名館 (已結業)

名館既餸幾抵食唔貴！款多又有點心，小菜，粉麵飯。什至有埋鐵板燒添wo紅燒妙齡乳鴿，外層燒到好香口！唔會過咸味道入味肉質嫩口唔乾身幾抵食秋葵炒螺片，味道帶點辛辣！很惹味香口 螺片爽脆夠入味。秋葵炒到好有鑊氣！！有埋黃椒青椒夠哂層次豐富雪蓮海星燉湯好足料，成塊海星在壼內，還有雞腳，豬肉一起煲成件事好得！味道非常濃郁呢名館既燉湯真係必叫架！有4款唔同既湯石鍋鮑魚雞粒炒飯，飯炒到好乾身粒粒分明，不油膩愛上這個炒飯份量十足。

長輩們喜歡吃中餐，我記得希慎有名館，於是一早訂位，和家人去吃！如果大家要吃十三么，要去中環分店啦！五仁無骨口水雞不算勁辣，非常惹味，去骨啖啖肉好方便，雞肉也嫩滑，五仁增加口感！蜂蜜柚子蝦球這個是夏日的菜式！外面吃到清甜的蜂蜜，炸粉包著蝦炸到脆身，大人小朋友都喜歡！蜜椒土豆安格斯牛柳粒薯仔切丁再炸，黑椒汁惹味，安格斯牛柳粒好稔好有牛味！鮮蝦野菜春卷名館的點心一向出名，幼身的春卷好香脆，裡面有爽口的蔬菜，也有蝦肉！糖心黑蒜燉響螺店員向我們介紹燉湯，這個用茶壺盛載的湯有雞腳、響螺、紅棗、瘦肉和整粒黑蒜，好足料！非常滋陰養顏！好清甜！和風櫻花蝦炒飯炒飯的面鋪滿櫻花蝦，飯炒得夠乾身，還有粟米、青豆、雞蛋，好香！名館果然好適合一家大細！

銅鑼灣真的很多食店, 名館是我其中一間想去吃的, 難得好友賞面, 有人一起去吃, 食物才份外覺得好吃. 今晚的中菜, 對於朋友來說是有點濃, 但我個人認為適中. 且看看我們吃了甚麼吧~ 記不起有多久沒吃炸鮮奶, 對炸物，沒甚麼大興趣，只要少油、不油膩的我也不抗拒炸物，這味大良鮮奶脆網卷是在傳統上起了些變化. 重點在於脆網，記得以往吃的都是薄威化，真正的薄脆. 換上脆網，略嫌有點厚身，但內裏的炸鮮奶也夠滑，最好當然是趁熱吃！ 記得小時候開始，家裏不夠餸，阿媽會叫我們去買叉燒，還補一句：記得要同老闆講要半肥瘦！是的！半肥瘦最好吃，厚切叉燒, 肉不韌亦不肥膩，軟稔度剛好，邊位燒得焦香，加上蜜汁，超美味！ 糖心黑蒜燉響螺, 以小杯作為湯碗，像在喝功夫茶般，雖然坊的很多食店已用上這套盛器，但感覺依然不錯. 溫暖香甜的湯喝起來很順喉，黑蒜味夠濃，壼內有湯料，整個presentation 很滿分. 頗喜歡蝦類菜式，例如蜂蜜柚子蝦球，感覺挺健康，即使每件蝦球也沾上醬汁，但外層仍然酥脆，蝦球夠爽彈！ 以上菜式味道都較濃，與金銀蒜蒸勝瓜金菇形城強烈強比，說真，是比下去的，不能說不美味，因為終有

Hysan 14樓的 名館經朋友介紹第一次光顧，一進入店面的時候感覺座位寬敞, 蠻舒適的， 一行三人看著琳瑯滿目的菜牌有點不知所措. 就着自己的喜好我們點了芝麻醬淮山，櫻花蝦炒飯，上湯灼時菜，九層塔茄子，冰鎮鮑魚， 煎蘿蔔糕， 檸檬薏米水，熱豆漿及啤酒。一見隔壁枱的豆漿容器很可愛，放在燈泡裏面。我們就以為豆漿無論熱冷都是這樣放的……怎知……原來只有凍豆漿才會放在可愛的燈泡內……有點失望！芝麻醬淮山很入味，非常可口。九層塔茄子則有點太油，但味道還是很好的。冰鎮鮑魚非常非常美味！大推！入味，肉又軟嫩。櫻花蝦炒飯非常乾身，很香口，也是大推選擇！ 上湯灼菜跟一般沒什麼分別，就是一碟菜。煎蘿蔔糕的部分則有點兒普通，是沒什特別的選項。檸檬薏米水只有凍的才是放在高樽的，28元也蠻便宜的，值得一試。最後要特別說一下柚子汁大蝦, 性價比實在太高， 是必點選擇！蝦球爽甜，份量也多，蝦球也大，價格非常相宜，比鮑魚蟹還要便宜，所以如沒有對柚子汁有抗拒的話，是必點選項！

