404
41
11
所有分店 (3)
電話號碼
21806578
開飯介紹
新派中菜館,以廣東菜及上海菜為主,加入西式食材而保留傳統做法。 繼續閱讀
營業時間
今日營業
11:30 - 23:00
星期一至日
11:30 - 23:00
付款方式
Visa Master 現金 銀聯
其他資料
切餅費 詳細介紹
食評 (482)
等級4 2019-10-18
1524 瀏覽
燒肉放題,日式放題,雞翼放題等等我全部都食過哂😂收到風,原來「名館」有點心放題我當然係首當其衝,去食下啦🙈·餐廳裝修行簡約優雅風面積非常大,容納嘅人數自然好多所以我地吾洗排隊就可以入座啦🙆‍♀️店員安排我地住近窗位呢個真係個絕世靚位🤣面向玻璃窗,外面嘅人來人往,一覽無遺.點心放題由2:30開始星期一至五,每位只係$98炸免埋茶位費,真係超級抵食😍·除左價錢,款式都好重要分為點心,涼菜同甜品三大類主打點心,約有25款吾怕揀吾到心水🥰.🔸和麻醬雞絲粉皮粉皮淋上大量嘅和麻醬仲有雞絲,青瓜絲,花生碎做配碟攪勻後,條條粉皮都沾滿和麻醬,麻味濃郁食落口感爽滑彈性有韌性,不錯👍.🔸香煎臘味蘿蔔糕一份有四塊長條形嘅蘿蔔糕煎至黃金帶脆,蘿蔔香味突出咬落柔軟帶彈性,吾係滿口麵粉果種.🔸雪茄鮮蝦春卷呢隻堅係雪茄巨形🤣外形又真係似模似樣👍春卷皮厚身少少但仍然係好香脆裡面有好多蝦肉仲有雲耳,香菇,紅蘿蔔絲等口感豐富!我最中意嘅一點係,吾多油,食落吾會有膩感.🔸鑊仔生煎蓮藕餅通常蓮藕餅都係用豬肉攪拌後再煎香呢個反而係用左鯪魚肉鯪魚肉嘅彈牙同魚香魚餅兩邊都煎至香脆,口感大讚呀😍.🔸京川滑餃子其實似係紅油抄手,但冇左紅油🤣餃子皮超薄,包住勁多韭菜豬肉餡醬汁係蒜蓉香醋,真係零捨開胃🥰 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-21
3176 瀏覽
今晚同友人黎左希慎廣場睇書,睇完就見肚餓,就黎左名館食晚餐🥣,見佢裝潢都幾新穎別緻既中菜館!店員安排入座,之後仲幫忙倒茶比我地,呢度既茶係用《蕎麥茶》,第一次飲味道唔錯,它可以保持體內膠原蛋白水平,美容養顏,減少細紋;健胃排毒,幫助減輕體重。鐵板叉燒扒 $88- 熱騰騰既蜜汁叉燒放係鐵板上,超厚成塊扒切開,肉質軟嫩多汁、色澤鮮明、香味四溢。半肥瘦既廋肉及肥肉的合理搭配,口感顯得更加滋味甜蜜,而不會過於油膩!金箔紅菜頭餃 $58- 一籠有3大粒,打卡一流,顏色很鮮豔,有金箔係頂,紅菜頭很爽口,健康食物之一,皮也很煙韌,內裡仲有隻大蝦好有鮮味!手工蔥油餅 $38-表面舖滿芝麻,熱騰騰煎好上碟,內裡夾住好多清脆既蔥,咬落去好鬆軟,愛食蔥的我更加食得滋味!日式鰻魚炒飯 $108-飯粒粒分明,增加口感!鰻魚炒飯除左啲飯粒粒分明超有口感之外,仲有加左特製既日式醬汁落去一齊炒,加埋一粒粒既鰻魚一齊食真係特別惹味好味!上面仲舖滿木魚絲、輕輕搖晃擺動,好似見到鰻魚在游動!+++++++++++++++如果大家喜歡💕我寫既食評,麻煩比個❤️鼓勵一下我,我會寫更多更好既食評比大家!😊 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-11
2528 瀏覽
