喜記避風塘炒辣蟹 (謝斐道)

營業中

休息中

位於灣仔謝斐道的喜記,晚市一向極受歡迎， 遠近馳名餐廳提供二人和四人的套餐,最適合現在的小組限制令. 今晚放鬆四人行聚令，即刻約朋友聚聚，選了這個四人豪華餐。呢個餐最吸引人之處當然是招牌菜炒辣蟹啦避風塘炒辣蟹一隻嘩！隻蟹超大,強臂，蒜頭，豆豉，辣椒炒起後非常惹味，最喜歡超多炸蒜頭 ,蟹肉質地厚身, 最重要是睇住店員喺魚缸拿出來，非常新鮮 .這道菜一定要在街吃才能品嘗到這種鑊氣。招牌醉鮑魚一人一隻鮑魚唔使爭鮑魚大隻新鮮, 簡簡單單的蒸已經非常好味。豉椒炒蜆豉椒 分量和味道 的比例恰到好處, 沒有搶了主角蜆肉。醬油拍青瓜非常大碟，當小吃或主食也可， 飲住啤酒食住細細粒青瓜，好享受。豉油王蝦雖然是豉油王炒蝦，但非常爽口，絕對是用新鮮蝦而作，有誠意。味道方面豉油帶點點甜味， 用來配搭炒蝦就最適宜啦！招牌蟹油炒麵非一般的豉油王蟹油炒麵， 面底爽口彈牙， 滿麵油光但乾身。上湯時菜吃了幾度鑊氣菜後，吃一道簡單的上湯白菜， 令整個人和 味蕾和胃都平衡返。總括而言， 四人套餐的份量是非常足夠的，但不會吃到人非常飽濟， 各人也 吃得非常滿足.

終於有番堂食，諗住食豪dd,呢日就黎左喜記叫左個豪華4人餐！入面都有好多野食！前菜一款 炒辣蟹一隻 蝦一款 蜆一款 鮑魚一人一隻 肉款 菜一款 仲可以揀炒河/飯我地揀左炒河，拍青瓜，瀨尿蝦，咕嚕肉～青瓜夠哂惹味同脆口，炒辣蟹真係好有獲氣，避風塘做法就係最好食！瀨尿蝦超大隻！估佢唔到啖啖肉！上湯浸水蜆既粉絲係靈魂之選！勁正！吸哂d鮮味，而d蜆又唔會有沙，吐得好乾淨！醉鮑魚好特別，我都係第一次食，估唔到咁夾！咕嚕肉就係水準之作！d肉炸到好香口再配上酸甜汁真係一流！白菜仔同埋d蒜蓉炒真係超正！簡單又好食！食埋個乾炒牛河就真係飽哂！

好耐冇食海鮮，忽然好口痕，行過見到喜記出咗個精選四人餐，四個人食都只係$998，真係超級抵！諗都唔洗諗就入去😆1️⃣涼拌木耳好爽好開胃2️⃣喜記避風塘炒辣蟹鑊氣夠，炒得好惹味，蟹肉好扎實，大大啖肉咬落去好滿足😋3️⃣黃金蝦黃金蝦連個殼都充滿住滿滿嘅蛋黃，連咬開蝦殼既時候都係享受🤤4️⃣鼓椒炒蜆好多蜆肉，唔會好似某啲舖頭不斷得啲空既殼，好足料5️⃣招牌醉鮑魚鮑魚唔算細隻，加埋酒味食落好香6️⃣菠蘿咕嚕肉甜酸味道調得剛剛好，咬落去唔會太淋7️⃣蒜蓉炒時菜幾香幾爽8️⃣招牌蟹油牛河好鐘意上面啲蒜粒，食落香香的😋走既時候見到呢度啲瀨尿蝦都幾太隻，可惜食到好飽，如果唔係都想叫黎試下🤤

而家限聚令下可4人一枱，昨晚就約齊朋友 去灣仔嘅喜記避風塘炒辣蟹食晚飯。喜記屬老字號，不經不覺已開店55週年👏推出咗55週年特惠套餐，我哋就點咗四人 海鮮套餐，$ 998 幾抵食  。套餐有八個菜式，可以試齊餐廳嘅招牌菜。首先當然有避風塘炒辣蟹 ，大大隻蟹炒得非常惹味。招牌醉鮑魚酒味馥郁入味，好鮮甜。黃金蝦個個都食到舐舐脷，手指都啜埋。油鹽水浸蜆，蜆無沙好新鮮。菠蘿咕嚕肉個個都鍾意食，甜甜酸酸好開胃。 涼拌木耳夠入味，好清新。蒜蓉炒時菜夠健康，清下腸胃👍

