大壹燒鵝 (啟田大廈)

營業中

休息中

今日來藍田揾朋友，順便食下午茶，之前食過大壹燒鵝銅鑼灣分店，就同朋友黎食好掛住嘅燒鵝脾😉餐廳光猛濶落，地方大，分兩層有閣樓，樓下幾乎滿座，我同朋友坐上層😄除咗燒味，仲有小炒、海鮮、燉湯、粉麵等等，種類多元化😄我哋要咗兩份燒味雙拼茶餐，朋友想食話梅豬手，就點咗一份😄燒鵝脾燒腩瀨粉燒鵝脾厚肉大隻，脾位皮脆肉滑，無鵝羶味，一樣咁好食🤩，燒腩皮脆，肉質肥瘦均勻鬆軟，唔太鹹，瀨粉好多好大碗😋燒腩叉燒米粉叉燒濃邊帶少少肥，叉燒搽咗蜜糖，食落有汁香口，我試咗一嚿，估唔到咁好食🤩話梅豬手豬手好大碟，又大嚿，用話梅同子羗炆到又腍又入味，酸酸甜甜，骨膠原豐富，唔油膩😋餐飲凍檸茶，朋友要西洋菜蜜，我哋又要咗甜品芒果布丁，布丁充滿懷舊味道，童年回憶返哂黎😛

今日又擺工唔想煮飯，落街搵野食算，家常便飯黎講我最鍾意去我飯堂食燒鵝，餐廳係藍田啟田道近馬路，方便又易搵，今次我地2個食左燒鵝，鵝肉依然無令我失望，肉質鮮嫩又多汁，最重要係個皮燒得好香脆。另一個小菜就叫左個椒鹽九肚魚，炸得好香口，又唔係好大舊炸粉，魚肉好滑溜。之後嗌左個滑蛋蝦仁炒河，首先炒河要炒得好食已經好難，仲要條條分明，又唔油膩，滑蛋又炒得好細緻，街坊價錢食到酒樓式水準真係bonus，見到仲有其他小菜都想試一試，但真係好可惜我哋得兩條友真係食唔晒。

啟田真係好耐冇嚟，今日靚仔放假，就同佢嚟回憶下佢細細個係嚟過呢度！有一間健康院㗎，佢仲好記得添，嗰陣呢度冇咁多商場，食肆都無咁多。講到食，聽說大壹燒鵝燒味就流曬口水喇， 梗係去試下啦，佢嘅餐廳招牌菜秘製燒味 都好出名㗎。😁😁燒味三拼(例牌)$168改轉燒鵝加$30 有燒腩仔和叉燒好大碟啊！燒鵝髀大大隻，首選梗係食鵝先啦，入口啖啖肉又嫩滑肥美，鵝油超香，鵝肉結實，重好大塊鵝皮啊！😋燒腩仔細細粒細細舊，方便一口進食，入口皮卜卜脆，肉脂肪適中唔嚡，加埋芥末醬一同進食好正呀，最後食叉燒，嘩，好淋又香口 叉燒好高水準呀，滿滿肉汁半肥瘦係我最鍾意食，好香蜜味真係送飯一流呀。大壹炒飯~$60好大碟啊！炒得好乾身油香味，餸菜餡料 有九層塔，菜頭粒，肉粒大大粒，入口滿滿九層塔味，好香呀！ 又唔肥膩。(推介)飲品~凍紅豆奶茶和鮮果益力多冰紅豆好多呀，再配埋奶茶，我嘅至愛。鮮果益力多冰都好多鮮果，唔太甜，靚仔話 酸尾尾好爽下喎。😁

今天女朋友不用上班，二人一同外出吃晚餐。餐廳位於藍田站附近，交通方便。餐廳裝修光鮮，環境清潔，冷氣強勁，座位寬敞。店員有笑容，服務殷勤。青紅蘿蔔煲瘦肉湯，足料，湯味清甜，很適宜夏天飲用。豉油雞色澤均勻，雞肉嫩，雞味濃。叉燒是採用五花腩，脂肪部位甘香，瘦肉部份肉嫩多汁，帶甜味。蝦仁炒滑蛋，蝦肉彈牙，炒蛋剛剛熟，口感滑，帶少少咸味。芥末牛柳粒，賣相美觀，牛柳粒香口惹味，口感不柴，芥末醬汁美味。總結：食物美味

