吉壽日本料理 (已結業)

每每經過雅蘭中心總會收到一堆放題宣傳單張，而吉壽正是其中一間。記得以前放題業最為興盛的時候，組長、2000円、金田等貴為放題界龍頭地位，但後來風光不再不少餐廳都已經結業，但同樣為元祖級放題的吉壽仍然屹立不倒，純粹想一解放題癮的我倒是首次光顧。刺身款式大路，餐廳客流量不少刺身去貨速度較快，故亦沒有腥臭等不新鮮之感，看起來色澤鮮明亮澤。壽司飯粒沒有過份鬆散，而且賣相比想像中精緻得多，當中部分特色創作壽司更是相當精美。芝士焗蠔並非以蠔殻盛載而是以錫紙杯裝，某程度上比重複多次使用的蠔殻衛生。炸物即叫即炸熱燙香脆，炸漿亦不會過厚。其他熱食質素亦平穩，款式亦算多元化。甜品的的骰骰可以一次過嚐盡數款滿足三心兩意，個人最喜愛煙韌香甜的芒果糯米糍。加一服務費後每人約二百元實在划算，現在坊間一般放題都近三百元，款式數量合理，放題癮起想平價放肆一下絕對可以接受。

之前吃過這家日式放題沒留下什麼印象，近日發現這裡裝修過環境變好了，而且網上好評不少，於是來個偽溫故知新😜每次放題的重頭戲必然是一大盤刺身，這裡有我愛吃的油甘魚與劍魚腩，魚片厚度大小適中，象拔蚌爽口，各種刺身新鮮程度合格，款式也足夠，整體達到應有平均水準。只要面頭不是配熟物的壽司都不錯，能嚐到海鮮的鮮味與脂香，但熟物的燒穴子與燒帆立貝不好吃，口感味道柴死了。  黃金焗帶子的原料跟壽司上的燒帆立貝是一樣吧，壽司的不好吃，這個也一樣了，肉質老得很，而且醬汁太膩過酸，味道似是酸忌廉放太多。日式雪花牛肉鍋裡只有三四片牛肉，不過不夠吃可以再點，量少也不算問題，而且可以先淺嘗味道看看對不對自己胃口。這個自己沒吃到，不能評味道。這個御品蟹皇瑤柱海鮮粥的名字夠霸氣，裡面確實有蝦有蟹，但只帶裝飾功能，未能嚐其鮮，味道太寡。粥的質感不是綿，而是到糊的地步，不算難吃，但也不好吃。天婦羅水準一般，可吃可不吃。鐵板炒雜菜憑舌頭無法定斷它是不是在鐵板上炒，不過是不是也沒差，點這個純粹是照顧不吃生的人，對它沒要求，它也沒做得特別難吃已合格。醬燒雞翼自己沒吃到，鹽燒鯖花魚有腥氣，不過也許是我放涼了才吃，但是這種魚的魚身

今日好想食餐飽死既感覺的一餐 所以揀左放題黎食 因為可以食好多唔同既野 有三文魚刺身 我既至愛 都好鮮甜 叫左雞軟骨呢類燒物 都正正常常 坐位又住坐得幾舒服既 係飲野就要自己拎 都唔錯 食到好飽

每一頭半個月，我地都會食一次放題，貪佢任食，食大大盤魚生，都回本喇。識食一定食早場，一黎平啲，二黎都會新鮮啲，高質啲，星期日食17:30，4個人都合共都唔洗$900，放題黎講算好ok嫁喇，不過平還平，食物質素都好重要。刺生，肯定係主打，要睇放題好定壞，基本上睇魚生就知，對我黎講，首先係要夠闊綽，二就係新鮮。吉壽呢方面做得唔錯嫁，寫幾多，俾幾多，質素亦高，三文魚夠厚，唔似其他地方薄姨姨。除左刺身之外，佢熟食種類多，除咗日式之外，都仲有其他選擇，就例如呢個紅油炒手，香得來帶有麻辣，又估佢唔到壽司都做得好出色，足料得來舊飯細細舊，唔係為咗賺飽你個肚，叫多啲都唔怕燒牛脷、羊架，都係必食嘅，牛脷超淋超香，羊架夠淋亦唔騷仲有好多好好食嘅，值得推介嘅係燒蝦、榴槤炸彈、牛油粟米等等，掛住食嘅我，都影唔到咁多相了，除咗嘢食之外，佢仲有好多嘢飲甜品雪糕，都係任飲任食，連啤酒sake都有，二百令蚊位仲想點，weekdays食嘅話仲有得平少少，讚👍🏼

