和氣食堂 (河畔花園)

營業中

休息中

話說好耐冇食日本野，今日同朋友約左食佢屋企附近既和氣。叫左個三文魚雜果蟹籽沙律。幾得意，好快就上菜。呢個沙律真係好開胃。好fresh，青瓜絲同蟹籽撈埋一齊，口感好爽口，加埋新鮮三文魚，好甜！雜果加埋三文魚黎食其實都好好味，第一次食，食完真係超級爽同開胃。叫左個炸池魚仔，細細條池魚，有好多條。好好味。加埋炸池魚既粉，好香，好似食緊零食咁，但係池魚又有自己既鮮味，好食。跟住叫左個火焰海膽帆立貝卷。帆立貝新鮮之餘，海膽都好甜，兩個加埋一齊真係無敵，好正！食到好爽！下次會再黎呢度食其他野！

大熱天時嘅一日嚟到沙田圍睇下有咩好食，返到嚟河畔記得河畔你面好多好嘢食。見到一間新開嘅日本料理咁岩lunch時段人頭湧湧想必一定好好味。餐廳lunch時段人頭湧湧啲lunch set買貴大約60至＄80有交易8我想咗個鰻魚定食有鰻魚，有四舊壽司，有一舊豆腐仲有炸吉列蠔。鰻魚即叫即燒，鰻魚汁好好味，撈飯就啱晒啦。有四舊壽司，分別係三文魚壽司，腐皮壽司劍，魚壽司，蛋壽司。壽司啲飯用上日本珍珠米一口好煙un應我最愛就係腐皮壽司又想新鮮爽脆口。

大家有去過河畔都知,呢到一向食店周街都係,每日由早到晚都有好多人黎食飯呢間和氣其實小弟都有食開,都分別改過好多次名,今次和氣主打日本菜,特色壽司同刺身,就帶埋小胖女去吃返次,黎到見鋪面光猛左好多,坐位鋪排亦都好寬落,岩哂一大班人黎食飯,晚市時間亦見有人龍排緊,我地早到所以好快可以入座,首先叫左個沙侓做前菜,三文魚鮮果蟹子沙律,三文魚配鮮果非常絕配,大大碗,夠哂兩個人食,跟住當然唔小得係刺身飯同壽司啦先黎四色刺身飯,帶子非常大粒,仲有係最愛既玉子當然仲有拖羅同油甘魚都好正好甜,之後就上火炙鵝肝壽司一次過食哂鵝肝,帆立貝,帶子,火炙,海膽,油甘魚,每樣都係獨當一面,併埋一齊岩岩好,唔肥唔溜,特別係個鵝肝,好香唔會有內臟味,口感好正,最後就由香辣炸雞鎚作結尾啦口感食落好香,卜卜脆,賣相亦都very good,小弟非常喜歡呢個炸雞真係咁多次黎都仲keep到個水準,值得一黎再黎捧場

屋企人住第一城, 間中入黎都會響附近食埋飯. 佢地介紹我去河畔有間日本野, 話抵食又好味.雖然睇落唔係好大間, 不過光猛乾淨.坐低一打開個menu, 頁頁都係食物圖片, 剩係睇圖都好吸引, 唔會下下睇字咁悶.先要個章紅魚沙律, 面頭係一片片既章紅魚, 唔係一粒粒. 魚肉軟嫩, 沙律當然唔會配醬油, 而係配沙律酸酸地既汁, 但味道又好夾, 仲好開胃. 沙律菜都幾多, 新鮮爽口.一樣開胃野唔夠, 整多個牛油果芒果三文魚班戟,  呢個好似壽司卷物, 班戟皮好軟熟, 包住牛油果芒果蟹柳等, 芒果個味最出, 反而食唔到牛油果味. 另外加左沙律醬, 成個都酸酸甜甜, 都係好開胃既小吃.再黎三款以黑松露為題既壽司, 有鵝肝, 帆立貝, 左口魚. 呢類小店好少會有鵝肝, 估且一試, 點知非常驚喜. 鵝肝夠厚夠肥美, 外層煎到焦香, 但入面仍保持軟嫩, 入口一D都唔油膩, 仲帶少少油香. 帆立貝新鮮爽甜, 亦都夠厚. 左口魚唔韌, 爽口鮮美. 日本野好鍾意食串燒, 所以要左鹽燒牛舌, 牛舌夠厚肉, 咬落好有質感, 爽口唔韌, 鹽燒唔會太咸, 食到牛舌本身既鮮味.飲左杯荔枝梳打, 荔枝味清清地好香, 梳打

