大壹燒鵝 (啟田大廈)

營業中

休息中

在藍田將軍澳隧道剛放工，打開Wolipay 見到附近有間幾吸引的燒味茶餐廳，和同事去試一試。店舖範圍都幾大，有兩層，地方寬敞得來又乾淨。店員亦非常有禮貌又殷勤，會和我們說那些菜式好吃，很有親切感呢！【大壹燒鵝拼叉燒瀨粉】當然要試試這裏的大壹燒鵝，選了蜜汁叉燒雙拼，燒鵝皮脆肉嫩，脆皮下有一層薄薄的脂肪，肉質又夠鮮嫩，很重鵝肉味，和瀨粉夾著一起吃，非常正！叉燒半肥瘦，咬落去濃濃的蜜汁香甜味，又有油脂香，同樣非常出色！【椒鹽九肚魚】九肚魚炸到脆卜卜，炸粉比較厚身，中間的魚肉軟綿綿，真是雙重口感刺激味蕾，不過點的是喼汁，我較喜歡甜醋。【蒜蓉炒油麥菜】店員推薦油麥菜，配著蒜蓉炒很入味，本身油麥菜又爽口，不易索油，可以中和一下燒味的油膩。【紅豆冰】紅豆是一半一半起了沙，配燒鵝瀨粉一流。

今天早餐和午餐都在家吃，晚餐則出外吃。食肆位於藍田站附近，內部裝修新，環境清潔，座位舒適，內有閣樓。二人晚飯套餐288元，不收加一服務費，三餸一湯再加白飯，餸菜碟頭大好飽肚。粉葛瘦肉湯，深啡色，粉葛味濃，湯水清甜。大壹叉燒王，是採用五花腩的，外層燒得很香，入口甘香，甜味適中。豉油雞，雞脾皮滑肉嫩，惹味。白飯飯粒分明，軟硬適中。西蘭花炒蝦仁，賣相美觀，蝦肉彈牙，西蘭花新鮮爽脆。菠蘿咕嚕肉，豬肉外層脆，內層軟，配料有菠蘿、無花果、蕎頭、青椒等，醬汁酸酸甜甜，十分滋味，值得推介。總結：中式小菜，份量大，味道美。

由細食到大 👶🧓🧑‍🦰香港人摯愛的燒鵝和义燒，今晚想回味一下，於是相約街坊朋友去了這間餐廳開飯😜樓高2層，設有很多4人及2人卡座，亦有幾張大枱，可供一家大細坐，餐廳比起酒楼，至少慳了茶錢和醬油錢，而且不用加一，豐儉由人，大家自己選擇吧😁打正招牌燒鵝 Number ONE🦢 , 咁緊係要叫隻鵝脾試下，我最鐘意吃脾脾位置😋貪佢活動得多，肉質零捨有彈性㗎👍😝果然名不虛傳 🏆🥇🏅先睇個外貌，層皮光澤到吖，真係要趁熱咬，皮薄而脆，認真正💁鵝肉比鴨肉密度較高 🦢正因如此較結實，並更富彈性👍😉皮下脂肪雖然較多，但脂肪含量是較低的，可謂是好脂肪，偶然食下，不需存有罪惡感呢😄識食緊係要吃半肥瘦义燒啦🥩🥓想起都流哂口水😛嗱，有圖有真相，五花腩清楚有5層，咬落層次分明，肉質鬆軟，一咬即溶🤗個燒汁都係靈魂關鍵 💞味道啱啱好，甜味及咸味都掌握到，它也把整舊义燒變得亮麗起來，呵呵，乜甘似我早上化個靚裝，真係當堂醒哂🧏花菇雞脚燉螺頭🫖很可爱🥰 用小茶碗器皿🫖盛住熱湯，倒入小茶杯内，店家很細心，付上一塊隔熱布，因為紫砂茶壺是很耐熱的👍😘不要小看小茶碗，竟然內藏大大隻冬菇🍲雞腳和螺肉, 足料，兼且湯很甜美，清燉嘅效果,

