壹壹漁一 (已結業)

雖然小妹年紀漸大, 對Buffet的熱情說實有點冷郤, 因為人大了, 胃口比年輕時明顯收細, 以前食到滿瀉的腸胃, 現在都不能了, 對於Buffet就更有點卻步, 幾百蚊有時不能回本, 着實有點難過嘛... 不過最近有點改觀, 媽咪說她與朋友試過位放大角咀的dorsett hotel, 裡面有間餐廳叫 - 壹壹漁一, 無論價錢、性價比都無敵高, 特別是以假日自助午餐來說, 只是HKD 128 + 10%的價錢, 食物選擇不算少, 而且質素奇高, 個人覺得比好多六星級有名酒店都好味好多~ 本身以為係招呼內地人的餐廳, 入到去會全部都係內地人, 但奇蹟地又冇喎, 反而是好多本地人係度食自助餐, 而且環境都幾舒服, 裝修以實用為主, 不過都相當整潔乾淨, 都頗為寧靜, 個人都好滿意~ 食物選擇唔算太少, 而且有海鮮類、前菜沙律水菓類、熟食類、魚生、仲有即整越式粉麵、甜品、咖啡果汁等等..都好豐富喲~ 首先是前菜- 有不同既沙律類同無骨鳳瓜, 味道全部都好唔錯, 真的出乎我意料之外, 無骨鳳瓜味道係調得啱啱好, 好夠味又彈彈的~ 大家可以自調沙律, 沙律菜都好新鮮, 仲

大角咀雖然是舊區，但近年這一區的發展開始蓬勃，除了興建了不少住宅樓宇，還起了不少酒店。 單單是大角咀道就有兩間酒店，而這次我就來到其中一間旺角帝盛酒店2樓的壹壹漁一吃假日自助餐。 這裏的假日自助餐價錢非常貼地，周一至周五成人收費HK$88，而假日也只不過HK$128（另有加一收費）。 餐廳走平實路線，雖然內裏沒有奢華的裝修，不過，空間感十足，感覺寛敞舒適，還設有露天雅座。 食物方面，個人認為選擇非常多，有沙律吧、海鮮冷盤、刺身、泰式甜品、水果、熱湯、熟食、即煮麵檔及蒸點等等，另外，飲品備有咖啡、蜂蜜綠茶及柑桔檸檬，全都是任添任飲。 刺身及海鮮等冷盤，都會不時添加及補及，三文魚非常新鮮，全都是厚切，口感嫰滑肥美，而蝦肉爽口彈牙，味道鮮甜，完全沒有雪藏味。 沙律吧內除了有一般的冷盤水果外，最特別的就是有泰式無骨鳳爪及青沙律，鳳爪爽脆，味道甜甜酸酸，吃後令人胃口大開。 這裏的熟食水準極高，味道不比五星酒店的遜色，個人最愛就是海南雞飯，雞肉肉質嫰滑，肉汁豐富，油飯亦帶有雞油香味，炒蜆的味道同樣不錯，香口惹味。靖魚大大塊的，魚肉味道鮮美。 麵檔是即叫即煮，麵類有兩種

約了朋友一齊食中午飯。朋友家住大角咀，介紹呢個泰式lunch buffet抵食，每人只需$128。餐廳喺酒店2樓，雖然場地不大，但都坐得舒服，仲有outdoor area座位添。首先係沙律吧，有三款泰式沙律：去骨酸辣鳯瓜、靑木瓜粉絲同埋柚子沙律，每款都酸酸辣辣，幾醒胃。另外，有西式沙律吧，蔬菜新鮮爽脆，車厘茄清新，有凱薩沙拉醬同埋千島醬任君選擇，我最鍾意加脆麵包粒，好脆口，仲有少少蒜香。冷盤方面，有凍蝦同埋藍青口，蝦幾爽口鮮味，青口亦唔會韌，我都食左唔少。雖然主打泰式嘢，但都有三文魚刺身供應，三文魚新鮮肥美。熱食方面，雖然款式不算好多，但質素都ok。海南雞皮爽肉質嫩滑，配上薑蓉，好好餸飯。平時我食自助餐好少食飯，但今次都食左半碗，呢度個油飯幾香。泰式小食有魚餅、春卷同埋蝦片。魚餅幾爽囗，少少辣都幾惹味。春卷同埋蝦片都炸得好脆，而且唔會好油。佢個熱青口幾好食，隻隻都厚肉肥大，用泰式酸辣醬汁煮，惹味得黎又開胃，我試定一隻之後再encore 左三隻。熱食方面我仲想介紹佢個泰式咖喱牛肉同埋香茅豬都正，重口味者千其唔好錯過，好惹味。我掛住食都冇影齊相。除左泰式熱食，還有湯粉麵和中式點心（燒賣、菜

