吉壽日本料理 (已結業)

今日同好友相約食日式放題，記得之前好友提過吉壽日式放題水準不錯，我倆就決定聽好友提議book枱試試先。位置非常方便，旺角E地鐵站出口，準時到達，門口已經有不少人正在等位，好彩有預先book枱。同其他放題店一樣，一本點菜紙已經放在枱上，選擇亦都算多。除了平時的汽水外，更有極罕見的一系列陽光飲品，未見過放題有咁多飲品選擇。虎蝦天婦羅，南瓜天婦羅亦是穩陣之選，炸漿不會太厚，而且蝦身夠粗，好有口感；非常香甜天婦羅炸粉薄亦來夠脆，確實唔錯。最喜歡日本番薯味頗濃，腍身，纖維幼細，非常之甜香燒鵝肝帶子mini板，帶子新鮮加鵝肝鮮味，好高貴的一個壽司，一定要叫多幾件鹽燒鯖花魚，三文魚皮燒到脆卜卜，魚肉嫩非常惹味。自家漬呑拿魚，醬油同吞拿魚都幾夾，魚香濃烈，雖然不算很肥美，有特色京蔥三文魚腩味道濃和油份重，紫菜脆，三文魚腩位肥美配上京蔥，香口更加有口感

同朋友慶祝生日，佢想食日本嘢，就揀咗放題食，貪方便咩都有得食!放工後就去呢到開餐，一個價錢任食任飲2小時，好彩早入坐，入到去一陣，入座率已經有九成啦!食物的選擇多樣豐富，有前菜、壽司、手卷、刺身、炸物、燒烤、料理等，還有自助的飲料和甜品，簡直是眼花撩亂。西京比目魚白白的肉質嫩滑，味道亦不錯，鹹鮮有致香口北海道390牛乳海鮮鍋，海鮮的精華都變成湯汁，好鮮甜，加上牛奶香滑，入面有蝦蜆菜多種材料，一啲都唔馬虎炸蠔大隻，以為只是炸漿厚，但咬開原來蠔肉都好大隻！好香，不過有啲熱氣燒蝦串，蝦大隻而且彈牙鮮美，食唔停焗元貝，芝士和沙律醬焗至金黃色，睇到都覺得很吸引，食落沙律醬味重，相當吸引值得推介就係個雞湯，人蔘同雞味特濃，材料十足出邊啲凍蝦一樣大隻，唔執輸拎多幾隻返去食仲有甜品食，試左幾個先再出現有雪米糍及雪糕杯拎，但可惜實在太飽啦！

約左好朋友飯聚，而朋友於旺角返工。所以順理成章就於附近搵野食。因為兩個女仔都有選擇困難，所以就上網搵下有咩放題好介紹。經過一輪挑選，最終揀左吉壽日本料理。因為上網睇到歐式新裝修蠻舒服的， 好適合聊天！入面好大餐廳出面好多野食，自助沙律，是日例湯，葡撻，日式章魚，特式卷物，支豆，香辣雞翼，各種甜品，雪糕蛋條，仲有多款雪榚配料#香燒鵝肝帶子，鵝肝鮮味配帶子新鮮，細細粒易入口，食多幾粒都好0k#芝麻雞翼炸得香脆，多肉juicy；最欣賞紫芯芋丸，一咬即瀉#海苔多春魚海苔味好香，不過炸過氣比較淋#芥辣八爪魚軍艦，黃金魷魚軍艦，八爪魚加入青芥的微辣，好喜歡，黃金魷魚爽囗新鮮#甜薯必食之一，甜到爆#竟然有沙薑雞腳？加左少少辣掓，微辡惹囗，但又有甜味，感覺怪怪#炒雜菜好甜好開心食咗一餐豐富滿足嘅放題

