和氣食堂 (河畔花園)

營業中

休息中

先來了溫泉玉子牛油果凱撒沙律，買相好吸引，尤其是個溫泉蛋，好靚的蛋黃色，撈埋溫泉蛋沙律汁加埋牛油果、蕃茄，麵包碎同菜，好新鮮好好味，不會單調另一碗濃蕃茄湯燒雞扒烏冬，個湯底好濃郁的蕃茄味，烏冬好煙刃，吸左蕃茄味道更入味，少少蔥更帶出蕃茄香味。雞扒煎得表面好香脆，內裏肉好滑，和蕃茄湯一起吃，好惹味呢個三文魚海鮮沙律脆脆卷好香口，外面脆脆加強了口感，令中間的沙律醬三文魚碎更特別，下面係卷物，令味道更豐富最後既係燒日本廣島蠔，隻蠔好大隻，芝士燒味道清新，可以食到蠔的鮮味，保持到蠔原本的水份；而蒜蓉燒的比較濃味，好香的蒜味令蠔更惹味

$68 一個午餐飯盒！份量勁多又好食！個餐有四件壽司、鰻魚飯、炸蠔同芝麻醬豆腐！壽司大大件！好正啊！三文魚雖然唔係厚切！但都好食啊！又夠新鮮！玉子壽司好甜啊！好想食多件！炸蠔都好正！兩件都係大大件！炸得好脆啊！一咬落去就有蠔汁爆出黎！蠔唔會有腥味！新鮮！凍豆腐同芝麻醬依個租合係係完勝嫁！豆腐好扎實！又幾滑！最正係加左炸蒜係上面！炸蒜一粒粒勁香！而且又有口感！大大件鰻魚飯！鰻魚好香啊！又夠軟！無骨！又夠濃味！好食啊！不過有多d汁就仲好啦！俾人迫本王食菜！加六蚊就多個沙律！沙律有酸酸個d醬汁！又幾好食！飲杯柚子檸檬！繼續上路！

今日貓貓放假，食左個好靚的午餐。貓貓鍾意食魚，青魚便當最適合貓貓。好大個便當上菜啦！好有日本屋企feel既便當。貓貓試一口飯，食得出用既係珍珠米，有彈性又香，米飯已經勝出。青魚整得外脆，但入邊好有水份，新鮮。最重要係壽司，炸蠔都食得出係新鮮野，冇臭腥味。豆腐爽口，上邊鋪左層脆脆蒜，加埋芝麻醬，口感有層次。因為個三文魚壽司好肥太正啦，貓貓叫多個三文魚壽司。食到好過癮。三文魚肥美，唔洗點醬已經好甜，讚！再飲杯熱柚子蜜暖一暖肚，個感覺超好。

同男朋友到沙田逛街，突然心血來潮想吃日本野，想起朋友曾推介一間位於河畔的日式餐廳。餐廳面積不太，多為一些卡座，環境乾淨衛生，侍應們都很熱情招呼我們點了三文魚鮮果蟹籽沙律，蟹籽份量很多，每一啖都充滿著蟹籽，口感十足，鮮果亦很新鮮，配上切成厚片的三文魚，胃口大開！壽司方面，我們點了火焰海膽帆立貝卷和火炙鵝肝三點，即是鵝肝配上鰻魚、三文魚和帆立貝。先講海膽卷，小妹自問不太喜歡海膽，但男朋友喜歡，故且一試，一試竟然有驚喜，海膽只有鮮味沒有那種我害怕的腥味，配上軟滑鮮甜的帆立貝，令小妹我吃了兩大舊！鵝肝三點是朋友推介必食的，鵝肝不會太油太膩，配上新鮮的三文魚與帆立貝，恰到好處。因為吃了很多壽司，所以我們只點了一個主食，黑豚肩燒丼，黑豚肉燒得剛剛好，一咬下去，肉汁四溢，再吃一口混和了大量蔥花的飯，最後，小妹竟然吃了大半碗飯，男朋友都驚訝如此開胃！我們還點了一個小食炸雞，炸雞嫩滑，不會有過多的炸粉，不錯！總括而言，朋友絕對沒有介紹錯，河畔這間日式餐廳性價比真的很高