吉壽放題!!!!!!中學時期的回憶! 好耐冇去, 難得有機會與同學相聚, 當然就選擇大家的共同回憶!, 我們比分派到一張卡位, 位置闊, 落坐位亦舒適. 唯獨同食物的吧枱太遠!!第一輪馬上攞了泡椒雞翼尖. 之後我去飲品櫃拎嘢飲, 選擇非常多, 就像便利店一般! 而另一邊廂朋友們就用點餐, 食物很快就送到 ! sashimi大大碟 , 十分新鮮沒有令到大家失望 . 喜愛吃燒物的朋友點了大量的雞軟骨串, 羊架 , 燒菠蘿, 燒雞翼以及牛舌! 味道亦都一流 !而我就點了我最喜愛的日式牛肉鍋 !分量很足! 最後大家都很滿意! 只可惜大家當日狀態欠佳, 未能夠挑戰多倫的食物. 

其實我係好少會去食buffet 或放題嘅人，一來因爲我老公經常只係喉住炒飯，非常唔抵；二來食物質素多數都比較參差。不過今日食大喜屋確實係好有驚喜 😊刺身新鮮加上魚生厚切，口感一流，只係甜蝦就差少少。個人最鐘意係串燒，雞翼&大蝦非常好食，蝦好爽口，食得出新鮮，係有encore 嘅需要。整體食物味道好唔錯，種類又多，連清酒及雞泡魚乾依類比較少會喺放題食到嘅，都有供應，值得一讚。之後會試下同老公&朋友再嚟食過😉

Weekday 7點食, book咗位唔駛等非常好, 餐廳闊落乾淨。朋友一坐低就叫咗魚生, 上菜速度幾快, 我唔食生野但見賣相唔錯, 一盤魚生份量好足, 朋友話魚生新鮮, 三文魚好食。熟食種類幾多, 唔食魚生都好多其他選擇。串燒好有水準, 串燒牛舌值得一試, 燒鰻魚, 雞翼, 同菠蘿都好食, 唔會凍冰冰似即燒。壽司生同熟都有好多選擇, 推薦鰻魚卷, 鰻魚夠大塊足料。天婦羅一般水準, 勝在唔會太油膩。前菜甜品飲品都係門口位置任拎, 飲品除咗一般汽水, 仲有韓國cream soda, 最正係有好多款枝裝茶可以解膩。甜品既軟雪糕都唔差。

食放題就最開心㗎啦，咩都有得食。今次食到一份好好味的羊架，羊架唔係間間放題都有，而且大部分都唔好食。今次份羊架完全唔會騷， 唧啲檸檬汁上去一齊食，酸酸甜甜的更加好味。

第一次去吉壽，真係俾個場嚇親, 勁大!~仲有得自助拎野食！對眼已經發晒光！放題有咁多嘢飲揀真係超開心！食放題梗係要食刺身！放得勁靚，真係要相機食先。啲刺身浪係個冰上邊，好新鮮又大件，超正！我最鍾意食大蝦，真係好鮮！值得一提既係, 一入去感覺裝備很新，坐位幾乎都是卡位設計!小吃方面，八爪魚，素翅和螺肉都非常好味!雖然放在自助區，但十分夠凍，味道亦新鮮彈牙。白松露油甘魚同黑松露赤蝦真係超好食, 加了松露整體感覺又高級。下次一定會再幫襯!!

平時我都有去過同類型的放題收費各方面呢間比較好,刺身新鮮，寿司精緻夠創新，熟食夠熱,，味道不錯蜜瓜軟雪糕好正呢度D員工服務細心尤其是帶位黑恤衫姐姐好有善 會主動走過嚟問有冇嘢未到 和需唔需要加其他嘢 我會繼續幫襯

話俾大家聽呀，呢間放題真係求其食都番本！先同大家介紹一D黎到首輪必食！最後再講下服務配套環境啦～～絕對絕對是一間值得番兜的餐廳😊相信我呢個習慣都係普羅大眾的習慣吧，不如咁講啦，食放題首叫一大盤刺身是常識吧！但係大家有無試過寫到成張紙花晒既情況底下，黎到只係點餐的一半？然後服務人員仲要一副唔肯俾你食既厭世樣？😂唔係講笑架，小編真係試過唔少【X月🌹、瀛X。。】好啦唔爆咁多啦，總之你繼續睇就係啦～我地4個人，大家都好喜歡是刺身，所以叫既時候幾乎都係4人份量。認真數過，真係一條都無少架，而且擺放整齊。材料新鮮，甜蝦最注重的就是沒有腥味，保持肉質的彈性！帶子色澤光滑，顏色白裡透粉，而且最重要夠凍，食落唔會驚。鍾意食海膽既朋友就一定要叫海膽手卷啦，你可能會話放題食飯？唔錯因為佢哋無刺身😂不過你放心，呢嘆飯你唔會飽架～但係就有4-5粒海膽。至於新鮮唔新鮮真係好睇季節架，至少今次我食就完全無苦味，睇你好唔好彩啦～淨番既我就唔多介紹啦，有大家去發掘，小編認為都唔太多【伏野】既，所有都可以試一下😊最後，呢度既服務態度，收單上菜既速度真係一流，地方寬敞，坐得好舒服，仲好多卡位～然而好野係好多人食架，記得訂位

