吉壽日本料理 (已結業)

這是朋友大力推介的旺角放題餐廳 <吉壽日本料理>，單是一個月內，他已經幫襯了三次！可想而知其吸引力！正值是 DSE 放榜日，原定晚上 7:00 入座，就算朋友已在一星期前訂枱，我們仍然要在店外等候一會兒！今次，我們食玩 Group 一行6人(5男1女)一起食放題，同時大家講他們日本東京之旅及我跟 PK 的旅友日本大阪之旅的趣事！我們被安排到六人卡位，算是闊落又舒服！桌與桌之間有空間感，這裡比起之前去迫狹的 <大喜屋>好得多！桌上已備有餐具、餐紙墊及濕紙巾；桌子旁邊放有載骨的器具「骨盛」！相當週到！放題分不同時段收費，(黃金時段 7:00~10:30) 入座起計兩小時！不需等齊人也可安排入座！星期一至四 成人價 $213 供應：手卷、刺身、壽司、吉列、天婦羅、煮物、卷物、串燒、海鮮…等！即點即製，務求讓食客嚐到最佳口感的美食！大致上，食物上得快，除了個別特色系列之外！將近兩小時，有女店員走來提醒我們差不多時間還枱，卻是最後一 Round 的食物尚未送到！我建議朋友叫女店員『靚女』，他笑著說實在叫唔出！另一個女店員經過，我又叫他快點叫這位『靚女』，他又叫唔出

今日放工後約了朋友食飯，心血來潮好想食放題，就去左好耐冇黎過既吉壽，自從裝修後都冇黎過，bk 左9點半，座冇虛席，平日咁夜都咁多人食，有幾多野食揀叫左牛柳粒，夠淋唔un 芝士帶子，好香濃芝士味黑松露蝦，正牛油果炸蝦卷夠鬆脆，鰻魚壽司都唔錯叫了成檯野食我既至愛火炙三文魚壽司，不太生也不太熟，入口即溶店鋪推介既牛奶海鮮湯，濃濃既牛奶味，很滑溜，不錯，可惜太飽食唔落食放題緊係唔少得食刺身，幾新鮮，不過帶子切得太薄一口海膽卷，唔夠喉，如果多一點海膽更好出面既自助飲品機，好似便利店，好多選擇買單每人都係$200，抵啊之後捧住滿足既肚子離開

今日表姐生日，我請表姐食晚餐，最後決定食放題，因為貪佢夠多選擇，慶祝生日一流！我地就選左食吉壽，呢間之前食過一次，覺得唔錯，所以今次帶埋表姐去食！🎂🎂訂左位，放題員工仲安排我地坐窗口位，好開心，可以望到彌敦道街景我表姐最中意食壽司，所以我地今次主打都係食壽司！呢間放題壽司有成幾張紙咁多，同好多款壽司選擇！三文魚腩壽司，真係冇得輸！厚厚的三文魚腩，仲要起曬油，正本格花之戀，應該係放題必食吧！牛油果軟殼蟹卷，呢個都幾特別，估唔到呢兩種食物加埋又幾夾wo京蔥三文魚腩，配上京蔥香燒鵝肝帶子，我要推薦大家食，真心覺得好味，呢種配搭幾有創意，口感唔錯我至愛嘅芥末八爪魚軍艦😬😬😬呢個炒蠔都好正，d蠔勁大隻，入曬味，仲有我最愛嘅洋蔥，更加香鐵板大赤蝦，超好食，蝦又大隻又爽口，個汁酸酸甜甜，又開胃，我地叫左三次😂燒翠肉瓜，味道唔錯，又係好入味，係爽口嘅熱湯烏冬，我突然想食烏冬，但係又驚好大碗，食唔曬，最後都係叫左，叫完好驚喜😍首先細細碗冇咁易飽先，湯底真心整得唔錯，仲要d烏冬又幼又滑最後，緊係食甜品，有我地最愛嘅乳酪蛋糕，仲有好多配料選擇間放題真心覺得又平又正，搞慶祝活動一流

