150
5
3
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
食家推介
來到藍田大壹燒鵝就食個燒味先，地點非常方便中午時間很多人排長龍餐廳有多層座位，而且環境同座位都一樣舒服門外餐牌有hk$288的二人套餐認真抵食可任選三款小菜，包括燒味雙併，有白飯、例湯。油雞燒腩仔河粉燒腩仔肉質地肥瘦適中腩仔皮燒到脆卜卜更有黃芥末醬，非常之美味叉燒燻啼飯蜜汁叉燒軟腍半肥瘦，帶點咸同肥的比例較多燻蹄都夠爽口，不太乾身剛剛好皮肉適中豉椒牛肉炒河來到好香好有鑊氣香味，豉椒汁同河粉吸收一齊好惹味而且牛肉都好多片，份量真多更色香味俱全食到停唔到西炒飯夏天食西炒飯仲滋味，入口酸甜開胃。炒飯有豐富材料有蝦、火腿、、菜心粒、提子舖面油雞燒排骨飯油雞肉質夠嫩滑，更是皮薄 燒排骨有好香燒過的香氣入口咬下去好有肉味香濃所以飯、粉既份量真的夠飽肚店內而且仲好旺場大壹燒鵝 (啟田大廈)藍田啟田道51-67號啟田大廈地下1A, 2-4及6A號舖
繼續閱讀
不知不覺，原來上次嚟藍田，差不多係兩年前嘅事..... 上次嚟係幫人睇風水，佢介紹咗個街坊俾我，今次上嚟係幫個街坊係匯景花園睇風水，女友小熊亦係鰂魚涌收工，於是收工就 join 埋過嚟同我一齊食飯，上次幫襯過大壹質素唔錯，所以成為不二之選.去到門口已經排哂隊，好彩唔洗等太耐，佢地唔止堂食要排隊，眼見外賣都唔少，咁就更加無伏味啦!可惜遲咗一步.... 我嘅大愛叉燒已沽清! 即刻快快脆落單，慢一步連燒鵝都賣哂，油雞燒鵝雙併，椒鹽鮮魷同鮑魚菇扒生菜，快!椒鹽鮮魷屬於高質水平，除咗外層香脆，外相都好 colorful，而且鮮魷厚身之餘彈牙又唔韌，滿分啦....燒鵝皮脆之餘仲有少少餘溫唔係冷冰冰，食落更有口感，油雞肉嫩多汁 Juicy，重重重點係我最愛嘅蔥油味道唔會太鹹十分惹味，蔥粒顏色亦鮮綠已經好吸睛，單單蔥油已經爆 like!鮑魚菇扒生菜係驚喜，自己本身唔太中意鮑魚菇，食過幾次口感總係有DD韌，今次想叫北菇但講錯咗鮑魚菇，口感一丁點韌都無，同自己食開嘅韌口感完全唔同，冧身又入味之餘! 茨汁係令到哩碟小菜滿分嘅主因，茨汁超惹味但唔係蠔油又唔係鮑魚汁，好想知哩個係咩汁想試吓自己煮出嚟.我地坐近燒味出菜位，餐飯都未食完，已經聽到廚房大嗌所有燒味賣哂沽清，但仍然不停有新客走入舖頭問仲有無叉燒，另外門口不停有人排隊等位，睇怕下次要早D嚟先食到叉燒.
繼續閱讀
今日要去藍田開工，食lunch見到呢間餐廳門口d燒味好吸引就同同事入去試下😋1️⃣大壹燒鵝河粉燒鵝肉質好嫩滑，鵝皮好薄，唔會連住好大舊肥膏，河粉係偏爽口，唔會痴埋一pat,湯底香濃但唔會好咸，配埋辣椒油超正👍🏻👍🏻2️⃣油雞叉燒瀨粉叉燒真係超好食，外皮燒到少少燶，咬落口好香之餘個表皮d糖係會痴牙😍😍😍，然後肉質係肥瘦相間，咬兩下就好似係口到溶左禁，係我暫時食過最好味ge 叉燒💗💗💗油雞d肉都好嫩滑👍🏻3️⃣貴妃雞叉燒瀨粉貴妃雞皮夠薄，唔會好多肥膏，雞肉🐓嫩滑，蔥油應該係自己整，d蔥好大粒，唔會好咸，配埋雞一齊食好正😋瀨粉彈牙，浸左一陣都唔會變淋，好好味😋呢到所有熱飲都用黑白牛杯，雖然檸茶茶底有d苦，但真係好鍾意隻杯，好靚😍總結：以lunch來講，$60來蚊食到燒味已經算抵，仲要禁高質真係好難得，下次會再去藍田一定會再幫襯👍🏻
繼續閱讀
每次做嘢行過，都忍唔住要入去食個咖喱飯。呢間茶餐廳，乾淨企理又光猛，無論普通卡定卡位仲有軟墊，要食過高質素快飯必選之地。咖喱牛腩飯個餐熱辣辣送上枱，咖喱香氣四溢，牛腩炆得超淋，加埋薯仔、洋蔥、青椒等配菜，送飯一流，食完成個人好滿足！
繼續閱讀
今晚同屋企人去行下街順便食埋晚飯，嚟到藍田地鐵站附近的大壹燒鵝。晚餐時間有晚市套餐，三餸一湯跟白飯二碗都只係$298，平過自己買餸煮飯，好抵食！一落完單，兩碗老火湯已經送上，湯好足料，有滿滿的青紅蘿蔔和豬肉等材料。椒鹽鮮魷，新鮮炸上送上枱時仲熱辣辣，魷魚炸到好酥脆，魷魚質感完全唔鞋口，配上椒鹽更惹味！燒汁薯仔牛柳粒擁有濃郁的燒汁味道，，炒得好有鑊氣，三色椒爽口，薯仔微甜，口感豐富，而且份量多性價比高！金銀蛋浸時菜，時菜揀了菜心，菜心新鮮配上上湯味道不錯！套餐可以優惠價加配飲品，而且份量多十份足料！
繼續閱讀
您可能會有興趣的...