今晚約左表妹行街置裝，表妹係灣仔返工，咁當然約係銅鑼灣晚飯逛街啦！我地7點去到希慎廣場搵食，見到一間中菜館裝修幾特別，以青綠色配特色磚牆作裝飾，店面面積大又好明亮，於是決定一試。糖心黑蒜燉響螺 $88以鐵茶壺盛著的燉湯配以小茶杯飲用，好似飲功夫茶一樣好特別盛載方式，既保溫又方便斟湯。第一次品嚐黑蒜湯，黑蒜出奇地和其他湯料好夾，湯味香濃，入口舒服。自製菌皇醬蒸鮮腐竹 $58自製菌皇醬鹹香味濃，好惹味，配上鮮腐竹好夾，既有清清的豆香，又有惹味既菌皇醬點綴，不錯。砂鍋焗小黃花 $68黃花魚表面鋪上大量薑茸作調味，魚肉好滑幼嫩，口味不重的朋友可以減少薑茸的份量。和風櫻花蝦炒飯 $98炒飯炒得粒粒分明，香味撲鼻，入口軟硬適中，櫻花蝦鹹鹹地好惹味。我們吃飽就去逛街街，地點好方便呢!

是日同老豆兩個人撐枱腳，老人家比較傳統比較鍾意食中菜，幾經挑選揀左銅鑼灣希慎樓上呢間名館，由於要就番放工時間所以book左7:30去到發現人流唔算多，但都係book左枱安全啲裝修比較清新簡潔，完全唔似一般傳統式既中式酒樓，感覺係似新派現代中式菜，所以都好適合一家大細老中青入到去無問飲咩茶因爲佢只有一款熱蕎麥茶，幾特別，飲落去清清地幾重蕎麥味，唔錯唔錯連平時只飲中式舊茶既老豆都仔細啲睇原來隻碗有條錦鯉menu整得幾靚，封面好似道門咁打開，款式好多有點心、小炒、海鮮、燉湯、甜品等等⋯⋯最後我叫左個炒飯，一個燒味，一款點心同燉湯。先上一個厚切叉燒肉質好幼嫩有肉汁多又唔乾甜甜地味道適中。糖心黑蒜燉響螺：一個黑鐵茶壺上，用品茗個啲小茶杯慢慢品嘗，一壺兩人份量岩岩好，入面都好足料，有黑蒜、響螺、雞腳、豬肉。味道好濃黑蒜味但又唔覺得油膩，燉得岩岩好連啲湯渣都食埋。再上一個和風櫻花蝦炒飯：飯炒得夠乾身一粒粒咁面頭鋪滿好多櫻花蝦，食落味道唔會太咸適中，食得岀廚師個炒功了得最後甜品：銀湖天鵝酥。入面係紫薯蓉，唔會太甜，好濃紫薯味鍾意紫薯既朋友一定會好鍾意，外形真係幾似天鵝，個頭用面粉整都食得。真係內外都咁

