影片
更多
2016-10-08
134 瀏覽
最近發現河畔花園有間新開無耐嘅日式餐廳，細細間又裝修得幾靚，叫「和氣食堂」，於是就同個朋友去咗試吓。餐廳裡面嘅燈飾形狀各有不同，都幾特別㗎！一坐低就見到厚厚嘅餐牌，食品款式包羅萬有，而且圖片精美，你會忍唔住不停咁揭本餐牌，剎時間真係會唔知食邊樣好。首先食嘅係呢個「溫泉玉子牛油果凱薩沙律」，個醬溝埋芝士粉幾好食又唔太漏，而且麵包粒比一般嘅沙律大粒D同多D！之後試咗「薄切白身魚2點」（鱆紅魚&油甘魚刺身），兩者嘅味道都好新鮮，油甘魚嘅味道尤其出色，口感爽滑、鮮甜、帶有油香，超級好味！碗刺身一上檯，我朋友秒速就食咗塊油甘魚，我影都影唔切，所以你會見到下面幅相係少咗塊嘅，哈哈😅刺身之後係壽司——「三文魚5味」！5味之中，最想試嘅係「咖喱鹽味」，有創意之餘味道都唔錯。不過，因為「芝士味」放喺旁邊而沾染到D咖喱鹽，所以變咗咖喱鹽mix芝士味，誤打誤撞之下，個味道又多一個層次，幾特別！哈！刺身、壽司都食咗，當然唔少得卷物啦！我地就食咗非常有特色嘅「鰻魚牛油果班戟」！班戟皮略帶甜味，配合鰻魚、甜蛋都非常合適，加上沙律醬嘅酸甜、牛油果淡淡嘅油香作平衡，不錯！至於佢嘅口感方面亦非常豐富，爽脆嘅飛魚子、煙韌
餐廳裡面嘅燈飾形狀各有不同，都幾特別㗎！
一坐低就見到厚厚嘅餐牌，食品款式包羅萬有，而且圖片精美，你會忍唔住不停咁揭本餐牌，剎時間真係會唔知食邊樣好。
首先食嘅係呢個「溫泉玉子牛油果凱薩沙律」，個醬溝埋芝士粉幾好食又唔太漏，而且麵包粒比一般嘅沙律大粒D同多D！
之後試咗「薄切白身魚2點」（鱆紅魚&油甘魚刺身），兩者嘅味道都好新鮮，油甘魚嘅味道尤其出色，口感爽滑、鮮甜、帶有油香，超級好味！碗刺身一上檯，我朋友秒速就食咗塊油甘魚，我影都影唔切，所以你會見到下面幅相係少咗塊嘅，哈哈😅
刺身之後係壽司——「三文魚5味」！5味之中，最想試嘅係「咖喱鹽味」，有創意之餘味道都唔錯。不過，因為「芝士味」放喺旁邊而沾染到D咖喱鹽，所以變咗咖喱鹽mix芝士味，誤打誤撞之下，個味道又多一個層次，幾特別！哈！
刺身、壽司都食咗，當然唔少得卷物啦！我地就食咗非常有特色嘅「鰻魚牛油果班戟」！班戟皮略帶甜味，配合鰻魚、甜蛋都非常合適，加上沙律醬嘅酸甜、牛油果淡淡嘅油香作平衡，不錯！至於佢嘅口感方面亦非常豐富，爽脆嘅飛魚子、煙韌嘅班戟皮、軟綿綿嘅多種餡料配合起黎絕對俾到你驚喜！如果班戟皮可以再薄少少，我覺得簡直係完美！
最後食嘅係「黑豚肩燒丼」（放在旁邊嘅係隨飯奉上嘅泡菜），燒汁略甜，黑豚亦有豐富油香。可能吃完上述嘅各種美食，我們都有點飽，沒辦法完成這個飯啦。
吃飽之後，時間尚早，於是沿著沙田河邊散散步、睇睇風景，幾寫意～✌
張貼