呢日有不愉快事件所以去咗朋友屋企吹水，吹到肚餓就喺佢屋企附近搵吓嘢食啦。唔知食乜之際見到呢間日本餐廳，舖面細細但好多人幫襯，所以決定試吓［黑豚肩燒丼，$68］黑豚肩肉份量多、厚薄適中，火候亦啱啱好，燒得好香噴噴我平時唔太食蔥，但呢啲蔥同黑豚肩肉夾埋一齊食可以將個肉味更加提出。［貝3點刺身，$118］三款貝類刺身分別係廣島蠔、帆立貝，同赤貝，望落新鮮有光澤，單睇賣相已經令人流哂口水！好開心嘅係赤貝一啲腥味都冇，仲帶有淡淡鮮甜味帆立貝亦相當大隻而廣島蠔蠔味濃郁，擠少少檸檬汁就可以食到100%鮮味，亦可以點餐廳準備嘅嘅酸汁，別有另一番風味［芝士厚燒玉子，$38］冇講大話，厚燒真係好厚燒咬開後見到嘅一層層蛋可以見到師傅有幾用心［芒果三文魚加州卷，$58；黃金燒珍寶皇帝蟹棒，$38；黃金燒三文魚腩，$30；咖哩鹽燒油甘魚，$42］咖哩鹽燒油甘魚（圖右下）係覺得好特別所以想試吓，吖，又幾好味喎，咖哩香得嚟唔會搶走油甘魚嘅鮮味加州卷好足料，三文魚同芒果都好厚好大件，蟹籽都多到跌出嚟黃金燒系列壽司份量大得驚人！蟹棒同三文魚上面疊滿咗蟹柳絲同沙律醬，然後再火炙，十分惹味！睇吓呢件三文魚，足足有半隻筷子咁

最近發現河畔花園有間新開無耐嘅日式餐廳，細細間又裝修得幾靚，叫「和氣食堂」，於是就同個朋友去咗試吓。餐廳裡面嘅燈飾形狀各有不同，都幾特別㗎！一坐低就見到厚厚嘅餐牌，食品款式包羅萬有，而且圖片精美，你會忍唔住不停咁揭本餐牌，剎時間真係會唔知食邊樣好。首先食嘅係呢個「溫泉玉子牛油果凱薩沙律」，個醬溝埋芝士粉幾好食又唔太漏，而且麵包粒比一般嘅沙律大粒D同多D！之後試咗「薄切白身魚2點」（鱆紅魚&油甘魚刺身），兩者嘅味道都好新鮮，油甘魚嘅味道尤其出色，口感爽滑、鮮甜、帶有油香，超級好味！碗刺身一上檯，我朋友秒速就食咗塊油甘魚，我影都影唔切，所以你會見到下面幅相係少咗塊嘅，哈哈😅刺身之後係壽司——「三文魚5味」！5味之中，最想試嘅係「咖喱鹽味」，有創意之餘味道都唔錯。不過，因為「芝士味」放喺旁邊而沾染到D咖喱鹽，所以變咗咖喱鹽mix芝士味，誤打誤撞之下，個味道又多一個層次，幾特別！哈！刺身、壽司都食咗，當然唔少得卷物啦！我地就食咗非常有特色嘅「鰻魚牛油果班戟」！班戟皮略帶甜味，配合鰻魚、甜蛋都非常合適，加上沙律醬嘅酸甜、牛油果淡淡嘅油香作平衡，不錯！至於佢嘅口感方面亦非常豐富，爽脆嘅飛魚子、煙韌

