壹壹漁一 (已結業)

大角咀這間在帝盛酒店內的壹壹漁一，假日午市自助餐十分抵食，百多元一位就可以享受到泰式風味，同去飲茶差不多價錢，加上近屋企，所以帶了老婆一齊去食個午餐。沙律有基本的沙律吧，生菜、沙律菜及幾款配料，另外還有泰式酸辣鳳爪及芽菜沙律，味道都有開胃的酸辣，亦有普通的千島醬沙律。刺身就只有三文魚，酒店都會不斷refill，而且色澤鮮豔且肥美。蝦肉爽彈，青口就比較一般。泰式炒蜆必試，大隻又無沙。泰式魚餅及泰卷，前者帶點辣，後者香脆。海南雞飯有雞油香味，雞肉亦都嫩滑，豬手炆到入腍又入口，骨膠原豐富。餐廳亦有中式湯粉供應，但實在太飽無試到。最後飯返個泰式椰汁糕等甜品，甜而不膩。

今日約了朋友屋企附件食平價lunch buffet，$128另加一，中式及泰式風味，假期午市真係超值。食物方面主要以泰式及中式為主，沙律吧有新鮮沙律菜、番茄、粟、紅腰豆等，新鮮健康，沙律菜爽脆，另外還有泰式無骨鳳爪，帶點酸辣十分開胃。甜品主要泰式糕點為主，味道都不會太甜。海鮮有白灼蝦及青口，蝦肉爽口彈牙，還有我至愛的三文魚，三文魚油脂紋理清晰，味道鮮甜肥美，有驚喜。小食是炸春卷、魚餅及蝦片，亦有豬頸肉、燒鯖魚、泰式炒蜆、海南雞飯等，炒蜆無沙且鮮甜，而且又大隻，海南雞都幾嫩滑，另外還有冬陰公湯，味道酸但不算辣。

朋友介紹奧運附近一間酒店食日本菜，位於旺角帝盛酒店2樓，環境很整潔牆邊的日本酒排列的很整齊，桌椅較大張，用餐時坐得舒適。侍應介紹下我們點了象拔刺身十分新鮮，味道很鮮甜，質感爽口，有淡淡檸檬清香很配合。象拔的不同部位及切法也有不同口感，厚切的也可以放下火一會再吃。我們也點了長崎豬骨白湯，同時侍應也講解象拔內臟的吃法，是火鍋煮1分鐘左右再吃，味道質感有點似帶子旁的內膽，也是很鮮味，沒有腥味。火鍋配料有丸類，手工丸特別多肉汁，每款也不同，有姜汁皮蛋丸、墨汁墨魚丸、三星蔥丸、馬蹄貢丸。七味炸魚皮真的超好吃，魚皮即炸，上菜時還是熱的，加上七味粉真惹味香口，還可以放下火鍋幾秒後吃。牛肉方面有好幾種，澳洲和牛、本地手切牛、牛𦟌、牛胸爽，每款味道質感都不同，和牛脂肪分佈平均，滿滿牛肉香，手切牛、牛𦟌比較實，咬下去質地比較煙韌，牛胸爽質感也很爽。還有一碟蒟蒻片，一碟菇類，健康又美味，作為火鍋材料很適合。侍應服務週到，會講解食材，下次會再來品嚐美食。

一行8大2小叫左個八人餐，$3688D食物質素是好的，以海鮮為主，不過要狂追單先有得食！丸同肉都上左一碟，我地以為份量咁少追問，先知出少左，個菜籃同魚皮追左4次，第2次追單先知出左俾第二張枱，最終講到要埋單先有😱⋯⋯位黑衫侍應仲要話遲出菜唔係佢控制，咁難到係我控制嗎？唔怕等可以一試。