今天到旺角行街，經過見到這間吉壽放題的海報，睇落都幾吸引就決定同朋友上去試試，在旺角的眾多放題餐廳里這間地方都好夠大，裝修好靚好新坐得十分舒適。我地叫左好多野，仲走出去夾左好多前菜*芝麻八爪魚*中華沙律*螺肉不過醬汁過甜其中估唔到放題都有*香草紐西蘭羊鞍，唔會太強羊羶味，配上香草醬，清新得嚟而且有解膩嘅感覺*機燒翠肉瓜，最初擔心燒過後的瓜會唔會太乾身, 呢個翠玉瓜就完全唔會，火喉掌握得剛剛好，咬落十分鮮甜多汁*海鰻芝士卷味濃郁，鰻魚汁鎖住肉汁多，叫左好多件*蟹子吉列蝦卷係好好味，外面係蟹籽既壽司飯，入面有塊祡菜再包住脆脆既吉列蝦，好味*海膽手卷迷你版，一端上黎要即刻食呢！紫菜咬落尚算脆身，入面料都唔少，味道唔錯除左紙上任點任食，外面仲有好多小食，甜品，飲料，湯比大家隨時行去攞，吉壽放題值得再黎

朋友同我一齊去旺角話幫我補祝生日，佢知道我鍾意食壽司，就揀咗呢間日式放題。一入門可能時間仲早，五點幾不到六點，所以唔係好多人唔使等位即刻可以入去坐，如果坐到七點半就＄200樓下一位，如果坐到八點就＄220左右一位。一入去因為我帶住BB所以佢哋比咗個四人為我地，但係就冇BB櫈，我要全程抱住BB食。環境尚算可以因為得我同朋友兩個所以點嘅份量都係好少，食物選擇唔算多但係質素中上，最好食係佢咁燒鰻魚，我叫咗幾次都食晒，刺身選擇唔多但都好幾新鮮值得一試叫咗幾次比目魚，但都有甩漏淨係俾左兩次我哋每次一塊，但燒得都幾好食。出面有熱食但係我哋都冇去拎因為兩個小女人食得唔算多。因時間差唔多，甜品都冇食到就走左。

十年5馮一潤，中學聚會去左食放題，比想像中大，感覺良好，新裝修內設大量沙發卡位，而且空間闊落，座得舒服，估唔到咁多飲品選擇很多，起碼唔超過十五款，汽水，果汁，烏龍茶等等，外面自助區非常豐富刺身叫左，希靈魚鮮味，三文魚，虎蝦，北寄貝，北海道帶子，蜜汁鮑片，八爪魚清爽，比較細件不是太有口感卸品蟹皇瑤柱海鮮粥，真才實料有大隻剖半對切的蝦，蝦大大隻鮮味，有蟹，蟹腳肉很鮮甜，海味十足，相當奢華，啱曬海鮮喜好者鹽燒鯖花魚底面同樣燒得金黃，沾上甜甜地燒汁，味道不錯，而肉質亦挺嫩龍蝦沙律手卷精緻小巧，細細件兩三啖就KO 了，食多兩件都唔怕，這款龍蝦沙律一口手卷味道不錯比預期出色

今晚同朋友去左食晚餐，在旺角叫"吉壽日本料理（放題)" 是間大型及專門提供日本自助式放題膳食。三文魚腩壽司, 面頭生魚肉塊鮮味嫩滑香噴噴，再點一點wasabi醬油連飯團吃落更惹味。本格花之戀, 長長薄生三文魚片圍包著飯團，上面再加上橙色蟹子粒，嗒落口真爽口香味無窮。皇帝蟹棒天婦羅, 熟南瓜及蟹柳肉沾上生粉加以鮮蛋油炸下，入口香脆爽口惹味，再點上生抽豉油調味先食。黃金焗帶子, 蜆殻上帶子連雜菜肉粒及白醬汁一起焗熱，焗得香噴噴。又食了虎蝦天婦羅好味。

