千賀水產 (已結業)

聽朋友講元朗有間千賀水產,又好多野食，除咗刺身壽司，都有不同種類海鮮及燒物,即管黎試一試啦！店舖裝修簡潔,門口都好大，好容易就搵到落單紙整齊擺放很方便order👍太多選擇啦⋯⋯今晚一於食盡去🤣入座後職員安排一個海鮮頭盤比我哋，生猛海蝦🦐活生生真係好鬼新鮮⋯⋯峴肉加上小小七味粉，巳經鮮甜無比👍👍👍食完一輪嘅燒物，係時候食下刺身，果然無失望，螺肉爽口鮮甜，甜蝦都好新鮮。炸物即叫即做，食落口滾熱辣「正」！驚喜有炸榴槤波波好味道😋🌟麵豉湯濃郁好味，真材實料🌟呢個好似便利店嘅雪糕櫃，任食！真心 推介千賀水產放題由頭食到尾，真係好味好抵食。

同朋友定期聚會 正煩惱食乜嘢時候 ，最後又嚟咗千賀水產食飯呀， 乜都有得食就最方便你有你食我有我食，頭round係會送一個海鮮拼盤,， 海蝦，蟶子，大蜆，墨魚， 跟番四個份量送畀我哋， 食完海蝦同蜆同墨魚都可以encore檯面有清酒，海鹽 ，七味粉畀你燒嘅時候用作調味， 新鮮又大件嘅聖子同大蜆見到都已經流曬口水除咗海鮮刺身都係我地必食的， 其實都有好多款不過我自己最鍾意食呢幾樣，三文魚，鮑片，蠑螺同埋甜蝦海膽粥估唔到咁好食又鮮甜又入味， 到最後其實大家都飽飽哋都忍唔住一人食左一大碗網燒牛肉同網燒牛舌都不錯 火候剛剛好，味道一流呢度嘅榴槤炸彈矜貴過海鮮同刺身一人只能食一粒🤭🤭🤭 所以一定要食呀最後食返少少串燒燒菠蘿都可以當係飯後果，燒完嘅菠蘿仲會滲透出甜份出嚟，更甜美最後仲有大量嘅甜品畀大家飯後選擇超正

想食很久，耐何未有機會。昨晚特意到OPENRICE預約，享用9折優惠!中午到步，比想像人多，幸好訂了位，所以即時有位。刺身一流! 新鮮，三文魚係厚切，叫多少來多少，無偷工減料至於磯燒海鮮款式較少，主要有蝦、蜆、青口，如不夠可加錢購買其他款式間中有專人幫手燒海鮮，確保食物熟透。14:45 LAST ORDER，但已吃到飽飽了。

之前經過千賀水産都好多人，今日約佐朋友試下先！來到門口，見到午市磯燒星級放題都系$158人頭，两小時任食，都唔算貴！間餐廳入面都幾闊落幾大，坐得都幾舒服。 坐低一陣，服務員就送上海鮮拼盤：鮮蝦，墨魚仔，花甲，青口和象拔蚌。 見到隻蝦仲識跳， 唔使問一定好新鮮磯燒海鮮有海蝦，扇貝，芝士蠔，魷魚筒 海蜆和青口。 其他還有菠蘿，牛油粟米，牛油香菌，翠玉瓜。熟食方面有雞軟骨，芝士焗扇貝，芝士焗蠔，，，，不能盡錄。自助飲品區有各式各樣氣水，茶，紙包飲品和啤酒。甜品區：有各式各樣甜品仲甜西瓜最後仲有甜蜜蜜糖果一人一包可以自行带走！ 有得食有得玩又有得我走都幾好！

