和氣食堂 (河畔花園)

營業中

休息中

周末同男朋友黎食晏...兩點幾到...今日係大暑...好彩唔洗等位！ 魚生飯 男友點既.... 啲魚生唔夠凍...成個飯都變得好失色...滑蛋豬扒飯 成個飯唔夠熱...舊蛋唔可以叫滑蛋...煮得好熟...略厭汁唔夠...變左最尾都係淨食白飯...但味道係ok 唔會太咸加14蚊要左兩款小食 第一款 薯角... 好大份好抵.... 岩岩炸起...好熱..好味👍🏻👍🏻另一款係章魚丸 有3粒...細細粒 但味道👍🏻👍🏻跟餐有杯柚子蜜送tim呢一餐最滿意係兩款小食...正餐都好一般..特別係魚生飯...唔夠凍...已經好難繼續食...

雖是小店經營，但食物選擇很多，魚生飯、壽司、拉麵、吉列、沙津等等都有！大阪滑蛋吉列豬扒丼，朋友點的，開頭冇咩期望，點知又幾好食！由下面講起先，先係白飯，上面有些滑蛋，嫩嫩滑滑好味道，再鋪上吉列豬扒，是有驚喜的！很脆又不油，脆粉漿是薄薄的，食多幾件都不會膩！讚！最頂頂是椰菜絲配沙津醬、鰹魚碎、章魚小丸子個種汁！係好味既，但建議撈均啲係啲飯同豬扒上，否則都幾咸！整齊個配搭係幾Match幾好食的！另外點了些壽司，飯軟硬適中，味道不錯。後 - 星鰻，很淡，冇味，而且太薄身，又冇口感中 - 鵝肝三點，鵝肝是很細粒，而且不太濃味，單點其他壽司更好！前 - 汁燒三文魚，吞拿魚蓉併海膽，入口即溶，鮮甜好味，呢個價錢已經好好！整體感覺有啲似以前元朗啲壽司店，可惜元朗那些每況愈下，呢間食物質素好很多，希望keep到啦！

放工去河畔搵野食，6點半唔使等位。 先黎杯草苺石榴熱情果梳打，大熱天時岩晒！好fresh～叫左2 款壽司，三文魚在味同鵝肝帆立貝卷。三文魚叫一碟就有5款味隻隻唔同，一D都唔會悶～幾特別。鵝肝帆立貝卷都OK，大舊又足料。 老公叫左黑豚肉井都唔錯，D肉唔鞋，同D汁好夾。老公仲成碗食晒添！XD 我就食魚生飯，D魚生比平時厚又新鮮，比想像中好！最最最正就係佢D飯，係日本珍珠米，落左醋，好開胃！整體黎講有驚喜，見隔離枱食海膽，份量唔少，下次會再黎試！

人總係要日日都食飯嘅！今日去咗沙田附近嘅和氣食堂，因為想食日本菜，又貪佢夠近夠方便！簡簡單單的一間日本菜，冇咩花巧，係區內街坊嘅飯堂！一邊食，一邊總見到不少街坊來買外賣！炸雞脆口，下酒一流，且價錢大眾化，$35一大份，不愧為街坊食堂！軍艦5點夠新鮮，一啖一舊，絕不遜色於其他大型日本菜連鎖店！最愛海膽，一口食，海膽的creamy 及鮮甜！刺身仲可以食埋生蠔，勁滿足，只是份量不太多，如果人多，要多點一份！食食下，朋友想食串燒，單叫一串燒紫薯亦可！最後，再叫了一碗豚肉飯，有驚喜，味道不錯！豚肉有淡燒烤香，很惹味，醬汁又很好送飯，兩個女孩子把滿滿的一碗全吃掉！總括而言，街坊食堂，沙田友摯愛，價格親民！

今日同友人去沙田行街，順便食晚餐但新城市人太多，大多數都係連鎖餐廳所以我們行下行下，去左河畔搵嘢食最後簡左👇🏻我們嗌左盤刺身份量好夠。有兩大隻廣島蠔，好新鮮，清甜帶子有四片, 好足料。最啱二個人share 赤貝好爽口另外，用紫菜包青瓜赤貝，好清新，有口感壽司蝦三味。甜蝦，生虎蝦，牡丹蝦全部都好爽口，有蝦味，一次過試哂幾款蝦，唔錯！黑豚腩燒丼配上泡菜。泡菜好開胃，同飯幾夾黑豚肉做得非常岀色燒汁好夠味，好juicy ,豚肉好 林，而且唔會太多肥肉最後叫左炸物揚物盛。有雞粒，薯角，雞搥估唔到原來甘大盤😜餐廳好細心，有沙律醬同茄汁炸得好脆

