大壹燒鵝 (啟田大廈)

營業中

休息中

放假去咗藍田朋友家一齊整電腦，整完唔經唔覺已經天黑，朋友請我去食晚飯，附近有間大壹燒鵝唔錯，叫我試吓。餐廳燈光通明，地方整潔乾淨，再望下廚窗也乾淨了，好多燒味包括燒鵝已經賣晒，有點失望。好在職員提點，餐廳重有小炒食，介紹我哋食二人套餐，因為重有少許义燒和油雞，三餸中可以揀燒味，其餘就揀兩款小炒。首先來個老火湯，今日係花生眉豆雞腳湯，真材實料，香甜可口。包兩個飯，軟熟有飯香。义燒拼油雞：叉燒的肉質鬆軟，多汁，香甜而美味。油雞好好彩比咗雞脾，雞肉十分嫩滑！菠蘿咕嚕肉，肉質外脆內軟 ·味道甜甜酸酸，配料用咗新鮮菠蘿，特別好味，重有酸蕎頭好爽口又開胃。椒鹽鮮魷，鮮魷厚肉好新鮮，炸得外層好脆口，鮮魷彈牙，椒鹽好惹味！配飲品有優惠，凍飲加$7、熱飲加$5。凍鴛鴦和熱華田，飲品夠香濃，好飲！

遠望有一大個搶眼招牌, 大壹燒鵝, 見到門面餐牌有好多選擇,有茶餐廳必備的沙爹牛麵常餐, 又有小菜小炒菜色, 包括中,西式套餐, 最吸晴係門口的明爐掛燒鵝, 所以就決定入餐廳, 實有一樣啱食。坐低後, 必叫餐廳招牌菜, 秘製燒味, 因我同朋友太喜愛食燒鵝, 決定叫個例牌, 仲要指定要下莊, 上枱時香噴噴, 見到鵝皮非常有光澤, 食下, 好脆皮, 鵝油超香,肉質有嚼口, 啖啖鵝肉。 另外叫了一碗燒腩仔叉燒飯$56，燒腩仔有多層肥瘦肉, 好淋, 肉味夾了少少肥膏, 好香, 燒肉皮亦相當鬆脆。叉燒較瘦, 但唔會鞋口喎, 面層還有麥芽焦糖口感, 蜜味香甜, 飯底有甜鼓油, 配上叉燒同燒鵝一齊食, 簡直要追飯食呀。而燒腩仔空口食都非常妳味。飲品叫了杯凍奶茶。

今日放假約左兩個朋友係藍田啓田商場午餐，其中一個係附近住既朋友就推介黎呢間係商場對面馬路既「大壹燒鵝」！餐廳幾夠大，樓底又夠高，卡位座位寬敞舒適，又有大電視，冷氣夠，確實係唔錯餐牌都幾多選擇，除了主打既燒味，重有炒粉麵飯及小菜，連海鮮都有，十分多元化凍阿華田，夠濃凍檸茶，有茶味有檸味熱奶茶，欣賞佢好夠熱，夠滑有茶香，不苦澀燻蹄拼叉燒配瀨粉$56瀨粉爽滑，同夠大碗腩仔拼叉燒飯$56好足料，d餸可以遮得曬個飯9成個微辣榨菜好鬼好食叉燒肥瘦適中唔鞋口夠蜜味，而且每塊都帶有燶邊腩仔都好正，皮夠脆，脂肪層適中，唔乾燒鵝例牌下庄$148燒鵝絕對對得住個招牌燒鵝肉質結實、鵝味香濃、皮脆肉滑！跟燒鵝既梅子醬亦非常出色，梅味突出，酸酸甜甜令人十分開胃！整體燒味質素確實出色

