吉壽日本料理 (已結業)

平日的晚上約了舊同事到旺食放題相聚, 吉壽的地點很好找,地鐵站一上來便是了(方便散水), 進場時已經是晚上9點多.估不到有很多人在門口等 (相信是等更便宜的夜時段。我們被安排坐卡位, 位置舒適可以慢慢聊,食物款式選擇合理 ,上菜很快, 印象中也沒有漏單 (抵讚!)北海道牛乳海鮮鍋: 牛乳好滑,有蝦(大隻彈牙), 帶子>>>推介。刺身拼盤 (甜蝦, 帶子, 三文魚, 螺片): 正常, 尚算新鮮, 不過不失。壽司類 : 總括來說很好 ,賣相精緻, 細細口,fusion 壽司口感味道也好好>>>推介。炸物 :天婦羅蝦, 雞翼,多春魚也炸得好好，不油膩 ,香脆>>>推介。燒波蘿 : 香甜多汁不會太乾。鐵板炒雜菜: 驚喜我覺得好好味,大份, 不油膩。鐵板牛柳粒: 很大碟。比目魚: 很滑。飲品有十多款以上(花多眼亂), 有我最愛的無糖系列烏龍茶和解茶,最特別有自製雪糕機,雪條/糕也有6,7款, 另外有很多冷盤食物隨便挑選。服務員態度良好, 有主動收碟, 換碟。埋單每人也是$200到, 確是放題的好地方。

香港人真係好鐘意食放題, 而家多左咁多放題好店, 已經成幾年冇食過吉壽了! 呢間好就好在唔係分時段咁食, 唔洗就一係6:30咁早, 一係8:30 咁夜,  三五知己要7:30先去大擦一餐, 好彩早半日book 位都仲有位! 準時上到去, 真係超級多人! 上到去都仲要等15分鐘到, 人齊先安排位, 怕有朋友唔夠時間食浪費左! 位置比較窄, 但都可以接受!一坐底當然要點左靚靚刺身先, 因為等一轉往往係最新鮮最齊及最快! 三文魚刺身好新解肥美, 希靈魚罕有比較鮮甜!!甘蝦連頭上夠晒大隻, 正! 北寄貝、油甘魚ok! 飽魚仔好en.....燒物: 牛舌夠味有口感, 肉質彈牙, 燒菠蘿好甜, encore 左3轉! 燒淤蝦好新鮮彈牙又甜, encore 左4轉! 讚~壽司: 呢一間放題壽司算係好好食, 其他放題少款又唔好食.....花之戀、饅魚、卷物, 各有特色, 我地都好滿意!炸物: 天婦羅不過不失, 但我要讚榴槤波, 好香, 榴槤控必食!雪糕種類多得驚人, 好似去左7字咁, 我真係未試過喺7字雪糕櫃任食

The sushi and sashimi was extremely fresh and I really liked that you order how many pieces of food you want. It makes the food more enjoyable and I am not forced to eat a shit ton of food. I went for lunch so I was allowed to eat from 12:00-3:00 PM. That's an ample amount of time to eat so I did not feel rushed at all. The fried foods. OH MAH GERD!!! It's freakin' amazeballs. Literally bombdotcom. Fresh out of the fryer and they had all the fried foods that I love. I love the tempura and the fr

好耐冇食過放題啦 終於約咗朋友同我一齊去食 近近地係旺角附近食 朋友推介吉壽 半自助形式 有成三十幾款飲品選擇 有凍有吾凍 任君選擇 C+我最愛 自助沙律 可以按照自己喜好選擇沙律 沙律菜好新鮮甜品區 有成數十款甜品供應 牛奶布丁 好好味 食到停吾到口迷你朱古力心太軟 當我食飽打算食甜品之際 已經空空如也自助雪糕機 有我最愛嘅乳酪蛋糕 還有幾款配料和醬汁迷你版壽司 兩啖就食完 可以食多唔同嘅款 唔會好飽肚影響食其他美食 刺身方面數十款選擇 有我最愛嘅甜蝦 鮮甜美味 冇雪藏未👍🏻

