喫茶ちょうぼ

營業中

休息中

今日到大埔超級城試新餐廳。餐廳裝修好有和風風味，令人有種置身日本既感覺。照燒雞皮餃子$48 - 雞皮燒到好脆口,餃子入面啖啖肉，再點埋生雞蛋去食，成個味道提升左好多。海鮮蕃茄醬蛋包飯$138 - 呢個蛋包飯上菜既時候，侍應會即埸係你面前切開隻蛋，望住d蛋汁慢慢流落飯上面，真係令人流晒口水，海鮮份量十足，有兩隻青口，兩個炸魷魚圈，仲有一個份量十足既蝦添。明太子香腸意粉$78 - 明太子份量十足。意粉份量十足，配料勁多。而且醬汁好好味，不過食晒成個意粉真係會好漏。日式全日早餐多士$112 - 呢個我推薦大家一定要點，雖然佢只係一個全日早餐，但佢個蛋真係整到好滑好香，而且亦都有流心既效果。成個配搭我都好鍾意。焙茶牛乳$45 抹茶牛乳$42 - 兩杯牛乳茶味香濃，重茶味之餘亦不失牛乳既滑。奶味亦都好濃郁。日式布甸$36 - 反而甜品我覺得中規中矩，而且偏甜。餐廳環境舒適度滿分，食品賣相同味道非常高。雖然價錢來講唔算太親民，但都值得大家來試。

每次一田大減價都會嚟到大埔超級城瘋狂shopping行街行到攰就搵嘢食先啦 見到有間門口decorate得好靚嘅餐廳 好似話出名食蛋包飯 一於試試佢 望下menu有咩食先一場嚟到一定要嗌佢嘅蛋包飯呀 我哋叫咗海鮮蛋包飯 去到枱面店員會即場喺你面前切開嗰個蛋 佢有蝦青口魷魚 不過海鮮份量就唔多 飯就好多啊 仲有嗌左個炸大蝦 側邊有啲沙律菜可以中和返佢個油膩感 另外有個芫荽青醬蝦意粉 呢個有驚喜 個感覺好清新 唔會好漏 不過蝦得一隻真係唔夠喉嗌咗兩杯梳打巨峰提子梳打同埋白桃梳打 好好飲啊 大杯d就好最尾食埋個日式布甸 上面有啲焦糖汁 同布甸味道好夾 好滿足呀 差完電又去shopping啦

本身見到大埔開了這間咁有特色嘅cafe，滿懷期待去試吓，星期五晚六點半，已經有不少人排隊中，本身以為間cafe好細間，點知原來內裡幾深吓，等了約半小時就成功入去，最靚打卡位係門口棵楓樹，入到去裡面，其實好窄吓，枱與枱之間好密，二人枱比較細，但啲碟好大隻，唔係幾夠位擺野，入到去到食完都無人主動俾水，臨尾食完甜品叫佢俾水，但只俾半杯，而且個杯同餐廳個風格好唔同，好大排檔feel，食物叫了招牌的紅酒燉牛肉蛋包飯、蟹肉忌廉可樂餅、明太子香腸意粉，另外升級變餐叫了兩杯飲品、拌菜及加錢要甜品，甜品是日式布甸，點知個蛋包飯佢上錯咗壽喜燒風牛肉蛋包飯俾我們，由於已經切開埋我們話唔緊要照要，問個職員係咪同紅酒燉牛肉果個同價，個職員話係，點知我叫甜品時再睇個餐牌，原來壽喜燒係平過紅酒燉牛肉的，埋單時我叫職員改返單，真係好彩我再睇一睇個價錢，如果唔係無啦啦食唔到自己心水嘢之餘仲要俾多錢，食物方面明太子意粉明太子味不太出，而且比較膩，蛋包飯雖然上錯但個賣相係幾靚仔，味道也不錯，蟹肉忌廉可樂餅幾creamy，幾脆口，但蟹肉比較少，日式布甸我覺得個焦糖汁唔夠濃，值得一讚嘅係佢加28變餐所配的飲品係餐牌內任何一款飲

知道大埔新開咗一間打卡Cafe「喫茶ちょうぼ」，裝潢帶有日式洋食居嘅感覺，當然約埋靚女朋友一齊去打打卡，影下相啦！紫薯牛乳紫薯牛乳香滑濃郁，奶泡綿密順滑，充滿甜香的味道，令人回味。壽喜燒風牛肉蛋包飯壽喜燒牛肉份量十足，將蛋煎成橄欖形放喺飯上面，店員會切開時，半熟蛋漿慢慢流出嚟，超吸引！蛋嫩滑又香濃，飯係炒飯底，誠意十足！明太子香腸意粉口感creamy，明太子味道濃厚，有少少辣好惹味，令人食唔停口。牛油果厚切多士厚切多士輕烤黎非常香脆，加上口感綿綿牛油果🥑和巴馬火腿，令味道更有層次。南蠻炸雞(小)皮脆肉嫩，咬落雞肉有彈性又juicy，輕點他他醬更是酸酸甜甜，清新又開胃！日式布甸質感柔滑，焦糖同雲呢拿味道同樣濃厚，甜度適中。環境、味道都一流，難怪經常都大排長龍！

