大壹燒鵝 (啟田大廈)

營業中

休息中

😀大壹燒鵝 - 藍田分店#自從上次去銅鑼灣食完大壹燒鵝之後,一直念念不忘箇中味道,老公發現原來藍田都有分店,跟住就去試下,呢間分店地方够大,分兩層,光線充足,而且座位非常舒適👍#呢度食物種類更多元化,除燒味外,更有海鮮、粉麵飯、各款小菜和煲仔菜👍👍#今次我哋叫咗個超值滋味套餐$2881）足料靚湯（雞骨草煲雞腳和豬骨）：無添加味精的足料老火靚湯,真材實料,香甜可口,清熱解毒。2）第一叉燒王拼馳名明香妃雞：#叉燒非常有光澤,肥瘦適中,肉質鬆軟,做到燶邊的效果,加上香甜的麥芽糖蜜汁,香甜美味,而且帶有炭燒的味道。吃時伴着陣陣的豬油香,超好味😋#香妃雞：雞肉嫩滑可口,無雪味,有雞味,有淡淡的玫瑰露味,鹹淡適中,雞皮够薄,不用蘸薑蔥也够味。3）椒鹽鮮魷：即叫即做,新鮮炸起,非常香脆,火喉控制得非常好,炸到金黃色,外脆內軟,鮮魷厚肉彈牙,保留鮮魷的鮮味和口感。椒鹽非常惹味😋4）燒汁薯仔牛柳粒：牛柳粒醃得很入味,大大碟,加上燒汁去煮,非常有鑊氣,而且牛柳粒頗多,切成粒粒,而且夠厚身,够淋一口吃一粒非常滋味👍薯仔粒炸過,非常香甜可口；再配上伴菜的三色椒,爽脆可口,視覺上看起來已經非常吸引,色彩繽紛！*

成日經過呢間大壹燒鵝，都未試過，今日一於黎試下先。餐廳原來都幾大，餐廳一半面積特意做高半層，感廳三、四點都仲甘好多人，咁樣設計感覺分隔半餐廳既人，都幾舒服。呢度啲燒味係餐廳自設嘅工場整，即燒即賣，點可以唔試下。叫左碟燒味三拼，燒鵝、叉燒、燒雞。三款燒味都好高水準，肉質嫩滑，而叉燒好腍又香口。另外叫左兩款下午茶餐，乾炒牛河配雜果賓治同吉烈魚柳配沙律配凍O茶。呢度啲茶餐好抵食，樣樣都大大碟。整體黎講，大壹燒鵝CP 值好高。

本人就好鍾意食燒味，聽朋友講，藍田有間值得去試，咁就去咗啦！侍應既態度十分友善，至於上菜嘅速度正常！燒鵝醬汁入口唔會好鹹，唔會好淡！燻蹄，我從來未食過有煙燻味！這個真是值得讚賞！份量我覺得可以接受！希望係不久嘅將來又可以食多次！

三五好友想喝點小酒、聊點八卦，此時氣氛濃厚的的街坊餐廳，新開燒味店絕對是首選， 吹著冷氣，酒後吐心聲，即使超過10點12點也有店員喊歡迎光臨裡面請。櫥窗掛起的明爐燒鵝，見到都即刻開胃了，主打燒鵝，質素一定有保証吧。安排坐低後，睇睇餐牌，餐牌選擇好豐富除左燒味飯套餐及一系列燒味外，亦都有好多小炒小菜類。價錢亦都比樓上既餐廳經濟，無加一無茶介，但勝在有服務。入到去見到有兩層，環境很有空間感，當中有卡位好舒適而燈光都夠曬明亮，最喜歡佢裝潢新淨，用餐都好愉快。燒味三樣拼盤 $168＋$30燒鵝餐廳名都有「燒鵝」二字，就知道燒鵝係餐廳嘅名物呢。所以＋$30去轉燒鵝，當紅噹噹，去到我面前，更是散發油光極為吸引！燒鵝仲會配上一隻醬俾食客慢慢沾起來食用。燒鵝純熟精準烤製，火侯拿捏到位，外皮脆口，肉嫩芳香，絕對係水準之作，一餐給你雙重滋味。呢個價錢都算對得起呢度菜館嘅名稱燒肉就底面色澤均勻外層好香脆，入口充滿咸香味，吃落有濃郁豬肉味，肉質嫩滑，不韌、不乾。肥瘦相間分明，高質。一口咬下去，咔嚓，嗯，表皮酥脆、鬆脆，入口輕咬就有一種脆化掉的感覺。這種就對了！最喜歡就是叉燒帶點燶邊，伴隨陣陣豬油的甘香，超好吃