同朋友慶祝生日，搵左一間係大角咀酒店裡面環境好、價錢又合理的餐廳，天氣凍凍地最適合當然打邊爐啦。一行入餐廳，就知絶對無失禮，日式裝修，又可以揀坐室外。晚餐有好多set揀，朋友就揀左一set有藍龍蝦又有好特別的本地騸牯牛食的。湯底我地就揀左豬骨湯底，裡面配埋雞肶菇，非常清甜，同個龍蝦超夾！隻龍蝦有好多膏，啲肉超甜，完全唔使點任何醬，即刻落埋啲椰菜、金菇，忍唔住要飲兩啖湯，好飲到停唔到，飲完完全無口渴的感覺。食完海鮮，梗係到另一個主角騸牯牛，拼盤裡有牛舌、牛𦟌、牛胸爽同牛頸脊，另再配澳洲M4和牛肉同霜降牛。我平時唔係好食牛𦟌，嘩，呢個騸牯牛牛𦟌完全唔平時食開嘅唔好，係咁二放落湯滾兩、三下就食得，好爽，隻牛味好香，即係問下經理呢隻牛有咩咁特別，騸牯牛原來係每日係本地運送而且得十幾隻，絶對係限量版，跟手即刻試埋其他部位，都真係無得輸，牛魔王朋友食到停唔到要額外encore多一碟牛肉大陣。跟著就到食打邊爐唔少得的丸啦，呢度又點會只食到普通的丸吖！個set有6粒唔同特色的肉丸，分別係椒麻貢丸、墨汁墨魚丸、三星葱貢丸、濃汁牛骨牛丸、馬蹄木耳貢丸、薑汁皮蛋貢丸，粒粒的味都好特別，之前都無食過，我就最鍾

朋友介紹大角咀有間酒店打邊爐好正，酒店入別都好大面打邊爐又真係未試過，仲要話好好味咁，仲可以食到真正本地生產嘅騸牯牛，一日只會有十幾隻推出市場。講到咁難得就一定要去試吓。湯底我就揀咗豬骨味，因為用真正豬骨煲成，所以飲完都唔覺口渴。加少少黑芝麻同鮑魚菌做配菜就已經好夠味。經理今日話今日返咗藍龍蝦，藍龍蝦個樣同波士頓龍蝦好似，不過睇真少少會見到蝦殼係有層深藍色，食落分別就比較大啲藍龍蝦，龍蝦味比濃，海水味比較重的鮮甜度亦都較高。都唔係周圍食到嘅海鮮。我另外就叫咗個牛肉大陣Set,主打係騸牯牛嘅牛舌，金錢展，牛頸脊，牛胸爽，澳洲M4和牛同埋霜降牛肉。騸牯牛食落唔會係入口即溶，不過係我食過咁多種牛之中，最有牛味嘅一種，特別要提一提呢個牛胸爽，雖然睇落好似成塊肥膏咁，但其實係牛胸骨中間軟骨，滾到卷起少少就食得，吃落好脆身，口腔慢慢融化。丸類我就食咗，三星蔥貢丸/薑汁皮蛋貢丸/同埋墨汁墨魚丸。貢丸好彈牙豬肉味香濃，呢兩款嘅貢丸都係爆醬系列，食嘅時間記得小心，唔好辣到嘴~三星蔥呢個蔥味好勁，入面嘅湯汁吸收晒豬肉同蔥嘅味道。好好味。小食就揀咗個即製響鈴，話說可以即食~原來係真㗎，炸到脆卜卜加埋雞醬食，

行完奧海城，之前聽朋友講有間位於酒店內的火鍋的食材很新鮮，環境亦好舒適，見網上評價幾好，我們決定一試。餐廳環境寧靜，最吸睛的是酒櫃，枱與枱之間的距離亦很闊絡，傾偈一流。今日見凍凍地，我地就點了一個象拔蚌刺身 牛肉大陣二人套餐，打-邊-爐。長崎豬骨白湯肉丸拼盤有四款不同豬肉丸，墨魚丸和牛丸。粒粒都多汁彈牙，和平時吃的很不同，並非普通食肆的丸類可比。為了每隻味都試下，我地一人食半粒share, 最鐘意係有薑汁皮蛋餡的肉丸，食落有驚喜，幾特別，似小籠包🤭到主角岀場了，象拔蚌刺身，切得很薄，入口非常爽脆鮮甜，實在難以形容，個膽係火鍋淥一淥就食得，很正牛肉大陣拼盤有兩款不同產地的和牛，牛胸爽，本地牛，牛𦟌牛肉味濃，肉質嫩滑不嚡口，和牛脂肪分佈平均，入口即溶，牛胸爽第一次食，好脆口，牛肉味濃，雖然有點韌，但都值得一試。田園菜籃羽衣甘藍，蟲草花，雞脾菇等，羽衣甘藍平時多數用來以沙律上，用來打邊爐還是第一次，好健康。蒟蒻麵條爽滑，吸了少許湯的精華，正自家炸魚皮魚皮大大條，新鮮炸起，脆卜卜，喜歡硬身的話拖一拖水就食得，而我鐘意淋身少少，所以淥多幾秒稻庭烏冬最後當然就要食個烏冬啦，最喜歡就係這種烏冬，食起