喺謝斐道呢一間喜記避風塘炒辣蟹我相信冇人會唔識🤣自從橋底辣蟹出咗名之後呢一間餐廳就成為咗炒蟹必食之選👍🏼👍🏼 事隔咁多年依然保持着非常好嘅水準。 最適合就係一家大細食返餐好嘅又或者平時慶祝生日甚至過時過節一家團聚當然要食返餐海鮮宴溫暖一下啦❤️❤️為咗慶祝生日今次就食返個豪華四人餐慶祝一下🔥🔥 首先就有蟹油拍青瓜，相信蟹膏或者蟹肉大家都食得多但有冇諗過原來蟹油都係精華所在呢？🤣🤣🤣 青瓜大家亦都係食得多但平時食親嘅都係酸酸地嘅味道又或者係加啲辣醬落去，但原來簡簡單單撈一啲蟹油落去即刻令到成件事豪華左唔少🦀🦀之後就梗係到主角炒辣蟹啦🔥🔥🔥🔥每一隻蟹都一定經過精心嘅挑選，絕對要務求新鮮嘅食材先可以做到今時今日街知巷聞嘅橋底辣蟹👍🏼👍🏼 蟹肉結實，蟹膏呢就已經混合左炒辣蟹嘅調味料例如辣椒同埋炸蒜，就同普通清蒸或者薑蔥焗嘅口感完全唔同味道層次都即刻豐富左👍🏼👍🏼 色澤真係好靚完全令人好有食慾，至起碼都想加返碗白飯配合返😁論海鮮當然唔可以少得炒蜆， 真正做生意嘅店舖絕對唔會出現殼多個肉嘅情況😅 可能大家平時都會喺海鮮酒家又或者大排檔都會成日食到炒蜆但都會吐槽一下點解會咁多殼，咁當然大家都知個答案啦。

堂食正價75折，寫限聚令4人提前慶祝中秋節終於放寬限聚令可4人枱，以免有變，即時跟一家四口提前慶祝中秋節！我們選擇來到位於灣仔謝斐道的「喜記避風塘炒辣蟹」，因為好食之餘又有** 堂食正價75折**，很優惠呢！吃完前菜「涼拌皮蛋」開開胃當然要點「避風塘炒辣蟹」！然後就是一系列的美味海鮮餸菜，款款都有鑊氣，海鮮又夠新鮮，十分惹味！蒜蓉蒸龍蝦大隻肉厚又甜除了炒蟹我還很愛「椒鹽賴尿蝦」招牌醉鮑魚酒味香、肉彈牙椒鹽魷魚拼白飯魚 很香口蒜蓉粉絲蒸元貝肉鮮彈牙酥炸美國生蠔 很可口蒜蓉韭菜花蟹油炒麵特別好吃

食過兩次堂食五折， 一次細一次中( 差幾百元)。 出嚟都係細。 黑色的店。 見到eatigo有類似評語,忍唔住也要出post。 但是味道可以。 如果大家看到 請也分享。 為了評分同寫實報告， 我也要寫足200字公諸於世。 老太太老闆好啲， 會建議你拎辣椒回家 。 第二次去食中蟹 ， 老太太不在 ，另外個女個老闆擺明呃你， 面不改容。 隔離枱叫乜冇乜， 蜆又有沙。 畀人投訴， 細細聲講但又畀我聽到。 事隔幾個月， 我都係忍唔住要寫出嚟。 從只讀不寫， 都非寫不可。 貼相證實我都食過， 不是老作。

好食惹味晚餐前排仲未聚令口，可外出晚餐，同男友都好掛住鑊氣非常既味道，又鐘意食海鮮，所以同第二pair情侶食喜記。餐牌勁多野揀，我地一行4人都叫左好多餸，好多選擇，咩都想試下。有菜有炒野有肉。我最喜歡食避風塘炒辣蟹，椒鹽瀨尿蝦同豉椒炒蜆。避風塘炒辣蟹又香辣辣地，好夠鑊氣，好惹味，同埋蟹都好食。椒鹽瀨尿蝦都係勁香，瀨尿蝦咁食最好，因為啲殼都有晒味，瀨蝦肉都大大大條。豉椒炒蜆都係喜歡食炒野，蜆肉入晒味，夠甜又冇沙。