My families and I went to a restaurant called "Kitchen One Roast Goose "(大壹燒鵝) located in Shop 1A, 2-4 & 6A, G/F, Kai Tin Tower, 51-67 Kai Tin Road, Lam Tin(藍田啟田道51-67號啟田大廈地下1A, 2-4及6A號舖).BBQ combo set with rice noodles soup燒味雙拼湯河HKD$63The roasted goose with crispy skin , juicy succulent tender meat underneath...Incredibly affortable price!value for money!!recommended！！"Soy sauce prawns"豉油皇大蝦HKD$138..The prawns are properly deveined!!..nice seasoning.The prawns are large in size."Stir fried Bee

今次去藍田幫個客人睇風水，睇完之後重諗緊去邊到食晚飯，點知見到對面有大壹燒鵝，兩話不說入去幫襯.原因係..... 曾經幫襯過銅鑼灣店，叉燒一級掂，所以又想同叉燒約會.今次好奇怪，打開份 menu 竟然出現選擇困難症，秘書助手完全無意見而我又好多菜式想食，但肚只得兩個！最想食乳豬，點知售罄，okay，減少一個選擇煩少一個，最後點咗叉燒併燒鵝，豉椒炒蜆同松鼠魚.細細個曾經哽魚骨，唔多唔少抗拒食魚，大壹嘅松鼠魚起哂D最恐怖嘅魚骨，啖啖魚肉，外脆魚肉超嫩滑，再加上偏甜嘅甜酸汁，滿意.炒蜆除咗蜆要新鮮之外，就係蜆肉無沙，食咗半碟，一D沙都無，要俾個 like，因為我超怕食雞蛋有蛋殼，食蝦有腸，食蜆有沙.之前我都講過，依家好多燒味店，油雞燒鴨燒鵝經常出現一個現像叫"假滿足"，即係望埋去好似份量足夠，食落跟本無肉，有皮有骨係無肉，大壹燒鵝份量足，無出現假滿足，有相有真相，而且皮脆肉嫩，唔點酸梅醬已經好好味，而我亦都無點甜梅醬，俾第二個 like!人生，係要享受，要精彩，要樂趣開心，唔係要長壽，食舊叉燒都話要健康，唔要肥唔要燶，又瘦又唔甜，攪到口感硬又淡味，邊好味邊有人生樂趣㗎！見到大壹嘅叉燒，隔住塊

呢日放工去咗搵朋友打機，順便係佢屋企附近一齊食飯呢間睇落唔錯所以試吓，朋友都未試過我哋叫咗個三餸一湯嘅套餐包埋白飯同飲品，只係$288都幾抵餸菜嘅選揀都幾多我哋最後決定叫菠蘿咕嚕肉，薯仔牛柳粒同埋雙拼燒味d嘢都幾快上枱，份量都幾多賣相唔錯呢個係例湯，好清甜足料又唔會過咸𥚃面有豬肉馬蹄瓜類等等凍檸茶雙拼燒味揀咗叉燒皇同玫瑰豉油雞隻豉油雞皮薄肉質都好嫩滑，而鼓油都幾入味少少甜唔係死咸，好食！叉燒燒得焦香，肉質柔軟，肥瘦適中而且有豬肉香，有脂香味又唔會過肥加埋香甜嘅蜜汁真係好正必點推介菠蘿咕嚕肉外皮仲係好香脆，熱炳炳夠鑊氣醬汁甜同酸個比例好平衡，唔係好重茄味同醋味個種，好啱我口味而且仲要用新鮮菠蘿薯仔牛柳粒同樣好有鑊氣，好多牛肉粒而且切得較厚身食落有口感味道都唔錯薯仔都好香口又夠淋，好正！下次可以再試吓佢哋其他小炒我同朋友都食到勁飽飽

朋友平時附近理髮都係食譚X米線，明明附近甘多餐廳，梗係要試下其他野啦，一眼望去雖然係街尾，但見到大壹燒鵝既燈牌係最光亮，反正未食過就吸引左我地去食。餐牌選擇好多，但我地兩個都第一時間諗二人行滋味套餐，$288任選三餸一湯，一黎抵食，二黎節省時間。🥄老火靚湯今日係老黃瓜燉雞腳湯，非常清甜、清滋。🥄日本花菇雞腳燉螺頭湯呢外我地加左$38 升級螺頭燉湯，上菜見到用功夫茶壺裝湯，好有特色。燉湯好清，花菇螺頭味突出，而且可以保溫，飲哂D湯仲可以沾上醬料食湯料。🥢招牌即制燒味（任選兩款）我地簡左大壹叉燒皇、馳名香妃雞，叉燒有燶邊效果，食落肥瘦適中，肉質嫩滑，微甜且有炭燒香氣。香妃雞係髀位，肉質非常嫩滑，唔洗沾蔥油已夠味，估唔到燒味都做到甘出色。🥢馳名紅酒燴牛尾上碟香噴噴，肉質軟稔，肉味濃，味道較鮮甜，牛尾份量非常多，抵食啊。🥢野菌勝瓜魚湯浸魚肚雖然好想第三個餸都食肉，但食菜又點少得，材料豐富，清清地，食完甘多肉減少罪惡感。

