壹壹漁一 (已結業)

好幾次經過大角咀都比佢樓下個易拉架吸引到，今晚終於有機會一試。地方唔算大，但坐位都好寬闊，放眼一望好多清酒樽的牆身十分吸眼球。我地當然唔會放過試酒既機會，先黎熱左既清酒暖一暖身先，入口好順喉滑喉，唔錯👍🏻今晚揀左個極上刺身火鍋，刺身勁豐富，有原隻毛蟹，多膏肉甜。又有兩隻勁肥美既生蠔，爽口肉厚，係我鍾意食既口感。另外重有兩隻長過手掌既牡丹蝦，食完個身，重可以拎埋個頭去放湯出味。其他重有海膽、帶子、赤背、三文魚等。湯底我地揀左個勁多膠原蛋白既龍躉骨湯炆和牛肋條牛筋湯底，湯底一黎到已經感受到膠質充滿係湯內，而且牛肋肉同牛筋都份量十足，重有又淋又甜既白蘿白，一開始而且飲左半碗湯。另外我地揀左全份既日本四元豚肉，肉味濃，而且唔會好肥，口感正～最後重有一個好新鮮蔬菜拼盤，其中有纖維多、營養豐富既羽衣甘藍，而且重好吸湯，食既同時又飲返啖湯。另外，個手打烏冬口感滑彈，不知不覺就食晒。