今日喺藍田啟田邨附近見到大壹燒鵝新開張，就第一時間就去試試，其實之前都試過馬鞍山嗰間，記得都好好味。今次order咗大壹燒鵝髀瀨粉、燻蹄拼叉燒飯加鹹蛋，再叫咗蒜蓉粉絲蒸開邊蝦。燒鵝髀真係冇得輸，咬落去就feel到好juicy好多肉汁。燒鵝髀皮質又超香脆，鍾意食鵝嘅朋友會食得出大壹燒鵝特別美味。叉燒燻蹄飯就用半肥瘦叉燒，而且肉質脂肪比例分佈平均，面頭嘅蜜汁今叉燒更好味，燻蹄點埋個白醋食同樣令我回味。 開邊蝦就絕對值得推介，d蝦又大隻又夠新鮮，加埋蒜蓉食絕對令人想一隻一隻咁食落去。而最緊要底層嘅粉絲，索曬所有嘅鮮味，撈埋飯食我就最鍾意。

呢間燒味喺馬鞍山好出名，成日排長龍～～佢跳出馬鞍山，喺藍田同銅鑼灣開咗，所以要去試吓餐廳都好大，有兩層，菜式除咗燒味，仲有小菜、煲仔菜、海鮮、西式扒飯等～～大壹燒鵝- 例牌-下庄（$148）招牌燒味，兩點未到乳豬，燒肉已經賣哂，好彩仲有最出名嘅燒鵝😋 食。燒鵝髀好大隻，滿有光澤🌟，肉厚又軟腍，肉汁💦多到吱出嚟🤤燒味雙拼飯：貴妃雞髀拼叉燒（$56+12）貴妃雞髀肉夠嫩滑，叉燒半肥瘦，蜜汁🍯肉汁滿溢，烤得外脆內軟。乾炒牛河（$60）炒得好夠鑊氣🔥，乾身又唔太油，河粉唔好炒到散哂，又唔會黐埋一齊，整體仲好夠味。牛肉好大塊又好腍😋

Work from home放lunch求其落屋企樓下買外賣食，見呢間新開張試下，嗌左個下午茶燒鵝叉燒瀨粉 $50，叉燒有燶邊我幾鍾意，但個燒鵝好鬼乾，啲肉好”鞋”。間野個名叫大壹燒鵝，但竟然失手...

今日經過大壹燒鵝，唸起住在藍田的同事介紹過呢度嘅燒鵝很正，行過見到就唔好放過，於是進入店品嘗下至得。#燒鵝髀併叉燒瀨粉鵝髀皮酥光滑，食落皮脆有油香肉質結實多汁，連平時唔食皮嘅我都唔捨得要食埋佢，點埋佢哋嘅酸梅醬, 真係不得了。叉燒半肥瘦，肉質鬆軟，密味十足，瀨粉晶瑩通透，很爽滑。#香豉豆卜蒸魚雲魚雲上面鋪左好豆豉、辣椒、蔥同香芹菜，食落辣度剛剛好合晒我口味，魚雲新鮮好滑溜。加$11有杯特色飲品，我點選了紅豆冰咖啡，第一次飲，味道都唔錯！見隔離枱見左個2人晚餐，份量都大很抵食，真係好過上酒樓😘。（起碼唔使加一）

藍田食黎食去都係個幾間，見到呢到開左間新嘅就試下，屋企人話呢間馬鞍山分店經常排晒長龍，今日黎試下，意外地驚喜，環境乾淨整潔，食物份量多又好味，而且2樓都有幾張大檯，以後唔洗去其他地方食大排檔，一家人直接樓下呢間就得😂我地叫左呢個晚市套餐，有3餸一湯+2碗白飯～一人一碗老火湯，味道唔錯，唔會好鹹，飲完唔會口渴，唔覺有落味精。燒味係呢個套餐必叫的一道菜，話晒呢間野都係食燒味最出名，我地叫左叉燒+醬油雞🐔 叉燒係半肥瘦，完全不會膩，加上叉燒汁，送飯一流～醬油雞剛好係雞脾位，雞肉係真心嫩，雞皮薄冇肥膏，非常好食～值得再黎食👍燒汁薯仔牛柳粒一食個牛柳粒，即刻叮一聲，估唔到呢到整得咁好食，有鍋氣，外面有d焦香內裡肉質好腍，好食👍椒鹽鮮魷呢碟份量好多，係一般大排檔的1.5倍份量，抵呀～炸衣係薄薄的一浸，覺得冇咁熱氣，個喼汁似係佢特登調過，不過我都係鍾意就咁食，都已經好食～