係香港地成日都會食得到燒鴨，但燒鵝就唔係間間舖頭都有，好食嘅更加買少見少，今次就搵到嚟藍田食一間以燒鵝為主既鋪頭，做好安心出行同埋量體溫就安排入座，一入餐廳就覺得地方好大、環境好乾淨，比起一般食小菜嘅店舒服得多。嚟到呢間餐廳點可以唔試吓食燒鵝，因為我地人唔多嘅關係，所以就咁叫咗個燒鵝下庄就夠。燒鵝上枱賣相好靚，鵝皮燒至色澤鮮明，鵝肉肉味重而且新鮮，應該燒完無耐就上枱，唔會食到擺左好耐果啲霉霉地既味道，鵝皮燒至脆身，咬落口除左脆之外，仲帶有些少油脂，食落口相當滿足，配埋酸梅醬一齊食簡直絕配！除咗燒鵝掂之外，其他小菜同樣出色，呢碟豆豉鯪魚炒油麥菜鑊氣十足，菜身炒至乾身上枱，豆豉鯪魚量多，相當足料，菜身嫩滑唔老，就咁呢味餸都夠送飯！仲有叫咗個瑤柱黃金炒飯，炒飯鑊氣同樣相當十足，飯粒炒至乾身而且粒粒分明，配埋鹹蛋黃碎嚟炒，令其賣相真係好似黃金一樣，再加上瑤柱碎，令炒飯既層次感更多，讚！

見大壹燒鵝開左好多間分店，但一直未有機會試。今日難得放假，就過黎食下。位置喺藍田站附近，都幾方便，啟田對面就係。雖然佢有唔少小菜選擇，但都係叫左大壹燒鵝髀飯，$98，好吸引，招牌菜點都要一試。果然冇令人失望，燒鵝肉肥美，賣相超正，皮脆肉嫩，而且咬落充滿肉汁，帶油香之餘又唔膩。如果飯多啲汁撈就更正。另外加左老火湯，老黃瓜湯，都幾足料，降火之選。最後黎多杯凍檸茶，清涼解渴，有機會都想試下佢其他燒味～～

今日因為見客關係去到藍田區見客都已經差唔多成六七點非常之咁肚餓所以就諗住喺藍田區度食一食飯解一解肚餓天氣實在太熱本身都冇乜胃口而且附近都冇乜好食嘅餐廳忽然之間就見到呢間帶一燒鵝見到佢嘅牌面都非常之咁靚所以就入去試一試佢哋嘅餸菜而且仲見到佢哋話係新鮮喺店入邊燒製燒鵝所以就同個同事入咗去醫肚雖然呢段時候好多食肆都係冇乜客但係估唔到嚟到呢度住宅區呢度嘅等位同埋入座率就非常之咁高差唔多全院滿座可能同事一坐低之後就一定係叫佢最出名嘅燒鵝例牌叫咗下裝一份一上到黎嘅燒鵝斬得非常之咁靚唔單止佢嘅皮非常之咁趣趣博博而且仲唔會過分油膩食得出燒鵝嘅新鮮味道可能就係因為燒鵝喺店入面制作果然新鮮製作好嘅燒鵝係非常之咁好味見佢嘅小米做得非常之咁出色之後我哋叫多咗雙拼就係燒肉拼叉燒瀬粉燒肉少少肥再配上鬆化嘅外皮冇得彈個人覺得叉燒就正正常常不太出色再配合埋個粉非常之咁好食最後因為口痕方面叫多咗椒鹽豬扒揸得非常之咁香脆估唔到小區嘅燒味店都非常之咁出色值得一讚