趁住仲有少少秋意🍂，睇次紅葉先🍁對上一次睇紅葉🍁係日本🇯🇵今次係香港🇭🇰既日式洋食𝐂𝐚𝐟𝐞☕️睇紅葉👀日系古典🏛既裝修，又係幻想💭既時候🥺~•~•~•~•~•~•~•~•~•~•~•~•~•~•~•~•~•~•~• ▪炸北海道大蝦配四元豚豬扒 ($188)大蝦🍤真係𝐒𝐢𝐳𝐞好大🤩外脆💫 內既蝦肉爽口彈牙🤓豬扒🐖勁厚切🤌🏻有𝟔舊，配左日式豬扒醬汁🤎(四元豚🐷由𝟒種高質🎖豚種繁殖出黎)旁邊仲有他他醬蛋沙律🥚伴碟，配炸物一流呀👏🏻.▪日式紅酒燉牛肉蛋包飯 ($98)餐廳招牌菜🍷🐃🍳🍚枱枱都嗌，我梗係唔執輸🤭店員好好💕會先問💁🏻‍♀️洗唔洗影相先📸俾夠時間我影相📸先切，再淋汁🤎個舊滑滑既厚蛋😳，切開個下🔪半熟蛋漿向外滑落去，蓋住下面個飯🤤飯係珍珠米炒飯底，加左洋蔥🧅 • 甘筍粒🥕......燉牛肉🔥🐃好入味又夠淋，唔會炆到韌🧏🏻‍♀️滑滑蛋漿🍳加埋紅酒牛肉汁🍷🐃，唔覺唔覺好快就清左個飯🥄.▪明太子香腸意粉 ($78)明太子汁🧡掛滿每一條意粉🍝好𝐂𝐫𝐞𝐚𝐦𝐲，鹹鹹地，唔會有腥味😝仲有脆皮腸🐷，加左紫菜 • 菇菇🍄.▪岩燒乳酪厚多士 ($68)身為芝士控🧀既我，必食💃🏻 面頭用𝐏𝐚𝐫𝐦𝐚 𝐇𝐚𝐦捲左朵玫

呢間cafe一開張，已經要大排長龍平日晚市經過，見到條隊比較短，即刻試下試左炸豬扒飯，覺得成晚好食係呢樣皮脆肉嫩附上薯泥同他他醬不過跟餐都有小菜，兩個餐就有兩份點知其中一份小菜都係薯泥．壽喜燒蛋包飯不推薦牛肉好老同好厚身味道過甜，無左壽喜燒香味而且配上蛋包飯既汁怪怪地唯一可取係，蛋包飯係當面切開可以見到蛋汁流出一瞬間仲會問你影唔影相先砌開算係特別體驗．飲品方面唔推薦飲抹茶牛奶綠茶粉唔夾牛奶，仲沖唔溶無乜味道．跟餐價28可以配甜品最想試既布丁賣晒呢個焦糖餅芝士蛋糕覺得一般焦糖餅係偏濕口感中間芝士蛋糕亦無咩特別正常發揮

今日來一趟偽日本旅行，門口經過出現人龍，我們排了一個小時，終於可以品嘗一下！餐前冷盤小碟：沙律和豆角日式紅酒燉牛肉蛋包飯職員即場切開蛋包飯，切開一刻好治癒，蛋入口非常嫩滑，燉牛肉厚身，大件一樣夠入味和夠淋，啖啖滋味。日式卡邦尼意粉濃厚醬汁忌廉味濃，頂層木魚絲舞動，溫泉蛋切開再拌勻意粉，口感更幼滑。南蠻炸雞點了大份，雞肉大件，炸得外脆內嫩，醬汁香甜，惹味吃不停。岩燒芝士多士半溶芝士，再加小片芝士，厚切多士香脆，雙重芝味伯爵茶戚風蛋糕口感輕微濕潤，質感鬆軟，伯爵茶味清新。抹茶牛乳 幼滑順喉，抹茶味醇而回甘白桃梳打 啖啖桃味，香甜清新