藍田難得有一間燒味茶餐廳開業，身為街坊當然要去試試。「大壹燒鵝」有一般茶餐廳，小菜館的食物外，更有即日新鮮燒製的燒味可供選擇。街坊又有口福了！大壹燒鵝飯 $58  (雙併-加叉燒  加$5)廚房的櫥窗掛了一隻隻未上色，未燒烤的鵝，證明這裡的燒味是店內新鮮即燒的！比起很多大集團在工場預先製作有誠意得多。燒鵝外皮油油亮亮，薄薄的一片，入口相當鬆化香脆，有油脂香。皮下脂肪不多，不會太過油膩。鵝肉香軟嫩滑，完全沒有羶味, 有淡淡的香料味,不用蘸酸梅醬也已夠味美。想不到一間街坊燒味茶餐廳也有如此的水準，令我喜出望外！叉燒有燶邊的效果，吃下去，邊位果然好香脆。叉燒肥瘦相間，肉質鬆化不會「柴」，又不會爆油。雖然顏色比較淺，但滿口都是麥芽糖的微甜，而且有陣陣炭燒的香氣。怪不得是餐廳人氣之選，未到七時半已經售罄了！是晚能吃得到是幸運。不論燒鵝或是叉燒也是暖烘烘的，份外好吃。除了燒味，餐廳其他小菜也頗有水準。柚子蝦球  ($98)薄薄的炸粉包裹著大蝦，空氣感重，口感有點像脆麻花，咬落去嗦嗦聲。蝦球大大粒，爽口彈牙，沒有雪味。與柚子蜜同炒，酸甜醒胃，更能減低油膩感。金銀蛋浸時菜   ($78)本來想吃莧菜，

▶️一直想試佢嘅早餐，之前早餐嘅評語麻麻地，今次難得早起身可以一試🤩沙嗲牛肉公仔麵🍜沙嗲牛肉比得好足料，成日覺得啲茶記畀得兩三嚿沙嗲牛肉令到個湯完全唔夠味🥴，佢夠曬味好正😋，有d似串燒嗰隻沙爹醬，甜甜辣辣🍬🌶️，幾好食👍煎午餐肉炒蛋配多士🥚🍞炒蛋🥚唔算滑，但有啲蛋味；午餐肉正常，欣賞佢唔會好油但都煎得香；塊多士高質，甜甜地，好鬆軟😋😋熱咖啡☕正常茶記咖啡，不過偏苦⚛️聽聞之前老闆換咗批早餐廚，咁嘅價錢比咁多份量嘅沙嗲牛肉同埋塊多士唔係平價白麵包，都真係幾好，以後早午晚三餐飯堂都可以喺呢度😆

原來藍田食茶記都有品質高而且環境優雅嘅選擇，裝修輕奢風格，晚餐可以選擇套餐或者單點小菜，都好實惠。今次我就選擇咗三個小菜，加碗飯，磅飯都好大，兩個人都夠食，如果套餐就可以配埋嘢飲。燒鵝色澤紅潤有光澤。皮脆甘香，肉质软嫩多汁，連擺盆都有心思，加分。黃金蝦肉滑爽甜，蛋黄鹹香嘢味，蒜蓉通菜青綠柔软，夠鑊氣，味道啱啱好。可以加個通菜，炒得好翠綠，好味😋連二樓都有座位，整體來講都好推薦，服務都好好，可以再嚟👍🏻