最近知道吉壽重新裝修，於是約會媽咪再食多餐生日飯。旺角E1出口，上樓梯後眼睛上看右邊，不難發現"吉壽"，按電梯5字樓，感到驚訝，除了歐陸式新裝修外，還有一個很大的飲料櫃，飲品選擇甚多，店員服務態度友善為幫我們安排較舒尚的位置享受豐富的晚餐。🔹刺身必先食：希靈魚比較細件，本身好喜歡希靈魚的魚身附有粒粒黃色的魚籽囗感，食落爽脆，魚籽帶出的味道甚鮮甜，三文魚味道甘香，但略嫌細件較薄，虎蝦鮮甜，北寄貝爽口，北海道帶子新鮮清甜，蜜汁鮑片略為味淡，八爪魚味道同樣較為清淡，不過非常彈牙有嚼勁。🔹香燒鵝肝帶子雖然不是珍寶size，但勝在帶子鮮甜，肉夠實，加上鵝肝的鮮味，好喜歡還order多次🔹芥辣八爪魚軍艦，濃郁的芥末和鮮味八爪魚味道鮮味獨特，十分開胃🔹黃金魷魚軍艦，這個不是很多地方都有，魷魚鮮味彈牙，魚子卜卜脆。🔹海擔手卷細細件易入口，食落口感細滑，滿足口感又不會濟胃。🔹西京比目魚，預期之外好食有驚喜，潔白的肉質嫩滑，味道亦不錯，鹹鮮有致香口。

食過返尋味嘅放題！呢間放題係我食過咁多間都算係最唔錯這一間，所以我同我男朋友要決定再encore！環境都坐得幾舒服，地方夠大，裝修都唔錯！服務水準都keep得好好，呢個真係值得一讚刺身壽司都還是不錯，所以我今次主打都係講返啲熟食！最有趣嘅事係間放題可以係出面拎野食！都有好多選擇！又有雞煲、炸物、沙律吧等等！我就食咗吉列魚柳同章魚小丸子！味道都唔錯，都係熱辣辣！吉列魚柳都炸得幾脆幾香口！章魚小丸子最精粹就緊係裏頭舊章魚啦！意外地，仲有雞煲食😋😋同埋有凍海蝦同我最愛嘅沙律吧，都幾新鮮泰式炒辣蟹味道唔錯，好香好濃味，醬汁入曬落d蟹肉到，淨係食隻味都好正黃金焗帶子個醬汁整得幾好味，有少少酸酸甜甜，仲有少少配料，帶子都幾大粒虎蝦天婦羅隻虎蝦都幾大隻，炸得好脆好好味，隻蝦仲要係爽口，配埋天婦羅汁蒜香椒鹽雞軟骨放題必點嘅雞軟骨！雞軟骨入曬味！配埋檸檬汁至夾醬燒雞翼雞翼燒得唔錯，肉質嫩滑，又大隻整體上，呢間放題無論係各方面都做得唔錯！食物味道仲要越做越好

吃貨聚頭，梗要揀啲高質素吃到飽啦，呢間店仲要響旺角地鉄出口超方便... 一開𨋢門，就見到裝修得好似宮庭一樣，卡位又多，好舒服... 我哋一行四人，就安排咗靚靚卡坐，舒舒服服...重點推介，炒蚧... 用新鮮大肉蟹～泰式炒辣蟹金菇肥牛鍋當然唔少得刺身虎蝦、甜蝦、赤海蝦... 一次過嘆晒... 好滿足～燒牛脷、燒羊架... 冇得輸～海膽手卷海膽超香甜🤤... 唯一失色，就係手卷嘅紫菜係淋嘅～😅翠肉瓜、串燒蝦都好好味... 但比我急不及待食晒咯～全場任飲，當中竟然又俾我搵到啲那些年... 🤗再... 那些年...🤤

多年冇見，相約在㕵再吉壽，因為開到12:00pm同近mtr和巴士的。3人份量的刺身，新鮮美味。一口海膽食左3次拖羅入口即化黑松露果然正環景禁多年仲keep到，好大好正。我地食9:30pm ,$190每人，好低喔