一直見到這店的介紹但還未去過，終於有位好同事訂好位請我食lunch,又有食神我們各人叫一個午餐，又有自助沙律吧，質數不太差👍🏻感覺走泰式feel ~有柚子沙律、冬陰公湯、椰汁糕⋯等等！主餐火炙魚生飯🍣、蒲燒鰻魚飯、網燒澳洲M4和牛飯🐮唯獨和牛比較失色咗啲！

好幾次經過大角咀都比佢樓下個易拉架吸引到，今晚終於有機會一試。地方唔算大，但坐位都好寬闊，放眼一望好多清酒樽的牆身十分吸眼球。我地當然唔會放過試酒既機會，先黎熱左既清酒暖一暖身先，入口好順喉滑喉，唔錯👍🏻今晚揀左個極上刺身火鍋，刺身勁豐富，有原隻毛蟹，多膏肉甜。又有兩隻勁肥美既生蠔，爽口肉厚，係我鍾意食既口感。另外重有兩隻長過手掌既牡丹蝦，食完個身，重可以拎埋個頭去放湯出味。其他重有海膽、帶子、赤背、三文魚等。湯底我地揀左個勁多膠原蛋白既龍躉骨湯炆和牛肋條牛筋湯底，湯底一黎到已經感受到膠質充滿係湯內，而且牛肋肉同牛筋都份量十足，重有又淋又甜既白蘿白，一開始而且飲左半碗湯。另外我地揀左全份既日本四元豚肉，肉味濃，而且唔會好肥，口感正～最後重有一個好新鮮蔬菜拼盤，其中有纖維多、營養豐富既羽衣甘藍，而且重好吸湯，食既同時又飲返啖湯。另外，個手打烏冬口感滑彈，不知不覺就食晒。

姨婆一家係內地返港探親住係大角咀帝盛酒店，大家相約係酒店2/F壹壹漁一食中午buffet。室內地方需然唔算大，佈置一般；但有個戶外小公園，可以接觸陽光和新鮮空氣，環境都可接受。食物種類樣樣都齊全，海鮮方面有新鮮三文魚、鮮味海蝦、青口、田園沙律菜、泰式鳯爪、碎肉生菜包、豬腳薑醋蛋、黃咖哩牛楠、海南雞飯、泰式肉丸、魚角粉同金邊粉，幾款蒸包、甜品和其他泰式食品都有水凖，我至愛嘅芋頭子米露已encore幾碗,果汁和即磨咖啡任飲。大家都話食到超飽，姨婆話下次嚟港探親都會再光顧呢間洒店。

媽咪話行過見到大角咀呢間酒店有平日$88、假日$128嘅自助午餐，平日好難放假，星期六雖然貴$40，但價錢尚可接受（起碼比起平日返工喺中西區食個意粉都要成百蚊來得合理），就趁星期六放假黎享受下mom & daughter time。餐廳走日式簡約帶少少型格嘅風格，檯夠哂大張，媽咪話覺得二人檯都勉強夠四個人坐。雖然唔係話好似幾百蚊嘅酒店自助餐咁多野食，但都有沙律bar、冷盤、熱食、粉麵檔、蒸包點、甜品同水果等等，仲包埋任飲嘅蜂蜜綠茶、柑桔檸檬同咖啡。冷盤有凍青口、蝦，泰式無骨鳳爪沙律同埋紫椰菜沙律，唔好海鮮同辣嘅我剩係食左紫椰菜沙律，好爽甜，無苦味，我有再添呀。媽咪話海鮮正常，蝦都算彈牙，唔會話雪得太耐，鳳爪沙律辣度對佢黎講岩岩好。沙律bar有幾款蔬菜，dressing可以揀凱撒沙律醬或者千島醬，另有麵包粒、提子乾等等，我同媽咪一致覺得樣樣菜都好新鮮爽脆，我地兩個都食左兩轉。熱食有海南雞、泰式豬手、炒蜆、青咖哩、燒鯖魚、泰式炒雜菜、香茅豬扒等等，refill嘅時候會轉下款，仲有冬瓜雞湯同埋冬蔭公湯，我全部都有試，覺得每樣野食水準都唔錯，係正宗嘅泰式味道，好惹味，如果海南雞嘅飯轉埋油飯更好