屋企附近開咗呢間叫大壹燒鵝嘅餐廳，見都幾多人幫襯，就嚟試下佢嘅燒鵝係咪真係咁好食。其實我食過好多出名嘅燒鵝，都冇邊間食完好想返轉頭再食。但係今次我發現呢間嘅燒鵝又幾好食。嗌咗個燒鵝髀飯（其實比普通燒鵝飯貴咗$40）， 但好值，燒鵝髀真係又大隻又多肉，睇見都非常之開胃！燒鵝髀皮脆肉嫩，我食得出八角同好多香料嘅味道，覺得個醃料應該都幾足料，同埋佢嘅鹹度係啱啱好，唔係死咸。最欣賞係個皮食落甜甜地，但又唔係平時叉燒醬嗰種甜，真係好好食。大概夜晚八點幾，轉頭已經聽到話所有燒鵝都賣曬，隔離好幾枱嘅人啱啱先嚟，已經冇得嗌燒鵝，所以大家要食一定要早啲嚟。除咗燒鵝正，另外我要再讚嘅係避風塘軟殼蟹。見餐牌有個避風塘系列，突然之間好想食，嗌咗避風塘軟殼蟹，兩隻138蚊。因為我係兩個人嚟食，諗住一人一隻啱啱好。點知上碟時候發現超大盤，原來係比我想像中嘅軟殼蟹大，一開二都好大隻，我諗係夠四個人食，件件都半隻手掌咁大，覺得超抵食。仲有非常之多嘅炸蒜，真係估唔到屋邨有咁地道嘅避風塘蟹食。熱辣辣脆卜卜，好香口，但要有心理準備真係幾熱氣！餐牌上見倒一個菜式的相幾特別-士多啤梨豬扒，覺得應該係特色菜就嗌咗。鍾意食士多啤梨

▶️一直係藍田都無乜茶餐廳，我本身係好鍾意食茶餐廳😋之前食開大少，點知執咗，依家喺大少原址開，緊係要試下🏃燒鵝飯🍖🍚份量好足，唔會剩係得骨，都多肉，剛好比到肶位🍖😍皮小脆，肉唔會梅同淋，有咬口，都幾香，配埋酸梅醬好食🤤⚛️性價比幾高，$58比咁多肉，仲要今次好好彩俾到肶位🤣如果無記錯，本身燒鵝髀飯要$98🙈之前都有試過佢既炒麵炒飯，都乾身好食👍藍田終於有間幾好既茶餐廳，會成為我其中一間食堂🏠

餐廳分上下兩層，上幾級樓梯便到樓上雅座，樓梯上細心地鋪了地氈。餐廳燈光光猛，全部梳化位，坐得好舒服及卡位私隱度高又有大圓枱可一班人食飯。在上層的櫥窗見到有三十隻風乾中的鵝，店員說燒味是每天新鮮燒製。我們晚上七時半到時，叉燒已經售罄下次要早點來食。大壹燒鵝飯 | $58 雙拼加$5選了燒鵝及燒腩仔雙拼，整個燒味飯給我很大驚喜燒腩仔皮脆，肉間油脂分佈均勻，肉質鬆化。餐廳有心思地用了蜜糖芥末醬，燒腩仔點芥末醬好正。另一個驚喜燒鵝竟然是脾位，燒鵝皮香脆，肉質滑，點酸梅醬又可以餸飯。伴菜是少少甜的榨菜整個燒味飯不覺得油膩，燒味鹹味適中，飯亦香身。柚子蝦球 | $98吸引眼球的一味菜，蝦球炸得好大隻淋上了柚子味醬汁酸酸甜甜，也有些辣椒，微微辣。大蝦十分爽口彈牙蝦腸已處理乾淨，蝦身超大隻。燒汁薯仔牛柳粒 | $98顏色鮮豔豐富，看起來很不錯，牛柳粒肉質腍，不韌身，而且份量十足。薯仔粒外脆內軟。燒汁鹹鹹地，餸飯一流。鹹檸檬七喜 | 跟餐加$11熱朱古力 | $18 (淨飲)熱朱古力用黑白淡奶杯裝，很有茶餐廳特色。朱古力味道濃郁，絕不敷衍。芒果布甸 | $12餐廳竟然有芒果布甸食，還有花奶😋布甸內有果肉

樓下新開了一家大壹燒鵝，從外面看裝修還是挺精緻的，正好今天想吃小炒，就進來試試吧。^_^裡面裝修也不錯，開揚及光猛，通道很寬，座位位置也很大。豉椒炒蜆 $98炒蜆很大碟，蜆肉鮮美，而且食落沒有沙，非常乾淨。炒到好入味，連青椒都炒到好好食，鹹淡也適中。水煮牛肉 $128很久沒有吃水煮牛肉，正好見到菜單有，而且價錢尚可，$128一大盆，上菜時嚇到了，感覺這是4人份量的水煮牛肉🤣🤣。牛肉嫩滑，配料很多，辣度也能接受，鍋內很多土豆粉，吃得很飽很滿足。🥰🥰