千賀水產 (已結業)

由於見到網上食評不俗，於是上網book左呢間磯燒海鮮放題試試～為沉悶星期三添添色彩我地兩個人book左7:45！係門口已經排曬長龍，好彩有book位！如果唔係有排等！一入去侍應就上左一盤海鮮先，講解一下點燒。隻蝦好新鮮，上黎個時重係郁緊！擺盤都有花心思。落單紙約有13-14張，選擇非常多！刺身好新鮮，擺盤都幾靚！甜蝦新鮮鮮甜，加單左幾次！令次都上齊數量。壽司就叫左四款試吓先！三文魚腩壽司必點！好肥美！每件壽司飯量適中，唔會太大件出面重有個沙拉吧！同一d熟食！我就攞咗啲麻辣東風螺試吓！唔算勁辣！都幾野味！野飲大約10幾款！重點係有1664啤酒同蘋果酒！🤩燒海鮮要經常反下，有支燒酒可以加落d蜆，鮑魚，青口，提升鮮味又去腥味唔建議加太多鹽，因為會搶走海鮮鮮味什至令海鮮變得苦澀！熟食野主要叫重點鍾意食既野！以下呢幾款係必食！雞軟骨燒到好脆卜卜！芝士焗生蠔同扇貝都好好味！呢幾款係重複落左單3次！最後再點了海鮮，加上磯燒蔬菜，燒菇＆粟米, 全部放左係個細細兜內，入面已經加左鹽同牛油！自己無須再調味，好方便。上網睇好多人都會最後叫一鍋蟹黃海膽粥！海膽雖然唔算好多，但都好鮮甜美味！最後緊係要食埋甜品先

香港食日式放題既餐廳唔少，而要有磯燒既日式放題就唔多，而且仲要喺元朗區，真係難得！ 餐廳坐位多，由2個人到十人以上既位都有提供，一家大細，家族食飯都無問題，而且令檯都有磯燒爐，唔駛驚因為等爐浪費左時間！要特別讚係餐廳既通風做得真係幾好，唔會太大煙同焗，真係值得一讚！餐廳除左主打磯燒外，其實仲有好多其他食品選擇！刺身壽司呢d例牌菜就一定唔少得，而磯燒主食原來都係任叫！ 除左order食物之外，仲有前菜，沙律，小食以自助形式磯燒海鮮賣相吸引之餘，仲非常新鮮，隻蝦仲係不停咁郁！除左海蝦新鮮之外，花甲，帶子都非常甜美！加上一點焦香味，令人食指大動！任飲任食喺放題嚟講已經係基本野，不過呢度好有誠意，連Hoegaarden都有得任飲！用嚟送刺身同磯燒食物就最好不過！日式放題又點少得壽司同刺身，壽司選擇多，質素也不錯，鰻魚，左口魚，帶子，三文魚都係出色，而且都幾鮮甜，加上somersby apple cider又任飲，用嚟送壽司嚟食非常配合！除左刺身壽司好食外，其他料理同串燒都唔錯，估唔到連印度薄餅都有，真係超多選擇！蔬菜料理都做得唔錯，份量比其他食物多，我覺得芝士味濃郁既焗茄子同西蘭花都係我心水之