依段時間都沒有夜晚堂食，剩係得外賣，唔知大家會買啲咩外賣返去食呢？而我今次就去左買炒辣蟹食，拆餐勁嘅，依家外賣自取所有菜式都有七五折嘅優惠，好抵玩。今次真係滿載而歸，當中呢三隻避風塘炒辣蟹真係好有驚喜，因為隻隻都好有斤兩，好大隻，好好肉地。避風塘口味真係無得輸，好夠獲氣！另外仲有樣野都好有獲氣，就係呢兩碟蟹油炒麵，咪睇外表平平，食落去就食唔停口，一啖接一啖。呢盒有五隻醉鮑魚，醉雞醉乜乜食得多，醉鮑魚真係第一次食，都好入味，同埋彈牙。四隻避風塘粉絲蒸日本元貝又係正正子，夠爽口，又易食。椒鹽焗魷魚件數多，又夠大舊，啖啖肉，最緊要係夠入味，真係好岩送飯或者配啤酒喔。豉椒炒蜆都係驚喜之作，平時係其他餐廳嗌炒蜆最驚就係殼會多過肉，但呢間係肉同殼一樣咁多，唔會失蹤。金銀蛋白菜仔，鹹菜豬肚湯真係可以為成餐作個平衡，食咁多炒野，緊係要叫返啲菜同湯啦。整體上，呢個外賣食得我地好開心，好滿足，因為無諗到買外賣都可以食到滿漢全席咁，下次又食過呢間店嘅炒蟹先！

有人請食飯，到喜記食豪華龍蟹宴，餐廳做緊優惠，二人套餐$968，已經有一隻避風塘炒辣蟹，椒鹽瀨尿蝦，招牌醉鮑魚，炒硯，還有炒麵/炒河，份量十足。如果單點一隻避風塘炒辣蟹其實已經價值$750，而椒鹽瀨尿蝦都價值$350，所以套餐比單點較為抵食。喜記是避風塘炒蟹的始祖，用的是越南蟹，每隻蟹都成斤重，蟹殼比較薄，蟹肉結實肥美，味道鮮甜，除了蟹夠新鮮，最重要的是配以香料，蒜蓉，辣椒一齊炒，炸蒜令到香氣十足，我們選了小辣，很惹味。椒鹽大瀨尿蝦是另一招牌菜，瀨尿蝦有筷子般長，用椒鹽乾炒，是最惹味的做法，送酒一流，蝦肉爽口鮮甜。招牌醉鮑魚有兩隻，充滿花雕酒的香，入口軟淋，是一個適合夏天食的冷盤。招牌蟹油炒麵，份量十足，用上蟹油來炒，再放上炸蒜，令炒麵更添惹味。

疫情再次爆發，只好乖乖留在家中抗疫。唔想自己煮又想食好d，唯有買外賣返屋企嘆。見到喜記外賣自取所有菜式有七五折，一於食海鮮餐😍。避風塘炒辣蟹🦀有2斤重，要兩個盒先裝到😄炸蒜非常香口微辣。蟹肉鮮嫩，隻蟹非常多肉，啖啖肉，尤其是蟹鉗，食到舔舔脷😋。椒鹽賴尿蝦🦐賴尿蝦算大size，唔會剝得殼嚟冇肉食，肉質非常鮮甜，嫩滑。蝦殼都唔放過，沾滿椒鹽，香口惹味。豉椒炒蜆呢個都好鍾意，豉椒炒有鑊氣，乾身得來又唔會完全冇汁，蜆肉冇沙，鮮甜美味。椒鹽白飯魚白飯魚大條，炸粉唔會厚，外脆內軟，做送啤酒小食一流。醉鮑魚鮑魚一啲都唔硬，肉質爽滑軟身，鮑魚的鮮味配上淡淡的酒幽香👍🏻韭菜炒鹹肉呢個小炒好鑊氣，鹹肉的油香充分散發出嚟，韭菜更加冇得輸，濃香。沙薑雞腳雞皮爽滑，沙薑味足，滿滿的骨膠原，食完嘴唇都有黏黏的感覺。

難得全家人齊齊放假今日一於就去食大餐啦😂去左出哂名嘅「喜記」我地嗌左$1588嘅6人套餐.🔸喜記避風塘炒辣蟹美味指數：🌕🌕🌕🌕🌕喜記辣蟹最正嘅地方係先濕炒，令蟹肉入味再加上蒜蓉，豉辣，辣椒，大蔥等炒香蟹肉充滿吸收哂精華，食落去特別有味道肉質結實，蟹鮮味十足，大讚👍.🔸椒鹽瀨尿蝦美味指數：🌕🌕🌕🌕🌗大大隻瀨尿蝦，足足有成個筷子咁長呀😍可見瀨尿蝦一定好肥美💕剝哂d蝦殼都剩底好多蝦肉啖啖肉加上椒鹽香，好正！.🔸椒鹽九肚魚美味指數：🌕🌕🌕🌕椒鹽九肚魚都吾錯😘表皮可口香脆，魚肉嫩如豆腐口感一流，仲要好鮮甜加上椒鹽嘅微辣，好惹味～.🔸豉椒炒蜆美味指數：🌕🌕🌕🌕🌔由細到大最愛食就係豉椒炒蜆😂鑊氣夠，鮮甜蜆肉加上惹味醬汁真係送多幾碗飯都得呀🤣.🔸海鮮豆腐羹美味指數：🌕🌕🌕🌕嫩滑豆腐搭配海鮮既「鮮」且「嫩」清爽而吾油膩，令人飲完一口接一口🥳.🔸避風塘炒牛河美味指數：🌕🌕🌕🌕🌔避風塘炒牛河，我就第一次食原來比普通炒河仲正呀😍炒河滑溜又吸哂D汁，食落好香口而牛肉嫩滑帶彈性加上避風塘炒法，確係令成道菜式增添不少風味！.🔸蒜蓉炒時菜美味指數：🌕🌕🌕🌕🌔平時不多好食菜但加左蒜蓉嘅時菜又吾同講法🤣每條菜都沾上蒜蓉香