今日同老公去食反拍拖果時食過嘅第一間餐廳 吉壽日本料理 以前係尖沙咀 果時食完仲去咗行海旁 好懷念嘅那些年依家嘅旺角店比之前尖沙咀店大好多 坐得舒服 位與位之間都好寬闊 吾會好逼 半自助形式 飲品 沙律 雪條 甜品 雪糕 小量小食放提必定會叫嘅刺身 樣樣都好新鮮 好肥美 鮮甜 三文魚控嘅我 點止食咁少 已經encore再encore 一定要叫嘅泰式炒辣蟹 半隻蟹 個蟹蓋好多膏 啖啖蟹肉 唔會霉 吾係好辣 超好味日式雪花牛肉鍋 湯底好清甜 食得太飽太濟 一定要食下啲菜 有娃娃菜 豆腐 金菇

好耐冇食過放題喇 趁放假同班朋友出黎食飯揀左食放題 吉壽不嬲都係我地經常食既放題！感覺上野食既款式比較多同埋新鮮而且地方都幾大坐得幾舒服 所以我地幾鐘意黎依道食放題今日嚟到都唔算話太迫,上菜嘅速度都幾快同埋覺得呢度嘅服務員嘅服務都幾好真的有禮貌刺身方面最鐘意就係大大粒又新鮮既帶子同甜蝦!油甘魚都唔錯！好新鮮 刺身都encore 左幾次第一次嘅三文魚仲有三文魚腩,甜蝦原隻上仲有其他嘅刺身都覺得好有驚喜炸物方面榴連炸彈係有驚喜 味道好真實又唔會好臭 做到榴連既味道 同埋芝麻雞翼都係my favourite ! 超級香口壽司就有鵝肝帶子壽司 鵝肝雖然細粒但味道就一樣甘香加埋帶子壽司真係好正 其他火炙壽司都係即燒都好香甜品仲有迷你心太軟 係真軟心！食左好多個先夠喉! 雪糕同飲品都係任飲 食到好飽好滿足!

today I am delighted to have luncheon with the merchant friend who does spectacles 👓 business at Mong kok655 Nathan rdHe takes to the 5th FlKichi Where I can drink sakes and plum Wine after checking the sashimi listI order these 3 kinds Sword fishFresh scallops And tunas The raw seafood taste delicious 😋 Fresh and reliable Just like the sakes together/after eating sashimi 😋😉😌quality of the Urchin And minced tuna belly with spring onions also very good Tasty with fresh feel all the way!My friend

早幾日又來即興食放題，呢個 friend 真係唔話得，明知我減緊肥都仲要引誘我，我又衰嘅 忍唔住口又跟住佢一齊去，不過總算冇浪費左我嘅quota，因為食物嘅款式同質素都好好刺身都好新鮮甜蝦好大隻，帶子都好鮮甜而且有我最鍾意食嘅劍魚腩啊劍魚腩真係唔係間間放題都有架淨係劍魚腩我都叫咗兩三轉頭兩轉唔記得影，呢張已經係第三輪啦！哈哈呢度仲有海膽手卷，海膽冇腥味而且佢嘅份量呢啱啱好，唔會淨係食咗個手卷已經飽晒食唔到其他野，而且佢嘅壽司個份量都同樣細細粒，咁就適合我呢個唔鍾意食飯嘅人芝麻雞翼都係我鍾意食嘅熟食皮脆肉嫩夠晒野味燒牛脷爽口彈牙，燒嘅火候啱啱好而且牛味十足燒菠蘿都好甜架榴槤炸彈同香芋炸彈，呢兩款食物我都好鍾意食尤其係榴槤呢度嘅甜品款式都好多，有各款嘅cheese cake、木糠布甸、奶凍真係花多眼亂，甜品雪糕可以自製有士多啤梨味同埋朱古力味你一次真係多得個friend唔少啦返到屋企唔知又重幾多磅啦不過好彩都今次冇浪費左啲quota都算值得