外賣燒鵝米粉，醬汁都無比，燒鵝配醬汁是常識吧腐乳通菜得通菜又無腐乳！切雞米無比薑蓉都算當我無問！熱奶茶糖又無比，無心做真係算吧啦！！！老老實實其實都比出面貴，唔明點解服務可以做到咁差，多人忙唔係藉口囉，買得外賣多數係街坊，想有回頭客都要靠街坊囉。。。

這天想吃燒味，路過藍田的大壹燒鵝，見到不用等位，隨即入座。選擇非常之多， 除了燒味以外，還有很多小炒和粉麵 。先來一碗雙拼燒味粉麵。 燒味選擇了燒腩和香妃雞。 燒腩非常香脆，肥瘦均勻，鹹淡適中。 香妃雞嫩滑可口，雞有雞味， 不需怎樣點蔥油也非常香口。本來這個是雙拼飯，不過有點熱，不想吃飯，轉為米粉、瀨粉或河粉。 瀨粉夠細滑，所以就揀了它， 也挺適合在炎炎夏日食用。飲品配了茶餐廳常見的杏仁霜， 香濃細滑。另外加了小菜，是椒鹽軟殼蟹，一客共有兩隻，即叫即做，需要稍等一回。 新鮮炸起，非常香脆，火喉控制得恰到好處，外脆內軟，保留了軟殼蟹的肉質和口感。

今晚抽起條筋想食燒鵝～呢度寫即燒即賣，自設工場！晚飯時段，唔少人等外賣堂食～樣樣都好吸引呀！ 🤤燒鵝/义燒/燒腩仔/乳豬今晚目標清晰！我要食燒鵝！下次先試其他燒味嘞～🤩巨脾，好大隻～外表色澤靚、油光閃閃～入口油香四溢，皮脆肉嫩～啖啖肉！點返碟底嘅鵝汁已經夠晒味～😋回味無窮～好食好食！另外叫咗個小菜～牛柳粒好腍～配上燒汁好惹味😋❤️今晚燒鵝任務完成！搵晚買半隻返娘家加餸先～餐廳員工服務好，會主動收碟、換碟、有禮貌！👍🏻👍🏻

難得去藍田行下，同老爹搵左一間食燒味～地方光線充足，座位都好寬闊～我老爹最怕就係坐得辛苦我哋坐卡位，可以慢慢嘆燒味～燒鵝拼燒腩仔飯 $58燒鵝咁出名當然要食啦份量好足，鵝皮唔會太肥太油膩，甜酸醬配燒鵝就最夾啦～燒腩仔皮脆肉軟，我老爹佢一陣子就食晒啦～跟餐+7有凍飲，凍檸水例牌叉燒 $128當然叫多款燒味食下～半肥瘦係唔錯嘅，好有光澤，我鍾意叉燒有燶燶地嘅脆邊～牛腩炒河 $88有牛腩、牛根，好腍滑，一點都唔硬，無渣～河粉好入味份量太多都要打包走～拍蒜豆豉泰椒炒時蔬 $78 （油麥菜）炒油麥菜，味道有少許辣，食落有香蒜辣椒特別惹味～菜夠新鮮、乾淨同翠綠～

行經藍田比櫥窗嘅燒味吸引住⋯⋯橫掂未食晏晝，入去試吓個燒鵝先睇完個餐牌決定要燒鵝下庒$148上枱未食已經好香噴噴⋯⋯個皮好脆我覺得好食過x記燒鵝下次我會試其他燒味，我覺得叉燒都唔錯，不過今日一個人食，唔可以叫咁多

周日下午4點，都要排隊今日就試吓下午茶啦！凍檸茶同凍奶茶都唔合格主打燒味梗係要試試佢啦叉燒👌🏻淋有燶邊香味 ， 合格但唔算好出色燒鵝👌🏻 皮唔脆，但肉嫩，唔算香但冇酥味油雞👌🏻 喱個位置都做到滑，但冇豉油香味，皮唔爽滑河粉份量超級多但唔滑，而且湯底根本得胡椒粉味唔喜歡整體來講可以接受但出色就唔講得上喇或者下次再試吓其他先😜