美國既朋友返左黎香港，當然就要盡地主之誼啦之前我去美國旅行時，佢超級好客，又俾地方我住實在唔話得4點幾諗住係佢住果間酒店happy hour完再去搵野食，點知一傾就傾到7點幾見到隔離檯既火鍋都好吸引就索性食埋火鍋Happy hour既刺生併盤生蠔好肥美呀同埋好爽口，係我鐘意食既texture牡丹蝦係我最愛既刺身Happy hour有紅、白酒、sake🍶選擇，我地揀左sake, 呢隻sake有少許果香味，都好易入口龍躉骨湯燘和牛肋條牛筋鍋呢個鍋簡直岩哂女仔呀，好豐富既膠質係滾左之後，一定要飲返兩大碗先得好濃味，濃係因為足料，好香牛味日本四元豚肉呢個豚肉完全無得挑剔肉質好軟，但又唔肥膩重點係豚香味好出，無豬「蘇」味呢個蔬菜盤好養生呀蟲茸花、羽衣甘藍都有熟左既羽衣甘藍出奇地好味喎呢個火鍋套餐仲有埋刺身併盤的柚子蕨餅柚子味好突出，成個感覺好fresh食完火鍋再食呢個蕨餅，有助解飽滯感同美國朋友爭俾錢，好彩最後都爭贏左佢實在太客氣了

難得放假無野做，梗係要慢慢嘆下啦！今次就同埋一班朋友去左食自助午餐，由於有個朋友係好中意泰國野，所以今次就試下呢間了。門口睇得出好有日本感覺，而且都有貼好多名人、報章嘅介紹，仲有好多係日本食材，感覺都好靚。入內嘅環境都好日式風架，有一個大嘅酒架，熟食、刺身、麵食嘅分類都好清晰。有一個位置是沙律吧，選擇都比想像多、而且都好新鮮。三文魚係厚切嘅，而且仲有三文魚腩添，又厚肉又新鮮。另外亦都有青口、凍蝦，同樣出色，蝦非常大隻，而且肉質爽口，青口唔會好重海水味，而且都好大隻嘅。話明係日泰自助餐，點會無泰式嘅蝦餅、春卷、蝦片。而且真係正宗嫁，唔會炸到淋曬，又唔會好難食。當然仲有燒豬頸肉、煎魚。通常呢兩樣都好易出事，好多時都會好乾好硬，不過呢度就唔會嘅。意想不到係中式包點，仲要係蒸籠蒸住嘅，真係好有誠意呀！仲有泰式嘅金邊粉，可以俾客人選擇唔同配料，仲有兩款湯底揀添。

喺星期日嘅下午，同朋友兩個撐枱腳。我哋搵咗酒店餐廳入面食自助餐，諗住過個休閒嘅星期日。呢間餐廳係食泰式自助餐。自助餐食得多喇，泰式嘅比較少，有啲特別。首先一嚟食沙律。沙律吧嘅款式都幾多，另外仲有魚生。魚生有蝦同埋三文魚等，魚生色澤都幾光鮮，食落都算新鮮。各款沙律入面最鍾意食火腿粉絲沙律，涼浸浸幾開胃。餐廳有一盤泰式小食，有係蝦餅、春捲同埋蝦片。比較鍾意食春捲同蝦片，脆卜卜，有泰式風味。推薦海南雞，可以揀配飯。不過食海南雞吸引啲，海南雞肉質唔算煙韌，食落都幾入味。另外推介豬頸肉，豬頸肉薄身一片，加埋泰式酸辣醬就係唔錯嘅配搭。餐廳另外仲有兩款湯，分別係冬瓜湯同埋冬陰公湯。兩款都試齊曬。冬瓜湯都幾清涼，至於冬陰功湯，冇想像中咁辣，味道還可以。另一邊有粉麵類。不過由於已經食飽嘅關係，未有機會試。整體覺得食得都幾舒服，就算坐得耐都冇職員趕走，同埋環境都幾寧靜，適合傾計。如果第時黎開大角咀，都有機會再嚟。