天氣突然急降好想打邊爐, 雖然大角咀有唔少火鍋店, 但同朋友想試下特別少少坐得舒服d, openrice見酒店入面有得hotpot一於試下!餐廳地方寬敞, 店員非常有禮貌同貼心加水..安坐好後店員隨即端上調味架, 辣椒香葱豉油蒜頭樣樣有!我覺得即炸響令就咁食仲好過碌, 香脆新鮮咬落卜卜聲象拔邦刺身就算唔點wasabi一d都唔腥 👍🏻今次湯底選左豆漿, 感覺清新又健康, 果然用黎煮田園菜籃好夾!值得一讚係心機肉丸, 每款都特別而且美味。牛肉拼盤有騸估牛, 其他都碌一碌就食得新鮮爽口.. 最後仲有小小甜品作完美句號~

久唔久都會入大角咀探下朋友, 適逢天氣開始涷今晚想食間好少少嘅binlo.. 經過dorsett見到有火鍋易拉架, 上去試一試, 餐廳就在酒店2樓店員下單後端岀調味料, 衛生有條理!先來響玲, handmade炸過可以點甜酸汁即食, 咬落好脆口絕無油益味, 絕非坊間盒裝響玲象拔邦刺身新鮮無腥味, 難得平時怕腥的我也不抗拒 ! 我們選了豆漿高湯作火鍋湯底, 田園菜藍賣相精緻而且食材高質, 有羽衣甘藍🥬 甜荀 香菇 粟米最後有肉丸和肉片, 驚喜位係丸類拼盤好有心思每款2粒比2人餐客人可以樣樣試下! 依稀記得有«薑汁皮蛋丸»,«濃汁牛骨丸»全部都好好味無可挑剔!!肉片如圖滾後嫩滑鮮甜吃到尾聲同朋友已經飽哂, 仲有是日甜品.. 店員告知是handmade用黃豆粉做的, 入面有柚子汁煙煙韌韌個人幾喜歡..

一心歡起來食海南雞飯，原來假日係唔一樣既，似茶樓多些。一來佢會比張點心紙我地，可以選一個飯同每人一隻蝦餃同燒賣，仲有墨西哥叉燒包。其他就自己出去拎，炸鏝頭好好食😍😍好耐冇食好味既包包。仲有魚餅再加甜酸醬！冬草花雞飯幾好食！雞啖啖肉，仲有蟲草花！推介，肉餅都係幾大舊！燒賣同蝦餃都大大舊，熱烘烘出爐專上送上！仲有冇影到既墨西哥包😍😍食物選擇唔算多，前菜有青瓜、鳳瓜、木耳清清地都幾開胃。主菜就有蘿蔔糕、馬拉糕、腸粉、煎茄子、椰菜花似係中式點心放題，唔似係東南亞。問店員佢話假日個menu唔一樣，所以想食既朋友要小心注意供應時間！

$88食酒店泰式午市自助餐!!2個人食足2個鐘埋單$200有找。😎種類唔多選擇，以食味取勝!十多款熱盤海南雞飯、咖喱海鮮和冬蔭功湯等熱盤，糖水、甜品，飲品😊👇👇呢3個熱盤👍點名蝦片，👍暖👍脆，暖嘅蝦片食落口已好窩心,咬落去聲香味感俱全。絕無誇張，隔離客人也不斷添食蝦片❤👇飽肚意粉👇清淡盤，有菜食👇海南雞🐔足夠雞味，油飯唔夠香十多款熱盤。👇👇不多介紹，以分數反應👍4.5/5麵包🍞配柚子jam😍開胃選擇👉泰式鳳爪、生菜包輕食新鮮沙律菜🥗飲品有咖啡🍵、綠茶、❤柑桔檸檬服務熱情。