千賀係食磯燒水產同放題，睇落幾吸引，成日行過都想試，今晚就試下先。呢度供應嘅放題限時2小時，任飲任食，可以任飲somersby蘋果酒添。餐廳環境唔錯，為配合磯燒，設置左抽氣嘅設備，食完都唔會一陣油煙味。有自助吧，供應沙律、壽司，涼拌小食，熱盤方面有炸薯角，同埋多款嘅雪糕同甜品，最吸引嘅係有個candy corner，可以俾人夾包小糖果走，小朋友見到真係超級開心。食品方面，有刺身、壽司、天婦羅及燒物等等選擇，種類都幾多。刺身我地order左三文魚、甜蝦、鮑片，非常新鮮。另外壽司就先叫左鰻魚同火炙蒜蓉三文魚壽司黎試下，件件都又大又厚 ，三文魚配蒜蓉原來都幾夾，我地再encore左。天婦羅，炸得好香脆。牛肉豆腐鍋，豬推薦呢個，豆腐好滑，牛肉又多，另外有娃娃菜做底，味道唔錯。芝士忌廉焗帆立貝，熱辣辣，好香忌廉味，帆立貝算大粒，又係再encore左一次。主角出場！每枱都有備有燒烤爐，2-4人共用一個，入座後店員會簡單介紹燒烤方法，磯燒新手就唔怕無從入手啦。海鮮供應分兩類，會先黎一個海鮮拼盤，唔夠嘅話都仲可以再叫，但有d會收費，所以可以望清楚。海鮮上枱時仍然生猛，好正!任食海鮮有大蜆、青口、海蝦等

相信大家都知元朗勁多好嘢食， 今次來到千賀水產， Book左晚上7點，門口職員6:50分左右已經俾我地入去坐低等，吾洗系街外熱辣辣， 呢一點值得一讚我地一行人三大一小， 安排咗一張卡位畀我哋， 四個人啱啱好一坐低吸引到我嘅係个爐 我哋二話不說先去出邊拎咗啲 即食前菜 同凍蝦， 餐單都有好多種類選擇， 而我最欣賞嘅燒物就係網燒牛扒同燒牛舌， 個汁勁嘢味， 真心推介一定要爆食，仲有芝士焗扇貝同焗黃金蠔， 呢兩款一樣冇得輸， 呢度特別嘅係燒菠蘿， 平時出面一般都係細細嚿， 呢度切到成嚿西瓜咁 食法都幾特別，牛油粟米都系必食之選。黎到主打海鮮， 我地叫左聖子， 扇貝，海蝦，同魷魚仔， 樣樣都啖啖肉 ，職員見到我哋忙住食嘢， 都好主動幫我哋放上個爐度燒， 燒燒下仲會幫我哋留意熟成度， 仲好貼心咁提示我地可以食得啦，仲常常幫我地執拾和清理枱面，食到乾淨又放心。黎到一定要試埋炸榴槤波波，咬落去煙煙韌韌，好香榴槤味， 個皮炸得又夠脆 ，個心仲係熱辣辣， 仲要係每人限一粒，十分矜貴。，不過不失，因為我唔食生嘢所以對我黎講就選擇不多 與其他炸物都唔錯， 食得咁上下，叫咗兩款壽司呢度除左任飲汽水， 紙包飲品

千賀水產餐廳裝修簡潔，環境乾淨衛生。枱面雖然不大，但足夠放置烤爐及多款食材，細心之處係佢放置了小型啤酒桶，讓客人將殼、骨及菜汁等棄置。食材紙分門別類，整齊放置架上，部分食材更有建議煮法，非常細心。先來一套海鮮磯燒頭盤，有 蟶子、蜆、青口、貴妃蚌、八爪魚仔和海蝦，全部都很新鮮，特別是海蝦，雖然插在竹簽上，還一直在動！刺身方面，今次揀選了三文魚、甜蝦、希靈魚、鮑片及北海道帶子等，原先對放題提供的刺身不會抱太大期望，然而，今次竟然有意外驚喜，不但沒有預期中的冰雪味，反而食到鮮味，抵讚。燒物方面，點了燒鯖魚、牛舌、牛扒及雞扒等，味道都非常不錯，雞扒更是不能錯過，醬汁野味，肉質鮮嫩。由於滿枱都是食物，部分燒物放涼了，可以放回烤爐上加熱，非常方便。天婦羅非常美味，粉漿不會過厚，全部即叫即炸，如果天婦羅醬汁內的蘿蔔蓉可以多一點就更好。牛扒非常不錯，燒得很香剛剛好，不會太乾身亦不會太韌。燒蠔和燒元貝燒得很好很漂亮，蠔肉和元貝肉都很甜。壽司都做得唔錯，每件壽司嘅份量可以做到一啖一件，唔會食一兩件就好飽，可以試多幾種唔同嘅口味，火炙蒜蓉三文魚壽司係我推薦嘅！ 芝士黃金焗扇貝和千賀焗黃金蠔的水準不俗，芝士味