吉壽係我第一次食放題既餐廳。想當年大學同學re-u，果段岩岩開始興食放題，出面未有咁多日式放題餐廳選擇，所有多數人都會黎旺角食。旺角可以講係放題既始祖☺️咁多年之後，再約大學朋友再黎呢到重回舊地，感覺依舊，回想好多歡樂回憶。點餐紙宜家彩色又有相，好多款式好吸引😍今次兩個人食，食放題就可以樣樣都叫少少，岩哂花心又唔大食既我🤤落左單冇耐，好快就黎刺身有我最愛既甜蝦🦐，大大隻，鮮甜夠爽口三文魚肥瘦適中，連比較貴既象拔蚌都有朋友鍾意食花之戀，叫左4件，我都食左件，都唔錯，上面魚籽夠多，配埋沙律醬三文魚岩岩好，唔會話好膩😋羊鞍燒到岩岩熟，唔um，上面香料帶出羊肉味，淡淡肉🤩芝士焗元貝，淡淡香濃既芝士加元貝，又有口感又香口😋

難得識左多年既朋友約食放題（平時約飲茶多），當然要搵間穩陣唔會中伏既，同學介紹呢間話食物質素高，環境舒適寬闊，又食又傾就最岩。隻蝦夠大隻，煎到好香，蝦肉唔梅，夠新鮮彈牙 。蟹又係好大隻，少辣，友人唔太食到辣，都食到。肉厚鮮甜，唔難mok殼。壽司款式有唔少選擇，飯量唔多，一口一舊，唔會咁易填飽肚。最鐘意最左邊既醬燒帝皇蟹棒，個醬同條蟹棒好夾 。連黑松露都有，配埋赤蝦，好吸引天婦羅炸到好香脆，炸粉唔厚，熱辣辣，必叫之選。

吉壽真係充滿回憶嘅地方，由想當年啱啱流行日式放題到依家，差不多十年時間有多。由預科食到上大學，到依家踏入社會工作，真係懷念。其中都有兩三年冇去，裝修咗之後環境好咗好多，唔會好似以前咁逼。依家企理咗、清潔咗，連食物、飲品選擇都多咗。雖然價錢都比以前差好遠，不過坐得舒服，食物ok 都可以接受！唔知下次再幫襯吉壽會係幾時，不過都希望會有下一次。

昨日與家姐慶祝生日，一行三人食放題。從網上評語看，這間店應屬水準之上。首先必須一提的是，電話預約時對方非常有礼，而且還提醒我們是否慶生，因為有壽星的，全枱可以每人送一杯貴價的M字頭雪糕，感覺細心又貼心（當日有看身份証確認，不需要正日生日，只要是附近日子就可以）沒有漏單，上菜快而準 （要掃清枱面堆積如山的食物，因此而沒有影相）,食物美味，坐位舒適，有足夠位置放手袋更沒有枱貼枱的情況。推介食品有: 炒蟹，非常之正，好好味魚生新鮮，厚切，你點多少就給多少，沒有偷工減料炸榴槤波，榴槤迷絕不能錯過牛舌，厚度剛剛好，有口感 。 我最怕有些店把牛舌切得太薄而令燒好的牛舌變成柴皮。燒鰻魚， 每塊都很大塊啊，味道根平時百元一客的鰻魚飯一樣，我們吃了二十塊拖羅軍艦，燒蟹棒壽司，黑松露赤海蝦壽司，我從來沒想過自己會在放題裡吃這麼多壽司的，因為總覺得吃壽司會很飽肚，但因為實在太正了，所以吃了很多很多最後因為太飽了，甜品只吃了一杯乳酪雪糕及生日贈品名貴雪糕，很多甜品都沒試。完結前，侍應給了一張問卷，我們當然填了，亦給予很高的評語，希望他們能繼續保持高水準