出去沙田搵朋友 落咗佢屋企樓下河畔花園間 和氣食堂食咗個 魚生飯， 佢哋個set lunch幾十蚊已經有碗魚生飯，仲有好多款式揀tim 朋友仔點咗個雜錦刺身丼 ，賣相很不錯 面頭鋪滿大大塊刺身， 連飯都望不到， 而且每件刺身都很肥美新鮮 。 我自己就點咗一份a8迷你三文魚帆立貝刺身丼配牛肉烏冬 份帆立貝 都好大件 ，我覺得 碗飯細細 碗，剛剛好唔會太飽 再食埋個牛肉烏冬 就啱啱好啦， 一次過滿足曬兩個願望 ，個湯幾清唔會太濃味太鹹而且非常足料 另外再點咗一份三文魚刺身， 滿足一下三文魚控的我 和點咗一份牛油粟米小食

咁岩今日公司叫我過去沙田做野, 所以緊係成機要約下FD聚下, 朋友就帶左我去河畔食野, 河畔聽就聽過啦, 有好野食就吾知, 入到去, 舖位細細, 但係裝潢都幾骨子, 咁我地叫左D野share食芝士玉子燒, 我朋友話佢次次黎都必食, 的確係幾好食, 新鮮即做熱辣辣, 入面有濃香芝士, 加上香甜甜蛋, 食完好幸福燒鳥牛舌, 燒鳥燒得岩岩好, 外面香口, 但咬落肉質仲好嫩滑, 牛舌就牛味濃郁, 加上特制調味料十分惹味燒牛肉飯, 牛肉燒得較為乾身, 醬汁味道比較濃味, 跟飯一起吃還可以另外壽司質素都幾好, 食得出是新鮮即做, 正!個FD 真係無介紹錯, 下次我都揾下朋友一齊黎再食過

今日同女朋友係沙田跑完之後就行到去河畔食晚餐我地8點鐘到門口都幾多人，睇黎依間野應該有番咁上下水準前菜我地叫左個沙律味道幾清新，有牛油果同麵包點綴生色不少！加埋蕃茄酸酸甜甜愈食愈開胃因為跑完好口乾，所以即刻點左apple cider雖然個價錢有D貴但我同女友兩個人飲就好抵大家都知依種放法好come飲想同大家推薦下吉列廣島蠔滑蛋丼濃郁既蛋汁和甜甜既醬汁，滑蛋雞肉丼 - 蛋整得剛剛好，半生熟蛋夾雜着啲洋蔥，好香滑。飯佢加左少少日本甜豉油，所以同d蛋一齊食好好味。

今日去左河畔到同屋企人食飯入到店入面雖然唔算大間，但座既地方都好寬落不過略嫌店入面D有D客人比較嘈，但D員工見到我地complain都即處友善處理好想推介大家食依個芝士厚燒玉子 ($38) 每粒玉子都好大件，而且一咬落去juicy有汁加埋芝士有種甜甜軟軟既味道，同堆蛋香mix埋真係好正值得一推另外想推薦既係壽司上碟相當有誠意三文魚子咬落去就好似溫泉蛋咁入面D 汁鮮甜濃厚壽司飯微微帶暖 有飯同醋既香味吞拿魚軟綿綿好soft 唔會有雪味我地仲點左梅酒梅子的清香，米酒的醇厚，兩者結合真係叫人一試難忘

今日喺沙田放工就上網睇下有咩嘢好食😬見到呢間日本嘢好評幾多😄就call姊妹一齊去左食野去到嗰陣就嚟滿曬人好彩我哋得兩個人所以唔使等就可以即刻入去食嘢發現餐牌都幾多選擇😊由於兩個人比較細食但係又好肚餓😂就嗌咗一個主食再加埋啲其他嘢呢度啲壽司都幾好食但刺身就有啲貴😅而且呢間仲有埋串燒最緊要嘅係呢間平有平食貴有貴食無論食幾錢都會覺得滿足😏環境都唔錯一個人食抑或同朋友聚聚舊都好好對於我嚟講回流率都頗高😉