辛苦了嘅人，最好就係食啲美食慰勞自己今次就揀咗喺河畔花園嘅一間隱世日式小店座位唔算好多，大概可以招呼10幾張枱，入到去店員好好招呼，又為我哋推介幾款美食三文魚五味，有完美、海膽、牛油果、火炙、同埋芝士火炙，我最鍾意食芝士火炙，一次過可以試到五種唔同味嘅三文魚，正三文魚鮮果蟹子沙律，三文魚同生果大大粒，份量好大，唔錯刺身，我最鍾意食就係甜蝦，又大隻又甜，佢另外在安排左一隻酸味嘅醬，好開胃，而其餘兩款刺身都好鮮味燒日本廣島蠔，蒜香味和芝士味，蒜香味真係好香，食落口好入味正三文魚海鮮沙律脆脆卷，口感好特別，因為佢上邊有脆脆嘅口感，面頭仲有八爪魚，煙煙銀銀，入邊仲有飯同三文魚，一次過有三種唔同嘅口感，好正大阪豬扒飯，上邊有好多椰菜絲，之後就有啲好鬆脆嘅豬扒，之後下面有洋蔥同蛋汁，再淋上特製豬扒汁，好正好好味 我哋四個人食每人都係＄150 ,晚餐來講算係咁唔錯。

今晚接女朋友放工之後去食飯，咁岩喺沙田附近放工，所以就想係返附近食，上網睇吓附近有咩食啦，就見到好多人推薦食呢一家和氣食堂，所以我哋就想去試吓啦。我哋未夠七點就已經去到，間野就唔係好大間，不過都已經有兩三張枱坐喺度食緊，咁我哋嗱嗱臨坐埋位睇下食咩啦。我哋四個人食就叫咗七樣嘢食同一個飲品，首先就叫咗個三文魚鮮果孩蟹籽沙律，份量都好大份，同埋一啲都唔手軟，勁多蟹籽，因為呢個配搭係有生果嘅關係，食落好Fresh好開胃。嚟到食日本野梗係要叫返壽司食下啦，我哋叫咗個三文魚五食拼盤，分別有原味三文魚，海膽、牛油果、咖喱鹽、芝士火炙三文魚，因為本身我自己都好鍾意食三文魚，所以呢個三文魚好啱我食。之後嚟咗個刺身，分別係章紅魚、油甘魚、同埋甜蝦，佢啲刺身真係好新鮮，食落口好鮮味，一啲都唔腥， 其實我之前唔係好食油甘魚，因為平時食嗰啲好腥，但今次食落去完全唔覺，啲甜蝦仲好鮮味好甜。之後嚟咗個三文魚海鮮沙律脆脆卷，個口感都幾得意，因為外邊有一陣脆脆包圍住，其實佢呢一個係一個飯卷，入邊包住三文魚，之後外邊嗰啲飯包住，之後再有八爪魚喺面，最後就有啲脆脆沈喺上面，我女朋友就幾欣賞呢味！小食，燒日本廣島號，因為得我

日式美食，無論在哪，都是很受歡迎處身於香港這個大都市，各種各樣的美食，都能享受到，今日獨自一人㨂左公司附近呢間最為旺場的日本餐廳，也就湊熱鬧，唔想煩諗食咩, 叫得多又驚食唔曬，價錢亦是適中。職員有禮貌款待，桌面也清潔衛生。咖喱漢堡扒便當，主打咖喱漢堡咖喱味道好香甜，漢堡肉味濃Juicy肉汁鮮美，兩個大隻日式酥炸生蠔味道香甜可口，還感受到蠔的鮮味，芝麻醬豆腐質地軟滑，頗濃嘅芝麻醬食落開胃，仲有4件壽司，玉子壽司蛋香滑口，三文魚壽司肉質細嫩鮮美油份充足，𩶘魚味濃郁，入口即溶一杯普通凍咖啡