一直都想來湊熱鬧試試元朗的千賀水產，終於有機會來試，還特意早一日book定位就可以準時入座～～一坐低，如數家珍的點菜紙，除了主打磯燒海鮮外，放題的刺身，燒物，料理等應有盡有，可想而知一個價錢雙重美食享受！第一Round不用太快Order 磯燒海鮮，因為店員好快就會端上新鮮海鮮盤，鮮蝦上枱仲識得郁～～我地二話不說已經把海鮮放在爐端燒著等食，然後快速下單其他食物～～估不到才剛下單，不消一會兒店員已經火拼端上食物⋯⋯真的要讚下這裏的服務效率，店員下單快而準！剌身及壽司新鮮，味道都不錯～～當然少不了燒蔬菜，推薦牛油金針菇及燒菠蘿！燒菠蘿又甜又多汁，必試！另外我們還Order 燒牛扒，牛舌及台灣辣腸，味道不過不失，略嫌牛舌燒得過韌～～芝士焗蠔及芝士焗扇貝，芝士控的我當然要試試～～仲有炸紫芋，外脆內軟，十分香口！蟹皇海膽粥，將它放在爐端燒上15 分鐘左右，就可以試到熱騰騰的海膽粥，每嚐一口都聞到濃郁的蟹膏味～～ 十分滋味！仲有任飲的Apple cider 😍仲有自助雪糕櫃任君選擇⋯⋯一個價錢居然可以滿足燒海鮮及任食放題，簡直物超所值，下次一定會再來！

海鮮很新鮮，尢其是蝦和蜆；刺身中的甜蝦，鮑魚片，螺片也鮮甜。其他少吃如雞翼，牛肉卷等就不過不失。食品可選Rose beer, 燒烤配啤酒就最適合。不可不提是員工很有禮貌，還教我們怎樣燒魷魚。再加上不少雪糕、甜品的選擇，我覺得好低食。

父親節就到，提早勁多同爸爸食佢最愛既日本野。 一去到門口任飲啤酒已令佢大歡喜，加上門面勁日本風，爸爸好滿意，作為女兒感到大滿足。一入到去，店員勁有禮貌講解磯燒海鮮要留意既野，好細心 ，仲表示有時間可以幫我地眼睇下熟未，成晚唔小次佢地仲出埋手，有禮貌又好人。店員真心幫呢間店拎左唔小分。 一到既海鮮，好新鮮，隻蝦仲努力跑緊 ，爸爸話見到佢仲郁好殘忍，叫我快手燒左佢，心諗你仲殘忍啦。 不過新鮮有新鮮既好，蝦好有彈性，肉勁鮮甜，對第一次食磯燒既我黎講，好好。 勁多飲品選擇，老豆勁開心，對好鍾意飲酒既佢黎講，呢度重點絕對係環球品牌任飲，德國黑啤，佢都encore左幾次。好多種類選擇，仲有清酒準備俾我地燒海鮮，有埋教學燒幾多分鐘，要點煮，對鍾意整野食既我黎講，係好貼心。全晚大愛蒜容三文魚，真心未食過呢個配搭，對我黎講相當新奇。唔小心叫左幾次，呢種味我幾鍾意。肉醬茄子勁cheese 我同爸爸大愛呢個鐵板料理，我地食到勁乾淨。對芝士控黎講又遇到左一生至愛。海膽蟹粥最後叫，潮洲煮法，個粥好鮮味 ，無咩蟹肉但味道好濃，同爸又清左，我地都真係唔做大「晒」鬼。牛扒得到爸爸歡心，煎得嫩滑，真心熟食都好唔錯。埋單

老朋友剛剛生完BB，今日專程去元朗玩BB，行過屋苑附近見到千賀水產，門面簡潔，入面已經坐了很多客人，見時間尚早，就決定在這裡食個午餐先去搵朋友。見到隔離枱食緊磯燒海鮮好正，諗都唔諗我就決定叫午市磯燒星級放題3.5小時任飲任食，可以由12點食到3點半，時間充裕。餐廳員工也很好，我們兩個人食放題也給了我們一張4人枱，令我們坐得非常舒適。而且雖然枱枱人客都食磯燒，但抽氣好好，環境絶對唔會焗促。午市磯燒星級放題3.5小時任飲任食非常多元化，啱晒我鐘意試晒不同口味的人。其中的餐點紙、自助飲品及自助小食。坐下無幾耐，店員就先送上磯燒海鮮拼盤，海鮮非常新鮮，隻蝦送到時仍然彈彈跳，食落爽口彈牙；貴妃蚌好大隻，而且洗得好乾淨，食落鮮甜爽口；大蜆、聖子、青口，同樣洗得好乾淨，入面無沙，食落同樣鮮甜美味；蠔肉隻隻賬卜卜，美味。這盤拼盤實在太好食，所以Encore了好幾次。燒得七七八八後，我們還選了蟹皇海膽粥放在磁燒爐上煮，煮過的粥配上磯燒好的食物食，正。刺身同樣新鮮美味，尤其三文魚肥美厚切，甜蝦新鮮爽滑，馬刀貝貝味濃爽口彈牙。千賀焗黃金蠔及芝士焗扇貝，燒後的蠔及扇貝可以拉絲，燒得沒有過火仍是非常Juicy；