今朝係沙田睇完戲，發掘下新意思，行去對面嘅河畔花園搵嘢食。寧靜嘅小社區入面其實有好多選擇，友人港女小姐話想食日本嘢，咁就試下呢間和氣食堂。lunch hour前，人少少，好快可以坐底。侍應比左個午市餐牌，原來呢到有好多選擇。如果覺得唔夠嘅仲可以加少少錢追加小食。我同朋友都酷愛魚生，每樣都想試下，所以角切魚生丼同三色刺身丼係最好既選擇。落單後好快上咗奶茶，香滑濃度適中，好岩我口味，係唯一驚喜。角切魚生丼有大大隻蝦，喜出望外，色彩繽紛好開胃就連青瓜都係角切三色刺身丼亦相當厚切，十分足料，仲有我最愛嘅鰻魚！老闆絕無偷工減料，每款魚生大大份，又有鮮甜味，水準可以媲美出面日式連鎖壽司店。對於魚生愛好者的我們，今餐好滿足😋😋😋雖然是小區，但lunch hour 人客長滿，相信附近街坊都好喜歡呢間小店

在難得的週未，於風和日麗的沙田河畔漫步，放鬆一下一周下來的繃緊。走到河畔花園，於林立的食肆中，找了一家和食店午餐。十二時許，食店已有八成滿座。這兒的食物價錢比較大眾化，四五十元已經可吃到包括飲品的日式飯或麵套餐。蒲燒鰻魚便當 ($88)一便當包含多款食物，包括燒鰻魚飯、吉列蠔、日式凍豆腐和四件壽司。燒鰻魚飯的鰻魚味道正常，份量令人滿意。兩件炸蠔熱辣辣脆卜卜。凍豆腐配上日式芝麻醬，味道必定穩妥。四件壽司包括三文魚壽司、油甘魚壽司、玉子壽司和腐皮壽司，四件都大大件。便當的追加小食可加$12 享選份小食，共有15 款可選。從中選了日式溫泉玉子和辣味炸薯角。滑滑的溫泉玉子沐浴在日式冷麵汁中，兩者混和來吃，味道很匹配。肥厚的炸薯角很香脆，內裡啖啖薯蓉讓人吃不停。跟餐另加$8，點了杯柚子檸檬蘇打，味道清新，非常解渴。雜錦刺身飯 ($65)刺身包括有三文魚、油甘魚、墨魚、甜蝦和蟹籽，厚切刺身的新鮮度令人滿意。滿滿的大碗刺身飯，食完超飽。想吃個簡簡單單，價錢又大眾化的日本料理，這裡似乎是不錯的選擇。

今日放工我約左我男朋友食晚飯，但係我地都未諗到食咩，經過河畔花園，見到和氣食堂門口有張似曾相識嘅相，就係大板嘅標記固力果公仔，仲捧住個大板豬扒丼，我地都懷念大板旅行日子，所以就吸引左我地入去食野！我地一入去，可能太早啦，岩岩開門，冇咩人，d職員即刻歡迎我地，叫野食佢地都好有禮貌！首先，我地叫左個黑豚腩燒丼，個燒汁好濃味，d黑豚又爽，仲有蔥花係面，再配泡菜真係好夾！我地仲叫左三文魚五味，有三文魚、海膽、牛油果、咖哩鹽、芝士，我覺得幾種口味都幾特別，海膽仲好鮮甜！另外，我地仲叫左雙重芝士鰻魚卷，芝土味好濃，我十分之喜愛！仲叫左蕃茄沙拉，我想講好抵食，好多蕃茄，都幾多下！最後我男朋友話想食炸薯角，我話吓，不過廿蚊都幾抵！仲叫左一杯巨峰提子梳打同荔枝梳打，都幾好飲！整體黎講，我覺得食物整體都唔錯，坐位都幾舒適，職員服務良好，另外，價錢都幾合理，如果住在沙田小區黎講，呢間日本餐廳我會再去食！