88 蚊下午茶自助餐， 加埋一就九十幾蚊，雖然係平， 但太少野食啦， 唯有不停食海南雞囉， 另外， 問員工有冇餐紙， 居然叫我地自己入廁所攞廁紙用！ 所以打算專程去食所謂的自助餐的人，可以放棄了， 住在附近的人當食個快餐都無防嘅, 不過九十幾蚊可能有更好嘅選擇囉~~~

旺角帝盛酒店 喺大角咀 泊車新九龍廣場 行3分鐘 都好方便壹壹如一 做緊優惠價 $88+10% 真係咁抵? … 真係咁抵囉淨係飲番個冬蔭魚湯 + 海南雞飯 就番本幾個妹妹仔 招呼好好 但唔提供紙巾㗎 請自備枱面夠大 鋪咗張大紙 好似有啲浪費但方便收拾 兩者選其輕坐底就 送 凍龍眼茶1杯 清涼奶茶咖啡任飲 正中泰廚 食物都比較濃 有啲油膩冬蔭魚湯 & 冬瓜豬骨老火湯 海南雞飯 雞滑嫩皮爽 油飯香 供應不停大量熱葷 咖哩牛腩薯仔 夠淋 咖哩香濃炒蜆 蜆肉肥美冇沙 冇甩売 夠鮮野味夠鑊氣香茅豬扒 香口夠淋夠入味泰式炒金邊粉 虾仔爽 但粉太硬青檸魚塊 淡口嘅 炒椰菜花雜菜 好味 略油泰式炒青口 鮮 香 即煮粉麵檔 泰式黑船湯河 可選冬蔭湯底魚旦肉丸都好味但肥牛預先灼定 白晒晒冇味

一路都好ok嘅，食物嘅質素對得起個價錢，不過種類真係唔多。埋單的時候，佢俾咗將兩位嘅單我，我係book一位，我show手機個訂位資料俾佢睇，之後佢攞咗張單出去,又攞返同一張單返嚟同我講折左,我唔知佢係咪未瞓醒，我再同佢講我一位，佢又行返出去然後又行返過嚟問我係咪一位，我就嚟想爆粗，佢先出去改個張單俾我....我兩點半埋位嗰陣已經show左啲資料一次,佢比錯單我又show一次，清楚寫明時間人數，你啲員工係咪唔識字，有個員工同我講返唔好意思，不過我真係唔想再去第二次....

訂左週六lunch buffet，季候風的天氣下好清涼，室外氣溫只有27度。由於早左到餐廳，初時以為未開冷氣，點知食左半個鐘，依然風都無滴，好多食客都投訴好熱，但職員聲稱已開到最大😓，後來發現座位附近有個直立式風機，顯示溫度係27度，食到我滴晒汗，唯有攞出私家風扇仔，再摺高衫袖，隔離左右都係汗味，彷彿置身市政大樓嘅熟食中心，真係熱過條街，好難想像晩市d食客點打邊爐?!講番d嘢食先，熱食有海南雞飯、咖哩牛腩、泰式青口、炸鯖魚、炒雜菜、泰式鴨胸茄子、炒金邊粉、炸蝦片、咖哩角、炸雞翼、泰式魚餅，泰式粉麵檔有魚蛋、魚片、肥牛、蟹柳、芽菜、金邊粉、米粉。海南雞味道似鹽焗雞，嫩滑👍🏻。咖哩牛腩炆得夠時間，好入味，可惜順紋切法，點炆都唔林👎🏻。值得一讚個炸蝦片，蝦味濃，似係東南亞小食店賣的龍蝦片👍🏻。泰式粉麵有清湯、雞湯同辣湯揀，麵底唔太大，可以食多碗，食多d餸😋。全場最受歡迎嘅係海南雞同蝦片，職員不停refill。沙律吧有青木瓜絲沙律、泰式鳳爪、薯仔沙律、沙律菜，配料有粟米、紅腰豆、青瓜、蕃茄仔、提子乾，生果只有西瓜，是日甜品係椰汁紅豆糕、芒果布甸同椰汁芋頭西米露。不過芒果布甸好難食，應該係用粉開