叫左一個义燒米粉，凍檸茶米粉類似新竹米粉，ok嘅。之前都有叫過懶粉，都ok口感適中，爽而不硬有伴炸菜幾好。湯係有少少胡椒味不錯，可能係魚湯，略嫌少鹹到主菜义燒，應該都算係五花腩黎，食左3舊正常之後，點知其餘個5舊，口感異常奇怪，睇落似瘦肉，食落去有肥膏同霉爛肉嘅口感，完全食唔到。 一直都冇食堂食，都係正正常常，最多係肥膏多都算，豈碼可以揀啲大瘦肉食。 但今次竟然係食到霉肉口咁。 真係餐廳外賣10間9間都中伏，唔係俾錯左就係俾啲下欄料你。 認真係無話好說

朋友啱啱搬咗去藍田，去完新居探訪之後，佢提議到附近食燒味。原來嗰間係大壹燒鵝，之前食過銅鑼灣店。但藍田店原來有埋小炒小菜。而我哋兩個人就叫咗個$288套餐，好多嘢食好抵。套餐包括白飯及例湯，燒味雙拼，跟住再可以揀兩個小菜。我哋揀咗半肥瘦叉燒拼油雞，小菜就揀咗紅酒會牛尾同埋瑤柱海味雜菜煲。今日個例湯係老黃瓜，正常嘅餐廳水平。最快上枱嘅當然係燒味雙拼，油雞俾咗雞髀我哋，唔錯。半肥瘦叉燒果然做到半肥瘦，仲有少少燶邊，鹹甜味適中，而且又捻，肥膏都有少少爽口，好好食。紅酒會牛尾嘅份量大到你唔信，酸酸甜甜幾開胃，而且牛尾炆得好入味，配菜例如蕃茄西芹洋蔥都好味，送飯一流。最後嘅瑤柱海味雜菜煲又係份量超大，瑤柱絲份量都唔少，雜菜就每樣都有啲，而且個湯底又唔太鹹，咁樣清清地平衡返其他餸嘅油膩，食多啲菜都有益。最後每人加$7仲有杯凍飲真係抵到無話可說。

𝒞𝒽𝒾𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝐿𝒶𝓂 𝒯𝒾𝓃餐廳環境光猛乾淨，見有枱客啱啱走左，執左枱，下一枱客想坐落去，個𝘴𝘵𝘢𝘧𝘧 秒速衝過去話要消毒枱面先🧼好欣賞佢既態度呀🥰🌟燒鵝脾乳豬🐖雙拼飯 𝗥𝗼𝗮𝘀𝘁 𝗚𝗼𝗼𝘀𝗲 𝗧𝗵𝗶𝗴𝗵 𝗮𝗻𝗱 𝗥𝗼𝗮𝘀𝘁 𝗣𝗶𝗴𝗹𝗲𝘁 𝗥𝗶𝗰𝗲 🍚 ($𝟭𝟮𝟴)落單時知道無乳豬會轉燒腩仔，上菜時勁靚，燒鵝脾砍得好靚好肥美，皮脆肉滑，燒腩仔好脆🤣仲有少少炸菜絲添🤪🌟叉燒燻蹄河 𝗕𝗕𝗤 𝗣𝗼𝗿𝗸 𝗮𝗻𝗱 𝗦𝗺𝗼𝗸𝗲𝗱 𝗛𝗼𝗼𝗳 𝗙𝗹𝗮𝘁 𝗥𝗶𝗰𝗲 𝗡𝗼𝗼𝗱𝗹𝗲 ($𝟱𝟲)𝘖𝘷𝘦𝘳𝘢𝘭𝘭 𝘥 燒味半肥瘦好好味，不過有𝘥 擔心點減肥🤕️🤕️🌟紅燒北菇豆腐 𝗕𝗿𝗮𝗶𝘀𝗲𝗱 𝗠𝘂𝘀𝗵𝗿𝗼𝗼𝗺 🍄𝗮𝗻𝗱 𝗧𝗼𝗳𝘂 ($68)唔想全餐都係肉，所以叫左個豆腐，個賣相好靚😄清清地唔會太濃味，好似家常菜既味道😆😆隔離枱好似叫左個啫啫通菜煲🍲，見上菜時喳喳聲好有氣勢，聞落都好香，睇落又好大份，好吸引下次可以一試😄📍 大壹燒鵝 𝐊𝐢𝐭𝐜𝐡𝐞𝐧 𝐎𝐧𝐞 𝐑𝐨𝐚𝐬𝐭 𝐆𝐨𝐨𝐬𝐞藍田啟田道51-67號啟田大廈地下1A, 2-4及6A號舖