同朋友喺元朗聚舊，但朋友話食咩都無所謂，所以一早訂左呢間千賀水產食放題，應該總有一款岩朋友心水。千賀水產喺教育路附近，位置都幾易搵。放題任食既選擇唔少，由呢張相就可以見到。第一次落單唔使叫磯燒海鮮，因為餐廳安排比客人先。或者大家都有一個疑問，平時無燒開海鮮又點知佢幾時熟？唔使怕，落單紙上面有教客人點樣燒海鮮，燒幾多分鐘，幾時落清酒，幾時反去另一面等，所以大家可以放心。順帶一提，海蝦係生猛咁上枱。磯燒海鮮另外扇貝係必叫既，放喺爐上面燒，其實係咁叫海鮮都偽回本之選~網燒牛扒，肉質都幾鬆軟。飲品選擇都唔少，而且有坊間較少見既罐裝 Apple cider ，我非常喜歡呢款。壽司我就食左好多三文魚，仲有火灸蒜香三文魚壽司，鰻魚壽司，蟹棒壽司等。刺身有三文魚，鮑片，希靈魚，馬刀貝，玉子等。芝士焗扇貝，扇貝肉質軟腍，配上芝士好襯。我就同朋友係6點-8:45分時段入座，價錢係$268+10% ，而如果你係5點至7點離座，更加平，$178+10%。

今日家長日攞咗假，難得平日放假當然想近近地又唔好太夜同父母一齊食餐飯啦！上網搵吓。。。見到呢到爐端燒放題喎。。。兩老未試過，就上網bk啦！佢分時段。。。5點,7點,9點任食兩個鐘！我地唯有bk七點啦！去到6：50侍應比入坐話都係計七點，真好！坐低快睇快畫。。。我地食咗個幾鐘已經飽哂！爸媽非常滿意，可以自己燒吓又食吓。見到佢兩開心我就開心喇！

放題黎講，千賀水產晚市5至7時段真係抵食，海鮮種類唔算多，海鮮都算幾新鮮。蝦好大隻，食多幾隻都抵返😂不過貝類就細左D，熟左之後縮埋仲細，所以冇再浾食貝類。燒菠蘿好醒胃，蕃薯粒好甜。其它點紙上的食物都幾好食，都算直得一試嘅磯燒放題😁

930後入，第二位半價10點後已經唔fill candy corner同甜品櫃。1030已經吹促埋單，4個大人得人一個爐，一個鐘換兩次gas，唔夠時間燒，洗手間要行一段路，長期濕滑，大住肚真係唔敢去，衞生情況極差，服務態度又差，肯定無下次

自從上次踏足元朗後，便深深地愛上這個地方。一有時間，我便到此找尋美食。尋尋覓覓，一向愛食海產的我，碰上了它~千賀水產。從店鋪外觀看，乾淨企理，內裏整齊，燈光明亮。在門口的職員，態度認真，處理顧客的詢問亦處理得相當恰當，亦能控制場合，不致使場面混亂。這裏真是太多好嘢食!以下是我們所點的食品:1.千賀焗黃金蠔－絕頂美味2. 牛油粟米3.翠肉瓜4.榴槤炸彈-口感好似食緊真榴槤5.芝士焗扇貝－芝士一流6.雞軟骨串7.四季牛肉卷8.紫菜雞肉棒9.蟹皇焗海膽粥－粥底充滿濃厚海鮮味10.一口芝士11.網燒牛扒－牛肉非常鮮嫩12.醬燒雞扒13.鹽燒青魚－好味14.溫室菠蘿－超甜15.芝士農場蛋-嫩滑另外，更有海鮮拼盤刺身，海鮮新鮮，爽口。至於燒烤，店鋪提供了珍珠半殼扇貝，海蝦，象拔蚌，蟶子，貴妃蚌，鮑魚，店員多次悉心地幫我們處理燒烤，提醒我們生熟的狀況。有一點，好重要，不得不讚店內的職員，她工作勤快，對顧客細心，有禮貌，常幫我們執拾和清理枱面，真是令我們食得開心又放心。