本身一尼到 見啲海鮮都幾新鮮 感覺不錯 可惜食落啲蠔不太新鮮 唯一系蝦幾好食。再者 我哋一行十一個人 八大三小 得兩個爐 以致燒嘢嘅速度十分慢夠鐘之前30分鐘 侍應已經不停催促我哋埋單 同埋店內冇洗手間 要行出去出面車房隔離嘅廁所 衛生情況亦都比較惡劣 相當唔方便。整體尼講一般 應該冇下次

一般日式放題係元朗周圍都有，但有磯燒嘅真係唔多見， 呢間千賀水產就係其中一間啦。呢到都係放題形式， 一入去右邊係熟食同甜品區， 再行入去就係飲品櫃， 野飲都好齊全， 除左汽水，茶，果汁類， 仲有apples sider 添。 除左咁， 仲有hoegaarden draft 可以俾你自斟自飲。一坐低就會送個磯燒盤俾你，入面有蝦，蟹，聖子，蚌同鮑魚。 啲蝦， 蜆個啲之後都可以任叫，但如果想食鮑魚， 象拔蚌個啲就要加錢叫啦。 呢個蟹皇海膽粥，放上去個爐到煮10分鐘左右就食得， 清清甜甜， 用黎暖下胃都幾好， 海膽量都唔少架。另外叫左幾款燒野：牛扒，牛舌同台灣腸， 其中個網燒牛扒唔錯， 好似食緊bbq 個啲牛扒咁， 但唔韌。放題點少得刺身呢， 呢到款式唔算多，但都好新鮮同鮮甜 (有希靈魚呀)， 不過啲刺身一上枱就好快啲食， 因為有個爐係附近， 佢刺身底個啲冰溶得好快再 encore 海鮮。 總括黎講呢到都幾低食， 食幾轉海鮮都回到下本， 加上佢呢到嘅料理都唔錯， 係叫做有得玩(自己燒) 同有得食嘅情況下， 同又有得食下海鮮， 呢到真係幾抵食。

中午晚飯時間經過也有時看見這家店有人龍，挺有人氣，也吸引我跟屋企人來試試～周末下午他們有一個hkd168任飲任食的優惠，我們就選了這個時間。填填下紙仔時店員送上這個海鮮拼盤，驚喜！原來夠人數他們就會送海鮮拼盤，海蝦在眼前掙扎，是很新鮮的… 還有很大的貴妃蚌、蟶子、海蜆、八爪魚等等。他們很貼心的在紙上寫上要燒的時間，以防大家燒得太熟令海鮮的肉變硬。3個人share一個爐，都可以放到好多食物上爐刺身我們點了兩round，上菜速度快，而且新鮮！除了海鮮還有很多其他選擇，當然海鮮是主打，所以其他的也沒有點太多。門口位置有自助沙律、自助熟食、雪糕（阿波羅為主）、甜品，真係多野到食唔哂…飲品有hoegaarden rosee自己斟，這個也算是餐廳的亮點！總結係用餐經驗開心既，上菜上得快，海鮮新鮮，周末中午時間黎食都可以享受美食同時不用太趕～