「又係佢自己話去藍田食飯嘅, 又係佢話介紹我食一間超好食嘅燒鵝, 但又係佢話自己傷口有啲發炎所以今次食唔到燒鵝。」 呢啲內心小劇場，基本上我係由內心戲已經埋怨到出口， 但係朋友依然超有信心話其他菜式都會令我滿意。原來大壹燒鵝在食家界都有不錯的口碑， 而且都有三間分店剛好遍佈港九新界。 在「被逼」 戒口下， 選了二人套餐的大壹叉燒王 拼 玫瑰豉油雞， 金銀蛋浸時菜和菠蘿咕嚕肉。大壹叉燒王 拼 玫瑰豉油雞其實除了燒鵝外， 這裏的燒味都是出名的。叉燒因為健康因素我們要求比較瘦的， 但不代表它乾身和柴皮， 相反這些瘦肉依然能夠吃出它的細嫩， 個人覺得甚至有慢煮效果 。外表燒得剛好， 帶點燶邊， 麥芽亦都掛滿外層， 帶出肉的甘香， 肉質亦相當鬆化。玫瑰豉油雞真的帶有一份玫瑰香， 雞件本身非常新鮮， 亦都相當厚肉， 嫩滑程度爆錶， 每一啖都滲出雞本身的肉汁和油脂香。金銀蛋浸時菜炎症朋友的清淡和健康之選。撇除對朋友的怨氣， 這個浸時菜是絕對的好味。 基本上配料的皮蛋和雜菇已經調味得非常好， 尤其是雜菇各自發揮所長， 各自帶出的香味和味道令新鮮的時菜提升一個檔次。 皮蛋亦都嫩滑甘香。 整體性出色的菜式

前兩日下晝嚟買外賣燒味，除咗燒鵝，諗住想試吓佢嘅燒腩仔，點知賣晒，不過燒鵝和叉燒味道真係唔錯，所以今日再嚟，今次堂食，枱面上只有午市套餐，再問侍應原來有full menu，兩個人叫咗兩個午市燒味雙拼套餐，可以分享試齊四種燒味，一個米粉一個瀨粉，再加個小炒王和薑蔥蠔，一杯熱奶茶，一杯凍檸茶。先來飲品，凍檸茶好多片檸檬，茶色深有茶味，奶茶都唔錯，跟住嘅燒味，份量OK，燒腩仔真係唔錯，皮脆肉滑，貴妃雞都好味，肉質鮮嫩，皮薄唔多油，叉燒有少少燶邊，燒得幾好，肉質都唔錯，不過覺得太多蜜糖甜咗啲，燒鵝皮薄肉厚，感覺到好多種唔同嘅醃料，，不過四舊有兩舊都係皮包骨，旁邊加咗啲榨菜，幾開胃，兩碗粉都好大碗，質地都好好，之後嚟嘅小炒王，好大碟，好足料，不過食落似小炸王多啲，裏面好多材料都係炸，好油，材料真係好豐富，反而想佢多啲韭菜花，魚乾蝦乾實在真係太多，最後食唔晒覺得有少少嘥，最後嘅薑蔥蠔，成煲滾熱辣放上枱，大概有六七隻，蔥夠多，不過薑就少咗啲，食咗第一隻，發覺好大浸臭味，相信啲蠔係急凍，雪咗好耐，兼處理得唔好⋯⋯所以之後成煲冇郁過，侍應嚟到見到，就同佢反映，都諗住照埋單，點知個侍應話不如買過另外一樣嘢

知道啟田開左一間大壹燒鵝好似好出名，當然要一試啦！難得今日有時間可以去吃，餐廳好多人地方又大好彩都唔使等位，又有卡位坐又舒服。燒鵝飯又夠大碗，燒鵝皮脆肉嫩又夠入味燒鵝好香噴噴，燒鵝又唔會肥仲配上一些榨菜好美味。士多啤梨豬扒，真是有士多啤梨粒，仲有士多啤梨汁酸酸甜甜幾開胃，豬扒又好淋又入味，份量又大份。椒鹽軟殼蟹，軟殼蟹炸到好鬆脆又好肥美，仲有兩隻大大隻又香口好好味。跟餐轉左鮮果益力多冰，里面有一些什果加上又唔會太甜幾正。

今晚回到了藍田這裡找朋友, 來到了他樓下附近的大壹燒鵝吃個晚飯。餐廳內光猛企理, 感覺上很乾淨衛生。椒鹽九肚魚首先點了一份九肚魚作為前菜, 因為實在很久沒吃過了, 嫩滑鮮甜的九肚魚被炸至金黃色, 外脆內滑, 美味可口。燒鵝拼叉燒米粉雙拼燒味賣相討好, 份量多又有光澤, 蜜汁叉燒燒得相當不錯, 不會又乾又硬, 肉質也很上乘嫩滑, 肉汁豐富有口感, 米粉很幼身爽口, 掛湯力亦不俗。燒鵝拼燒腩瀨粉燒鵝的鵝皮燒得香脆有光澤, 鵝肉嫩滑有香味, 燒腩仔亦很出色, 皮脆肉嫩, 而且肉脂分佈平均。蒜茸炒白菜仔炒菜方面揀選了白菜仔, 用蒜茸炒鑊氣十足, 遠遠已飄來陣陣香氣, 而且白菜仔亦很新鮮清甜。凍檸茶多重茶底沖出來的凍檸茶, 茶味特別濃但卻不會澀。