餐廳寬闊，座位舒適，而且抽風設備十足，慣常一坐下來就地四處走走看看有什麼即食、果然大發現多款飲品，蝦片、麻辣炒花螺、甜品小食沙律等，飲品極為豐富，汽水以及韓式啤酒和烏龍茶等，一應俱全👍🏻。首先送來的是一份海鮮拼盤鮮帶子、新鮮活蝦、貴妃旁、聖子、活大蜆各式海鮮肥美香甜，特別是新鮮活蝦，你可以看到手腳不停擺動的新鮮感😄，有善的店員更不停替我們烤各種海鮮。多款新鮮刺身拼盤三文魚、甜蝦、希靈魚、鮑魚片、榮螺片...當中最愛的三文魚，魚香柔嫩，色澤鮮豔，入口即溶；鮑魚片味道較濃，我的朋友未吃完已經加單😂。榮螺片爽口彈牙👍🏻。燒物方面：菠蘿、雞軟骨、肥牛卷、芝士焗生蠔。放在火爐上的菠蘿，在烤製時候，菠蘿的香味四溢，真的難以抗拒，而且味道更清甜，確係值得推介😋。呢個時候當然唔少得一罐韓國冰凍烏龍茶榴槤炸彈炸到飛起，榴槤獨有的濃郁香氣，遠處聞到都已經流口水🤤，內有新鮮榴槤果肉，冇得輸。😘最後當然唔少得我的最愛（雪糕）多款口味有排試！餐廳特別之處好，更有戲在後頭！範選擇自助套餐顧客，都可親自包裝一套精美糖果🍬，的確是又食又拎！ 😋😋吃得新穎過癮！

今日黎到元朗搵食，眼花繚亂，竟然俾我搵到好野！仲可以一次滿足我三個願望—放題！磯燒！烤肉！甜品！價格好抵！百幾二百就有多重享受！雖然係計時兩小時，但服務效率高，上菜又快，並無急趕既感覺！室內裝潢新，又夠時尚和乾淨！一座高高既點心紙，食物種類勁多！俾多兩個胃先試得完！刺身新鮮，仲有冰底，保證冷凍狀態！磯燒海鮮都好正！大大盆海鮮夠派頭！d蝦仲腳仔郁郁。放上烤爐時有d於心不忍。熟食質素都唔錯！最服明太子燒貝貝，encore 左幾次！飲品和甜品呢d相只係一部份，仲有更多無影！甜品多到食到飽！食放題可以又食又拎真係第一次！當然要夾一包俾阿女啦！

嗯，聽人講雋太變咗千賀水產之後差咗好多，咁未試過，都試吓啦。兩小時放題，7:00入座，7:20先放齊送的海鮮頭盤，8:15會提你last order，8:30會截單兼埋單，睇一睇時間，即係得一個鐘多啲啲。🕖餐廳又會自行代你決定出食物嘅時間。你一大枱人，想分兩張單上食物方便啲咩？佢會知會你師傅出單好快，唔洗入，然後自動hold住一張單，等到8:30就問你係咪仲要食物，然後一次過上哂俾你。可能餐廳以為佢了解你個胃多過你自己。🤣🤣🤣8:30後，服務質素會突變，唔換垃圾桶、上泡飯唔俾碗、不停掃視枱上食物、黑面、短髮女經理(?!)更會用對講機講不禮貌的說話(好可惜俾我哋聽到)、雖然到最後只剩咗兩舊又凍又油嘅年糕，果位女仕夾硬都要話你叫你唔好浪費。小學雞🐥🐥🐥其實餐廳有冇考慮過唔好hold單hold到交枱前30分鐘先上食物呢？另外，眼見得6、7成入座率，但冷氣就非常唔夠，個人坐低咗就冇涼過。至於食物就......出面嘅放題都係咁上下質素囉.....但人哋二百中就得。而熟食、飲品、甜品就更加不堪入目......🤦🏻‍♀️好難得放題但影唔到食物相......中過一次伏，希望大家唔好都中招。*靜靜雞講多句