影片
更多
2018-04-28
70 瀏覽
今日約咗朋友食燒肉，有人介紹過呢間幾好食，所以就去咗試下啦！待應介紹呢個係有300度高溫嘅爐，所以要小心會受傷，幾細心亦都有介紹醬汁，有麻醬、燒肉汁、柚子汁，去過其他燒肉店都成日無人介紹，要自己試，呢度雖然店子細細，但服務好過好多有名嘅店舖👍食燒肉唔飲酒，就梗係要叫返兩杯有氣嘅mocktail啦！密桃同蜜瓜味”日本安曇野豆腐沙律”清香嘅豆味，加埋醬汁同沙律菜、粟米又夠甜，一流”介辣八爪魚粒”唔同出面嘅八爪魚粒，呢度除咗介辣之外，仲加咗啲細細粒嘅配料一齊醃，多咗一份清新嘅味道“鹽燒豬腩肉”豬腩肉係我覺得食咁多次燒肉覺得最好食嘅一次，食落口唔覺肥膩，食多幾塊都得，待應仲會教埋你點燒，去到幾時反轉，幾時食得，仲會介紹呢款肉配合柚子汁食最好，一一細心講解，服務態度非常好”日本國產帆立貝”帆立貝新鮮，夠爽口，夠甜，配埋黑松露同牛油，鮮上加香”香蒜牛油松露焗雜菌”好香蒜同黑松露嘅香味，食落仲有牛油係口中嘅香味，咸度又調節得剛剛好，待應又會過嚟同我哋講，擺係爐燒到脹起就食得”美國prime牛小排”睇下佢嘅雪花😋未食已經流口水，首先，待應都一樣會行過嚟燒同講解一次俾我哋知，應該點燒，燒一面去到有少少血
今日約咗朋友食燒肉，有人介紹過呢間幾好食，所以就去咗試下啦！
待應介紹呢個係有300度高溫嘅爐，所以要小心會受傷，幾細心
亦都有介紹醬汁，有麻醬、燒肉汁、柚子汁，去過其他燒肉店都成日無人介紹，要自己試，呢度雖然店子細細，但服務好過好多有名嘅店舖👍
食燒肉唔飲酒，就梗係要叫返兩杯有氣嘅mocktail啦！密桃同蜜瓜味
”日本安曇野豆腐沙律”清香嘅豆味，加埋醬汁同沙律菜、粟米又夠甜，一流
”介辣八爪魚粒”唔同出面嘅八爪魚粒，呢度除咗介辣之外，仲加咗啲細細粒嘅配料一齊醃，多咗一份清新嘅味道
“鹽燒豬腩肉”
豬腩肉係我覺得食咁多次燒肉覺得最好食嘅一次，食落口唔覺肥膩，食多幾塊都得，待應仲會教埋你點燒，去到幾時反轉，幾時食得，仲會介紹呢款肉配合柚子汁食最好，一一細心講解，服務態度非常好
”日本國產帆立貝”帆立貝新鮮，夠爽口，夠甜，配埋黑松露同牛油，鮮上加香
”香蒜牛油松露焗雜菌”好香蒜同黑松露嘅香味，食落仲有牛油係口中嘅香味，咸度又調節得剛剛好，待應又會過嚟同我哋講，擺係爐燒到脹起就食得
”美國prime牛小排”睇下佢嘅雪花😋未食已經流口水，首先，待應都一樣會行過嚟燒同講解一次俾我哋知，應該點燒，燒一面去到有少少血水出，就反去另外一面，再燒一燒，就可以食，完完全全想顧客享受最好嘅肉質，唔想大家燒到過晒火喉，我真係好欣賞呢度嘅服務，牛小排食落去非常鬆化，牛味重，多汁
”美國prime牛角切”一樣有好靚嘅雪花，口感鬆軟，牛味一樣重，仲有一層牛脂嘅香味，照樣待應都會講解點樣去燒
“櫻花海老元貝炒飯”
本身想食鰻魚炒飯，因為本人好鐘意食鰻魚，食完肉唔夠飽，所以叫多個飯，落單嘅時候，待應建議我哋不如試下呢個，佢話會好香口？諗起今晚嘅服務，雖然真係好想食鰻魚😂😂但都決定試一試，果然，飯真係炒得好香口，夠乾身，櫻花蝦仔食落仲脆身，加埋元貝同蝦粒一齊食，鮮味同香味都配合得非常好，真係無介紹錯，食完完全無後悔無食鰻魚飯😂
今晚食得好開心，待應全程服務，介紹食物亦都唔係只會介紹貴價肉，一心想客人開心，食得好，價錢亦公道，性價比高，絕對會介紹俾其他朋友嚟試下👍👍
張貼