放工帶老公入元朗食燒海鮮，地點非常方便，系元朗大堂站行十分鐘就到達，好容易搵，平日未到7⃣️點已經好多人排隊，嘩，好彩book左座，6:00-8:45每位大人$268，放心有足夠時間燒，野飲種類好多款，仲有韓國飲料及韓國啤酒，第一輪不用落磯🔥海鮮，餐廳已經預先為客人準備好海鮮拼盤。桌上旁邊有清酒同埋七味粉、海鹽可以讓客人自己調味，有得食有得玩，正，海鮮拼盤新鮮，有2⃣️隻鮑魚，貴妃旁，蟹，蟶子，🦐，魷魚！其實不加任何調味，吃它原汁原味仲好味，最重要系海鮮夠新鮮及冇沙！花甲可以值得試，清甜冇沙而且肉質彈牙！出面有前菜如粟米、螺肉、中華沙律、八爪魚、沙律菜、蟹子等、刺身有十一款，特別馬刀貝，好鮮味，正，其他都好味，熟食也好多款，燒蔬菜，翠玉瓜、曰式小甜薯，炸物炸得金黃香脆，有個榴槤炸彈，炸得香脆淡淡榴槤香，榴槤控值得一試，而且串燒類別都好出色，個雞軟骨好好食，火焰壽司，火焰三文魚蒜蓉壽司好特別及好好味，千賀焗黃金蠔及扇貝，水準正，芝士加酸甜沙律醬好開胃，燒菠蘿好多汁非常甜，一定試下，其他熟悉平均水準一流。甜品框甜品也有五，六款，焦糖布丁好滑，還有啫喱、布丁、西爪、木糠布丁、菠蘿等，另外一個櫃仲有十

裸辭後，之前想做的事情都可以慢慢這2個月一件件完成。由辭職到現在都過了三個多星期了，每天都有不同的活動，現在放假的時間反而比上班時更不夠用。其中，我每天都會和家人到不同餐廳午膳，希望每天都會有新鮮感。今天就到了千賀水產一試午市磯燒海鮮放題，順便為炎夏洗去一點熱氣。我們一入餐廳已被陣陣冷氣所吸引，感覺十分良好。可能我們已過了午市最旺的時間，所以店內的客人不算太多，店員很快便為我們安排好位置。首先近門口的位置便有各式各樣的沙律配料，客人可以自由組合屬於自己的沙律。妹妹比我更聰明，她先點一個麻醬烏冬，然後再到沙律吧加點配料，那烏冬馬上生色不少。不過，如果配料可以像雪糕般放進凍櫃裡就更好，配料就會再凍一點，那就完美。但凡食磯燒放題的客人，店員都會先送上一個海鮮拼盤，裡頭已有5款海鮮。如客人食過翻尋味的話，亦可以在點菜紙上加點。如果想再試一下其他類別的海鮮，亦可以另外加點付費的海鮮。但我們都認為5款已經足夠，就沒有多點。扇貝和蜆清甜沒有沙，不錯。小八爪魚也很嫩，但青口就被我們燒得太乾，燒得過火了。刺身部分很好，我們沒有一次過點太多食物，反而是每次都先點少量來試一下，如果味道合格才會再encore

團購晚市放題138一位, 表面好似好抵, 但晚市要即場另加108, 計落即係246一位, 相較提早一日訂有88折, 只係便宜了十幾蚊而已. 仲要限定時間630  / 830入座,  如果選八點半, 對比九點入座(第二位半價), 更加無著數.夏日食炭燒, 直情係受罪, 店內的冷氣唔夠, 所以得又焗又熱.海鮮拚盤中, 貴妃蚌, 海蝦, 八爪魚仔, 鮑魚都新鮮,  隻蟹就霉的 (一早切好的雪藏貨).追加的燒海鮮, 海蝦, 青口都係新鮮好食的.放題中, 年糕福袋好食.刺身係大路野, 八爪, 甜蝦, 馬刀貝 好食,   但三文魚細件又唔肥美壽司係外賣店10蚊三件的貨仔烤雞軟骨太乾身, 冬菇/南瓜天婦羅正正常常.出去拎的沙律, 熱食盤, 應該係頭輪食剩的, 望到都夾唔落 (基本無人去夾).甜品還可以, 揀了焦糖同芒果布甸,飲品選擇唔多, 連最基本的可樂都沒有任食兩小時, 但我們食了一小時己經揀唔到有什麼想再食, 最後10點未到埋單走人.