今晚同朋友去食放題在旺角區，見到樓下的廣告，再看到店的燈光裝飾覺得好有活力又靚，便入去"吉壽日放題"食日式放題。有好多壽司卷和手卷，叫了牛油果軟殼蟹卷，我喜歡佢的牛油果味，壽司做得剛好不會散開。蟹籽吉列蝦卷，蟹籽甜甜地，配合酥炸的蝦。芝麻雞翼，第一時間食到芝麻香味，燒到雞翼好香脆可口，食多兩隻先。紫心香芋丸，香酥的表面，之後食落去有香芋蓉，超好味。蒲燒饅魚，燒汁燒好的饅魚，令饅魚更美味，食了很多了。能夠食到好多海中蝦，肉質鮮美，食得人覺得滋味好好。粒粒粟米很甜， 炒雜菜很有田野味道。

第一次食呢間放題，未去之前睇相已經覺得好吸引，原先book咗九點半入座，但係職員未夠鐘已經比我地入去，座位幾舒服， 一啲都唔迫，而且裏面所有嘅職員服務態度都好好，叫完嘢食唔使3,4分鐘已經到，速度好快。壽司嘅款式都算多，而且嘢飲嘅選擇都好多，極力推介佢嘅炒蟹，夠晒熱同埋味道唔錯！一啲都唔馬虎！而且好大隻！我兩個人食都叫咗三碟！唯一有少少不足嘅就係帶子刺身唔係太新鮮！其他刺身都好好，三文魚好肥美！值得一提嘅就係佢嘅甜品，有自助雪糕機！初初以為係雪糕原黎，原來唧出嚟係乳酪！有原味同埋蜜瓜味，仲有好多配料可以再落！有朱古力，糯米糍同埋啲醬等等。同埋要推介嘅就係佢嘅朱古力糯米糍真係好好食！裏便除咗有朱古力雪糕之外仲有啲朱古力醬喺裏面！服務質素好，嘢食又唔錯，所以會再返嚟食！

約左fd去旺角行街順便食個飯飯就去左我最鍾意既吉壽放題食左咁多次都係咁好食食前食後又方便行街我地今次行左陣先食，食9:30宵夜時段平D嘛～又唔使等咁耐～岩岩好收工出到來等齊人都差唔多9:30有時有D fd可能又OT一陣咁一入到去，識食既你一定先嗌刺身醫下肚先三文魚厚切好JUCIY油金魚新鮮，甜蝦鮮甜，我個人口味就鍾意食甜蝦多過海蝦，鮑片同都好爽口太肚餓好快食左一輪，清晒就要嗌定第2輪但估唔到佢次次上菜都好快，唔使等好耐同埋次次都好準確，好少漏單所以記得食幾多嗌幾多，唔好做大晒鬼啊！好喜歡甜蛋～第二轉好快到左其實哩就最好食D熟食先既～唔受得既人記得啦～我不嬲受得就習慣一來就食刺身，正！食左最鍾意果D嗌左個蜜汁雞翼，冇死一定好食哩D再來就食羊架先，襯我未飽要食，因為羊架有D漏好易飽要早D食有次食得太飽先醒起佢已經食唔落了羊架JUICY好正我每次都一定要嗌之後嗌左炸雞軟骨，超開心撞岩佢新鮮炸出來熱辣辣脆卜卜，好野味！平時出街嗌碟炸雞軟骨，冇幾多粒都收你五六十蚊啦嗌一碟都抵返數了芝麻雞翼我之前食過都講過就唔多講，吉壽招牌菜！菠蘿好多汁好甜，都食左幾塊帶子細細粒，一啖一粒岩岩好～食開炸野又點少得