名館是香港名苑集團餐飲旗下品牌之一，又位於希慎廣場最高果層，而且裝修新穎更可以俯瞰銅鑼灣市景。一直以來我地都認為名館一定係走高檔路線，直至上星期同老婆逛希慎時上去睇睇名館嘅餐牌時，先發現名館食物嘅價錢原來都幾親民，所以我地即場訂左3位枱，今晚同外母黎食返餐。外母住係南區，我地就住係將軍澳，我地約食飯大多數都約係灣仔或銅鑼灣，方便大家，今晚我地約好6點半係希慎廣場集合，3個人一齊上餐廳。由於未到晚市繁忙時間，客人仲未多。可能為左迎合年輕一代，餐廳裝修以綠色為主調，相比起名苑集團嘅酒家，感覺更新潮。餐廳位於14樓，雖然在下雨，不過景觀都好好。😙餐牌上菜色非常多，除左常見嘅廣東菜，上海菜菜式之外，仲有多款鐵板燒、焗飯等其他特色食物選擇，我地點左一客沙律, 一款點心, 一壺燉湯, 兩個小菜, 由於外母好細食, 我地3個share應該好足夠。😁海葡萄沙律菜 $48老婆好鍾意食海葡萄, 估唔到係中菜店都會食得到, 呢個沙律菜份量都唔少, 沙律新鮮而味道清爽。👍香煎黃金小米糕 $48外母大讚呢客小米糕, 非常鬆軟, 唔會太甜, 一人一件剛剛好。姬松茸燉花膠 $88燉湯以湯壺上, 用功夫茶杯盛住飲,

希慎樓上都幾多好野食，今次同朋友黎食中菜～佢啲餐具幾得意，同點心用嘅差唔多。點心紙都幾多選擇，見到好多心頭好，花多眼亂～叫咗4個小食、1個炒飯同1個湯～小食叫咗蒜蒸勝瓜金菇，整得好入味，特別係墊底嘅金菇，整完好似自己bbq包個啲咁，超好食！另外再叫咗蜂蜜柚子蝦球，師傅落咗好多醬汁，令個蝦球甜甜哋咁好refresh～蝦球都炸得好好，唔會話沾得太多粉令到皮好厚～再嚟叫咗個蜜椒土豆安格斯牛柳粒，牛柳粒炒得好軟身好好食，配埋蜜椒感覺甜甜哋咁，而薯仔又吸哂味。最後叫咗治味鳳爪，口感好彈牙，味道都好好，係麻辣味但唔係死辣，會令人愈食愈上癮。飯叫咗鮑魚雞粒炒飯，bb size嘅鮑魚滿佈成煲飯，每啖都有豐富嘅口感，超足料！湯方面就叫咗天山雪蓮燉海星，好得意地用茶杯裝湯，令客人分階段飲，而茶壺入面嘅湯又唔會涷咗，揚開個蓋都幾足料，唔怪得咁好飲，令人想不停續杯～

就嚟爸爸節喇，諗好去邊度食飯未？如果你嘅爸爸同我A姐嘅爸爸一樣鍾意食中菜，呢間位於銅鑼灣希慎廣場嘅名館值得推介，有特色得嚟味道都相當唔錯。不過，其實每日都可以喺爸爸節，一於提早慶祝啦！和麻醬雞絲粉皮點解粉皮唔係白色嘅？原來呢度係用紅薯粉粉皮，食落厚身同比較有口感。配上無得輸嘅麻醬，好惹味呀！當然唔少得青瓜同雞絲啦。蜜糖芝麻雞中翼雞翼外皮脆卜卜，肉身嫩口。但最吸引係雞翼面頭嘅蜜糖同芝麻，好香口好juicy。天山雪蓮燉海星湯唔好以為呢個功夫茶壺係茶呀，其實呢個係燉湯嚟架。今日就叫咗個天山雪蓮燉海星湯，落足料，味道香濃，無味精。同M佬都人一杯又一杯，夾夾埋埋都有十杯。名館蝦餃皇一籠有4大粒，皮薄之外，大蝦仲要勁彈牙。欖角肉鬆蒸秋葵秋葵係健康食物，大家都知，所以我哋今日都叫咗欖角肉鬆蒸秋葵，為一向只有清淡煮法嘅秋葵大平反。蜂蜜柚子蝦球夏天熱到無乜胃口，但呢款蜂蜜柚子蝦球，酸酸甜甜，夠晒清新。和風櫻花蝦炒飯爸爸終無飯不歡，所以就叫咗和風櫻花蝦炒飯，滿由一吓佢個飯桶胃。呢個炒飯量好多，除咗有大量櫻花蝦，仲有粟米、毛豆、雞蛋等，飯底炒得乾身，配埋炒香嘅櫻花蝦，令飯都多了櫻花蝦嘅香氣。