一早到沙田河畔探朋友，計劃探病後，才食午飯及外出，怎料朋友病情嚴重，照顧好佢才去食個late lunch.佢介紹左我去和氣食堂。門口見到餐牌咁多選擇的確吸引，地方雖小但配合日式橫裝以及柔和燈光，讓人感到親切舒服，員工非常友善。二話不說即刻點左個雜錦刺身丼，多款刺身都係加大碼一啲都無講誇張，每一件刺身完全厚切，三文魚肉質肥美，入口即融，食完滿口油脂香，赤蝦蝦肉又甜又爽食落新鮮/油甘魚嫩滑、油份充足，味道甘甜/拖羅肉質油潤而軟滑，魚味濃郁鮮甜。味道較為清淡/八爪魚口感清脆彈牙，出奇地有嚼勁，肉汁十分多/北寄貝味道甘甜、肉質肥美及爽脆，口感極佳其營養價值高/厚厚嘅玉子蛋夠香夠滑/蟹籽份量多，每一啖飯都充滿著蟹籽，飯有米香甜味，質地黏糯有彈性，唔會太鬆散又唔會濕酸度剛好，最後連青瓜配菜都爽脆。＄65遠超所值食刺身飲凍柚子茶非常清甜解渴

最近冇時冇刻都想食日本 o野依個大阪豬扒丼好吸引呢~餐廳都幾靚, 後來我先知好彩早少少 o黎食 刺身拼盤好正 ar新鮮得 o黎切得勁厚 好大塊, 食得好滿足!隻蝦非常鮮甜 大阪豬扒丼 ge 實物仲靚過相豬扒炸得好香脆, 加埋 d 椰絲食唔會好膩仲點 o左幾種壽司, 全部都好有特色 ga右下 o個個咖哩燒油甘魚好好食估唔到咖哩都可以用 o係壽司上呢珍寶皇帝蟹棒壽司真係好霸氣蟹棒仲長過隻碟, 燒得幾香~牛油味三文魚腐皮壽司好豐富 串燒都唔錯, 牛舌好有肉汁我 o地食到七點半八點, 走 o個陣就多人 la~我揀中 o左一間 hidden gem, haha

經常到沙田覓食，但卻很少到一河之隔的沙田圍。這次是機緣巧合之下，恰巧由沙田漫步到沙田圍，繼而來到這間餐廳。我們先點了個刺身盛A薄切紅璋魚的魚鮮味十足，口感爽口，對於平常不太吃紅璋魚的我也一連吃了好幾塊。三文魚很厚，油脂分布均衡，很肥美，但肉質偏軟，而且魚味不足，令吃完紅璋魚後的我有點失望。甜蝦和蠔不是我愛的東西，所以沒有什麼特別意見。在吃完刺身盛之後，要吃吃熱食暖暖肚子。就點了個餐牌上推薦的黑豚腩燒丼。這給了我一個大驚喜，不要看它外貌不太吸引，它事實上很美味！醬汁很香，當中不是死鹹，而是帶有甜味。飯是粒粒分明又帶有黏性的珍珠米，軟硬度剛剛好。最後肉的部分很入味，薄切令黑豚腩不會太油膩，又有香脆的口感。但有點燒得過火，令邊邊有點燒焦。朋友點了個軍艦5也覺得不錯，但我就沒有細嘗。但整體而言，食物的性格比是很高，果然隔了一河，鋪租減低，食物價格亦減低。有空一定要多到沙田圍覓食！

今天和男朋友到沙田探望朋友，之後在附近吃晚飯，因為想吃日本菜，所以我們選了這間餐廳。我們點了新出的大阪豬扒丼、4點刺身盛、壽司、燒廣島蠔和菠蘿啤特飲。大阪豬扒丼超巨型的一碗，最上面的是柴魚乾，下面是椰菜絲，再下面是炸豬扒和滑蛋，最下層是白飯。柴魚乾上加了日式蛋黃醬，酸酸甜甜的很惹味。炒蛋十分滑溜，炸豬扒表面炸皮不厚又夠香脆。壽司火炙黑松露三文魚壽司很肥美，火炙過後的三文魚腩很香，黑松露增加了香味。鵝肝入口即溶，濃厚的香味充斥著口腔。帆立貝超級肥厚鮮甜，輕輕炙過更添鮮味。4點刺身盛很大的一盤，視覺效果滿分，打咭必備。刺身包括三文魚、廣島蠔、甜蝦和油甘魚。三文魚切得十分厚，鮮甜肥美，每咬一口都令人十分滿足。廣島蠔可以沾附上的醋吃，入口滑溜，超級鮮味，蠔味濃郁而不腥，沾了醋更能帶出其鮮甜。甜蝦很大隻，肉很肥厚，口感爽口彈牙，味道十分鮮甜。油甘魚是薄切，薄得能看到墊在刺身底部的竹葉，師傅的刀功可見一班，刺身味道鮮美甘醇。燒廣島蠔蒜味廣島蠔很香噴噴，燒過的蒜碎很惹味，我們吃了很多。蠔肉稍為有點燒太久了，所以有點乾。芝士廣島蠔的芝士表面燒得焦香，芝士味道香濃，入口軟滑。不過蠔肉也有點乾。菠蘿啤特飲