今日去藍田探個朋友，然後一齊食個晚飯，朋友喜歡晚飯小菜，《大壹燒鵝》是一個好選擇。店內地方整潔，尚算闊落，大部份是卡位，另外上半層有圓枱。店員介紹"超值滋味套餐"，招牌足料老火靚湯(兩個)~今日係木瓜豬骨湯，清甜。燒味雙拼，大壹叉燒皇及香妃雞~叉燒皇非常出色，採用梅頭既肥美也好軟淋，味道一流；好好彩呀，香妃雞有隻脾，雞肉嫩滑，唔怕邪惡，可以一嘗雞皮，好滑。仲有兩個惹味小炒，我哋揀咗：野菌勝瓜魚湯浸魚肚~魚湯好清甜，勝瓜爽口，魚肚大大塊，其他配菜包括鮮冬菇、秀珍菇、芹菜及甘筍。蝦仁炒滑蛋~嘩！有好多隻蝦仁，大大隻且好爽口，熱辣辣蔥花炒滑蛋，正！白飯(兩個)跟餐加$7有凍飲，加$5有熱飲~成個餐份量都好足料，大家食到飽飽。

今晚去到藍田打波，朋友推介大壹「燒鵝」，朋友形容晚晚準時7點出現人龍，大約等10-15分鐘，街坊都好支持就「知佢咩料」店內有兩層，地方都算幾大，裝修非常奪目，店內乾淨企理，一洗傳統燒味店印象店內掛多隻黑棕鵝風乾，一睇就知燒鵝係必食牆上有店主得獎相，有業界肯定打開餐牌，平均$50一碟燒鵝飯，中等價錢但質素甚高，但今次人多食飯，我地叫小菜加碟例牌燒鵝燒鵝 $148/例牌 （下庄）燒鵝下庄出名肥！但黑棕鵝唔會有一層厚脂肪，鵝肉亦都無羶味，做到皮脆肉滑，燒鵝髀唔肥又香口，大家都十分滿意燒鵝！臨走聽到下庄售罄，睇黎下庄都好受歡迎咕嚕肉 $88咕嚕肉絕對係中菜界掦威海外「名物」，咕嚕肉酸甜適中，上碟時皮仍然脆口，估到燒味店都炒出有水準咕嚕肉蝦乾銀魚仔上湯浸時菜 $78蝦乾銀魚仔足料，湯底有蝦乾銀魚仔鮮甜味，菜唔會太油太咸燒鵝同小菜非常出色，難怪朋友誠意推介menu

今天在啟田附近辦點事，順便在藍田吃晚飯，發現這家大壹燒鵝好像不錯，就來試試水準。環境有別一般的燒味店，裝潢有花心思，乾淨企理，平日晚市七點後已經全院滿座，記得要早點來。一入座就發現有二人套餐，有燒味、老火湯、白飯、及自選兩餸，簡直賣大包。花姑雞腳燉螺頭湯加了$38升級燉湯，以原個功夫茶壺燉煮，一呷鮮香十足，回味悠長，喝一口馬上感到潤燥滋補，真材實料絕無味精。叉燒拼豉油雞跟餐的燒味份量仍然不少，油雞幸運地是雞脾部位，雞肉嫩滑，特別醇厚和味，滲透骨肉，吃來有齒頰留香之妙，而特別要求的肥叉又是一絕，肥瘦相間的腩肉，蜜汁焦香腴美芳縈齒頰，肉汁豐盈，甘腴可口。藍田小炒皇爆炒韭菜清香脆嫩，用料大足，有鮮蝦、魷魚、蝦乾、炸芋條等，透發出奇香和非凡冶味，帶點微辛更是妙趣所在，鑊氣十足，但必須趁熱吃，油而不膩，賣相亮麗，色香味質盡皆佳妙。話梅炆豬手豬手份量同樣十足，有豐富的骨膠原，以子薑及話梅滷煮入味，軟而不爛，油香豐富，醬香馥郁，酸、甜、鹹味平衡，味道融和，而且稀稠寬緊合度。跟餐飲品大熱天時加$7有杯凍飲，十分消暑。

閒日排咗10至15分鐘有位，平日都咁滿座，證明食物肯定唔錯啦，原來裏邊有個$288，一碟燒味，兩個小菜，兩個湯，兩個飯，所以非常抵食叉燒油雞：都好好味椒鹽鮮油：唔錯士多啤梨豬扒：酸味味好好食另外散叫呢碟都好好食，個名唔記得散叫什菜煲：呢煲好食佢兩碗飯都好大碗，湯清清哋唔錯，食咗呢餐飯返到屋企都唔會口喝，應該味精唔太多