收工約咗屋企人去銅鑼灣食晚餐揀咗名館 事關之前食過中環個間覺得好好食 而且價錢唔貴 而地點又就腳呢邊有二人座位幾特別 係並排對窗食 都望到街景睇menu都幾多野岩食 所以好快就寫完點心紙我地叫左柚子蝦球 蝦球好好食 唔會沾得太多粉炸 真材實料 再點埋柚子醬酸酸甜甜咁真係唔錯再叫左個蜜汁叉燒 叉燒肉質整到好軟身好入味 不過唔係瘦叉黎 所以未必人人都中意再黎左個鮮蝦野菜春卷 炸得岩岩好上菜 唔會燶哂 入面都幾多料 口感相當豐富飯方面叫左石鍋鮑魚雞粒炒飯 真係滿滿既鮑魚！每啖都有 勁足料勁豐富 飯都炒到好爽身好好食！湯就揀左天山雪蓮燉海星 呢款湯好似比較少見 呀媽話好滋補就叫左黎試下 佢係用茶壺茶杯形式倒湯既 幾特別 湯既味道唔錯 幾濃味 湯料都好足 夾返岀黎勁多雞肉 仲有大大粒海星～成餐價錢唔太貴 性價比幾高 所以一定會再黎！

前菜:芝麻酱淮山淮山质量欠佳 不新鲜 没有口感 既不脆脆也不糯糯，不推荐。主菜:牛肉粒牛肉鲜嫩多汁，口感极佳。还有软炸小土豆，虽然是为了菜量充数，但是吃起来着实眼前一亮青菜:娃娃菜娃娃菜本身带有香甜，简单的做法就可以非常入味。蒜香有为整道菜加分，如果油再少一些就更好了~点心:流沙包最喜欢的一道！流沙满分，热度满分~炸鲜奶外皮酥脆，内馅有浓浓的牛奶香。分量也很足~~PS.非常喜欢本店的荞麦茶水，有清清的麦子香气

外國朋友回港，就梗係帶佢去食下中菜啦。 位於銅鑼灣希慎廣場嘅「名館」，裝潢新穎，燈光明亮，早到嘅話仲可以坐到窗口位，由高處望落去銅鑼灣嘅夜景。落單之後，當然係嘆返啖熱茶啦，不竟茶錢都成＄15／位。呢度嘅茶係蕎麥茶，味道非常香，帶穀物烤香嘅味道，好清爽。陳醋手拍青瓜：青瓜又爽又脆，入口酸酸地，令人一口一口咁食，非常開胃。厚切叉燒皇:呢度嘅叉燒係招牌菜之一，蜜汁香濃，油脂分佈同色澤都相當均衡，入口軟腍腍而有微燶嘅味道，食起黎啖啖肉，十分有水準。大良鮮奶脆網卷 :外皮鬆脆嘅網卷包著香滑嘅鮮奶，外層色澤金黃，入口熱辣辣之餘質感仲軟綿綿，口感唔會好油膩，非常美味。菌皇醬蒸鐵棍淮山:平時唔多食淮山嘅我，唔係朋友想叫我都未必會叫。呢個蒸淮山真係令我有驚喜，入口又脆又爽，配埋味道濃郁又有雜菌，蝦米同瑤柱嘅菌皇醬，味道鹹鹹地，幾有口感。翡翠淮山炒素遼參：翠玉瓜，彩椒同埋素遼參加入調味料後炒成，顏色鮮艷，賣相吸引，入口非常脆身，非常好味，值得一讚。金黃球泡飯:泡飯以小火爐烘著上檯，咁樣湯底就可以保持溫度，真係非常欣賞廚師嘅細心。湯中間有個圓球狀外脆內軟嘅東西，賣相非常精緻，切開後裡面有類似煲仔飯嘅飯焦，混