前日中午屋企人無煮飯，諗住出街搵嘢食，近近地嚟到呢間主打燒鵝嘅餐廳食個lunch～佢有午市套餐，大概五十零蚊就有燒味飯，仲有杯嘢飲🧃燒鵝飯大概百零蚊，感覺都唔錯～白切雞飯$52新鮮嘅白切雞，食落肉質幾嫩滑，調味幾好，咬落啖啖肉，食得幾滋味～叫咗雞髀都係加$10，有大大隻雞髀🍗燒鵝髀瀨粉$98嚟得呢間主打燒鵝嘅餐廳，梗係唔少得食佢嘅燒鵝啦～一大碟燒鵝，香脆嘅燒鵝皮，仲有好Juicy嘅燒鵝肉~皮脆多汁，一咬就有好多肉汁流出來，好豐富嘅感覺～因為我鍾意食瀨粉，咁啱見到佢可以配瀨粉，梗係要食吓佢嘅瀨粉～好爽口，配埋燒鵝好夾 欖菜肉鬆炒四季豆$88肉鬆炒四季豆炒得好有鑊氣～四季豆食落覺得好鮮甜，仲有好多肉鬆粒粒，幾鍾意佢嘅配搭～一大碟都食唔晒，好飽肚！阿華田脆脆加$10跟餐只需要加$10就有一大杯阿華田脆脆特飲～好靚，好值得打卡！表面有好多cream，仲有阿華田脆脆粒粒，食落好脆，叫咗少甜已經幾甜，不過好好飲～

知道屋企附近有呢間大壹燒鵝，聽街坊話呢間嘢都幾有質素既🥰就帶左屋企人試一試佢....首先啤酒用呢個大大既杯飲，老豆已經好鍾意話好爽👍藍田小炒王～有驚喜，有獲氣之餘，d份量都真係好足，我鍾意d小炒王係比較濃味及入味既，入面仲有好多海鮮仔👍 其他腰果個d配菜都好新鮮 好脆軟殼蟹仲誇張，好多隻😂炸到好脆，d蟹食落去都係新鮮個隻，因為我就食得比較重味，所以再重味d就更好，老豆就覺得好夠味啦牛尾～補品黎....煮得好入味，同埋唔會咬唔開，用黎送酒都係一流😬😬😬

想食呢間好耐，平時經過都見好多人排隊, 唔想排隊就遲遲未試, 但早兩晚經過, 見無乜人龍就去試下啦, 入到去見有兩層, 上層係有半層位, 夠開揚燈光都夠曬光猛, 裝潢都仲好新, 我地上左樓上坐, 奇怪又好似無之前咁多人咁既, 原來人少無左條龍係有原因架, 因為佢其中既招牌叉燒已經售罄了.我地叫左個超值滋味套餐, 真心抵食, $288 任揀3餸1湯, 重點係有36款小菜揀, 比起出邊好多餐廳嘅套餐真係多好多選擇。頭先叫咗兩個湯，第一個係例湯：木瓜南北杏煲唐排，唔係水了了既例湯，係足料既例湯，有瓜原隻雞腳。另一碗湯加左$38升級，轉左日本花菇雞腳燉螺頭，我叫佢功夫湯，上菜一刻見到用功夫茶壺裝住跟個功夫茶杯，已經覺得好有新鮮感，用功夫茶杯飲湯喎，真係第一次，整壺都飲到7-8杯仔，講返個味道，加錢叫呢個湯係值得嘅，燉到花菇螺頭味出曬黎，好好飲，讚啊！下次嚟到一定會再叫！燒味雙拼三選二，因為招牌叉燒已經售罄，所以我哋都揀咗兩份油雞，係髀位，雞肉夠嫩滑👍🏼小菜揀咗士多啤梨豬扒同燒汁野菌牛仔骨，兩個都好好送飯。雖然呢餐好多肉，但真係俾佢個士多啤梨豬扒吸引咗，係意外好食，豬扒肥瘦位都有，一啲都唔係柴肉

