千賀水產 (已結業)

嗯，聽人講雋太變咗千賀水產之後差咗好多，咁未試過，都試吓啦。兩小時放題，7:00入座，7:20先放齊送的海鮮頭盤，8:15會提你last order，8:30會截單兼埋單，睇一睇時間，即係得一個鐘多啲啲。🕖餐廳又會自行代你決定出食物嘅時間。你一大枱人，想分兩張單上食物方便啲咩？佢會知會你師傅出單好快，唔洗入，然後自動hold住一張單，等到8:30就問你係咪仲要食物，然後一次過上哂俾你。可能餐廳以為佢了解你個胃多過你自己。🤣🤣🤣8:30後，服務質素會突變，唔換垃圾桶、上泡飯唔俾碗、不停掃視枱上食物、黑面、短髮女經理(?!)更會用對講機講不禮貌的說話(好可惜俾我哋聽到)、雖然到最後只剩咗兩舊又凍又油嘅年糕，果位女仕夾硬都要話你叫你唔好浪費。小學雞🐥🐥🐥其實餐廳有冇考慮過唔好hold單hold到交枱前30分鐘先上食物呢？另外，眼見得6、7成入座率，但冷氣就非常唔夠，個人坐低咗就冇涼過。至於食物就......出面嘅放題都係咁上下質素囉.....但人哋二百中就得。而熟食、飲品、甜品就更加不堪入目......🤦🏻‍♀️好難得放題但影唔到食物相......中過一次伏，希望大家唔好都中招。*靜靜雞講多句