有朋自遠方來，多年前的一次臺灣之旅，認識一位朋友來香港出差，就住在河畔花園附近的酒店，今晚作地主之誼請她食飯。朋友想食日本野，又不想去太遠，就在樓下附近找，門面裝修很有和風特色。有一本厚厚的餐牌，細心的朋友數過是24頁，可見食品種類繁多。我們進來時已經9點，不用排隊，若果正常晚餐時間需先按票排隊。聽說人還蠻多的。店舖不算大，座位2邊整齊排列，分別有2~6人位置的台，牆壁裝修一絲不苟，連燈飾佈置都經過一番配搭。餐牌：厚厚的紅色一本，有24頁，每頁2版，共48版的餐牌，圖文並茂，食物種類繁多。濃蕃茄湯吉列豬扒烏冬～＄78先呷一小口湯，非常濃味，可惜鮮味不夠，湯底不夠鮮影響了整碗面的口感，令吸引力大減。吉列豬扒，即炸的，外皮很香很脆，估計師傅沒有處理過件豬扒就上粉去炸，所以豬扒肉質偏硬又欠缺肉汁，有點美中不足。吉列蝦、廣𡷊蠔、皇帝蟹棒配雪山滑蛋井~＄88雪山滑蛋井就是一堆沙律鋪在滑蛋飯上，滑蛋飯很是香滑，但沙律醬和滑蛋飯像是一對性格不合的情侶，感覺很別扭。三件炸物的炸粉實在有點過厚，就如同粵劇女主角臉上的化妝，雖然外表化得很華麗，但因為粉太厚令原本的主角失去應有的光彩，有些「喧賓奪主」的感覺

食lunch 約左朋友，難得約到，去到附近近期好多人排隊食壽司店，店內空間不算太大，不過都算滿坐，來到，仲有十多人左右在門口等中，只好都在外面等一等。 終於有位，位置與位置之間都比較接近，所以就不宜太大聲說話。與朋友各叫了一樣，打算分享食，雜錦刺身丼，有六種刺身加蟹子，仲有青瓜配菜。青瓜幾爽脆，刺身不過不失，蟹子幾新鮮，這個價錢，$65 這個質素算不錯👍 另外，叫了鰻魚便當，鰻魚都不錯，甜甜地帶點鰻魚香，好彩無咩骨，唔係我一定唔食姐，芝麻醬豆腐清清地，我覺得最好食就係呢個炸蠔，外好脆，內仲好熱，好味成為$88。

係我印象當中 河畔花園好多鋪頭都係打冷嘅 讀書時成日會同班同學仔尼食架已經好一段時間無尼 再尼嘅時候已經感覺大不同 而家多左好多不同類型嘅食物可以比大家選擇因為今晚得兩丁友 豬小姐認為打冷係要成班人一齊食下啤下癲下先夠過癮 所以今晚最後選擇係食日本菜 「和氣食堂」晚上七時入座 可能時間尚早 客人未算多 同老死坐二人卡位望望厚厚的menu 選擇都唔少喎 有選擇恐懼症嘅豬小姐表示今餐由老死發板開胃前菜少不免啦 溫泉玉子牛油果凱撒沙律 除左以上材料 仲有粟米粒 蕃茄仔 麵包粒 材料夠哂豐富算係幾清新嘅沙律 不過醬汁方面就較稀同多 濃度高啲會加分五種味嘅三文魚？有啲嘜？ 由左至右數起 牛油果 海膽 原味 咖哩鹽 芝士最令人驚喜嘅係咖哩鹽味 微辛帶咸嘅咖哩鹽同柔軟嘅三文魚都係一個創新嘅配撘 感覺新鮮 其他味相對比較普遍成坐山咁嘅大阪豬扒丼相當吸晴！ 山頂上鋪滿木魚及生菜絲 山腳嘅滑蛋及豬排被埋沒了份量都幾多 用嘅係珍珠米 值得讚嘅係我地唔係即時食 大概過左十至十五分鐘後先開動 豬扒丼仍然keep住熱辣辣出煙 唔通尼個富士山陣係有玄機的？！滑蛋及醬汁分佈唔夠平均 令飯粒有啲太乾有啲太濕 影響口感叫