今天又是舊同學的聚會，每次聚會大多數都會選食放题，因為一個價錢任飲任食，放題食物和飲品都多元化，不同食物配不同人的口味，今次我們選了在旺角的吉壽，因為吉壽除了食品新鮮外，還有一個自助式的熟食吧，多款熟食和飲品任你食。我們像開了一個大食會，大家都找到了自已喜歡的食物，傾下食下好開心！自助吧的食物非常豐富，尤其是飲品種類，比其他放題店多選擇，還有很多我沒有拍到照片，因為我要開始食嘢啦！刺身：食放題第一時間一定食刺身，多款新鮮刺身中，我最喜歡這幾款：挪威三文魚十分肥美，魚油甘香。俄羅斯甜蝦鮮甜，赤海蝦夠大隻，爽甜彈牙。食多轉已值回票價!我每次來一定要食的：黑松露赤蝦壽司，和刺身比較又是另一種味道和口感，加入黑松露，多了壽司飯，真的十分美味。三文魚腩壽司，大家都知三文魚腩油脂比較豐富，一口咬下，壽司飯和三文魚腩在口裏打轉，甘香無比！熟食冷盤我喜歡凍蝦，此蝦普通放題多數沒有，多出現在酒店自助餐，凍蝦鮮甜彈牙，好味！香草纽西蘭羊鞍：香草味濃，熟度剛好，咬開還有肉汁，肉嫩不會羶！還有黃金焗帶子，酸酸甜甜的味道。芝麻雞翼，入味又香脆。薑蔥炒蠔，蠔身飽滿好新鮮，蠔味濃郁夠穫氣！鹽燒海蝦串和虎蝦天婦羅，不

之前聽家人講話吉壽裝修左，連食物既款色刀多左好多 令我想試下睇下有咩吾同！所以就book左9點半去食吉壽。搭lift上去 外觀比以前既光猛左好多 地方同樣大左 吾洗再逼住甘食野！又到去 見到一個area有甜品 大雪櫃 小食區 甘！不得不讚吉壽既飲品真系多不勝數 就連港式飲品：維他奶 VLT檸檬茶 刀有刺身: 希靈魚刺身切得厚身 咬落更有口感 一粒粒甘三文魚刺身 油甘魚刺身 同樣切得厚身 帶有鮮味 完全吾腥另外 我最愛既甜蝦刺身 大小size適中 味道更加鮮另外仲有赤貝 同 帶子刺身tim~鹽燒海蝦: 必食必食!!! 蝦絕對吾系死蝦仲幾爽口tim~~自己刀中意到不停叫黎食!芝麻雞翼: 外皮炸得好香脆 當然仲有吾少芝麻系雞翼外皮上面喇! 令到成隻雞翼更加香口!泰式炒辣蟹：哇！放題有蟹食叫左幾轉 有時會有蟹鉗添 仲有大大隻啖啖肉 吾系死蟹一patpat甘！辣道方面吾會太辣！好正丫海膽手卷：細細個既手卷好得意 所以吾怕話手卷甘多飯點食其他野海膽吾會有腥臭味 細細個不防一試！黃金焗帶子：食落帶子仲有甜味 雖然系黃金焗既款色 但食落不會太漏！北海道390牛乳海鮮鍋：由於見到圖有菜 所以特登orde

食過咁多放題, 講真令我印象最深既其中一間放題就係位於旺角港鐵站一出行幾步就到既吉壽, 交通方便、抵食、選擇多, 我大約4個月前黎過後介紹左D朋友去食, 食過個個都話冇介紹錯!於是今晚同朋友係朗豪坊睇完戲, 就走過對面既吉壽食放題, 正正係平日9:30時段, 價錢都係HK$213(另加一), 對比任飲任食黎講, 的確係好抵!!!何況食日本野, 更有信心回本!沙律、冷盤、少量熟食、甜品、乳酩都係自助形式自取, 出面更有個大雪櫃, 放滿唔同款式既飲品, 就連啤酒都有tim~先黎一盤刺身, 刺身均為厚切, 絕不馬虎, 刺身以冰墊底, keep住新鮮溫度。就連珍寶大赤蝦都有提供, 肥美爽甜, 正!!軍盤、卷物、手卷、壽司款式同樣地多, 每件壽司都細細件, 食多幾件都唔會咁快飽。最重要係料係多過舊壽司飯ga...京蔥三文魚腩壽司: 腩位肥美, 配上京蔥, 香口之餘, 更增添口感芝麻雞翼: 表面炸得好乾身, 入口香脆可口, 內裡仲有Juicy肉汁ga芝士焗帆立貝: 芝士味什濃, 但幾油避風塘炒蟹: 唔知自己encorn左幾多碟, 平時係出面食蟹, 都百幾蚊隻 (even自己街市買都唔平), 出奇地