係藍田探完親戚之後，咁岩就搵依一間大壹燒鵝試下佢地晚餐🤗一入去就見到盡頭掛住一隻隻嘅燒鵝，真係都幾有氣勢架😛講返野食，今次就叫左佢地既二人餐，個餐包左一個燒味雙拼，兩款小菜，兩碗湯及飯，真係100分抵食呀！😛1. 燒味雙拼（貴妃雞拼玫瑰豉油雞）原本想叫佢地既招牌嘅叉燒，好可惜我黎遲左一步，叉燒已經賣哂😭😭店員之後都推介不如試下豉油雞拼白切雞，點知黎到十分有驚喜！竟然係兩隻雞脾，仲要砌到好似心形咁靚❤️豉油雞十分嫩滑啖啖肉，豉油唔係死鹹，高質！以為白切雞係平平無奇，點知佢嘅皮帶有鹹香，更加食得出濃濃嘅雞味😋2.芥末牛柳粒見到個賣相以為係好攻鼻，點知都食落個唔算太難入口，仲愈食愈過癮，牛柳粒份量都幾多，十分推薦！3.藍田小炒皇依間餐廳竟然咁大膽叫依款餸叫藍田小炒皇，但估唔到真係唔係浪得虛名，好夠鑊氣，份量好多好足料，除左有爽脆既韭菜絲外，仲有風味十足既魚乾，送飯一流呀👍👍如果大家有多d人黎食，晚市除咗有依個二人餐之外，佢哋仲有其他鑊氣小菜，總有一款岩你口味架！

燒鵝萬歲🦢1. 大壹燒鵝 下庄 $148一上枱從個賣相都覺得唔錯了 燒得好靚 色澤均勻 咬落皮脆肉厚 中間仲有層肥美嘅肥膏 啲鵝油一咬就必哂出黎 滲透口腔每個角落 明知係邪惡 但係都忍唔住好想食多幾舊2. 椒鹽鮮魷 $98呢個鮮魷都相當出色 炸到金黃 十分香脆 入面嘅魷魚肉好肥厚 口感彈牙爽口 再加埋啲椒鹽 十分惹味3. 金銀蛋浸時菜 $78叫左雜菜 所以有生菜 菜心 白菜 西蘭花 菇菌 熱辣辣上枱 味道都唔錯 清淡健康Overall推介指數：4-4.5/5嘢食水準幾好 而且每碟份量都幾大 都幾抵食 如果阿媽唔得閒煮飯落黎食都幾開心

今日去開藍田，晚飯就係個邊搞掂埋佢。行經大壹燒鵝，都幾多人又有小菜又有燒味，就入去醫肚。叫了一個套餐，包飯，湯，三小菜。加五蚊可有熱飲。有成三十多款小菜揀😍老火湯足料，有雞有肉有紅蘿蔔，唔油膩，熱辣辣，唔會死鹹個隻，返到屋企都唔會好口渴。燒味點了豉油雞拼叉燒。好好彩有整隻雞髀😍😍，皮脆肉嫩好juicy, 叉燒都不錯，唔會又硬又乾。藍田小炒皇有炸芋條，紅黃椒，韮菜，魷魚，帶子粒，銀魚仔一齊炒，銀魚仔炸過後非常香口又帶咸香，好惹味，都好啱送飯。野菌勝瓜魚湯浸魚肚燒味小炒都有啲乾，叫番個魚肚可以平衡番。魚肚份量都多，如果煮得淋啲可以索個魚湯會更好。勝瓜爽甜又冇渣，索左湯汁好滋味。最後再叫番杯熱鴛鴦同菜蜜，舒舒服服坐多會😊 每人埋單都係百五蚊，食到好飽。服務員服務非常好，親切有禮，值得一讚。

今日跟同事在藍田完成工作後，已比較夜，故食埋晚飯先回家。我很想食燒味，佢又想食蒸魚，見大壹燒鵝除了燒味外，還有海鮮、小菜、粉麵飯….，價錢又實惠，於是就入去進餐啦！我地叫咗貴紀雞轉髀併叉燒瀨粉，燒鵝髀瀨粉同薑蔥魚雲一齊分享，加多一杯凍檸茶同熱奶茶。燒鵝髀飯真係冇得輸，鵝髀皮香酥光亮， 肉質入味肥瘦均勻，食落有油香多肉汁，點埋佢哋嘅酸梅醬, 真係好好味😋。今次叉燒比較肥，蜜汁夠濃密，肉質鬆軟，同事話正。雞髀🍗肉質非常滑，皮下脂肪唔算厚，咸味適中，配上薑蓉更惹味。瀨粉爽滑晶瑩通透。豉汁蒸魚雲，魚雲上鋪滿豆豉同辣椒，最重要係新鮮好滑溜。喜愛食魚雲的人一定要點黎食。