旺角通街都係放題，朋友極力推介吉壽其實我之都食過，依然好味，所以唔使諗就上左去食啦通常我都習慣食前/後過對面行下朗豪坊消化下真係極之方便。食飯，行街，搭地鐵走👍🏻😆我來來去去必食既刺身哩度既刺身夠新鮮厚切仲有MUST HAVE ITEM 芝麻雞翼D壽司一啖一舊，size岩岩好細細舊又可以留肚食其他 VERY GOOD～睇我地嗌左幾～多黑松露蝦都好好味哦其實我個人好喜歡芥辣8爪魚嗱都係果句啦細細舊可以試多D其他款嘛羊架都係我食吉壽必嗌！我fd就十分欣賞哩個菠蘿，多汁又甜哩個我通常靜係食舊肉，唔好食太飽留肚食其他野嘛食唔晒唔好晒野食，每樣嗌夠就好了鰻魚好長啊！飯細細粒就岩晒～～炸物我必嗌蟹柳，新鮮炸VERY GOOD！因為好大舊好好食！臨完嗌多次刺身先～甜品時間   榴連雪糕好好味～唔大朕味但食落就好鬼香榴連味～每次都食到好飽好滿足！所以真心好推介～ 

中秋節本想去食燒肉應應景,但老公怕上火就改吃日本料理放題,因為尼度有自取的熱食沙拉甜品吧所以選擇這裡,訂了第一輪的用餐食間有優惠,一進去眾多服務員就喊日語歡迎光臨~之後既服務態度亦好好,想剔紙仔時發現冇筆,後邊既女服務員就自動送上支筆,收完碟男服務員又送上濕紙巾話比老公抹手服務周到,這裡食物選擇眾多,刺身新鮮,鐵板赤蝦大隻肉質鮮甜彈牙！上菜速度都好快,有好多唔錯錯既雪糕同榴槤雪條任你揀,仲有密瓜味軟雪糕任你擠同埋多種配料可加,最後食的飽飽捧住個肚走

吉壽既食物一直都感到高級而又美味，價錢雖然貴小小，但請自己好姊妹十分值阿~ 首先要食小小前菜，蔬菜十分新鮮，而且當日有酒煮雞翼，小小辣十分開胃。大家入到去一定叫刺身先啦，不得不讚的是刺身十分鮮甜，不會過於雪藏，朋友十分愛吃蝦，試完這盤後立即又再點過吉壽內的熟食都十分有水準，令我地兩個女仔都食唔停口，而且十分推介鹽焗蝦，肉質新鮮彈牙，朋友點了10多串呢！！這裡的焗帶子令我有意外驚喜，大大粒的帶子，而且沒有沙，還有鰻魚大大舊，每一口都是肉，愈食愈開胃。 最後沒有食到乳酪十分可惜，每次去也會吃上一兩杯，下次一定要再吃~

5:00入座食到7:00 $193@1 加一自助有例湯 凍蝦 章魚小丸子 枝豆 雞腳 豬手等等。除左凍蝦有肉之後其他可以skip🤥壽司方面 黑松露赤蝦可以接受燒鯖魚一定要encore!! 比目魚都好食不過吾夠熱 似一早燒好 叮返熱火炙壽司左口魚幾乎係我手指尾既一半 而且好易散🤷🏻‍♀️食左咁多凍野嗌碗湯烏冬✋🏻兩個人一人一啖啱啱好 因為份量超小😂最後羊鞍也是吾熱的😌

自從對上一次去咗間冇乜嘢食揀，冇乜飲品揀又常漏單的放題後，一直都耿耿於懷。。這次終於選對了，這個場夠大，坐得舒服，而且係星期二，人流又唔多，出面有自助的飲品櫃3大排，自助的有一些沙律熟食，雪糕雪條，yummy yummy 我就覺得這裡的熟食比較出色，又有自助雪糕機~乳酪/蜜瓜，選擇款式多，下次會再去~~朱古力雪米糍~好juicy 壽司除咗飯大舊咗d, 鵝肝細粒咗d外，味道唔錯三文魚厚切，同蝦蝦蝦。。赤海蝦，甜蝦，虎蝦海膽就一般羊架（冇膻味同夠腍），芝麻雞翼（香脆），燒菠蘿（清甜）推介叫到一枱都係