, 有時見佢地滾水碌腳咁收碟送菜等都幾牙煙! 第三樣係太迫, 枱與枱之間位置不多, 坐得唔舒服. 食

星期六晚同朋友及她的屋企人嚟這裏食飯,5:30pm已經要上去攞飛,個部長定甚麼(穿黑色套裝的女仕)態度勁差,我們有16人以上,話要攞兩張8人枱,跟住問佢張枱係咪一齊坐,佢話唔係,你分開攞梗係分開架啦,仲問你地係咪要一齊坐,跟住話咁好難幫你安排,要睇下到時先知安唔安排到喎,如果要一齊坐就落一張14人板坐埋一齊架,跟住我個fd問佢要點攞飛,佢話咪攞一張到時先話要分開枱坐囉,激到我個fd好嬲,一d都唔helpful,因呢度book位係要兩個月前book的,6:30左右上去等,因要過半數先可以入的,咁6:30已經勁多人等住,其實原來已叫了一轉,佢地係會不停咁叫,到你有人齊為止,我地等左一個鐘先有位,因轉了另一個仕應叫枱,那個仕應就比較好,幫我地安排了兩張枱坐埋一齊,我們叫了一個九大簋餐+梅菜扣肉(芋頭好淋,扣肉沒有食唔知)+苦瓜排骨(苦瓜都不是很苦,味道都幾適中).九大簋有(不記得晒d菜名):1)梅子麵醬烏頭 - 個汁幾好,魚肉好滑,好味。2)五味雞 - 味道一般3)金蒜爆海蝦 - 好野味,我好鍾意呢個4)炒長遠-好碎,但都好味5)生抄排骨-都幾好,不會很肥6)豬油撈飲 - 幾好味及特別7)燒

24號去大榮華酒樓我地6人,拎十號醜,有半數人就可入座我地三個人等,剛半數人,另外三個,一個泊車,兩個買野等左二十分鐘,下張到我,點知俾左十一號醜,我立刻問個接待阿姐我：「我地十號醜喎！應該張桌俾我地先」接待阿姐：「人地齊晒人,咪俾佢地囉」我：「下,夠半數人就入得,尼到寫明嫁喎！」接待阿姐：「咁人地齊晒人！」我：「咁就唔好寫同講話夠半數人就入得啦！咁唔公平,咁唔洗拎醜啦」接待阿姐：..........................食物方面：XX米鴨-幾好 拖地叉燒-我尼碟係偏肥叉 正！ 雞蛋焗魚腸-無容記小菜王咁好 奶王馬拉糕-勁勁勁好味！必食！

20 August 2008其實今次係第二次食，不過同事生日話想食就食多次。有人話呢間野好食，好出名，又話要五點幾就要去等位，不過我地七點幾去到都唔使等位，可能係週中既關係啦！1)梅子麵醬烏頭 - 個汁幾好，條魚不過不失。2)鳳凰蟹肉炒長遠 - 唔得，又硬又唔香。3)五味雞 - 無乜特別，七個人都食唔晒，浪費左一半‧‧‧4)金蒜爆海蝦 - 炒得唔香5)脆皮燒腩仔 - 唔錯6)砵仔焗魚腸 - 呢個幾好食!7)炸魚云 - 差，唔掂！8)腐乳炒通菜 - 唔錯，不過好普通既野9)豬油撈飯 - 最好食都算係呢個吧

本人對於今日 (17/8/2008) 元朗大榮華之服務什感不滿。本人早於一個月訂前位, 元朗大榮華亦有於今日重復打電話給我確認有關訂位,並說明一定要準時5:30pm 12位到齊, 我回覆明白。但於今日5:30pm時, 由於元朗博愛迴旋處有交通意外, 有交通阻塞, 於是12人只有一人到達，所以交由已到達的親友親向公關明有關訂檯已有人到達已免被取消, 但當值員工不禮貌的回應說有人未到齊關訂位已經取消, 只可重新排隊等位，於是在場的親友告知此事予本人, 本人馬上打電話到元朗大榮華查詢, 最後, 第一個電話接通後只有等, 等了兩分鐘都沒有人回應, 於是再打第二個, 電話接通後轉到另一個人接聽, 但那人馬上收線, 本人再打第三個電話, 接線生明顯不滿, 於轉駁時大聲的 “唉……” 了一聲, 再轉駁到另一個人接聽, 而這人亦只是極不禮貌的對我再說一篇: “早已說明要準時5:30pm 12位到齊, 現在到不了自然要取消, 留位只有15分鐘”, 共不斷重複說著, 於是本人告知對方訂位時沒有說明留位15分鐘…” 話都沒有說完對方又重複說“早已說明要準時5:30pm 12位到齊, 現在到不了自然要取消,