屋企附近新開的西日餐廳，之前已經好想試，但週未經過超級長龍，終於今日早放工又少人 d所以就排到了😍.店舖有棵紅葉樹，極顯秋意，原來有個小賣場，好多精緻畫作或精品，等緊位都可以善用時間睇下☺.🟥芫茜青醬蝦意粉🍝$82🟥入口青青的芫茜味，夾雜混有果仁碎的青醬更添香味，仲有大大隻蝦，夠爽口彈牙，意粉一樣 al dante, 好味😋.🟧日式紅酒燉牛肉蛋包飯🍛$98🟧店員會問需唔需要幫你界開蛋包(有少少後悔冇自己界，因為界得太快拍唔切片😂) 一界開，蛋醬洶湧流出，十分滑溜❗牛肉炆得非常稔非常入味，淡淡的紅酒香。驚喜係蛋包裏的不是白飯，是用心的西炒飯☺.🟨北海道大蝦配四元炸豬扒🍤$145🟨超豐富~份量超多❗炸粉薄又夠脆口，唔會炸到好焦/乾，不過麻醬沙律再多 d就更滿足.🟩草莓法式多士🍓$78🟩法式多士有 d似西多士，但係煎的版本，鬆軟綿綿充滿蛋香，配上雜莓醬酸酸甜甜，好清新，一 d都唔覺得滯！😋.🟦日式布甸🟦 (跟餐加$22) 店員推介的，果然滑溜溜濃濃的蛋香夾著雲呢拿香氣，仲有焦糖點點甜，好滿足💯.🟪飲品🟪✨紫薯牛乳 $38 (跟餐加$22) 用上4.3 牛乳，濃郁奶味但又唔會蓋過紫薯味，而家

星期三同老公一齊出遠門去大埔玩，首先食左lunch先。兩碟前菜: 白蘿蔔同薯仔沙律。炸北海道大蝦配四元豚豬扒炸物一定要新鮮炸起先好食，呢間就做到啦，外皮炸得香脆，伴碟有雞蛋沙律、仲有大量椰菜絲解膩。日式紅酒燉牛肉蛋包飯雞蛋好軟滑幼嫩，一定落左好多隻蛋，就毫不吝嗇，牛肉大大舊，唔錯。莞茜青醬蝦意粉意粉用上扁意粉，每條都掛到青醬，無草青味，隻蝦都好食。岩燒芝士多士燒溶左既芝士同外見內軟既多士超夾，好好食。伯爵茶戚風蛋糕蛋糕鬆軟，伯爵茶味好出，連忌廉都係伯爵茶味。紫薯牛乳同青森蘋果梳打賣相唔錯，都幾好飲。

裝修好靚既一間日式風格餐廳！門口既裝飾可以好好打卡一番😆餐廳空間吾算大，不過巧用左鏡面功能，坐係中間位既我一時冇留意，一開始以為間餐廳幾大間下，原來都係反射到好似好多客人咁🤣比個讚佢👍👍👍好，講一講今次食物先～～1️⃣日式紅酒燉牛肉蛋包飯 — 不得不講，上碟時好靚，蛋熟既程度拿捏得超級好，服務員會先問你要吾要影相先，比你影夠先係你面前切開，尼一點吾錯；份量方面，超大份，一個人食超級飽，再加埋飲品，飽到頂肚😹味道都好香，牛肉煮得好‘淋’，好好食2️⃣明太子煙肉蛋包飯 — 明太子味道香濃，煙雨有4片，每片都比較厚身，只不過略為小咸，不過吾影響整體味道，汁夠多，蛋+汁+飯，超好食3️⃣紅豆牛乳 — 紅豆應該本身都甜，雖然配上左4.3牛乳，但整體味道會感覺較為甜，適合食得甜既朋友仔4️⃣焙茶牛乳 — 本人超超超鐘意抹茶焙茶既野，尼杯野完全係超值！焙茶味好香，而餐廳選用既4.3牛乳味道好濃郁！三個字，超正呀！

好耐唔行一次大埔商場，發現呢度開咗一間新嘅日本洋式食店，裝修都唔錯，於是試吓。佢嘅蛋包飯好似幾靚，叫咗上枱，果然唔錯，夠膽大大嚿，切開散出嚟係好滑嘅炒蛋，應該從加咗牛奶去炒，紅酒會牛肉非常之淋另外呢個意粉都幾出色，唔算太油膩，菠菜味濃郁，大大隻大蝦喺上面呢個雞皮餃子係最出色，雞皮揸得好趣，包住餃子肉調味啱啱好，不過份量就比較少另外叫咗呢個草莓西多士，計返個份量，價錢唔平，浸咗好多蛋漿喺面包入面，再攞去煎香，都算幾特別，非常肥美最後甜品叫咗個日式布甸，焦糖布甸，好香牛油味，非常濃厚，罪惡感十足飲品方面，我叫咗呢個雲朵沙冰，其實係益力多味，另外呢杯紫薯牛奶都唔錯，甜甜紫薯味