琴日放工真係勁攰，所以決定同同事一齊去食番餐勁嘅！ 佢話吉壽食過幾好味，咁就去試下啦！呢度有自助區自己夾野食，熟食有豬手、雞腳、連重慶雞煲都有，又幾好味喎雞煲！有沙律區自己拎。甜品區嘅甜品都超過十種，最好味係牛奶布甸、芒果糯米糍同埋咖啡味嘅cake。心太軟就唔流心嘅，但如果你當佢係brownie都算ok，鬆軟、朱古力味濃。除左有雪糕杯同雪條之外，仲有軟雪糕，可以自己落topping, 士多啤梨味唔錯！刺身方面，呢度嘅甜蝦真係必食！！食到蝦嘅鮮甜味，我食左10隻都有。帶子都算大隻同新鮮。熟食方面，泰式炒辣蟹好正！！一份有半隻蟹，蟹殼有肉有膏，小辣； 芝麻雞翼個皮好脆，肉嫩，食左兩隻。牛舌好有牛味，我同事好鐘意食。炸物我只係試左榴槤炸彈同海苔多春魚。多春魚嘅炸粉比例剛好，炸得好好食，食到海苔嘅味道。榴槤炸彈即叫即炸好熱，好多榴槤漿。整體食物都幾滿意，無漏單

旺區、地點易搵、連路痴都冇可能搵唔到既放題有幾多間？吉壽真係好選擇！好多年前食過一次，重來感覺座位舒適左，裝修靚左，服務好左，食品類型多左，有大進步！一坐低當然要點刺身啦，叫左三文魚、油甘魚、虎蝦、赤甜、甜蝦、北寄貝、希靈魚等等，我覺得三文魚肥美, 油甘魚第一轉好食過第二轉，第二轉有點兒腥，赤蝦鮮甜，希靈魚新鮮！好多款壽司，拖羅、黃魚魷魚、芥末魷魚、鵝肝帶子、花之戀等等，壽司普通都不過不失，芥末魷魚食到我地五個都眼濕濕，辣得滾動....雞翼好juice! 羊架朋友話好絲食，我唔好羊，所以冇叫。榴連波波都幾好，不過不及大x屋，唔夠白榴連味！多春魚可以不叫。手卷好可愛，細細件，兩口KO佢！蟹肉沙律比海膽手卷優勝！最後想食熱野暖下胃，牛肉鍋及海鮮牛乳鍋都正好多飲品及雪糕選擇！必飲清熱酷！抵啊！

完左一個忙碌既星期，想食返餐好既，就約個best friend 食下放題先🤤不過旺角咁多間放題，要簡都唔容易啊。好在朋友一啲都唔猶豫，就帶左我黎呢度喇。八點鐘到，等左廿分鐘左右就有位了。可能我地得兩個人既關係，坐既位置都唔多好。由於太肚餓既關係，我地兩條友決定係唔係都叫左先。上面既菜單只係其中一部份，仲有好多野可以食架😆熟食早過魚生到，不過唔緊要，個焗蠔真心正，夠哂熱好好味！至於魚生，每種都好新鮮啊，基本上都無咩挑剔既位。壽司同手卷都係必點之選，都係好好味丫，尤其係海膽，好彩地無腥味，讚！甜品方面可以食雪條同自製雪糕，或者jelly 豆腐花都得。飲品就超多選擇，多到都唔記得了，可惜無影到相。不得不讚既係waiters ge服務態度，就算佢地幾忙都好，都係咁有禮貌，無黑面。最後，我地都食到超級飽，同埋呢間一定有take two!