放假前夕，沒有回家煮飯的意欲，太座想在外面吃，約了在銅鑼灣，一起回家必經之路。希慎廣場，食肆林立，惟隔一段時間，有些食肆會消失，取而代之是另一間食肆，記得三年前來到這層樓這位置是吃意大利餐，但現在已被這小館取代，汰弱留強，商場與森林的定律也是一樣。幸好來得尚算早，仍有少量檯子供應，侍應也很快為我們奉上麥茶，色澤金黃，味道淡香平和，喝來頗舒服。放假前夕，心情特佳，胃口也特佳，看價錢也不算狠，減輕了我們要考慮的因素，你點一款，我點一款，很快便擬定了吃甚麼。太座點了海葡萄沙律菜，在中餐館點沙律，主要是她想勾起我們一家數年前去沖繩旅遊的回憶，海葡萄是沖繩的特產，口感獨特，配沙律菜和油醋汁，非常醒胃。鮮肉一口小籠包，一籠有五只，皮不算最薄，一口一只，肉汁和餡料都充沛。蜂蜜柚子蝦球，蝦球上了粉炸過，增添口感和香味，拌了蜂蜜柚子醬，酸酸甜甜，又帶清香，與蝦的味道很匹配，是近年許多食肆愛做的菜式。糖心黑蒜燉響螺，以銅壺盛著，附上兩只小杯子，材料有雞腳，響螺，紅棗，雞肉，瘦肉和整粒黑蒜，味道甘甜，湯水清徹呈金黃色，銅壺存熱效果好，喝到尾都仍夠熱。和風櫻花蝦炒飯，份量頗大，除了鋪天蓋地的櫻花蝦，還有粟米，

✿╮❤╭✿ ✿雜感女生 好味日記✿ ˚*•✰。名館．滋味。✰•*˚ ✿✿Dolce Vita @銅鑼灣 ✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 朋友想吃特色中菜，希慎14樓有一家：名館 此店位列心儀的小館之一，走的是健康滋味路線 連上台的茶飲都是蕎麥茶，店員添飲勤快 此外，位置開揚，景觀尤佳 黃昏入座，仍見美麗天色，實在令人心情愉快 先來個涼菜：胡麻醬鮮淮山 鮮淮山特別粉香，胡麻醬提升味道 入口是冰爽粉香，令人吃得不亦樂乎 鮮蝦野菜春卷 「春」色無邊！開「卷」有脆！ 6支裝，極香脆，內藏鮮菌香氣 味道極好，2人平分，每人3支「春色」！ 自製菌皇蒸鮮腐竹 醬香豆香交融，鮮腐竹特別嫩滑 每一層都充滿新鮮的豆味 自製菌皇醬的濃郁又強化了味覺的刺激 令原本不愛腐竹的朋友，一吃愛上 蜂蜜柚子蝦球 屬於香脆的炸物，滿滿的檸檬香氣 蝦肉大而厚身，很適合同行的小朋友，開胃之選 和風櫻花蝦炒飯 炒飯粒粒乾身帶鑊氣，本身已具吸引力 再加上滿滿的櫻花蝦，香脆海洋味 令整個炒飯全取100分！ 天山雪蓮果燉海星

名館位於銅鑼灣希慎廣場，交通方便，非常就腳，是晚就相約了幾位舊戰友來聚腳。名館的裝潢走新潮的路線，就連食物的盛器別樹一幟。餐廳的菜式種類多元化，包攬粵菜、川菜和滬菜等，切合不同人士的口味。鮮肉一口小籠包小籠包的皮做得很薄，咬開外皮，內裡是裹在豐富鮮甜的湯汁內的細嫩鮮肉，整體質素不錯。鮮蝦野菜春卷春卷剛炸好熱騰騰上桌，皮脆肉嫩，口感滿分。姬松茸燉花膠湯吃過兩款點心作頭盤後，店員端上一壺姬松茸燉花膠湯。湯品以金屬茶壺盛載，又以小茶杯作湯碗，非常別緻。湯品以花膠、姬松茸、雞肉等材料熬製，味道鮮甜又養生。蒜泥白肉蒜泥白肉的蒜味十足，辣度適中，可以調味偏咸了一點。如果肉可再薄切一點，口感風味會更佳。厚切叉燒皇叉燒保留住豐富肉汁，肉質嫩腍，水準之作!沸騰水煮滑魚片水煮滑魚片以銅鍋盛載，魚片上面被重重的辣椒覆蓋，賣相吸引。魚片肉質相當嫩滑，辣油辣勁十足，跟嫩滑魚片在一起簡直絕配。翻開魚片，原來下層尚有薯粉和金菇等配料，最出奇的竟然有豬紅和午餐肉，感覺很有港式風味。川辣小炒王小炒王以魷魚、豬膶、薯仔和大蔥作材料，用辣醬炒成，甚具鑊氣。辣味不會太強，口味大眾化。欖角肉鬆蒸秋葵秋葵的常見煮法都較為清淡，這