知道大埔超級城開左間日本昭和風格-日式西餐廳「喫茶ちょうぼ 」，每次都被門口裝修同日式飾品吸引，但假日定必都大排長龍，無緣一試，適逢今日早放工，一於帶媽咪去食好西。📍 大埔安邦路8-10號大埔超級城B區2樓276號舖🍛店鋪主打流心蛋包飯，每一台都必叫，我地就叫左紅酒牛肉蛋包飯，上台時侍應用刀將蛋切開，再淋上紅酒汁，食落每啖飯都係滑滑既口感同香濃既紅酒汁，而牛腩份量足夠而非常淋口。🍝<明太子香腸意粉>同媽咪想試多d款式，所以決定叫一個較開胃既意粉，但試碟先發現原來佢個明太子意粉都係cream sauce做base,非常creamy而且帶有明太子香同少辣，一樣k.o.🍗<南蠻炸雞>炸雞真係我all time favourite,外脆內juicy之餘，個sauce甜甜的都好岩我口味，伴碟仲有一大碟沙律菜解膩。☕️<紫薯牛乳>佢menu有超多特式飲品，媽味就叫左杯熱紫薯牛乳，超濃紫薯味又好香滑，媽味飲完一杯話唔夠喉。🍸<草莓乳酸沙冰>一樣有水準，相信炎炎夏日飲更加爽皮。🍮食完以上之後，媽咪話已經飽到食唔落其他嘢，好彩我不停提醒去甜品

想不到大埔超級城藏著這家超有feel 的cafe！cafe以木色為主調，門口的藍色沙發位看上來十分舒適，好多打卡位！而今次有幸坐到餐廳的窗口位，最有秋天、日式感覺的corner位！🌸紅酒牛肉粒蛋包飯$98一見到menu張相已經被吸引！賣相好豐富好靚，雞蛋嫩滑震騰騰，有店員會幫忙切開雞蛋，不得不說牛肉粒數量頗多，略帶酒香！🌸日式布甸🍮除了是打卡必叫之外（好襯個環境），味道好好！一口一啖蛋香味，配上糖漿的甜香，真是一個簡單、美味、不敗的甜品。🌸青醬芫荽蝦意粉$82芫荽迷必點！青醬味道濃郁，帶點芫荽味，入口不像其他西式意粉一樣油膩，反而帶點清新感，加上蝦隻以及蕃紅花之後，賣相精緻，頗出色！🌸炸北海道大蝦配四元豚豬扒$145炸粉絲毫不厚，大蝦經過油炸之後，肉質仍然爽口，難得！炸豬扒分量不少，店家10分慷慨，外脆內軟！🌸雲朵沙冰沒有想到，雲朵沙冰居然是夢幻紫色，問了店員，原來是香堤口味，仲有啲益力多嘅味！飲到停唔到口

今日同朋友去咗大埔超級城新開嘅呢間日本過江龍喫茶ちょうぼ度食晚餐 大家都太掛住日本喇所以大排長龍 都等咗半個鐘以上先入到去入面裝修好似日本洋食屋咁嘅風格非常有格調炸北海道大蝦配豚豬扒 分量好大 吉列炸皮非常脆卜卜 蝦肉新鮮彈牙 豚肉厚切嫩滑多汁 下面仲加上日式嘅椰菜沙律 充滿和風味道日式紅酒燉牛肉蛋包飯 蛋包圓碌碌好可愛 待應喺你面前切開 入面充滿蛋香同蛋汁送飯一流 燉牛肉炆得軟淋 味道唔錯明太子香腸意粉 超濃厚嘅忌廉汁同明太子味道互相輝映日式全日早餐 同樣有超鬆軟嘅日式奄列 面頭加咗原片黑松露 香氣十足 厚切吐司非常鬆軟 口感好正伯爵茶忌廉戚風蛋糕 空氣感十足嘅戚風蛋糕 加上奶味茶味平衡得啱啱好嘅鮮忌廉 一啲都唔漏紫薯牛奶抹茶牛奶

Seafood Omurice with tomato sauce 海鮮蕃茄醬蛋包飯，店員好好服務咁幫我哋張本身好平滑嘅蛋蛋切開，之後入面滑嘟嘟嘅滑蛋流出嚟，好似叫緊我快啲食佢啦，超級治癒呀!Japanese style carbonara 日式卡邦尼意粉🍝，芝士味濃，個汁好creamy ，啲意粉吸收曬啲醬汁，真係份外滋味炸北海道大蝦配四元豚豬扒，外脆內juicy 草莓法式多士，重點係多士浸滿咗香滑嘅蛋同奶醬去煮，外面香口入面奶香滑，加上草莓🍓汁，真係正到不得了Lotus焦糖芝士脆餅焦糖嘅脆面，而且芝士脆餅不會過甜，食完感覺好幸福草莓沙冰，日本草莓🍓特別香甜，我係 #草莓控 必點🍓