今晚喺沙田上完堂，約左fd喺沙田圍食晚飯。行左一個圈，最後決定黎"和氣食堂"，食日本菜。先叫左份鐵板煎霜降一口牛（$78）雖然係一口牛，但都幾大粒，份量唔少，牛味都唔錯，無雪味，其他配料都好香口，我地清晒。蒜蓉燒廣島蠔($45/2, $88/4)叫左兩隻試下，如果鐘意食蒜蓉既朋友會覺得好正，因為啲蒜蓉勁多，完全覆蓋晒隻蠔，所以勁入味，而且蠔都好大隻。天婦羅盛合($72)有五六款天婦羅，蝦好大隻，有三隻。仲有蕃薯，茄子，冬菇，青椒。款色都算夠齊，我食左蕃薯同蝦，都好食特上雜錦刺身丼（$148）最鐘意呢個，刺身好多，其他日本店，分分鐘要二百蚊。佢差唔多有七八款刺身，好新鮮，好肥美。珍珠米都好大碗，一個人真係食唔晒。佢呢個價錢係抵食既原來黄大仙商場都開左間分店，下次去試下分店水準如何。總括黎講，呢個價錢，呢個質素，係

這間店吸引我去試的是他們精心製作的餐牌，厚厚的餐牌加上豐富的圖片，每一款食物看上去也好像很好吃的樣子！重要是價錢也相當親民～生虎蝦刺身（＄48）平常在泰國菜館也會叫生蝦刺身，這裡有這道菜，我又試一下。蝦肉新鮮彈牙，而且大大條，相比平常在泰國餐館吃到的，這裡的也有調泰式辣汁，整體更出色。三色花之戀 （＄88）這個一上菜就覺得：吃一粒都會飽。這個配搭一次過可以試不同味道的花之戀，牡丹蝦、吞拿魚蓉、海膽放一起的花之戀是最讚的，實在太奢侈的感覺，三文魚片也是厚切，所以一啖食哂的話真的會有滿口幸福的感覺。火炙黑松露3點：鵝肝、左口魚邊、帆立貝鵝肝整個煎得外脆，帆立貝也是新鮮大大粒，連同黑松露，其實根本就是把所有好吃的食材放一起，絕對有1+1>2的multiply effect。這裡的飯類選擇很多，有熟食也有魚生飯，我們選了黑豚腩燒don（＄68），雖然上菜時配有泡菜，但其實是日式醬汁的味道，汁底也很好吃，而且餐廳也不吝嗇醬汁，不用怕吃到底只吃白飯。這家店的驚喜位在飲品menu，這款倒插呃like飲品，平常在尖沙咀的餐廳，索價過百的也遇到過，這裡的價錢真的超值，可惜今次是駕車來，下次再試！

今天突然想食日本野，同朋友一齊去依間和氣氣食堂到食。我地兩個人去食叫左一盤刺身，入面有三文魚，甜蝦，魚片同兩隻美國生蠔，甜蝦新鮮，三文魚夠肥美，美國蠔係依盤刺身最好食，加上檸檬汁，把生蠔既鮮味品嚐得淋漓盡致，值得一試。另外，我地仲叫左一盤壽司，有火炙黑松露鵝肝，帆立貝，右口魚邊，火炙黑松露鵝肝尤其是我最愛，因為自身對鵝肝情有獨鍾。我地仲叫左一個燒黑豕腩肉食，燒汁好味，份量適中，兩人分享剛剛好。串燒就叫左牛舌同菠蘿雞中翼，價錢略貴但味道補返，好食。飲料方面我地叫左一杯荔枝梳打。