有時候都想盡情食海鮮 但係出街食又怕冇儀態 今次我就買咗喜記外賣返屋企慢慢食😆入邊當然唔少得喜記必食嘅避風塘炒辣蟹啦🦀 大大隻 啖啖肉 鑊氣十足成盒放滿炸蒜同辣椒 超級入味😍其他海鮮分別有椒鹽賴尿蝦 醉鮑魚椒鹽九肚魚同白灼東風螺😍😍 椒鹽賴尿蝦好大隻好肥美 非常新鮮惹味👍🏻 醉鮑魚都幾大隻 好入味好鮮甜😋 椒鹽九肚魚非常香脆送啤酒一流😆 白灼東風螺分量十足 同樣鮮味無比🤩 最後加返個油菜balance番冇咁罪惡 好豐富嘅一餐🙊

就快到同家人慶祝生日的大日子，今年由我負責搵餐廳，想特別的選擇食蟹，炒蟹還是清蒸 ?餐廳我就選擇了灣仔喜記避風塘炒辣蟹，喜記為發揚香港避風塘美食先驅之一，有好多明星都大讃惹味，那麼我們又怎可錯過呢 ~餐廳裝修典雅時尚，以中式設計，感覺古色古香，而店裡設置大型魚缸，擺放生猛活海鮮，吸引不少人觀賞  ;  地方整潔，環境舒適。餐牌上除了2人超值套餐外，亦有適合我們點的堂食超值套餐 $998，原價$1374，這超值套餐包括喜記避風塘炒辣蟹1隻、豉椒炒蜆/豉椒炒青口 (二選一)、馳名沙沙骨/生炒骨 (二選一)、蒜蓉粉絲蒸扇貝4隻、蒜蓉炒時菜及避風塘炒牛河/楊州炒飯 (二選一)。喜記避風塘炒辣蟹大大隻生猛每日新鮮到貨，螃蟹品質上乘，肉質結實，蟹肉鮮甜無比，啖啖滋味，它將蟹泡油再配上蒜蓉、豉椒、辣椒乾炒法，令蟹肉吸了避風塘醬料味道，越食越起勁，真的停不了口，一吃難忘！豉椒炒青口粒粒豉椒鋪滿賬卜卜的青口，肉味鮮甜，青口很爽口，香濃惹味。生炒骨依碟小菜酸酸甜甜好開胃，生炒骨肉質嫩滑，外脆內軟，配合甜菠蘿、青椒、洋蔥、紅椒等蔬菜，翠綠鮮爽，很好吃。蒜蓉粉絲蒸扇貝一條條的粉絲和粒粒蒜蓉完全遮蓋每一個扇貝，

繼續出動尋找美食，突然想食炒蟹，搵到喜記避風塘炒蟹，經常喺唔同嘅地方見到介紹喜記，今次終於有機會一試。疫情期間此餐廳亦推出優惠套餐， 十分吸引抵吃。揀選左二人套餐，套餐中並沒有炒蟹，但可以以近乎六折的優惠近乎六折的優惠價追加避風塘炒蟹。兩個人食咗五樣餸，1. 豉椒炒蜆， 鑊氣十足，味道鮮甜，十分開胃惹味，蜆肉彈牙無沙2. 避風塘炒辣蟹，超級大嘅肉蟹，肉質鮮甜結實，配上鹹香脆口的蒜粒，辣味適中，食到舔舔脷。3. 椒鹽九肚魚，外層嗰浸皮香脆，九肚魚與肉質潤滑4. 避風塘粉絲蒸扇貝， 扇貝size十足，粉絲吸晒扇貝的鮮甜味。5.5. 招牌蟹油炒麵，想不到一個簡單的炒麵都能顯示到廚師嘅身手，蟹油香氣十足，韭黃芽菜仍然係好爽口，將避風塘嘅蒜粒灑落麵，一起撈住食，非常美味。