之前係呢間鋪頭食過一次，覺得啲海鮮很新鮮，所以今次帶埋朋友一齊過嚟再擦過。一入到黎，店員第一時間拎啲貴夾唔飽嘅海鮮俾我哋燒下過下手癮先，有大海蝦，貴妃螃，鮑魚等。擺晒係個網度一起燒，海鮮上的鹽水一路蒸發，一路聽到「支支」聲，見住啲鮑魚表面漸漸收乾水及飽滿，拎出嚟唔貼殻咁就已經是熟了，吃落口非常鮮甜，啖啖肉很肥美。貴妃螃，約燒8分鐘左右可以吃得，擘大口一啖都食唔晒，因為太巨大了，很鮮味，加少少蒜蓉一起吃更正。食到飽飽地，叫咗個蟹粥嚟食，我將蟹粥連煲放在網上燒，再加埋海蝦，三文魚生一起煲黎吃，簡直人間極品，從未食過咁鮮甜的粥，而且肯定營養豐富，如未試過咁食，一定要試吓，因平時喺屋企很難做得到這種食法。

今日諗住接朋友收工一齊食飯，點知好多人等車變左佢等我。朋友帶我去食放題，第一次食有磯燒的放題。坐下來沒多久，來了一set海鮮磯燒頭盤，有龍蝦、鮑魚、貴妃蚌、象拔蚌和海蝦。全部都很新鮮，特別是海蝦，雖然插在竹簽上，還一直在動！燒龍蝦，蝦尾啖啖肉，龍蝦膏很鮮味。三文魚、甜蝦、馬刀貝刺身，馬刀貝很鮮甜爽口。壽司有針魚、左口魚、帆立貝、三文魚、蟹棒、鰻魚。芝士肉醬焗茄子，超級多芝士，茄子肉質軟稔。日式蟹棒、海老、南瓜天婦羅，口感香酥鬆脆。雞軟骨串，炸得香脆有嚼勁網燒牛扒四季牛肉卷，第一次食這個配搭，通常都是金菇牛肉卷，感覺挺不錯。日式紫芋丸，炸得好香口！芋頭餡好軟滑。

餐廳佈局簡潔，環境乾淨衛生。枱面不大但足夠放置烤爐及多款食材，細心之處，放置了小型啤酒桶，讓客人將殼、骨及菜汁等棄置。食材紙分門別類，整齊放置架上，部分食材更有建議煮法，非常細心還在揀選食材，服務員已將一盤海鮮放在枱上。新鮮程度，可從當中還在躍動的海蝦看得出來。除了大蝦，還有蟶子、原隻魷魚筒、大蜆等都異常鮮美。刺身方面，今次揀選了三文魚、甜蝦、希靈魚、鮑片及北海道帶子等，原先對放題提供的刺身不會抱太大期望，然而，今次竟然有意外驚喜，不但沒有預期中的冰雪味，反而食到鮮味。抵讚。燒物方面，點了燒鯖魚、牛舌、牛扒及雞扒等，味道真的不錯，雞扒更是不能錯過。由於滿枱都是食物，部分燒物放涼了，記得放回烤爐上加熱哦。 最後點了蟹粥，服務員細心提示必須加熱至沸騰。記得邊煮邊攪拌，把雞蛋發均。蟹粥非常甜美，雖然已經飽了，還是吃了三碗。臨走，當然要去自助區揀返 o 的甜品啦。