好耐都無食放題，見呢間係朗豪坊附近好方便所以揀左試下。等緊野食既期間，出左去拎小食同飲品，個凍飲櫃望埋去真係好似搬左個便利店雪櫃入去，好大好多選擇。最後我就揀左枝裝清熱飲，平時好多放題只係得幾種飲品揀，今次真係好驚喜！番去第一樣到既係刺身，我地2個女仔想試多啲野食，所以刺身叫左多款少量。每款都好新鮮，特別要讚帶子，真係好鮮甜。之後係第1次見既本格壽司，我地叫左本，格，御，3種。 個人最鐘意本壽司，佢用左帶子上面加黑松露，黑松露既味好香，成個配搭好夾。香蔥吞拿魚軍艦食得出食即叫即做而唔係一早整好曬，因為紫菜仲係好脆，值得加分。手卷我地都揀左海膽味，最體貼係個size 係迷你版，唔怕食完手卷就飽曬。用既海膽都好甜，一啲都唔腥。燒物就揀左翠玉瓜，牛舌，翠玉瓜燒完都仲好juicy 唔會乾爭爭，牛舌亦好彈牙。仲有燒羊鞍，肉質鬆軟唔會韌。差啲漏左燒菠蘿，非一般咁甜，好想再order 但後尾已經食唔落了。另外叫左個牛乳海鮮鍋，有2隻蝦，帆立貝等等，湯底幾鮮，質素都唔錯。值得一提，店員offer 3種辣度既wasabi 比我地，呢點真係好caring ,我朋友揀小辣，我就中辣，各取所需。整體黎講今次l

一班朋友食飯，一個話想食日式放題一個又話想打邊爐，揀咗好耐最後就決定揀一間最近朗豪坊嘅放題-吉壽地點來講真係無得輸我會比9分因為一出旺角二出口就已經到係非常之方便，就算住得遠食到11點都唔怕冇車搭環境平時入去都要都差唔多坐滿，依間野都應該幾受歡迎，可能個價錢真係比較吸引呀服務都算幾好，不過就有啲侍應時不時過嚟同你講你仲有幾多時間去落單食物一坐低就即刻叫咗魚生刺身,魚生款佢都好多嘅同大喜屋都差唔多我最鍾意食就係嗰個紫薯,不妨推薦大家去試一試,因為真係幾有水準,外脆內軟仲保留到紫薯嘅juicy 食過兆萬都知咩叫伏，依間算唔錯

同朋友上完堂梗係要慶祝啦，我哋即刻book咗二間，一入去個感覺好熱鬧，雖然裝修唔算好華麗，但坐嘅地方仍然寬敞，會再三問我地啲嘢食到齊未，而唔係催人走，不過都可能係因為我哋八點半先入場刺身好後生，款式都好多最緊要係冇說起嗰陣味，三文魚咬落去彈牙鮮嫩，另外依度嘅玉子都好好食。芝士帶子真係不停咁叫咗幾次，芝士唔會好油因為佢有少少嘅算係調味，而且帶子咬落去好亂口，個芝士真係好好味最鍾意係佢有得自己整雪糕，可以自己調校唔同嘅配料，實有一款你最啱食啦整體方面價錢我會比8分因為咳嗽個價錢相對中學生都好容易接受到，服務方面我會比7分因為佢幫我地跟單同埋follow up，不時會幫我地換碟拎就食完嘅嘢食

係旺角中要食放題我就即刻諗起吉壽！價錢唔算太貴但都多選擇食物質素都唔錯，所以就再黎食啦！首先有好岩小朋友食既牛油粟米哈哈，一碗好多唔可以睇少，牛油味好濃熱熱地食正！芝士炸蝦卷，一開頭以為係入面包住芝士但原來係芝士醬~~燒牛舌~唔蘇唔un好食！椒鹽雞軟骨~卜卜脆又大粒，好香椒鹽味刺身同壽司都係正常質素~但有哂虎蝦同甜蝦揀正呀朋友話想食啲鍋物，我就揀左呢個肥牛鍋，入面仲有好多菜食，浸哂啲濕湯味冇得頂哈見到場內仲有部自助雪糕機，今次冇時間冇玩到，下次一定要試下先