今日一家人黎到銅鑼灣行街街 知道希慎廣場野食區集中係十二到十四樓 而老人家又鐘意食中菜為有陪下佢地啦 黎到名館見到出面同入面都好光猛 對住窗邊仲有二人卡位 唔錯既設計 四個人先叫特選三精品 ($98)左邊係海蜇加左醋 酸酸地 中間係蜜汁叉燒 排骨形剛好四件 蜜味重 肉多唔錯 最右手邊就係青瓜 新鮮爽甜又脆口 開胃無難度呀第二碟係糖心黑蒜燉響螺($68)入面有螺頭 煲得鮮甜入味 無洛得太重手既鹽 淡淡地飲到食材原味道 第三樣係鐵皮石斛燉鷓鴣($68)大大隻鷓鴣肉 啖啖肉燉到肉腍曬 石斛性味甘淡微咸 可益气養陽 清熱健脾  第四樣 太極☯️馬拉糕($58)鬆軟綿密 唔會過甜 濕潤而又富彈性 十分好味第五樣 雪茄鮮蝦春卷($58)食之前店員加上仙氣 令菜式加曬分 打卡一流 蝦粒同蔬菜🥬二合為一 十分滿意 第六樣 酸菜滑魚片 ($188)魚肉白滑無骨容易入口 酸菜魚入面加上薯粉口感煙韌加埋酸酸辣辣既湯 好惹味呀第七樣係竹筒飯($72/4個)粒粒分明既飯吸收左竹筒既味道 唔會好乾而且帶點清香加上少許紅糙米更加健康第八樣係金銀蒜銀魚蒸娃娃菜($58)重口味人士黎講大愛呀 娃娃菜吸收曬蒜既味道加上銀魚仔咸咸香香認真唔錯最後係水蜜桃咕嚕肉($88)集碟好有詩意 水蜜桃香甜 咕嚕肉肥瘦適中 粉咕會太厚 酸甜酸甜 口感一流總結:-店員服務細心 不時幫忙倒茶 -每樣食物都水準高-性價比唔錯 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-11
1933 瀏覽
之前去過中環擺花街既名館,真係名不虛傳🥢今次同老老👨🏽👩🏽係銅記行完街,決定去希慎廣場既名館睇下有沒分店差異。名館菜式一直都係好精緻,打卡一流,賣相特別。📷店員服務態度好好👍🏽而且有蕎麥茶☕️提供,降血糖血脂😍特選三精品:蜜汁叉燒,海蜇頭,手拍青瓜🥢叉燒:厚切肉質軟腍,肥瘦適中配搭蜜汁焦香惹味十足🐖珊瑚紅海蜇頭及手拍青瓜爽脆清甜配搭陳醋醇厚微酸,好醒胃❤️糖心黑蒜燉響螺:黑蒜味吾特出,不過勝在真材實料,超級多湯渣同響螺🥄藥材同豬肉🐖係時候補一補,滋潤下💋鐵皮石斛燉鷓鴣:材料豐富,燉後變得非常焧身,味道清甜,滋潤,細細品嚐,食埋鷓鴣,鮮甜無比👍🏽🥄太極☯️馬拉糕:賣相係一個太極圖案的馬拉糕,📷食先係基本😍非常鬆軟,味道甜度亦剛剛好!雪茄鮮蝦春卷:嘩,係雪茄造型的鮮蝦春卷🦐加上乾冰效果真是很像點起真的雪茄一樣!!係時候要影相📷餡料也非常豐富,有蝦肉,椰菜,紅蘿蔔,木耳和芫茜,外脆內軟,正呀👍🏽🥬🥕酸菜滑魚片🐟:喜歡食酸菜,好開胃,底下有大量寛粉,魚似雪藏魚🐟,不過都算入味,又吾會太🌶水蜜桃🍑咕嚕肉:色澤漂亮,咕嚕肉肥瘦適中,高級餐廳🍴先會用水蜜桃黎配塔,盡顯高貴🐖白飯🍚: 用竹筒裝住好別緻,而且係紅蕎麥,感覺健康最後叫多個味道也濃郁的金銀蒜蒸娃娃菜,鮮甜爽脆的菜配著蒜末吃好爽,而且有白飯魚係上面畫龍點睛🥢食物好味,環境舒適,服務吾錯,會再黎光顧❤️😍 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-17
2783 瀏覽
之前試過紅墈分店覺得唔錯所以最近經過希慎廣場見到又再食過名館屬於香港名苑集團餐飲旗下品牌主打新派中菜特選三精品叉燒厚切肉質軟腍而且肥瘦適中配搭蜜汁焦香惹味珊瑚紅海蜇頭以及手拍青瓜爽脆清甜配搭陳醋醇厚微酸醒胃滕椒黃金螺片乾冰效果吸睛打卡啱哂;滕椒清香獨特而且麻辣溫和悠遠;螺片柔韌鮮甜經過冰鎮清涼消暑雪茄鮮蝦春卷雪茄造型配搭煙霧繚繞創新盞鬼;春卷金黃酥脆而且餡料飽滿;鮮蝦清爽配搭蔬菜感覺輕盈手工蔥油餅對比傳統蔥油薄餅相對偏厚質感亦較鬆軟而且芝麻香脆配搭蔥香濃郁日式鰻魚炒飯鰻魚膠質豐富而且肉質細嫩油潤脂香配搭照燒醬油微甜惹味;配料豐富而且飯粒乾爽分明蝦球蟹籽銀絲煲蝦球肉厚而且肉質爽彈清鮮;粉絲幼細彈滑混搭蟹籽圓渾鹹鮮口感豐富百里香雪花牛肋排牛肋骨排肉質軟嫩而且雪花油脂豐腴甘香配搭百里香醬肉味香濃鮮茄百合炒勝瓜鮮茄酸甜勝瓜翠嫩而且瓜囊清甜配搭新鮮百合滋潤養顏同時清心安神 繼續閱讀
(以上食評乃用戶個人意見 , 並不代表OpenRice之觀點。)