突然行街到一半好想食放題，最近放題成引。第一次上呢間，12點半$196 一位 都接受到上到去已經有好幾圍 之後愈來愈多先講環境係舒服的食物推介魚生！勁大勁厚熟食都好好，上菜快，員工服務好有笑容下次可以再食

又到食飯嘅時間喇今次揀咗呢間吉壽放題~聽講嘢食質素好高 首先黎個刺身先，帶子鮮甜大大粒，仲有好爽口嘅油甘魚，再加埋啖啖肉甜蝦，好想無限追加呀之後又叫咗啲比較特別嘅壽司，好似呢個拖羅軍艦同埋海膽魷魚咁，仲有超正嘅三文魚腩同埋鵝肝壽司呀 大大粒鵝肝下邊加埋帶子真係超好食之後仲有好多特色嘅熟食，好似紙上邊嘅炒蟹同埋鰻魚都係啲好高質嘅野食~食幾舊都回本啦仲有必食嘅芝麻雞翼太正啊，炸到啱啱好，仲有呢個牛舌都係好值得推薦，大大塊加埋少少檸檬汁，超正。最後值得讚嘅就係佢嘅飲品，有一大個雪櫃俾你揀架，除咗汽水啤酒之外，今次仲發現有維他奶真係好正呀，而且夜少少去仲有七五折添，好抵食

有時唔想咁肥，就同朋友中午去食放題，又可以滿足自己想食好多唔同種類食品嘅慾望。好彩旺角區嘅吉壽平時都做緊午市嘅放題，因為有好多放題餐廳午市放題都只係做星期六日，星期一至五係完全沒有午餐放題。甜蝦非常鮮甜，仲有三文魚、劍魚腩好肥美，魚油十足又彈牙。海膽手卷都估唔到幾鮮甜，紫菜爽脆而且不會大大件，食完都唔飽，可以再食下其他嘢。芥末有分三種辣，比較有特色。有幾種好有特色嘅壽司，全部都係混雜多幾種唔同嘅魚類一齊，配上嚟細細件唔會好飽之餘仲有好豐富嘅味道和口感。牛乳海鮮鍋唔係個個都食，因為覺得放題食呢啲嘢會好飽肚，我就覺得不錯，味道香濃而且海鮮鮮甜，啲菜都吸晒牛乳嘅香味。芝麻雞翼同埋菠蘿呢啲就係放題一定要食嘅，芝麻雞翼表面充滿芝麻香口之餘味道都比較勁，仲能夠保持裏面嘅肉汁。菠蘿就可以中和一下，減少油膩感。最後食返個自家製雪糕，一邊係士多啤梨味一邊係雲呢嗱味，甜得來味道香，仲可以加啲朱古力碎片係個表面，食完就真係超飽。

放題狂迷的我又試新放題，看見這家放題有宵夜時段，而且價錢不貴便決定試試。九時半來到，不用等位，但餐廳已坐滿了客人。桌子與桌子之間保持一點距離，不像某些放題店非常擁擠。現在很多放題店除了有點餐紙，還有自助專區，這裡也不例外。點菜後也不用十分鐘，刺身拼盤便送上，甜蝦和赤海蝦十分甘甜美味；三文魚腩油份很足；象拔蚌爽甜；帶子鮮甜這家放題店的壽司也是很不錯，魚生和壽司飯的份量配合得剛剛好，一口便能吃下，很方便。三文魚腩壽司的脂肪比例較多，能吃出油脂的味道。油甘魚和赤海蝦壽司配上特色配料/醬，味道更上一層樓海膽手卷的海膽不腥，小小的一件，令人不會太飽肚。芝麻雞翼炸得很脆，熱辣辣很好味，放題最愛另外是榴槤波波，脆脆的外殻包含著濃濃的榴連餡，一咬開，榴槤飄香羊架也十分出色，很香的香草味，非常入味而且不靭，甚至有些部分較為軟腍。而燒菠蘿仍能保持水果的水份，使人咬下去，也能嘗到甜甜的菠蘿汁。花之戀和雙色花之戀，蟹籽的份量足足遮蓋了整粒花之戀，在外面賣很貴的花之戀，在這裡可以任吃，真幸福天婦羅食品中，我獨愛天婦羅蝦，而這次也沒令我失望，炸粉不算多，而且也沒有把蝦炸得太熟，水準不錯！這個芥辣八爪魚很值得推介，