燒味舖周圍都有，但並唔係每一間都好食，而近期呢間「大壹燒鵝」係我試過唔錯。當日我純粹食個晏晝，咁就叫左燒鵝瀬粉加杯杏霜，呢個餐$58，比較大碗少少。其實睇賣相都贏左唔少，食落皮脆，又有些小肉食。我試過食一間嘅燒鵝係大部分都係皮，冇肉食。而呢間恰到好處，旁邊仲有幾條榨菜，食完唔會膩。碗瀨粉都幾多份量，對於我就剛好。另外，朋友就叫左個油雞燒腩下午茶$45，個粉會相對比我個個份量少，不過主角油雞，燒腩都不錯。油雞肉質唔算柴，燒腩仔個皮如果再脆啲就仲正。會附上各種醬汁杏霜愛好者一定會鐘意飲，呢一杯係勁濃杏味，冇咩溝花奶，擺一陣會見到一層衣。已經好耐未飲過足料杏霜，但相對會較甜。凍飲阿華田味道同平時飲嘅差唔多。如果想食個普通下午茶，呢度絕對係唔錯嘅選擇。

🥳收工約左朋友食飯😋行過見到二人餐幾吸引，一於入去試下佢啦😙-入到門口，比我感覺好乾淨同光猛👍🏻姐姐好熱情咁招呼我地🤣好好彩比我地坐到樓上嘅卡位👏🏻-二人餐有勁多選擇，總共可以揀3個餸+1個湯🤣唔計湯總共有37款餸可以揀，對於選擇困難症嘅我地都用左10分鐘黎揀3款餸😆-1.大壹叉燒王拼玫瑰豉油雞🐣（9.5/10）果然係叉燒王！叉燒半肥瘦，外面嘅麥芽糖蜜汁好香，加上做到燶邊嘅感覺，外脆內軟😍油雞的確好香玫瑰露味🤗餐廳以燒味做招徠，的確係皇牌🥳-2.士多啤梨豬扒🍓🐷(9/10)平常食開士多啤梨骨，士多啤梨豬扒都係第一次食😋餐廳處理士多啤梨汁處理得好好👍🏻食落唔會好假嘅士多啤梨味🍓豬扒食得出冇落鬆肉粉，但又唔會好韌🥳配埋新鮮士多啤梨，又咸又甜，出奇地夾😍-3.燒汁薯仔牛柳粒（9/10）🐄🐮呢碟餸色彩繽紛🥳牛柳粒醃得好入味，加埋燒汁，成舊肉都有味，而且牛柳粒淋得黎都好有咬口😆薯仔真係有炸過，食落去真正外脆內軟😛可惜嘅係，牛柳粒比薯仔份量更多！薯仔唔夠喉呀！🥲-總括黎講，二人餐份量一啲都唔少！四個人食都絕對夠飽🤣唔洗加一服務費，CP值超高👏🏻加上餐廳有提供紙巾，十分貼心❤️

依間燒味店平時都好多人排隊，今次特登嚟試吓。如果晚飯想叫小菜就會比較貴，雖然都多選擇，但係就冇燒味咁抵食，所以最後都係試咗佢啲招牌燒味燒鵝切雞飯都幾大碗，味道算唔錯，仲有啲榨菜同埋醬料跟俾你，呢個價錢算抵食燒鵝唔會好鞋，都好入味叉燒同埋薰蹄就好有驚喜叉燒係半肥瘦，但唔知點解食落去好鬆化，又好夠味，算係食過比較好食嘅叉燒，推薦大家都要試吓，我如果叫遲半步都冇埋，唔到7:30已經話賣晒薰蹄都幾好食😋食落唔會好油淋淋！個餐可以免費轉米粉或者賴粉、河粉