朋友係沙田圍住, 想食呢間日本野, 話平時都好多人去食魚生見係佢生日, 專登入黎同佢食餐好既 餐廳雖然唔大, 但都坐得舒服, 服務員好有禮貌5點刺身盛A同海膽刺身刺身盛有三文魚, 油甘魚, 甜蝦, 帆立貝同章紅魚, 好新鮮同肥美海膽原板上, 非常鮮甜 泰式生蝦朋友最愛, 每片生蝦都有一片蒜頭, 點上泰式醬汁, 味道幾夾軍艦5點 同 三色花之戀廢事麻煩, 點左一SET過既壽司軍艦5點: 海膽, 三文魚子, 拖羅碎, 蟹糕甜蝦同蟹糕帆立貝三色花之戀: 芒果, 海膽拖羅蝦同蟹子蟹糕軍艦真係好香蟹味, 陣味好濃郁朋友好鐘意食三文魚, 三文魚5味: 海膽, 牛油果, 三文魚, 芝士同咖哩我食左件芝士三文魚, 塊烤過既芝士配上火炙三文魚, 正另外仲有叫左鰻魚同活貝壽司同軟殼蟹手卷鰻魚好長好足料小食叫左芝士燒蠔,燒帆立貝同牛舌推介芝士燒蠔, 面頭好多芝士, 好熱, 食個時要小心飲品叫左青蘋果熱情果同草莓番石榴熱情果梳打, 我自己比較鐘意草莓個隻, 好大杯, 最後都飲唔曬

河畔呢間和氣未改名之前食過好幾次 最愛食佢既烏冬同壽司 最近去發現原來不單止裝修左仲改左名 連餐牌都好似唔同左 起初都有d擔心係易左手會無咁好味 原來仍然咁好食!! 仲多左好多"好野"食三文魚鮮果蟹子沙律吃貨小妹一向鐘情芒果+三文魚既配搭加埋士多啤梨,奇異果,火龍果同蟹子沙律 口感既清新又豐富 食唔停 火炙鵝肝三点 (前);火焰海膽帆立貝卷(後)鵝肝帶子壽司超級美味一向唔好鵝肝既我都好欣賞 鵝肝好香 唔會有臊味 帶子肥美 無諗過個配搭咁正火焰海膽帆立貝卷都好好味 海膽鮮甜, 不過個鵝肝壽司實在太正 搶晒鏡四色刺身丼有油甘魚,帶子,拖羅碎,三文魚籽,仲有兩片玉子。 油甘魚超厚切!! 帶子鮮甜但吃貨小妹更愛拖羅碎 拌埋珍珠米食一流香辣炸雞鎚小胖男友話係最驚喜既新菜 炸得香脆嫩滑 每隻雞鎚都勁多肉 仲好食過韓式炸雞後記: 呢度既員工欣勤有禮 食物質素亦高過好多連鎖日式餐廳 吃貨小妹會繼續支持本地小店

最近暫搬到馬鞍山一帶,聽說這一帶是美食沙漠...這天覓食覓到沙田區。午市時段店內人頭湧湧,SET LUNCH選擇頗多,由烏冬到便當都有,還可以加$12換2款小食。我們兩人分別點了野雜菌巑岐烏冬,追加糖心蛋和忌廉蟹肉薯餅,另外點了和氣壽司定食。先上來了味增湯和迷你牛肉烏冬,本來還以為上錯菜,原來是壽司定食的,沒想到還有烏冬,份量真多。湯底比較清新淡口,烏冬韌度尚足,牛肉片也不少,不過這個餐既有餐飲和烏冬,再加味增湯實在是喝不下了,這個餐足夠小胃口的2人share了,算是抵食。野雜菌巑岐烏冬,湯底是一樣的,菌類算是份量多。這時點的巨峰梳打也來了,天氣這麼熱真的清新解渴,也沒有藥水味,加分。沙律菜新鮮,夠爽脆。糖心蛋流心效果一流,不過有點凍,要浸一浸湯底再吃。忌廉蟹肉薯餅主角壽司上場,外型相當吸引,看色澤是新鮮的。三文魚最出色,厚身而鮮甜,虎蝦也不錯.夠爽口,特長海鰻醬汁出色,不過稍嫌有點凍,而三文魚籽更是予想外,粒粒飽滿而不腥,咬下滲出魚油香,好味道。