香港人都係鍾意打邊爐，今日放工約左位朋友係附近食飯，天氣凍凍地又想打邊爐，但又想搵個靜小小既地方傾下計，之前食飯行過都見過依間餐廳既招牌，上網睇下又好似幾好，所以就約埋朋友黎食下。 首先分享下環境，依間餐廳就係酒店入面既，環境係寧靜，座位舒服，有別於一般火鍋店，當然個D 火鍋店係熱鬧，但有時如果想靜靜地傾下計，依度都係一個唔錯既選擇。 另一樣我覺得良好既係餐廳整潔，配料用好精美既樽裝住，乾淨得黎又高貴。 食品方面有套餐有單點，套餐主要係二人餐，有龍蝦海鮮火鍋餐，728元兩位，刺身火鍋套餐，788元兩位，同埋仲有蝦/象拔蚌刺身，698元/728元兩位。另外唔夠仲可以單點。同朋友商量之後，就揀左龍蝦海鮮火鍋。 湯底方面都有幾多種，有六種免費，但我地都想試下一D 特別D 湯底，所以就揀左花膠椰子燉竹絲雞鍋。鍋底都好足料，有烏雞同埋花膠，打邊爐之前侍應幫我地裝反碗湯飲左先，湯鮮甜仲有花膠食，都幾補下。 跟住就落湯再打邊爐，每樣材料都好新，海鮮盤有一隻龍蝦開邊、有蠔、蜆、尤魚同埋鮮魚片。肉就有澳洲M4和牛同埋日本豚肉。 海鮮新鮮，龍蝦啖啖肉，牛肉牛味濃，而且嫩滑唔韌，豬肉小小肥。之後食埋個烏冬，

朋友話帶我去食好野，帶我去左呢間酒店2樓，原來午餐都有buffet食，而且價錢一d都唔貴，食物望落去都ok,質素亦不錯餐廳主打食泰國菜，海南雞，雞肉香滑而且不”鞋”，好嫩滑，提介下必食係豬手，千其唔好以為肥膩，其實蚊到剛剛好，非常入味，又夠淋，d汁足可以撈一碗白飯 ，而餐廳亦有三文魚食，係三文魚腩呀，好有口感，而且都好新鮮仲有我最鐘意食既牛舌，係耶汁焗牛舌，好香加埋厚切既牛舌，口感一流。再要特別介紹係泰式金邊粉，全因用一個好濃既湯，店長姐姐話係用牛骨豬紅煲，所以好濃而夠味，沒有加味精，的確個湯底係好好味。其實餐廳亦有好多美食，豉椒粉花甲，d花甲新鮮大隻，肉好實淨唔會梅晒，另外仲有中式飽，亦相當不錯，環境亦好舒適，同朋友傾計一洗

朋友同我講，大角咀有間酒店，午市自助餐好鬼平，今日放假，去試吓呢間自助餐先。同一般酒店自助餐相比，壹壹漁一價錢認真優惠，星期六日中午， $128一位再加一，打電話來book位嘅時候，接線生仲話係全面升級左嘅自助餐，升級之後會有冷盤海鮮同刺身，究竟多唔多嘢食，即刻去片先。冷盤區凍蝦肉質爽口彈牙，蝦肉鮮甜無比。藍青口有淡淡的海水味，鮮味十足。仲有幾款泰式沙律，無骨鳳爪沙律夠酸夠辣夠惹味另外仲有柚子沙律，柚子多汁，喺外面泰國餐廳食，一碟都起碼幾十蚊，呢度係任食的刺身區三文魚刺身有光澤，肉味鮮甜，最緊要係refill得好快飲品區可以自己整檸檬茶奶茶咖啡，仲有金橘檸檬同埋凍綠茶任飲添。好多自助餐淨係包一杯飲品，呢到大方好多炸物區有炸春卷炸蝦片同炸魚餅，蝦片係即炸嘅，食落口仲有溫度，同埋超脆同有蝦香，必食之選熱湯區有冬陰公湯同埋蘿蔔清湯，冬陰公湯足料，湯料有大量海鮮包括蝦青口同魷魚等。味道不會太辣，酸酸地好醒胃點心區有幾款包類糕點同埋燒賣，一路蒸住，絕對夠晒溫度湯粉區有河粉米粉同幾種肉丸，但自助餐我好少食，太飽了熱食區海南雞夠嫩滑，有雞味，唔似雪藏雞炒蜆好大隻，脹卜卜啖啖肉，無沙夠鮮甜泰式豬手煮得

今晚約左朋友去食飯.搵間坐得好D靜靜地既地方食下野吹下水所以今晚就去左旺角帝盛酒店壹壹漁一好快店員就安排左入座環境都幾舒適今晚就食這個餐龍蝦海鮮火鍋套餐,我地選左花膠椰子燉竹絲雞鍋花膠椰子燉竹絲雞鍋-隻雞都幾滑,個湯都算清.花膠好大塊好正混下醬先海鮮拼盤龍蝦-都幾鮮甜龍蝦味龍躉-魚香味十足蜆-冇沙都OK蠔--幾香蠔味,一滾一縮就食魷魚-幾爽口有埋雨衣金蘭都幾好食,新鮮和牛肩背－油脂分佈都好平均，唔會好肥而好有牛既牛香味，入口即溶日本四元豚肉－豬味都幾香食埋個稻庭烏冬就飽晒食埋個甜品就大滿足了